شرق8 🔞

الجزء 69

خلصت و دخلت الصحن و شربت موية ..
و جاني شايل الابتوب !
قالي :
_شوفي لقيت ليكي شنو ؟ اول حاجة خلصتي اكلك ؟ّ
*شنو ! اي حمدلله ..
_دقيقه ... اننمنمممم اممننننمال امم(بيقرا) سامع صوت تلفون !
*ااا دا حقي والله جوااا ...قمتا ، دخلت فتحت شنطة يدي ورديت ..
*السلام عليكم
_وعليكم السلام ، وينك !
*كنت مشغولة شوية ، خباركم شنو ؟
_حمدلله بخيرر ، كيف مع الشغل
*ماشي الحال حمدلله ..
_فاقداكي يا رحمة والله و نفسيتي زي الزفت ، خلاص ياخ تعالي ..
*ان شاءالله بجي والله وانتو كمان فارقين معاي شديد ، عارفه بتمنى ، نجي نعيش كلنا هنا ، البلد دي سمحة شديد نفسي اجيبكم تشوفوها ..
_هييه نمشي وين يا اختي والله مادايرين حاجة من الدنيا دي غير عافية ابوي ولمتنا من تاني ..
*ان شاءالله كله حيرجع ويبقى تمام ، اها اخبار ابوي شنو ؟
_حلاتووو الليله شفناهو والله جد حلاتو ، رغم الشيب الغذى دقنو وشنبو الا ان وشو هادئ و بريئ شديد ، بستو ليكي جسمو دااافي ، يارب يرجع لينا من تاني ..
*ما توجعي لي قلبي يا يمنة خلاص ، حمدلله بس ، ربنا يكتب ليهو الشفاء ..
_اللهم امين يا رب ..
*يلا .. انا نعسانة شديد والله ، سلمي على امي كويسه هي ؟
_حمدلله ، بتصلي
*طيب سلمي عليها انا الصباح باذن الله بتصل ..
_باذن الله ..
مويد قالي ، لسه ما خلصتي !
قلت ليهو خلصتاااا و نعسانه شديد ..
_طيب تعالي شوفي دااا ، تعالي اقعدي
*اقعد وين ؟
_جمبي مالك حاكلك انا ! الابتوب في رجولي حتشوفي كيف يعني ..
*طيب ...قعدت وخليت بينا مسافه كبير ، _قالي انا قايم ، على العموم دي صفحة الاعلان حق Vinus ،و دا الايميل حقهم ادخلي رسلي ليهم !
*ايميلي ما متزكراهو والله ..
_سوي واحد جديد اسي في ثواني بيتعمل ..
*طيب ..
بقيت بكابس ،جاي و جاي ، لمن عملت الايميل و انا خلاص بين صاحيه و نايمة ،، قلت ليهو ، مويد والله ما قادرة افتح ، تعال قدم لي انت ..
قالي جيبي ، امشي نومي ..
قلت ليهو تمام ، تصبح على خير ! دخلت الغرفة ورديت الباب قفلتو ( بس م ترباس اكرة ساي ) ...
دخلت و والله م عرفت زول ،ختت راسي طوالي نمته !

( في جانب عبدالله )

_خير يا عبدالله !
*خير ! عايز اتكلم معاكي
_جايني زي الوقت دا عشان تتكلم معاي ؟
*ايوة لانك ما بترفعي لي تلفون ..
_ارفع ليك تلفون ليه و لا اتكلم معاك ليه اصلا ً ، نسيت طلوعي بليل في الشوارع قدام عيونك ، وين كان نخوتك وقتها و اسي بكل بساطة داير تتكلم معاي !
*اسمعي ما تتفعلي ساي ،انا مستعد ارجع كل حاجة زي ما كانت .. واولها قفلت قضية الجزارة ..
_ ههه هو بالبساطة دي ! حياة الناس لعبه عندك ، يمين ، يمين ،، شمال، شمال ! بعد شنو ؟ شتت كم نفر و اذيت كم زول ، و بهدلت كم حياة ! مشكلتك ما عارف حجم العملتو ..
*انتي بتأنبي فيني زيادة ولا كيف ؟
_انا لا ياخ و انا اقدر اانبك يا استاذ عبدالله انت اليتخطاك ممكن تطير رقبتو ، اصلا ما باقي ليك شي عادي ممكن يجي يوم اسمع بيك بقيت تقتل ..هه ..
*واضح ان الكلام معاكي ما فيهو فايدة..
_طول ما انت ماشي في طريقك انت مستحقراك و مستصغراك يا عبدالله ، لمن تبقى زول تقي و تستشعر وجود ربنا ، و تصلح العملتو دا كان بتصلح ، بعداك انا مستعدة ارجع معاك، غير كدا ما عندي. ..
* انا فعلاً حاولت اصلح العملتو بس ما عارف اعمل شنو ، كل حاجة اتغيرت ، الانتقام و الغضب عمى عيوني ، و محمد دا اكتر زول حاسي بالندم تجاهو لان ماليهو ذنب ،كل العملو انه عارضني لمن اكتشف شغلي و ...
_دقيقه دقيقه ! قلت شنو ! محمد عارضك كيف يغني و ياتو شغل دا ، انا البعرفو محمد دا ليهو سنين ماسك ليك شغلك يا عبدالله ! ما قادرة افهم ، يعني اسي العملتو دا ما عشان انتقامك لموت امك !؟
*اا ا .... اي اي ،اا دا الحصل ، اسمعي انا راجع البيت اريج براها ،. مع السلامة ..
_لالا دقيقه يا عبدالله ، فهمني ! تعال يا عبدالله شغل شنو دا العارضك فيهو محمد ؟. لا حول ولاقوة الا بالله ، ما خايفه الا من دعاوي المظلومين دي عليك يا عبدالله ، لا حول ولاقوة الا بالله ، ربنا يهدبك ياخ تعبتني
والله العظيم فترتا انا .....

( في جانب يمنة )
يمنة راقدة و متغطية ،، بس ما نايمة ، سمعت اصوات مريم و مناهل بيتهامسو جوا غرفة يمنة ( مع العلم ان ليهم غرفه براهم ) ..يمنة بقت راقدة بتحاول ، تسمع الحاصل شنو ، و كان الكلام بين مناهل و مريم :
*مناهل(بي وشوشة ) جيبي التلفون وتعالي بسرعه انا ماسكة ليكي الباب ..
_انتي جايبانا هنا ليه، وليه اشيل تلفون يمنة ؟
*ياخ انتي غبية ،عشان رقم متوكل ..
_بس رقم متوكل عندي ..
*قبيل مش قلتي حذفتي الرقم بعد اعتزرتي ليهو ؟
_اخخخ نسيت ، اسي دايرة لشنو ؟
*يا متخلفة خلصينا البت حتصحي بي وشوشتنا دي ، جيبي التلفون بسرعه ..
_طيب ... امسكي ....
شالو التلفون و طلعو ،و يمنة لمن قامت قعدت في نص السرير ، بتحاول تستوعب و تفهم ديل بيعملو في شنو ! و كيف يشيلو تلفونها بالطريقه دي وعلاقة متركل شنو ؟ . بس سمعت صوت
الباب ..
رجعت رقدت و اتغطت ..
*رجعي زي ما ماكان..
_طيب ..ما استفدتي حاجة بسبب البسورد ..
*انتي الغبيه حاذفة رقمو ليه .. اطلعي خلينا نتصرف في حاجة تانيه ..
_طيب طيب .... و *طلع...
يمنة فهمت انهم عايزين يوصلو ، لرقم متوكل بس ليييه ؟ انا لازم افهم ، اتاريكم طلعتو موية من تحت تبن يا مناهل و مريم ، صحي والله الزمن دا الواحد يضمن نفسه ..

(في جانب مريم ومناهل )
_اتخيلي لوطلعت صاحية و سامعانا ..
*ما تسمع كان سمعت ما فارق معاي زول ..
_مناهل اناي مالك قلبتي كدا ؟
*شفتيها جاطت فينا كيف ،دا كلو عشان نسينا المفتاح ادتنا محاضرة طويلة عريضه..
_انتي بتلفي و تدوري مالك يا مناهل ، عديل قولي انك كارهاها عشان نظرات انور ليها و ما تحاولي تنكري ،و بعدين حسام المسكين دا زنبو شنو ،وين حبكم ، وين حبك ليهو ،وين زمن كان ما بيعدي عليكم يوم الا و انتو بتتكلمو ليل نهار ،زواجكم الاتفقتو تكملو تحت اي ظرف يا مناهل ،وين راح كل دا ؟
*انتي عارفه العملو خالك و ....*قاطعتها
_شوفي ما تعملي الحجة العملو خالو في ابوي اي اتبهدلنا لكن ما سبب ، و حتى فكرة انك عايزة متوكل يجبني دي ما تقنعيني بيها ولا تحاولي ، انتي عايزة تنتقمي يا مناهل و بصراحه متضايقه لانك بقيتي بالبشاعه دي و انسانة بغيضه ،كارهه وحاقدة على غيرك ، حتى سفر رحمة دا انتي ناقة فيهووو ! و شغلهم البسيط دااا حاسداهم ..رغم ان في يدك تبقي احسن و افضل منهم !
*انتي فاهمه غلط يا مريم ،و كيف تقولي عني كدااا !
_دي الحقيقه ،والله و انكريها للدنيا دي كلها الا انا ! و بالجد انا غبية عشان تابعتك و مشيت معاكي لحد غرفة يمنة و بدعي ربنا تكون ما سمعتنا ولا حست بينا ،،
*كدا يا مريم !!
_ايوا كداااا يا مناهل ، اعقلي احسن ليكي و ارجعي زي ما كنتي م تخلي الظروف تلعب بيكي زي التيار ، و تغيرك للاكعب ، خلي الضربة تقويكي مش ترخصك بالطريقه دي .. و بعدين خالك اللي هو خالك رمانا في الشارع منو غيرهم الفتح لينا بيتو ، معقول تعضي اليد الاتمدت ليكي !

( في جانبي انا )
فجاة جاتني صحية ، رفعت راسي اشوف الساعه كم ، عشان لو مواعيد الصلاة جات ، اصلي ! فجاة مع حركتي ، شميت ريحة مؤيد فيني !