العيلة

الحلقة الواحدة والعشرون

اية:امتى الطيارة غدوا بالزبط

ياسين:الظهرية

اية:كويس

ياسين:حبيبتي

اية:نعم

ياسين:خيرك مش علي بعضك

اية:ولا حاجة عادي

ياسين:حافظك

نزلت منها دمعة حارة مسحتها وتنهدت:تمنيت بابا يكون معاي امس وتمنيته قاعد

ياسين:خلاص اني معاك معاش تبكي

اية:حاضر ربي يخليك ليا

ياسين:انشاءالله

وصلو للحوش ونزلو

اية بدلت حوايجها ودارت عشي خفيف تعشو وخش ياسين طاح ع السرير طول قعدت اية اضم في الكوجينة وبعدها خشت للدار

اية:قداش بنقعدو

ياسين بصوت دوبه طالع:شهر

اية قعدت تجهز في حوايجها وحوايج ياسين

وخشت بين يديه ورقدت طول❤️

ثاني يوم ناض ياسين دوش وصلى ومشي ينوض في اية

ياسين:اية ايوتة حبيبتي

اية:همممم

ياسين هي نوضي وقت

اية:ساعة كم

ياسين:11:00

اية ناضت مخلوعة:هييييييي وقت

ياسين:بالشوية😂

اية:زيد غادي

ناضت للحمام دوشت ووتت الفطور وفطرو وبدلو

وجي مالك مش يرفعهم للمطار

عبد المالك:هيا ياراجل

ياسين:تي باهي سكر فمك

عبد المالك:الزفت وقت ع الطيارة وعندي ماندير

اية:هي طلعنا

طلعو وانطلقو للمطار وركبو الطيارة وسافرو وصلو ايطاليا

ياسين:هي

نزلو وركبو باص واتجهو للفندق ورقدو ناضو تاني يوم

ياسين:جهزي روحك عندنا مشوار مهم

اية:ياسين

ياسين:نعم

اية:شن داس عليا

ياسين:بصراحة في شخص يبي يقابلك خصيصاً عندهم معلومات وامانات يبي يسلمهم ليك

اية:ومن هذا الشخص

ياسين:والله مانعرفه كلمني فجأة

اية:به نشوفو شن خاسرين

وجهزو روحهم وفطرو وطلعو خشو لي مقهى

اية:علاش جينا اهني

ياسين:هذا المكان الي عطاه ليا الراجل

اية:ااه

وفجأة جي راجل واضح عليه كبير ومن عائلات فاخرة

الراجل اشارلهم بيديه وجاهم:السلام عليكم

اية همست في وذن ياسين:وليبي زيادة؟!

ياسين:وعليكم السلام

الراجل:هادي اية بنت عبدالله

ياسين:اي بس معرفتناش؟؟

الراجل:بسم الله مشاءالله كبرتي وتزوجتي وسبحان الله نسخة بوك الله يرحمه ويوسع عليه
اي حقا اني مُحسن صديق عبدالله المقرب

اية:صاحب بابا!

مُحسن:اي ممكن انتي متعرفينيش بس امك تعرفني

اية:امي وشن دخلها

مُحسن:ماخليني نكمل كلامي مش تعرفي كل شي

ياسين:تفضل

مُحسن:الوالد الله يرحمه موصيني نقابلك انتي خص نص قال لان انتي الكبيرة في البنات اما الشباب قال مش متفاهمين ف اول ما سمعت انك خطبتي على طول درت اجرآت وكل شي مش نحصل رقم خطيبك ومن حسن الحظ طلع ولد عمك ف جابولي رقمه حكيت معاه وقتله ان نبي نتلاقة معاها تو نجي لي طرابلس قالي معليش اعذرني اني بنسافر خليها مرة تانية قتله وين قالي ايطاليا فرحت وقتله اني موجود فيها قالي تمام نتلاقو عطيته اسم المقهى والزمن وقالي علي خير انشاءالله واهو زي ماتشوفي مقعمزين قدام بعض

اية:به بوي علاش يبيك تقابلني

مُحسن......

يتبع....

____________

‏لـ أمي :- ما دمتي أنتِ باقية فليذهب كُل شيء.. ❤🌸

___________
اسفة ع التأخير كنت مسافرة وملحقتش نكتب وانشاءالله تنال اعجابكم💗