اية ناضت تاني يوم غسلت وجهها وتوضت وصلت وقعمزت ع السرير واتصلت ب روان
روان:هااا
اية:تكلمي زي الناس
روان:شني اية هوا في واحد يتصل توا
اية:ساعة 11 توا
روان:الملخص
اية:ياسين قال الشهر الجاي ولا الي بعده العرس
روان:مصح وجهك منوضتيني ع خاطر هكي
اية:نوضي نطلعو
روان:تي ارقدي توا نعسانة
اية:به
وسكرت منها واتصلت ب ياسين
اية:صباح الخير
ياسين:صباح النور
اية:خيره صوتك مش عاجبني
ياسين:شي
اية:ياسين مش عليا الحركات هادم شن في
ياسين:بوي طاح علينا الفجر
اية:كييف وويييين انتو توا
ياسين:احني في المستشفى
اية:عمتي عليا كيف حالها
ياسين:والله اهو تعبانة ومن امس مرقدتش متنحة
اية:تو نجيب امي تقنعها
ياسين:متعبيش روحك
اية:اسكت النبي ترا وعمي هذا يامثقف ابعتلي في مسج اما مستشفى
ياسين:ماشي يا ام لسان ديري بالك علي روحك
اية:انشاالله
وسكرت منه
{لبست بشت لونه اسود ومن الحواشي بيج وشنطة بيج وكندرة نفس الشي وشاح بيج في الاسود حرير دارت كريم مرطب وقلوس وردي هادي وشوية مسكرة خدت شنطتها ومفتاحها وطلعت}
اية:ماما
اسماء:نعم
جتها وباست راسها وقعمزت
اية:صباح الخير
اسماء:صباح الورد وين الشياكة دي كلها😂
اية:هههه بنقولك سمعتي بعمي عماد
اسماء:ايه والله توا كانت تكلم فيا عليا يناري في حالة مسكينة
اية:هي تنوضي تمشي
اسماء:ياريت
اية:خلاص تم اركبي بدلي لين نفطر هي
اسماء:هيا هي
ركبت اسماء تبدل واية دارت قهوة وبريوش كملت وطلعو
وصلت قدام المستشفى وخشت سألت الريسبشن وركبولهم
جت اية سلمت علي عليا وياسين ورائف وياسمين جت تجري حضنتها قعدت تهدي فيها لين رقدتت
وطلع ياسين يجري وحط الدخان في فمه وقعمز في جردينة المستشفى ولحقاته اية
وقفت قدامه وحولت الدخان من فمه وشافلها وعيونه حمر
اية:شن بتهلك صحتك ولا خيرك انت
ياسين:انتي الي خيييييييييرررك اااه
اية:عيط فش غلك كسر اضرب بس متهلكش نفسك بهالسم الي تاخد فيه
شافلها ونزل راسه
اية:متنزلش راسك ابكي عادي ره ترتاح
كيف نزلت دمعه علي خده
فتحتله ايديها وخش في حضنها زي البيبي وقعد يبكي
اية:الي كاتبه ربي حيصير انشالله
وقعد يبكي لين طاب مافي خاطره ومسح دموعه وبعد من عليها
اية:[وعسى انت تكرهو شئ وهوا خير لكم وعسى ان تحبو شئ وهوا شر لكم] صدق الله العظيم
خلي ايمانك بربي قوي ومتضعفش مرات العملية الي بيديروها خير عليه
ياسين:ونعم بالله
اية:نوض توا توضى وصلي ركعتين بنية شفاء بوك والراحة
ياسين:حاضر ومشي
خشت لقت ياسمين تبكي جت حضنتها ومسحت دموعها وقالتلها نوضي صلي واقري قراءن وناضت
جابت مصحف وعطاته لي عليا
عليا شافتلها وابتسمت:صحيتي بنيتي
اية:سلمك عميمة وناضت
شافت يمين ويسار ملقتش رائف نزلت للكافيتيريا لقاته حاط راسه ع الطاولة
اية:رائف
رائف:.....
يتبع...
____________
لن ينساك ابداً .. سيستجيب لگ .. سيعطيگ .. سيكرمگ .. سيفرحك لانه ٱلـّاـْہ 💚🍁
____________
