شرق8 🔞

الجزء 67

في جانبي !
لسه في العربية كنت قاعدة منتظرة متوكل ، جااا بيضحك للضرس الاخير !
قلت ليهو :
*مالك اتاخرتا انا والله لمن قربت انوم !
_امسكي دي اول خليها في شنطتك عشان ما ارميها في حته و انسى ..(اداني ليها مطبقه)
*طيب .. (شلتها ختيتا جوة شنطتي) ..
_تعبانه هاه ؟
*شديد والله ، بس نفسي انوم ..
_اسي ترتاحي ..
*طيب ،كدي وريني نوعية شغلك شنو ؟ والشغل العايز تشوفو لي في شركتكم ؟ّ
_ما عارف لسه ، اسي كلمت واحد من اصحابي قال داير C.V ، حقك ، بس نوصل البيت  نرسلو ليهوو ..
*طيب تمام ..
_انا بشتغل في جريدة ،شغل مريح نوعا ما و حلو بحبو و عندي فيهو اصحاب ..
*واهلك هنا عايشين ؟
_عندي ياسمين اختي ، متزوجة في راس الخيمة قاعدة و عندها ولد ، بنمشي ليهم في مرة لاني حالف افسحك ههه..
*اممم ماشاءالله ،دي القلت لي اتزوجت قريب ؟
_لالا دي التانية ، على فكرة انا اصغر اخواني انحنا ولدين و بنتين .. وانتو؟
*ربنا يحفظكم ، انحنا بتين و من ابوي بنتين برضوو ..
_بس .. حلاتكم
*ااي بس ، ابوي كان داير الولد لكن ربنا ما اراد خلفتو كلها بنوت ..
_الله يحفظكم ، يا رب ..
*اللهم امين ..
_تعرفي ، نفسي اشوفك يا رحمة ،و بالجد بس اسمو صوتكالرقيق دا عايني .. شعر يدي ، والله كلو بيقوم ،حنينه كدا و بحب اسمع صوتك و قدر ما حاولت اربطو بشكلك ما قدرتا هه ..
*امممممم ،طيب لسه مطولين ؟
_قربنااا ...
*دقيقه دقيقه هدي العربيه يا مؤيد ، عاين مكتوب شنو هناك ؟
_وين ؟
*الاعلان داااك بتاعالمسابقه دا !
_ امممم ننمننننااا نانتاتنتنننممننمم (بيقرا)
ياخ انتي ما عندك موضوع خالعاني عشان دي ! المهم ،مسابقة مكياج حسب الفهمتو ..
*واااي ، طيب دقيقه ، عليك الله وقف ..
_اوقف وين في طريق زي دا يا رحمة ، انتي عايزة تجيبي لي مخالفة ولا شنو !
*ياخ دايرة رقمهم ..
_مافي رقم ،الفي ايميل ..
*دايراهو عليك الله
_طيب ، بجيب ليكي الاعلان دا من النت ، مربوشة ياخ ..بعدين علاقتك شنو بالموضوع دا ؟
*مؤيد الغرقان بتعلق بي قشة ،، انا والله في حوجة للجنيه ! ولو المسابقة دي فيها قروش انا حأشارك فيها .
_طيب انتي مُلمة بفكرة المسابقة دي ؟
*ايواا ، دا الجابني الامارات ، بحب المكياج والتساريح ، ممكن تستغرب و تقولي كيف و انتي لابسة النقاب ، زي ما عارف ، المنقبه دي عندنا كان عليهم يحموها النفس البتتنفسو ..
_ليه ياخ المنقبة دي بني ادام برضو متطلع و عندو طموحات و مواهب ، بالعكس دي حاجة جميلة شديد و بس نوصل بفتش ليكي عنها انا حفظت اسمهاا Vinus..
*ان شاءالله ، بس معناهو شنو Vinus ، دا ؟
_تقريبا كدا آلهة الجمال عند الاغريق ،المهم رمز للجمال ..
*حلووو ...
_اي ..

( في جانب مناهل و مريم )
مشو بيت عمي الفاضل ، فتحت ليهم سماح ..
سماح : يا مرحب ! اتفضلوو
مناهل : دخلت فيها حضن ، لمن سمح طيرت عيونها .. كيفك و كيف اخبارك تمام !
مريم : !! ( حست تصرفات مناهل الغريبة و غير معتادة وراها حاجة ! )..
سماح : والله زي الشفتكم في حتة ! ...
مريم : (مدت يدها ) ازيك !
مناهل :ندخل اول ولاكيف !
سماح : ااا اكيد .. اكيد اتفضلو اتفضلووو !
يا امي ... (تنبيه) اتفضلو بي جااي ..
مرة عمي :(جات عليهمم تسلم ) .. اهلا اهلا بالحلوات ، يا مرحب ، كيفكم تمام كيف الوالدة ان شاءالله بخير .. تعالو اقعدووو ، امكم مالها ما جات معاكم !
سماح : ااااهاااا ، انتو بنات عمي محمد صح مشينا المستشفى من هنا سواا و حضرنا عملية عمي ، اعفو لي والله ما انتبهت ( قامت سلمت عليهم تاني ) .. كيفكم بالله ..
مناهل : ولايهمك انا عرفتك ما اتزكرتينا ،جينا قلنا نتعرف عليكم و نقعد جمبكم شويه ..ّمرة عمي : شرفتونا والله ، وين يمنة ما جات معاكم ليه ؟ وامكم ؟
مريم :مشو زيارة لابوي ..
مرة عمي : لالا تمام ربنا يواليه بالعافيه ان شاءالله ...
(انور جا بعد داير يدخل البرندة شاف في ضيوف رجع ،مرة عمي شافتو )
مرة عمي : انووووور ، تعال تعاال ههه شافكم رجع هههه تعال ..
انور : (من بعيد ) سلام عليكم ، ايوا يا امي !
سماح : مافي زول غريب تعال كنت عايز حاجة ؟
مرة عمي : تعال سبم ديل بنات عمك محمد ..
انور : يا مرحب ! (برضو من بعيد ) ،، لالا ما عايز حاجو ، انا طالع لو عايزين حاجة اتصلو علي ..
مرة عمي : طيب تمام ...
سماح : (بينها وبين نفسها) يا ربي انور مابو اختصرهم كدا !
مناهل : اها بعد دا انحنا نقوم نمشي يا جماعه اتشرفنا بيكم ، و سلامي لعمو الفاضل ..
سماح : بدري ،استنو اشربو حاجة
مرة عمي :بسم الله انتو متين جيتو ، اقعدن نشرب الشاي ، عليكم الله كان تقعدو ..
مريم : لالا والله مرة تانية بنجيككم ..
مرة عمي : عليكم الله نشرب الشاي سوااا .
مناهل : المرة الجايه.   يلااااا .....
*بعد طلعو *
سماح : اوفففففففف
مرة عمي :مالك يا بت ؟
سماح : ما بعرف لكن سقيلات يا امي بري بري وووووين يجو جمب رحمة ولا يمنة ، بري .. ولا الاسمها مناهل دذ ما ارتحت ليهاا ..
مرة عمي : يا بت عيب ديل بنات عمك ،و

يمنة ورحمة بناتنا اتربو معانا عشان كدا بس ، لكن ديل بكرة تتعرفي عليهم و تحبيهم ..
سماح : يا امي في ناس كدا لله في لله ما بتتبلع سبحان الله ، لكن مريومة دي شوية حبوبة و حليوة ما زي التانيه ..
مرة عمي : دي حركات منك ساي بنات حلاة الدنيا عليهم ..
سماح : حلاة الدنيا عليهم اااي ما قلنا حاجة لكن سقيلااااااات دي م ليها علاقه بالحلاوة ..
مرة عمي : انتي راسك دا اصلو براهووو ، اها خالد ما كلمك ؟
سماح : يكلمني لشنو ؟
مرة عمي : يا بتي الله يهديكي يمكن ترجعو ما تعندي ساي ..
سماح : انتي عارفه موقفي متو كويس و كل البينا طلاق والحمدلله على كدا ، انا لمن اتزوجت مفروض اني اتزوجت راجل ، بس للاسف ،، اهووو نصيب ،و كان جينا للجد بسبب ولدك المجهجه داااا ،و انا ما بشيلو الذنب ابدااا ، بالعكس بسببو عرفت خالد على حقيقتوو ، بس كمان هو يبقى زول غندو شخصية و صاحب قرار ،ما يوم داير اسماء وعشرة لا ،و انحنا نتدبس في مشاكل ما ليها ااااخر ..
مرة عمي : طيب براحه اسي جايطة مالك انتي ؟
سماح : عشان انتي اكتر وحدة عارفه انو ما مناسب لي ولا دا زول تتمنيهو لي اعيش معاهو يا امي .. و انا ما حارقني الا طلاقو لي رحمة و بيني و بينك رحمة ما بتشبه اسعد ، وربنا بيحبهااا انها اتطلقت منو !
مرة عمي : انتي كيف تقولي كدا على اخوكي مهما كان دا اخوكي ..
سماح : اخوي ! امي ،انوو الصغير دا اعقل من اسعد بمليون مرة و راجل !
مرة عمي : يمكن بيحب اسماء ، هو حر ..
سماح : اسماء هه .. اسماء ! اسماء دي وحدة حقيرة لدرجة انتي ما حتتخيليها ، و العملتو يوم سونكابي كلو عارفاهو يا امي ، بس انا ساكتة عشان يمنة حلفتني م اتكلم و من القهر الواحد ، بيغلط في الكلام ... نصيب بس ..
مرة عمي : حصل شنو احكي !
سماح : ما حصل شي يا امي .... بعدين تعالي اسألك ابوي مالو مع ناس عمي محمد ، ليه بقى بتعامل كدا ؟
مرة عمي : ما بعرف ..قومي اعجني لي الحنة ، ختي لي فيها سكر ..
سماح : طيب يلاااا ...

(مناهل ، و مريم واقفين جمب باب بيتنا)

مناهل : افتحي
مريم : افتح شنو افتحي انتي
مناهل: انا مامعاي المفتاح بطلي عوارتك دي و افتحي ..
مريم : مناهل والله ما بهظر ، مش انتي شلتيهو !
مناهل : لا ما شلتو انا قايلاكي شلتي انتي .. انتي طلعتي بعدي ..
مريم : استغفرالله العظيم ، اسي الحل شنووو حنقعد كدا في الشارع ، و ناس امي !
مناهل : تساليني اناااا
مريم : و ما احنا طلعنا بسببك اصلاااّ ،لو قاعدين في البيت ، دا كلو ما كان حصل و اها في الاخر سفهك  !
مناهل : شش شنووووو !
مريم : السمعتي ! 

( في جانبي )
*  ،والله يا مؤيد  دا سفر براهوو وحاة الله
_قربنا خلاص
*انا فصلتا والله ما قادرة افتح عيوني
_نومي بصحيكي ..ّ
*انوم لشنو وانت بتقول قربنا
_الليله من اسي بدينا نقنقة النسوان ، متين عرسنا هو !
*شنو... شنوووووو  قلت شنو ؟
_سلامتك ولاشي ..
*سمعتك على فكرة ،ما تتحمس ساي ..
_😒 طيب ..

#استككانة🐵....

يتبع .....