شرق8 🔞

الجزء2

ﺟﺪﺍً ﻳﺎ ﻏﺎﻟﻴﺔ !! ﺭﻏﻢ ﺍﻧﻮ ﺍﺗﺮﺑﻴﻨﺎ ﺍﻧﺎ ﻭ ﺍﻧﺘﻲ ﻧﺤﺘﺮﻡ ﺭﻏﺒﺎﺕ ﺑﻌﺾ ، ﻓﺎ ﻣﺎ ﻛﺎﻥ ﻣﻔﺮﻭﺽ ﺍﺻﺮ ﻋﻠﻰ ﺣﺎﺟﺔ ﺍﻧﺎ ﻣﻘﺘﻨﻌﺔ ﻣﻦ ﺟﻮﺍﻱ ﺍﻧﻬﺎ ﺑﺘﺠﻲ ﻣﻦ ﻧﻔﺲ ﺍﻟﺰﻭﻝ ، ﻣﺎ ﺑﻴﻠﺬﻭ ﻋﻠﻴﻬﺎ ..
_ ﻣﺸﻜﻠﺘﻚ ﻳﺎ ﺭﺣﻤﺔ ﻓﻲ ﻛﻞ ﻣﺮﺓ ﺗﻔﺘﺤﻲ ﻣﻌﺎﻱ ﺍﻟﻤﻮﺿﻮﻉ ﺩﺍ ،ﺍﻧﺎ ﻗﺎﻋﺪﺓ ﺍﺣﺲ ﺍﻧﻲ ﺑﻌﺼﻲ ﺭﺑﻨﺎ ﻟﻤﻦ ﺍﻗﻮﻟﻴﻜﻲ ﻻ ﺍﻧﺎ ﻣﺎ ﺣﺎﺑﺔ ، ﺍﻧﺎ ﻣﺎ ﺭﻏﺒﺘﻲ ﺍﺳﻮﻱ ﺍﻟﺤﺎﺟﺔ ﺩﻱ ، ﻣﺎ ﻋﺎﺭﻓﺔ ﺑﺠﺪ ﻳﺎ ﺭﺣﻤﺔ ، ﺑﺲ ﺍﻧﺎ ﻣﺎ ﻧﻔﺴﻲ ، ﺣﺎﻭﻟﻲ ﺗﻔﻬﻤﻴﻨﻲ ،ﺍﺍﻱ ﺍﻧﺘﻲ ﺍﺧﺘﻲ ﺍﻟﺒﺤﺒﻬﺎ ﻭﻭﺑﺤﺘﺮﻣﻬﺎ ﻭ ﻧﻔﺴﻚ ﺗﺸﻮﻓﻴﻨﻲ ﺍﺣﺴﻦ ﻭﺣﺪﺓ ، ﺑﺲ ﺩﺍ ﻣﺎ ﻣﻌﻨﺎﺗﻮ ﺍﺑﻘﻰ ﺷﺒﻬﻚ ﻭ ﺍﻋﻴﺶ ﻛﺂﺑﺖ ........
* ﻛﻤﻠﻲ ، ﻛﻼﻣﻚ .... ﻗﻮﻟﻴﻬﺎ ...
_ ﺍﻧﺎ ﺍﺳﻔﺔ ﻳﺎ ﺭﺣﻤﺔ ، ﺑﺲ ﻛﻞ ﻭﺍﺣﺪ ﻓﻴﻨﺎ ﺷﺎﻳﻒ ﺍﻟﺤﻴﺎﺓ ﺩﻱ ﺑﻤﻨﻈﻮﻭﺭ ﻣﺨﺘﻠﻒ ﻭ ﺍﺑﻌﺎﺩ ﻣﺨﺘﻠﻔﻪ ، ﻭ ﻭﺭﻳﺘﻚ ﺭﻏﺒﺘﻲ ﻭ ﺯﻱ ﻣﺎ ﺍﻧﺘﻲ ﻛﻨﺘﻲ ﺑﺘﺘﻤﻨﻴﻨﻲ ﻛﻨﺖ ﺍﻛﻮﻥ ﺑﺸﺒﻬﻚ ، ﺍﻧﺎ ﻛﻤﺎﻥ ﻛﻨﺖ ﺑﺘﻤﻨﻰ ﺍﻧﻚ ﻛﻨﺘﻲ ﺗﻜﻮﻧﻲ ﺷﺒﻬﻲ ، ﻭ ﻣﺎ ﺍﺭﺑﻂ ﺣﻴﺎﺗﻲ ﺑﺼﺤﺒﺎﺗﻲ ﻭ ﺍﺣﺴﻬﻢ ﺑﻔﻬﻤﻮﻧﻲ ﺍﻛﺘﺮ ﻣﻨﻚ ،ﻣﺎ ﻗﺼﺪﻱ ﺍﻗﺎﺭﻥ ﺑﻴﻨﻜﻢ ﺑﺲ ﺩﻱ ﺍﻟﺤﻘﻴﻘﺔ ،ﻣﺮﺍﺕ ﻛﺘﻴﺮﺓ ﺑﺘﻤﻨﻰ ﻟﻮ ﻛﺎﻥ ﻋﻨﺪﻧﺎ ﺍﺧﺖ ﺗﺎﻟﺘﻪ ﻭ ... ..
* ﺍﻧﺎ ﻳﺎ ﻳﻤﻨﺔ ﻣﺎ ﻛﻨﺖ ﺑﻌﻴﺪﺓ ﻣﻨﻚ ﺑﺎﻟﻌﻜﺲ ﻛﻨﺖ ﺟﻤﺒﻚ ﻭ ﺑﺤﺎﻭﻝ ﺍﺷﺎﺭﻛﻚ ﺑﺲ ﻳﻤﻜﻦ ﻋﺸﺎﻥ ﻓﺮﻕ ﺍﻟﻌﻤﺮ ﺑﻴﻨﺎ ﻣﺨﻠﻲ ﻛﻞ ﻭﺣﺪﺓ ﺗﻔﻜﻴﺮﻫﺎ ﻣﺨﺘﻠﻒ ، ﺑﺲ ﺍﻧﺎ ﺑﺘﻮﺟﻊ ﻟﻤﻦ ﺑﺘﻘﻮﻟﻲ ﺍﻧﻚ ﻡ ﺷﺎﻳﻔﻪ ﻓﻴﻨﻲ ﺍﻻﺧﺖ ﺍﻟﻤﺜﺎﻟﻴﺔ ﻭﻛﻼﻣﻚ ﺩﺍ ، ﺑﺲ ﺍﻧﺘﻲ ﻣﺎ ﺣﺼﻞ ﻟﺠﺄﺗﻲ ﻟﻲ ﻓﻲ ﺣﺎﺟﺔ ﻭ ﻣﺎ ﻟﻘﻴﺘﻴﻨﻲ ﻣﻌﺎﻛﻲ ﻳﺎ ﻳﻤﻨﺔ ، ﺍﻧﺘﻲ ﺣﻴﺎﺗﻚ ﻣﻊ ﺻﺤﺒﺎﺗﻚ ، ﺣﺼﻞ ﻣﺮﺓ ﻗﻠﺘﻲ ﻟﻲ ﺍﺭﺡ ﻣﻌﺎﻱ ﻭﺍﻧﺎ ﺭﻓﻀﺘﺎ ؟
_ ﻋﺸﺎﻥ ﻋﺎﺭﻓﻪ ﻭ ﻣﺘﺄﻛﺪﺓ ﻳﺎ ﺭﺣﻤﺔ ﺍﻧﻪ ﻣﺎ ﺟﻮﻙ ﻭ ﻣﺘﺎﻛﺪﺓ ﺍﻧﻚ ﻛﻨﺘﻲ ﺣﺘﺮﻓﻀﻲ ﻭ ﺑﺮﺍﻛﻲ ﻗﺒﻞ ﺷﻮﻳﺔ ﻗﻠﺘﻲ ﻟﻲ ﻣﺎ ﺗﻔﻜﺮﻱ ﺗﺪﺑﺴﻴﻨﻲ !
* ﺍﻧﺘﻲ ﻋﺎﺭﻓﺔ ﺍﻋﺮﺍﺍﺍﺱ ﻭ ﺣﻔﻼﺕ ﻭ ﺍﻏﺎﻧﻲ ﻻ ، ﻟﻜﻦ ﻣﺸﻮﺍﺭ ﻭ ﻃﻠﻌﺔ ، ﺍﻧﺎ ﻗﺪﺍﺍﺍﺍﻡ ..
_ ﻃﻴﺐ ، ﺩﺍ ﺍﻻﻧﺎ ﻋﺎﺭﻓﺎﻫﻮﻭﻭ
.......* ﺍﻧﺎ ﻣﺎ ﻣﻌﻘﺪﺓ ﻳﺎ ﻳُﻤﻨﺔ ، ﺍﻧﺎ ﻋﺎﺩﻳﺔ ﺑﺲ ﺍﻧﺎ ﻗﻤﺘﺎ ﻟﻘﻴﺖ ﺭﻭﺣﻲ ﻛﺪﺍ !
_ ﺍﻋﻔﻲ ﻟﻲ ﺍﻧﻔﻌﻠﺖ ﻭ ﻗﻠﺖ ﻛﻼﻡ ﻳﺠﺮﺣﻚ ﻳﺎﺥ ﺣﻘﻚ ﻋﻠﻲ ‏( ﺑﺎﺳﺖ ﻋﻠﻰ ﺭﺍﺳﻲ ، ﻭ ﺣﻀﻨﺘﻬﺎ ‏) ..
* ﻣﺎ ﺑﺰﻋﻞ ﻣﻨﻚ ﺍﻧﺎ ﺍﻧﺘﻲ ﺭﻭﺣﻲ .... ﻳﻼ ﻭﺭﻳﻨﻲ ﺣﺘﻠﺒﺴﻲ ﺷﻨﻮ ﻋﺸﺎﻥ ﺍﺳﻮﻱ ﻟﻴﻜﻲ ﻣﻜﻴﺎﺝ ، ﺍﻟﻌﺮﺱ ﻛﻠﻮﻭﻭ ﻳﺘﻜﻠﻢ ﺑﻴﻬﻮﻭﻭﻭ ...
_ ﻫﻬﻬﻬﻬﻪ ﻭﺍﺛﻘﺔ ، ﺍﻟﺒﻨﺎﺕ ﺣﻴﺘﻬﺒﻠﻮ ﻋﻠﻴﻬﻮ ﺍﺍﺍﺍﺡ ﻣﺘﺤﻤﺴﺴﺔ ..... ﺍﻧﺎ ﻣﺎﺍﺍﺍﺷﻪ ﺍﺷﻮﻑ ﺍﺧﺮ ﺍﻻﺧﺒﺎﺭ ﻣﻦ ﺍﻣﻲ .......
* ﻃﻴﺐ ﻫﻬﻬﻬﻬﻬﻪ ..
ﺑﻌﺪ ﻳُﻤﻨﺔ ﻃﻠﻌﺖ ﻣﻦ ﻋﻨﺪﻱ ، ﺍﻣﻲ ﺟﺎﺗﻨﻲ ﻗﺎﻟﺖ ﻟﻲ ، ﺑﻜﺮﺓ ﺍﻟﺠﻤﻌﺔ ، ﻟﻤﺔ ﺍﻟﻌﻴﻠﺔ ، ﺍﻟﺠﻤﻌﺘﻴﻦ ﺍﻟﻔﺎﺗﻮ ﻣﺎ ﻣﺸﻴﺘﻲ ﻣﻌﺎﻧﺎ ، ﺑﻜﺮﺓ ﺣﺎﻭﻟﻲ ﺗﺠﻲ ﻣﻌﺎﻧﺎ ، ﻗﻠﺖ ﻟﻴﻬﺎ ﺩﻱ ﺍﻟﺤﺎﻟﺔ ﺍﻧﻚ ﻋﺎﺭﻓﺎﻧﻲ ﻣﻤﺘﺤﻨﺔ ﺍﻟﻔﺘﺮﺓ ﺍﻟﺠﺎﻳﺔ ﻳﺎ ﺍﻣﻲ ، ﺍﻧﺎ ﻣﺎ ﺑﺘﻌﺬﺭ ﻟﻜﻦ ﺟﺪ ﺻﻌﺒﻪ ، ﺑﺲ ﺍﺧﻠﺺ ﺍﻣﺘﺤﺎﻧﺎﺗﻲ ﺍﻃﻠﺒﻲ ﻣﻨﻲ ﺍﻟﺪﺍﻳﺮﺍﻫﻮﻭﻭﻭ ... ﻗﺎﻟﺖ ﻟﻲ ﻣﺎ ﺣﺴﺒﺘﻬﺎ ، ﻛﺪﺍ ﺑﺲ ﻛﻤﺎﻥ ﻋﺸﺎﻥ ﻳُﻤﻨﺔ ﻣﺎ ﺣﺘﻤﺸﻲ ﻣﻌﺎﻱ ﻋﺸﺎﻥ ﻋﺮﺱ ﺻﺤﺒﺘﻬﺎ ﺩﺍﺍ ، ﻭ ﺍﻧﺘﻲ ﻛﻜﻼﻣﻚ ﺻﺢ ، ﻛﻞ ﺩﺍ ﻣﻠﺤﻮﻭﻭﻕ ﻭ ﺭﺑﻨﺎ ﻳﻮﻓﻘﻚ ، ﻳﻼ ﻗﻮﻣﻲ ﺍﻟﻤﻐﺮﺏ ﻓﻀﻞ ﻟﻴﻬﻮ ﻋﺸﺮ ﺩﻗﺎﻳﻖ ﻭ ﻳﺄﺫﻥ ، ﻛﻠﻪ ﺟﺎﻫﺰ ﺑﺲ ﺳﺨﻨﻲ ، ﻭ ﺍﻟﺘﻤﺮ ﻣﻐﻄﻰ ﻓﻲ ﺍﻟﻜﻮﺭﻳﺔ ﺍﻟﺒﺮﺗﻘﺎﻟﻴﺔ ﺟﻮﺍ ﺍﻟﺘﻼﺟﺔ ، ﻗﻠﺖ ﻟﻴﻬﺎ ﻣﺎﻓﻲ ﻋﺠﻮﺓ ﺍﺳﻮﻳﻬﺎ ﺑﺎﻟﺴﻤﻨﺔ ﻭﺍﻟﺴﻤﺴﻢ ؟ ﻗﺎﻟﺖ ﻟﻲ ﻣﺎ ﻋﺎﺭﻓﻪ ﻛﺎﻧﺖ ﻓﻲ ﺑﺲ ﺳﻤﻨﺔ ﻣﺎﻓﻲ ، ﻗﻠﺖ ﻟﻴﻬﺎ ﻣﺎ ﻣﺸﻜﻠﻪ ﻳﻼ ﺍﻧﺎ ﻗﺎﻳﻤﺔ ....
ﻓﻌﻼً ﻗﻤﺘﻪ ، ﻣﺴﺎﻓﺔ ﺟﻬﺰﺗﺎ ﺍﻛﻠﻲ ، ﻭ ﺩﺧﻠﺘﻪ ﺍﺗﻮﺿﻴﺖ ، ﺍﻻﺫﺍﻥ ﺍﺫﻥ ، ﺷﻠﺘﻪ ﺗﻤﺮﺓ ﺣﻠﻠﺘﻪ ﺻﻴﺎﻣﻲ ، ﺳﻤﻌﺘﻪ ﺻﻮﺕ ﺍﻟﺒﺎﺏ ﻓﺘﺢ ، ﻗﻠﺘﺎ ﺣﻤﺪﻟﻠﻪ ... ﻣﺸﻴﺖ ﻋﻠﻰ ﺍﻟﺒﺎﺏ ، ﻗﻠﺘﻪ ﻟﻴﻬﻮ ﺣﻤﺪﻟﻠﻪ ﺍﻧﻚ ﺟﻴﺖ ﻳﺎ ﺍﺑﻮﻱ ، ﻭ ﻣﺸﻴﺖ ﺣﺒﻴﺖ ﻋﻠﻰ ﺭﺍﺳﻮﻭ ، ﻭ ﻓﻀﻠﺘﻮ ، ﻗﺎﻟﻲ :
_ ﻣﺎﻟﻚ ﻛﻨﺘﻲ ﻣﻨﺘﻈﺮﺍﻧﻲ ﺍﺟﻲ ﻭﻻ ﺷﻨﻮ ؟
* ﺍﺍﺍﻱ ﻳﺎ ﺍﺑﻮﻱ ﻭﺍﻟﻠﻪ ﺯﻱ ﻣﺎ ﻋﺎﺭﻑ ﺍﻟﻠﻴﻠﺔ ﺍﻟﺨﻤﻴﺲ ﻭ ﺻﺮﺍﺣﻪ ﺷﻬﻴﺘﻲ ﻣﻘﻔﻮﻟﺔ ، ﺍﻣﻲ ﻭ ﻳُﻤﻨﺔ ﺍﺗﻐﺪﻭ ﻗﺒﻴﻞ ﻭ ﻣﺎﻓﻲ ﺯﻭﻝ ﺣﻴﺎﻛﻞ ﻣﻌﺎﻱ ﻓﺎ ﻣﺎ ﺻﺪﻗﺘﻪ ﺳﻤﻌﺖ ﺻﻮﺕ ﻣﻔﺎﺗﻴﺤﻚ ﻫﻬﻬﻬﻪ ..
_ ﻗﺒﻴﻞ ﺍﺗﺼﻠﺘﻪ ﻋﻠﻰ ﺍﻣﻚ ﻛﻠﻤﺘﻬﺎ ﺍﻧﻲ ﻣﺘﻐﺪﻱ ﻣﻊ ﺍﻟﻔﺎﺿﻞ ﺍﺧﻮﻱ ﻟﻜﻦ ﻛﺎﻥ ﻛﺪﺍﺍ ﻣﺎ ﺑﻮﺩﺭ ﺍﺟﺮ ﺍﻟﺼﺎﻳﻢ ، ﻗﻮﻣﻲ ﺳﺮﻋﻪ ﺳﺮﻋﻪ ﻋﺸﺎﻥ ﺍﺣﺼﻞ ﺍﻟﺼﻼﺓ ...
* ﻻﻻ ﻳﺎ ﺍﺑﻮﻱ ﺍﻧﺎ ﺍﺻﻼً ﺳﻤﻴﺖ ﻭﺣﻠﻠﺘﻪ ﺍﻧﺖ ﺍﻣﺸﻲ ﺑﻤﻬﻠﺘﻚ ﻋﻠﻰ ﺍﻟﺠﺎﻣﻊ ﺑﻌﺪ ﺍﻟﺼﻼﺓ ﺍﻥ ﺷﺎﺀﺍﻟﻠﻪ ﻧﺎﻛﻞ ﺍﺻﻼً ﻣﺎ ﺟﻌﺎﻧﺔ ...
_ ﺣﺮﺍﻡ ﺍﻧﺘﻲ ﻣﻦ ﺍﻟﺼﺒﺎﺡ ﺻﺎﻳﻤﺔ ..
* ﻳﺎ ﺍﺑﻮﻱ ﻳﻼ ﺑﻨﺘﻈﺮﻙ ، ﺍﻧﺎ ﺯﺍﺗﻲ ﻣﺴﺎﻓﺔ ﺍﺻﻠﻲ ..
_ ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﺭﺣﻤﺔ ﺍﺳﻢ ﻋﻠﻰ ﻣﺴﻤﻰ ..
* ﺍﻟﻠﻪ ﻳﺴﻌﺪﻙ ﻳﺎ ﺍﺑﻮﻱ ﻭ ﻳﺪﻳﻤﻚ ﻟﻴﻨﺎ ﻳﺎ ﻏﺎﻟﻲ ، ﻳﻼﺍ ﻣﺎ ﺗﻨﺴﺎﻧﺎ ﻣﻦ ﺻﺎﻟﺢ ﺍﻟﺪﻋﻮﺍﺕ ..