العيلة

الحلقه الثامنه

حنان(مرت عمهم):هي هي خشو دوشو واطلعو
اية:اني اول وحدة بنخش
{ اية }
(دوشت وصليت وقعمز نفكر في الي قاله ياسين
معقوله طلع يحبني اااه ياقلبي اكيد حنوافق
لالا شن نقول اني مناسباش بكل يلقى احسن مني اكيد اوووووووف شن التخاريف هادي خلي انوض خيرلي طلعت)
~
~
~
خوله:اية تعالي نديرو سلاطة مشويه

اية:هي

مشو قعدو يديرو
~
~
محمد:خير ياراجل شن الاخبار
..:تمام شن حالك انت
محمد:اهو حال الدنيا
..:شني مني مافيش جديد؟
محمد:لالا علي حطت ايدك ياطير
..:ميه ميه
ياسين:شن ياحمار تهدرز مع روح....اووووو جوجو شن جوك وشن امورك
جواد:ههههه 😂قاعد علي برادتك والله اموري طيبه وانت👍
ياسين:عال العال
محمد:تفضل تفضل
جواد:لالا جاي نبيك في خدمه😊
ياسين:عارفه هالكلب يجينا الا في المصالح واني نقول مش بلاش جيته😏
جواد:لالا والله محتاجكم
محمد:به نهدرزو داخل
جواد:لالا حتى اهني
محمد:عليا الايمين لما تخش
جواد:الله المستعان امري لله هي😒
~
~
~
ميرا:ااااااااه يارجلي😭😭
اسماء(امها):خيرك يابنتي شن فيها رجلك قعدت تمسلها فيها
ميرا:اااااا شكلي انشليت😳
اسماء:بعيد السو عليك تحركي من مكانك
ميرا:اااه ياماما
ناضت اسماء جابتلها فيكس(مرهم تدليك) وقعدت تدهن في رجل ميرا
رزان:خيرك تبكي العفو
ميرا:😓😓
اسماء:رجلها توجع في توا دهنتها ليها توا خليها ترتاح
ميرا:شن نرتاح واني رجلي مرات نموت وانتو تشو
اسماء:مش عارفه شن ندير مع هالمنجوهة ارقدي ارتاحي
ميرا:ههههههه هي عميمه
~
~
جواد:والله شن بنقوللكم😔
محمد وياسين:قول؟؟😕
جواد:اني بنسافر
ياسين:حاجه والله بكلاوة خلعتني
جواد:مش قصدي هكي
محمد:كيف
جواد:الموضوع وما فيه اني بنسافر لي علاج
محمد:علاج شني😧
جواد:تتفكر لما اتصاوبت جتني الاصابه في كتفي طلعوها وقالي الدكتور مكانها تورم لازم ادير علاج  خارج البلاد لانه مضمون اكثر فقلت نمشي وندير علاج
ياسين:ربي يكون معاك مستحق حاجه ميحشمك شي ايواه😔😖
جواد:تسلم ياغالي بس نبي منكم خدمه بسيطه
محمد:تفضل
جواد:امي وخوي في امانتكم زي ماتعرفو امي وحيدة امها وبوها وبوي كذالك وتعرفو ان بوي الله يرحمه ف معندنا حد غير ربي وانتو اكتر وحدين نعزكم ونوثق فيكم الدنيا فيها حياة او موت
محمد:احني معاك للموت وشن الكلام الي تقول في هذا تحرك من مكانك
ياسين:خزي عليك امك امنا وخوك خونا تي وراس امي لما نحطوهم في عيونا
جواد:تي والله انكم تريس بارك الله فيكم به تفضلو💵
محمد:شن هادم
جواد:فلوس شن يعني
ياسين:مصح وجهك
محمد:ورحمت بوي ياجواد لو متردهمش في جيبك لا عاد صاحبي ولا نعرفك وتنساني
جواد:سبحان الله علاش الكلام هذا توا بالله
محمد:وين بطير
جواد:مصر انشاء الله
ياسين:باهي امالا ربي معاك وطمنا عليك وامتى بتمشي
جواد:غدوا الفجر
محمد:هات رقم خوك ومتنساش تعطيه رقمي ولا رقم ياسين
جواد:تم تم هاك سجل *******092
محمد:ميه ميه اسمه انس ولا
جواد:ايه ومواليد 2003
محمد:ههه تم😂👍
جواد:هي وجهكم
ياسين:............
محمد:...........
يتبع....

_______________

عيون متعبة😞
ونفسية محطمة💔
لا ادري ماذا يحدث لي؟
ولاكن كل ماأعرفه
انني ميت على قيد الحياة😢

______________

هذا الي قدرت نكتبه سادكم كتبت هلبا😂
المهم انشاء الله تعجبكم ومتنسوش تعطوني رايكم❤️👍