العيلة

الحلقة التاسعة عشر

رائف قام راسه وكان واضح عليه التعب:نعم

اية:مدتله مية:نوض اغسل وجهك وصلي الظهر وبرا روح ب عمتي عليا وياسمين

رائف:وبوي منقدرش نخليه

اية:اني معاه وياسين حتى هوا

رائف كيف ناض قريب داخ شداته اية رفعاته سيارتها وركبت كلمت عليا وامها وياسمين ومشو معاها
كلمت ياسين وقلتله انها بترفعهم وقالها باهي
مشو وصلتهم كلهم

اية:ارتاحو وبعدين نجي ناخدكم

ومشت خطمت علي مطعم خدت غدي ليها هيا وياسين وانطلقت للمستشفى

اية:جبت غدي خود

ياسين:شكراً

اية:عفواً

وقعدت تاكل وياسين يتفرج عليها ويضحك وفات الوقت
فاق عماد وحالته بدت كويسة روحو بيه للحوش والكل فرحان بيه وكانو امالي عليا كلهم موجودين ومقعمزين مع بعض

هيام(بنت خالة ياسين وهيا تحبه):غريبة مهتمة بعمك لي هالدرجة

اية:اي والله عمي زي بوي ياعمري

هيام:خيرك متهتميش بي بوك

اية:الله يرحمه

هيام:حي بوك متوفي منحسابش الي بوهم متوفي محترمات

اية:لا ياعمري محترمات ونص وامي مربيتنا احسن رباية ومتربيناش علي قلة الادب

ناضت اية وخلاهم طلعت لي الجردينة وتلود فيها وخانقتها العبرة

جاها ياسين:خيرك ايوتة

اية وهيا بتبكي خلاص:شي راسي

فتحلها ايديه وجت خشت فيهم تجري حضناته بعمق وهيا تبكي

اية:شن ذنبي اني اه شن ذنبي كان بوي مشي وخلاني شن ذنبي كان بوي مات يعني الناس كلها تشبحلي بشفقة خلااااااااص مليييييت ربي يرحمك يابابا ويجعل مثواك الجنة وانشاءالله نلحقك عن قريب

ياسين محبش يسكتها يبيها تفش غلاها قعدت تبكي لي عيونها تنفخو وبدو حمر

ياسين:اية معاش ترهقي نفسك وطز في كلام الناس واني بوك بعد عمي وخوك بعد ايهم ومحمد وخالك وحبيبك وراجلك وكل شي معاش تبكي وتقولي الكلام هذا تمام والله تسمعك حناي لما تقتلك هي😂

اية مسحت دموعها:هههههه حاضر

ياسين:ايواه نبيك هكي قوية وين اية الي نعرفها قبل قوية ومايكسرها شي وينها

اية:قاعدة وتوا بنروح نرتاح تصبح على خير

ياسين:وانتي من اهلو

روحت وياسين قعد يشوفلها لين خشت حوشهم ومشي

خشت اية دوشت وصلت وبدلت ورقدت
جتها ايان طقطقت عليها وخشت

ايان:اية ايوتة

اية ناضت قعمزت:افتحي الضي وتعالي

ايان جتها حضنتها طوول:استاحشت بابا وقعدت تبكي

حضنتها اية بقوة وبكت معاها:ارادة ربي هادي وربي يرحمه ويغفرله ويوسع عليه

ايان باعدت من عليها ومسحت دموعها:اية شن صار في وسيم

اية:تزوج وفوتيه معاش تجيبي سيرته

ايان:انشاءالله بنرقد جنبك

اية:تمام هي تعالي

وخشت ايان بين احضان اية بينما خشت عليهم اميرة

اميرة:حي التافهات مقعمزات من غيري

ايان:مقالك حد متجيش معاي

اميرة:وسعولي

ورقدت جنب اية من الجهة الثانية بين احضانها

قعدو يتفرجو علي صورة بوهم ويبكو لين رقدو

ناضو الصبح دوشو وصلو وبدلو ونزلو

اية.ايان.اميرة:صباح الخير

اسماء وايهم:صباح النور

قعمزو يفطرو

ايهم:وين علي خير

اية:بنطلع ناخد شوية حاجات

ايهم:مش عندكم قراية انتم

ايان:اليوم اول يوم في عطلة نصف السنة

ايهم:اها كويس هاكي اية خوديلهم قفاطين وحاجات وخودي باقي حاجاتك انتي

اية:صحيت ربي مايحرمنا منك

ايهم:سلمك

اية:هيا يابنات تأخرنا
ماتبي شي ياماما

اسماء:سلامتكم في امان الله

وطلعو ركبو السيارة

يتبع...

____________
• مـتماسڪهۃ و قـويـهۃ رغـم ڪل ما بـداخـلها مـטּ උــزטּ و ڪئابـهۃ 🤦‍♀🖤!
____________