شرق8 🔞

الجزء 19

ﻓﺎﺗﺖ ﺍﻻﻳﺎﻡ ﻋﻠﻰ ﻛﺪﺍﺍﺍﺍ ، ﺭﺟﻌﻦ ﻟﻲ ﺣﻴﺎﺗﻲ ﻭ ﺭﻭﺗﻴﻨﻲ ﺍﻟﻮﺍﺣﺪ ، ﺍﺩﺭﺟﺔ ﺑﻘﻴﺖ ﺍﻋﻴﺪ ﻧﻔﺲ ﺍﻟﺮﻭﺍﻳﺎﺕ ﺍﻟﻘﺮﻳﺘﻬﺎﻙ ﻛﻠﻬﺎﺍ ، ﻋﻼﻗﺘﻲ ﺏ ﺍﻣﻲ ﻋﺎﺩﻳﻪ ﺑﺲ ﻫﻲ ﻋﻨﺪﻫﺎ ﻓﻬﻢ ﻭﻣﺒﺪﺃ ﺍﻱ ﺍﻡ ﻳﻤﻜﻦ ، ﺑﺲ ﻑ ﺍﻟﻨﻬﺎﻳﺔ ﺍﻟﻮﺿﻊ ﺭﺟﻊ ﻃﺒﻴﻌﻲ ، ﺑﺘﻤﺸﻲ ﺑﻴﺖ ﻋﻤﻲ ، ﻭ ﻣﺮﺓ ﻋﻤﻲ ﺑﺘﺠﻲ ، ﻳﺸﺮﺑﻮ ﺟﺒﻨﺔ ﻳﺘﻮﻧﺴﻮ ﻭﻛﺪﺍ ، ﻟﻜﻦ ﻣﻮﺿﻮﻋﻲ ﺍﺑﺪﺍً ﻣﺎ ﺍﺗﻔﺘﺢ ،ﺑﺲ ﻛﻞ ﻣﺮﺓ ﻛﻨﺖ ﺑﺸﻮﻑ ﻓﻴﻬﺎ ﻣﺮﺓ ﻋﻤﻲ ، ﻛﻨﺖ ﺑﺤﺲ ﺍﻧﻪ ﻋﻨﺪﻫﺎ ﻣﻠﻴﻮﻥ ﺳﺆﺍﻝ ﻟﻲ ، ﻭﻟﺴﻪ ﻋﺸﻤﺎﻧﺔ ، ﺑﺲ ﺯﻱ ﺍﻟﻤﺴﻜﺘﻨﻬﺎ ﺍﻥ ﺍﻟﻤﻮﺿﻮﻉ ﻣﺎ ﻳﺘﻔﺘﺢ !
ﻓﻲ ﻳﻮﻡ ، ﻗﺮﺭﺗﺎ ﺍﻃﻠﻊ ، ﻣﺸﻴﺖ ﻟﻲ ﻳُﻤﻨﺔ ، ﻗﻠﺖ ﻟﻴﻬﺎ :
* ﻳﻤﻮﻧﺔ ، ﻋﺎﻳﺰﺓ ﻣﻨﻚ ﻃﻠﺐ !
_ ﺧﻴﻴﻴﻴﻴﻴﻴﺮ !
* ﻋﻨﺪﻙ ﺷﻨﻮ ﺍﺳﻲ ؟
_ ﻋﺎﻳﺰﺓ ﻧﻔﺘﺢ ﻻﻳﻒ ﺍﻧﺎ ﻭﺍﻧﺘﻲ ، ﺗﻤﻜﻴﺠﻴﻨﻲ ﺍﻭﻥ ﻻﻳﻦ ، ﻭ ﻣﻨﻮ ﺯﺍﺗﻮ ﺗﺸﻘﻲ ﻃﺮﻳﻘﻚ ﺯﻱ ﻣﺎ ﻛﺎﻥ ﻧﻔﺴﻚ ، ﺭﺍﻳﻚ ﺷﻨﻮ ؟
* ﺍﻧﺘﻲ ﻫﺒﻠﺔ ! ﻧﻌﺮﺽ ﻧﻔﺴﻨﺎ ، ﺍﻟﺒﻨﺎﺕ ﺩﻳﻞ ﻣﺎ ﺗﻀﻤﻨﻴﻬﻢ ﺍﺳﻜﺮﻳﻦ ﺑﺠﻴﺐ ﺍﺟﻠﻨﺎ ، ﺍﻫﺎ ﺩﻱ ﻭﺣﺪﺓ ﻣﻦ ﻋﻘﺪ ﻣﺠﺘﻤﻌﻨﺎ ، ﺍﻟﺰﻭﻝ ﻣﺎ ﺑﻴﻘﺪﺭ ﻳﺘﻨﻔﺲ ﺍﺑﺪﺍً ..
_ ﺑﻄﻠﻲ ﺍﻧﺘﻲ ﺗﺨﻠﻒ ﺣﻴﺎﻛﻠﻮﻧﺎ ﻳﻌﻨﻲ ! ﻭ ﻣﺎ ﻳﻌﻤﻠﻮ ﺍﺳﻜﺮﻳﻦ ﻛﺎﻥ ﻋﻤﻠﻮ ﻣﺎﻟﻨﺎ ﺍﻧﺤﻨﺎ ﺣﻨﻄﻠﻊ ﻋﺮﺍﻳﺎ !
* ﻳﺎﺥ ﻣﺎ ﻋﺎﺭﻓﻪ ، ﺍﻧﺎ ﻛﻨﺖ ﻋﺎﻳﺰﺓ ﺍﻣﺸﻲ ﻣﻜﺘﺒﺔ ﻭﺟﺪﺍﻥ ، ﻭ ﺩﺍﻳﺮﺍﻛﻲ ﺗﻤﺸﻲ ﻣﻌﺎﻱ ..
_ ﻻﻻﻻ ﻭﺍﻟﻠﻪ ﺍﻟﻠﻴﻠﻪ ﺩﻱ ﻣﺎﺩﺍﻳﺮﺓ ﺍﻃﻠﻊ ﻳﺎ ﺭﺣﻤﺔ ﻣﺎ ﻟﻲ ﺧﻠﻖ ﺧﻠﻲ ﺑﻜﺮﺓ ..
* ﻳﺎﺥ ﺑﻄﻠﻲ ﻛﺴﻞ ﻭﺍﻟﻠﻪ ﺍﻧﺎ ﻛﻞ ﻳﻮﻡ ﺑﺄﺟﻞ ، ﻭ ﺯﻫﺠﺎﻧﻪ ﻋﺎﻳﺰﺓ ﺍﺑﺪﻝ ﺍﻟﺮﻭﺍﻳﺎﺕ ﺍﻟﻌﻨﺪﻱ ﺩﻱ !
_ ﻡ ﺗﺤﺎﻭﻟﻲ ﻣﻌﺎﻱ ، . ﻭﻫﻲ ﻣﺎ ﺑﻌﻴﺪﺓ ﺍﻣﺸﻲ ﻭﺗﻌﺎﻟﻲ ﺑﺮﺍﻛﻲ ، ﺍﻭ ﻛﻠﻤﻲ ﺍﺑﻮﻱ ﻟﻮ ﻓﺎﺿﻲ ﺍﻣﺸﻲ ﻟﻴﻬﻮ ﺍﻟﺠﺰﺍﺭﺓ ، ﻳﻮﺩﻳﻚ ﻭ ﻳﺠﻴﺒﻚ ...
* ﻡ ﺣﻴﻜﻮﻥ ﻓﺎﺿﻲ ﻟﻜﻦ ﻓﻜﺮﺓ ﺣﻠﻮﺓ ﻳﺎﺥ ﻋﺸﺎﻥ ﺟﺮﺟﺮﺓ ﺍﻟﻤﻮﺍﺻﻼﺕ ....
_ ﺣﻤﺪﻟﻠﻪ ﺍﺗﺤﻠﻴﺖ ..
* ﻛﻮﻳﺲ ﺣﺘﺤﺘﺎﺟﻲ ﻟﻲ !
ﻃﻮﺍﻟﻲ ﻛﻠﻤﺖ ﺍﻣﻲ ،ﻭ ﻟﺒﺴﺖ ﻭ ﻃﻠﻌﺖ ، ﻣﺸﻴﺖ ﻋﻠﻰ ﺍﻟﺠﺰﺍﺭﺓ .. ﺑﺪﻋﻲ ﻳﻜﻮﻥ ﻓﺎﺿﻲ ﻭ ﻣﺎ ﻣﻀﻐﻮﻁ .. ﻭﺻﻠﺘﺎ !ﺑﻘﻴﺖ ﺑﻌﺎﻳﻦ ﻣﻦ ﺑﻌﻴﺪ ، ﻟﻘﻴﺖ ﺍﺑﻮﻱ ﻗﺎﻋﺪ ﻣﻊ ﺭﺍﺟﻞ ، ﻭ ﻓﻲ ﺯﻳﺒﻮﻥ ﻣﻌﺎﻫﻮ ﺟﻮﺍ ﺍﻟﻮﻟﺪ ﺍﻟﺒﺸﺘﻐﻞ ﺩﺍﻙ ‏( ﻣﺘﻮﻛﻞ ‏) ..
ﺭﻧﻴﺖ ﻋﻠﻰ ﺍﺑﻮﻱ ،ﻭ ﻭﻗﻔﺖ ﺑﻌﻴﺪ ، ﻟﻘﻴﺖ ﻣﺘﻮﻛﻞ ﻃﺎﻟﻊ ﺷﺎﻳﻞ ﺗﻠﻔﻮﻥ ﺍﺑﻮﻱ ، ﻣﺪ ﻟﻴﻬﻮ ﻭ ﻛﺎﻥ ﺑﻴﻔﻚ ﻣﻨﻮ ﻭﻣﺎﺭﺩ ﻋﻠﻲ ﻭﻻ ﺭﺟﻊ ﻟﻲ، ﺍﺗﺼﻠﺖ ﻋﻠﻴﻬﻮ ﺗﺎﻧﻲ ﻭ ﻛﺎﻥ ﻣﺮﻛﺰ ﻑ ﺍﻟﻜﻼﻡ ﻣﻊ ﺍﻟﺠﻤﺒﻮ،،
ﺭﺩ ﻋﻠﻲ ،، ﻗﺎﻟﻲ
_ ﺍﻟﺴﻼﻡ ﻋﻠﻴﻜﻢ
* ﻭﻋﻠﻴﻜﻢ ﺍﻟﺴﻼﻡ ﺍﺑﻮﻱ ﻣﻌﻠﻴﺶ ﻋﺎﺭﻓﺎﻙ ﻣﺸﻐﻮﻝ ﺑﺲ ﻋﺸﺎﻥ ﻭﺻﻠﺘﻚ ﻓﻲ ﺍﻟﻤﺤﻞ ﻭﻣﺎ ﻗﺪﺭﺗﺎ ﺍﺟﻲ ﻟﻤﻦ ﺷﻔﺘﻚ ﻣﺸﻐﻮﻝ ..
ﺍﺗﻠﻔﺖ ﻃﻮﺍﻟﻲ ﻭﻗﻔﻞ ﺍﻟﺴﻜﺔ ،، ﻗﺎﻡ ﺟﺎﻧﻲ ، ﻗﺎﻟﻲ ﻓﻲ ﺷﻨﻮ ﺍﻧﺘﻮ ﺑﺨﻴﺮ ‏( ﺑﺨﻠﻌﻪ ‏)
ﻗﻠﺖ ﻟﻴﻬﻮ ﺍﺑﻮﻱ ، ﺑﺴﻢ ﺍﻟﻠﻪ ﻣﺎﻓﻲ ﺣﺎﺟﺔ ، ﺟﻴﺘﻚ ﺑﺲ ﻋﻨﺪﻱ ﻣﺸﻮﺍﺭ ﻭﻣﺎ ﺑﻘﺪﺭ ﺍﻣﺸﻲ ﺑﺮﺍﻱ ﻟﻜﻦ ﺍﺳﻲ ﺑﺨﻠﻲ ﻟﺒﻜﺮﺓ .. ﻗﺎﻟﻲ ﻟﺤﺪ ﻭﻳﻦ ؟
ﻗﻠﺖ ﻟﻴﻬﻮ ﻣﻜﺘﺒﺔ ﻭﺟﺪﺍﻥ ..
ﻗﺎﻟﻲ ﻛﻮﻳﺲ ﺟﻴﺘﻲ ،،، ﻭ ﺑﺲ ﻧﺎﺩﺍﺍ ﻟﻲ ﻣﺘﻮﻛﻞ
ﻟﻤﻦ ﺧﻠﻌﻨﻲ ....
ﺍﺳﺘﻜﺎﻧﺔ 💚
ﺭﺑﻨﺎ ﻳﻬﻮﻥ