24،الاخيرة
مُحسن:ايهم ليه الشركة الي في مصر مع قطعة ارض مساحتها هكتار ونص وفيلا في ****
محمد ليه الشركة الي في تونس وقعة ارض مساحتها هكتار ونص وشقة في ****والمحل متاعكم
ومراد ليه الشركة الي في ايطاليا مع قطعة ارض مساحتها هكتار ونص وفيلا في *****
والبنات ليهم الشركة الي في تركيا مع قطعة ارض لكل وحدة مساحتها هكتار وفيلا فيلا لكل وحدة فيكم
وامكم ليها الحوش وقطعة ارض زوز هكتار مع فيلا والفلوس الي في البنك كلهم كان بأسم الاستاذة مريم بس الاحقية ليك توا
اما العمام ليهم الشركة الي في ليبيا مع قطعة ارض لكل شخص مساحتها 400 متر
ولي عبدالسلام فيلا في ****
وهذا كل شي
الكل:بارك الله فيك
مُحسن:وفيكم بارك الله ومد لكل شخص اوراقه وهي عن اذنكم
فتحي:مزال الوقت وين
مُحسن:والله عندي شغل
علي:كيف بنخلوك ترجع لي ايطاليا
مُحسن:لالا عندي شغل في ليبيا وبنبات في فندق وبكرا الصبح راجع لي ايطاليا
عماد:تمام في امان الله
مراد:استنى ياعمي ماشي معاك
اسماء:مراد
مراد:نعم ياخالتي
اسماء:اقعد بنحكي معاك
مُحسن:هي السلام عليكم اني ماشي توا
وطلعو يودعو فيه وقعد اية وايان واميرة وايهم ومحمد ومراد واسماء
مراد:تفضلي ياخالتي
اسماء:اقعد عيش اهني ياولدي اريحلك بين عيلتك
مراد:والله شن بنقولك
اسماء:هادي وصية المرحومة امك وعدتها انك متطلعش من حوشي لين تتزوج وتخش حوشك
مراد:مرات نضايقكم
ايهم:عادي مدور شي انت منا وفينا
مراد:تمام خلي نرجع غدوا نجيب بضاعتي ونسلم الحوش لاهله
اسماء:تمام في امان الله ياولدي
مراد:الله يخليك
وروحو مراد جاب بضاعته وسلم الحوش لاهله وجي لي ليبيا
بعد مرور شهرين اية حملت وكملت قرايتها و نهى وخولة انخطو
مراد كان ماشي في الجنان خبطت في روان:هي ديري عيون قبل ماتمشي شعب ميشوفش
روان:مصح وجهك انت الي دير عيون وتحشم ياسخيف
مراد تلفت وسرح فيها وسكت
روان:زيد غادي عليا عديم ذوق
مراد:خلينا الذوق ليك ياحوله
روان مشت وهيا تغلي علي نار
مراد:حالة بشر
مقعمزين ايان ومراد واية ومحمد وايهم واميرة
اسماء:امتى بتفرحوني بيكم يا ايهم ومواد
ايهم:مزاااال
اسماء:في عينك نبي حفيد
ايهم:اهو مراد تو يجيبلك😂
اسماء:شني يامراد
مراد:مش حنتحشم في بنت حاط عيني عليها ونبيك تخطبيهالي😂
اسماء:ومن هيا سعيدة الحظ
مراد:روان بنت عمي
اسماء:خلاص غدوا امشي لي عمك واطلبها واني نستشير امها
اية:احلى خبر هذا
مر اسبوع وروان وافقت وحددو العرس بعد شهر
مرو اسبوعين
مراد:حقا اية
اية نعم
مراد:هاكي هادي وصية من بوي بعتهالك عمي مُحسن
اية خدتها:من بوي غريب فتحتها
{ اية بنتي لما تقري هاذي الرسالة تكوني تزوجتي ربي يهنيك ويسعدك وانشاءالله الي خداك ولد حلال بس المهم اني عارف انه حناك متحبكش وكذا بس نبيك تمشي تستسمحي منها وتبوسي علي راسها هيا وعمتك مهما كان الامر وخلي الي يرفعك خوك مراد مش يسلم عليها حتى هوا
والدك عبدالله }
اية مسحت دموعها:نوض بنمشو
مراد:وين وعرسي الاسبوع هذا
اية:غير نووض
مراد:به هي
طلعو مشو لي حوش جدتها حليمة
اية:وقف وصلنا
مراد:وين احني
اية:حوش حناي حليمة ام بابا وحكتله كل شي وشن مكتوب في الوصية
مراد:انزلي هي
نزلو وخشو اول ماخشت جتها ابتسام حضنتها بالقوية وقعدت تبوس فيها ومع العلم ابتسام تعافت
ابتسام:سامحيني يابنيت خوي سامحيني
اية:مسامحاتك ياعمتي الله يسامحك بس وحضنو بعض
بعدت ابتسام وسلمت علي مراد
وجت اية لي حناها وطول حناها حضنتها وقعدو يبكو وتأسفتلها
وقعمزو يهدرزو
ابتسام:كبرتي وتزوجتي عرفتي تختاري راجل😂
حليمة:ربي يحفظكم من العين طالعين علي بعض
اية:ههههه لا تقصدو علي مراد مش راجلي
ابتسام:مالا شكون
اية:خوي
حليمة:خوووك؟!
اية:اي حفيدك وحكتلهم كل شي
مر الوقت وروحو
~~~~~~~~~~~~~~~~~~~~~~~~
تزوجو روان ومراد وجابو ولد وبن
ومرو السنين وايان تزوجت فراس وجابو ولد
واميرة تزوجت شخص مش من العيلة وهيا حامل توا
ايهم تزوج ومرته جابت توم بنات
محمد تزوج ياسمين حامل
عبد المالك تزوج رزان
ورائف تزوج وعنده زوز ولاد
وعبسي تزوج وعنده زوز بنات وولد
وفراس تزوج رزان وحامل توا
وهند تزوجت وجابت ولد وبنت
اما اية ف جابت توأم ولد وبنت سمتهم امير وارين وعندها بنت تانية سمتها اريام❤️
هادي النهاية بين العيلة صارت احداث هلبا والحمدلله شاء القدر وكل زوز اجتمعو تحت سقف واحد💗✨
~~~~~~~~~~~~~~~~~~~~~~,
النهــايـــة الى اللقاء💛✋🏻
نتمنى عجبتكم الرواية واعطوني رايكم
واستنوني في رواية جديدة مختلفة علي هادي تماماً هي في امان الله♥️
أنت تقرأ
العيلة
Diversosروايه تحكي علي حوش الجد او بالاحرى على العمام باللهجة الليبيه( الطرابلسيه ) 👌👍
