اية:نبي نكلم ماما
ياسين:تمام نروحو ناخد باسورد نت الفندق
اية:به اسمع
ياسين:نعم
اية:ميطلعوش يكذبو ويطلع فخ
ياسين:لالا شن يكذبوا شفتي تحليل DNA
اية:بس كيف امي تعرف ومتقولناش زعلت منها الحق
ياسين:اعذريها مرات لسبب
اية:خير انشاءالله
مر يوم عادي جداً ومصار فيه شي غير الي حكيته
ثاني يوم الصبح شرين فون ياسين
مراد:صباح الخير
ياسين:صباح النور . شكون؟!
مراد:اني مراد خديت رقمك من عمي مُحسن
ياسين عدل جلسته واية تشبحله:اه مراد كيف حالك
مراد:الحمدلله في نعمة سامحني متصل بيك بكري
ياسين:لالا عادي مدور شي
مراد:بارك الله فيك المهم عازمكم ع الفطور مش تفطرو وتنسوني
ياسين:ههههه لالا تم حطيتك في بالي وين؟!
مراد:في مقهى*****جنب محطة....
ياسين:تمام ساعة تانية ولا ساعة ونص ونكونو غادي
مراد:ميه ميه في الانتظار
ياسين:هي عن اذنك
مراد:اذنك معاك
سكر منه
اية:مراد؟!
ياسين:ايه
اية:شن يبي
ياسين:يبي نتلاقو ونفطرو جميع
اية:اه امتى بنمشو
ياسين:شوية ونطلعو بنوض ندوش جهزيلي حوايجي
اية:حاضر هي
خش ياسين يدوش واية قعدت تجهز في حوايجه طلعتله ( سروال جينز اسود وسورية بيضة ومعاها جاكيت جلد اسود وسبيدرو ابيض )
وطلع لبس خشت اية دوشت ولبست ( سروال واسع اسود ومعاه سورية قصيرة بيضة وفوقها جاكيت جلد اسود ومعاه كندرة بيضة و عكست الاون وردي وشنطة وردية ودارت كريم ترطيب وحطت شوية روج ومسكرة واحمر خدود وطلعت )
ياسين:اووووو مخططة الحلوة
اية:ههههه ايه تعالى نصورو هي
ياسين:هي
وقعدو يصورو وياسين كلم امه واية كلمت امها شوية وطلعو مشو للمقهى
خشو اشارلهم مراد بيده ومشوله للطاولة
اية وياسين:صباح الخير
أنت تقرأ
العيلة
De Todoروايه تحكي علي حوش الجد او بالاحرى على العمام باللهجة الليبيه( الطرابلسيه ) 👌👍
