شرق8 🔞

الجزء20

ﻗﻠﺖ ﻟﻴﻬﻮ ﺍﺑﻮﻱ ، ﺑﺴﻢ ﺍﻟﻠﻪ ﻣﺎﻓﻲ ﺣﺎﺟﺔ ، ﺟﻴﺘﻚ ﺑﺲ ﻋﻨﺪﻱ ﻣﺸﻮﺍﺭ ﻭﻣﺎ ﺑﻘﺪﺭ ﺍﻣﺸﻲ ﺑﺮﺍﻱ ﻟﻜﻦ ﺍﺳﻲ ﺑﺨﻠﻲ ﻟﺒﻜﺮﺓ .. ﻗﺎﻟﻲ ﻟﺤﺪ ﻭﻳﻦ ؟
ﻗﻠﺖ ﻟﻴﻬﻮ ﻣﻜﺘﺒﺔ ﻭﺟﺪﺍﻥ ..
ﻗﺎﻟﻲ ﻛﻮﻳﺲ ﺟﻴﺘﻲ ،،، ﻭ ﺑﺲ ﻧﺎﺩﺍﺍ ﻟﻲ ﻣﺘﻮﻛﻞ
ﻟﻤﻦ ﺧﻠﻌﻨﻲ .... ﻣﺎ ﺑﻌﺮﻑ ﻟﻜﻦ ﺍﻟﺰﻭﻝ ﺩﺍ ﺑﻴﺸﻘﻠﺐ ﺣﺎﻟﻲ ﻣﻦ ﺍﺷﻮﻓﻮ ﻭ ﺛﺎﺑﺖ ﻓﻲ ﺫﺍﻛﺮﺗﻲ ، ﻳﻤﻜﻦ ﻋﺸﺎﻥ ﺍﻟﻤﻮﻗﻒ ﺍﻟﻤﺨﺠﻞ ﺩﺍﻙ ﻳﻮﻡ ﺳﻮﻧﻜﺎﺏ ﺳﻤﺎﺡ ،،
ﺟﺎ ﻗﺎﻟﻲ ﺳﻼﻡ ﻋﻠﻴﻜﻢ ﺑﺘﻮﺗﺮ ،، ﻗﻠﺖ ﻭﻋﻠﻴﻜﻢ ﺍﻟﺴﻼﻡ .. ﺍﺑﻮﻱ ﻗﺎﻟﻴﻬﻮ ، ﻫﺎﻙ ‏( ﻣﻔﺘﺎﺡ ﺍﻟﻌﺮﺑﻴﺔ ‏) ﺩﻱ ﺭﺣﻤﺔ ﺑﺘﻲ ، ﺷﻮﻓﻬﺎ ﻣﺎﺷﺔ ﻭﻳﻦ ﻭﺻﻠﻬﺎ ﻭ ﺭﺟﻌﻬﺎ ﻣﻌﺎﻙ ﻋﻠﻰ ﻫﻨﺎ ، ﻣﺎ ﻋﻠﻰ ﺍﻟﺒﻴﺖ ، . ﻗﺎﻟﻴﻬﻮ ﻭﺍﻟﺸﻐﻞ ؟ ﺍﺑﻮﻱ ﻗﺎﻟﻴﻬﻮ ﺍﻧﺎ ﻣﻮﺟﻮﺩ ﻭ ﺯﻱ ﺍﻟﻮﻗﺖ ﺩﺍ ﻣﺎﻓﻲ ﺯﺑﺎﻳﻦ ﻛﺘﺎﺭ ، ﻭﺩﻳﻬﺎ ﺑﺲ ﻭ ﻣﺎ ﺗﺘﺎﺧﺮ ..
ﻗﺎﻝ ﻻﺑﻮﻱ ﺍﻏﺴﻞ ﺑﺲ ﻭﺍﻟﻠﺒﺲ ﻭﺍﺟﻲ ، ﻭﺟﺮﻯ ،، ﺑﻌﺪ ﻣﺸﻰ ، ﻗﻠﺖ ﻷﺑﻮﻱ ﺍﻧﺎ ﻣﺸﻮﺍﺭﻱ ﻣﺎ ﻣﻬﻢ ﻋﺎﺩﻱ ﺑﺘﺎﺟﻞ ﻭﻗﺖ ﺗﻔﻀﻰ ﺗﻮﺩﻳﻨﻲ، ﺍﺳﻲ ﻣﺎﻓﻲ ﻟﺰﻭﻡ ﺗﻜﻠﻒ ﻋﻠﻰ ﺍﻟﻮﻟﺰ ﻓﻲ ﺳﺎﻋﺎﺕ ﻋﻤﻠﻮ ﺍﻧﺎ ﻛﻨﺖ ﻣﺎﺷﻪ ﺍﺑﺪﻝ ﻛﺘﺐ ﺍﻟﺮﻭﺍﻳﺎﺕ ﻭﺍﺟﻴﺐ ﺟﺪﺍﺩ ، ﻗﺎﻟﻲ ﺧﻼﺹ ﺍﻣﺸﻲ ﻫﻮ ﺑﻴﻮﺻﻠﺞ ﻭﻳﺮﺟﻌﻚ ، ﻻﺯﻡ ﺗﺠﻲ ﻫﻨﺎ ﻋﺸﺎﻥ ﺣﺸﻴﻠﻚ ﻟﺤﻤﺔ ﻟﻠﺒﻴﺖ ،، ﻗﻠﺖ ﻟﻴﻬﻮ ﺣﺎﺿﺮﺭﺭ .. ّ
ﻃﻠﻊ 200 ﺝ ﺍﺩﺍﻧﻲ ﻟﻴﻬﻢ ،ﻭ ﻣﺸﻰ ﻗﻌﺪ ﻣﻊ ﺍﻟﺮﺍﺟﻞ ، ﻭﺗﺎﻧﻲ ﺷﺪﻭ ﻓﻲ ﺍﻟﻨﻘﺎﺵ ﻭ ﻛﻼﻡ ﺣﺴﺎﺑﺎﺍﺕ ﻭﻛﺪﺍ ..
ﺟﺎ ﻣﺘﻮﻛﻞ ،، ﻗﺎﻟﻲ ﺍﺗﻔﻀﻠﻲ ،، ﻃﻮﺍﻟﻲ ﻣﺸﻴﺖ ﺭﻛﺒﺘﺎ ﻭﺭﺍ ،، ﺳﺎﻟﻨﻲ ﻭﻳﻦ ﻗﻠﺖ ﻟﻴﻬﻮ ﻣﻜﺘﺒﺔ ﻭﺟﺪﺍﻥ ،،، ﺳﻜﺖ ..
ﻛﻨﺖ ﺷﺎﻳﻠﻪ ﻣﻌﺎﻱ 10 ﻛﺘﺎﺏ ﺣﻘﺎﺗﻲ ، ﻗﻠﺖ ﺍﺑﺪﻟﻬﻢ ، ﺍﻟﻤﻬﻢ ﻋﺎﻳﺰﺓ ﺍﺟﻴﺐ ﻛﻤﻴﺔ ،ﻃﻠﻌﺘﻬﻢ ﻣﻦ ﺍﻟﻜﻴﺲ ،ﻭ ﻋﺎﻳﻨﺖ ﻗﺪﺍﻡ ﻓﻲ ﺍﻟﻌﺮﺑﻴﺔ ، ﻓﻲ ﻗﻠﻢ ﻗﺎﻋﺪ ، ﻗﻠﺖ ﻟﻴﻬﻮ ﻣﻌﻠﻴﺶ ﻧﺎﻭﻟﻨﻲ ﺍﻟﻘﻠﻢ ﺩﺍ !
ﻃﻮﺍﻟﻲ ﻣﺪ ﻳﺪﻭ ﻭﺍﺩﺍﻧﻲ ﻟﻴﻬﻮ .. ﻓﺘﺤﺖ ﻛﻞ ﺭﻭﺍﻳﻪ ، ﻛﺘﺒﺖ ﻓﻴﻬﺎ ﺭﺳﺎﻟﺔ ﻟﻠﺤﻴﻘﺮﺍﻫﺎ ﺑﻌﺪﻱ ،
‏( ﻣﺎ ﺗﺨﻠﻲ ﻫﻢ ﻭﺍﺣﺪ ﻳﻨﺴﻴﻚ ﺃﻟﻒ ﻧﻌﻤﺔ ‏)
ﻭ ﻛﺘﺒﺖ ﺍﻟﺘﺎﺭﻳﺦ ،، ﻭﻛﺘﺒﺖ ﺗﺤﺖ ، ‏( ﺧﻠﻲ ﺭﺳﺎﻟﺔ ﻫﻨﺎ ﻟﻠﺒﻌﺪﻙ ‏) ...
ﻟﺴﻪ ﻣﺎ ﺧﻠﺼﺘﺎ ، ﻟﻘﻴﺖ ﻣﺘﻮﻛﻞ ﺑﻴﻘﻮﻟﻲ ، ﺍﻟﻤﻜﺘﺒﺔ ﺩﻱ ﺻﺢ ؟ ﺭﻓﻌﺖ ﺭﺍﺳﻲ ، ﻗﻠﺖ ﻟﻴﻬﻮ ﺍﻳﻮﺓ ﻳﺎﺧﺎ ﺑﺲ ﺩﻗﻴﻘﻪ ، ﻓﻀﻠﻮ ﻟﻲ ﻛﺘﺎﺑﻴﻦ ، ﺍﻧﺎ ﻣﺎﻋﺎﺭﻓﻪ ﻟﻴﻪ ﻣﺎﻓﻜﺮﺕ ﻓﻲ ﺍﻟﺒﻴﺖ ﺍﻛﺘﺒﻬﻢ ..
ﻗﺎﻡ ﻧﺰﻝ ﻭ ﻭﻗﻒ ﺑﺮﺍ ، ﻭ ﻗﺮﺏ ﻣﻦ ﺍﻟﺸﺒﺎﻙ ﻛﺎﻥ ﺑﻴﻌﺎﻳﻦ ﻓﻲ ﺍﻟﺮﻭﺍﻳﺎﺕ ، ﻟﺤﺪ ﻣﺎ ﺧﻠﺼﺘﺎ ، ﺭﺟﻌﺘﻬﻢ ﻓﻲ ﺍﻟﻜﻴﺲ ، ﻭﻓﺘﺤﺖ ﺍﻟﺒﺎﺏ ، ﺩﺍﻳﺮﺓ ﺍﻧﺰﻝ ، ﺑﻌﺪ ﻧﺰﻟﺘﺎ ، ﻟﻘﻴﺘﻮ ﺑﻴﻘﻮﻟﻲ ﻣﻌﻠﻴﺶ ﺍﺫﺍ ﺑﺘﺪﺧﻞ ، ﺑﺲ ﺩﻳﻞ ﺭﻭﺍﻳﺎﺕ ﺻﺢ ؟
ﻗﻠﺖ ﻟﻴﻬﻮ ﺍﻳﻮﺓ ، ﻗﺎﻟﻲ ﻃﻴﺐ ﺯﻱ ﺍﻟﺸﻔﺖ ﻭﺍﺣﺪ ﻏﻼﻓﻮ ﺍﺻﻔﺮ ، ﺩﻱ ﺭﻭﺍﻳﺔ ﺍﻟﻨﺎﺟﻲ ﺍﻻﺧﻴﺮ ؟
ﻗﻠﺖ ﻟﻴﻬﻮ ﺍﻳﻮﺓ ﻳﺎﻫﺎ ! ﻗﺎﻡ ﺿﺤﻚ ، ﻛﺪﺍ ﻗﺎﻟﻲ ﻣﻤﻜﻦ ﺍﺧﺪﻭ ﺍﻗﺮﺍﻫﺎ ﻭ ﺍﺭﺟﻌﺎ ﻟﻴﻜﻲ ﻭ ﻟﻮ ﻋﺎﻳﺰﺓ ﺑﺪﻳﻞ ﻟﻴﻬﺎﺍ ﻣﻤﻜﻦ ، ﻗﻠﺖ ﻟﻴﻬﻮ ﺍﻛﻴﺪ ﻣﻤﻜﻦ ، ﻃﻴﺐ ﻟﺤﻈﺔ !
ﻣﺸﻴﺖ ﻓﻲ ﺍﻟﻌﺮﺑﻴﻪ ﻣﻦ ﻭﺭﺍ ، ﺧﺘﻴﺖ ﻛﻴﺲ ﺍﻟﺮﻭﺍﻳﺎﺕ ، ﻭ ﺑﻄﻠﻊ ﻟﻴﻬﻮ ﻭﺍﺣﺪ ﻭﺍﺣﺪ ، ﻭ ﺷﻠﺖ ﺍﻟﻘﺎﻝ ﺩﺍﻳﺮﻫﺎ ، ﻗﻠﺖ ﻟﻴﻬﻮ ﺷﻮﻑ ﻣﻦ ﺩﻳﻞ ﻓﻲ ﺣﺎﺟﺔ ﺗﺎﻧﻲ ﺣﺎﺑﻲ ﺗﻘﺮﺍﻫﺎ ، ﻭﻋﻠﻰ ﻓﻜﺮﺓ ﺩﻳﻞ ﻣﺎ ﻛﻠﻬﻢ ، ﻏﺮﻓﺘﻲ ﻣﻠﻴﺎﻧﻪ ﺑﺲ ﻣﺎﻗﺪﺭﺕ ﺍﺷﻴﻠﻬﻢ ﻛﻠﻬﻢ ﻓﺎ ﻛﻞ ﻓﺘﺮﺓ ﺑﺠﻲ ﺍﺑﺪﻝ ﺟﺰﺀ ..
ﺑﺎﻟﻠﻪ ﺍﻟﺰﻭﻝ ﺩﺍﺍﺍ ﺳﺮﺭﺭﺡ ﺑﻴﻌﺎﻳﻦ ، ﺯﻱ ﺍﻟﺰﻭﻝ ﺍﻟﻮﺍﻗﻊ ﻓﻲ ﻏﺮﺍﻡ ﺣﺎﺟﺔ ﻭﻟﻘﺎﻫﺎ ،، ﺷﺎﻝ ﺭﻭﺍﻳﺔ ﺍﻟﻨﺎﺟﻲ ﺍﻻﺧﻴﺮ ،، ﻭ ﺍﻟﺒﺎﻗﻲ ﻗﺎﻟﻲ ﺗﺼﺪﻗﻲ ﻗﺮﻳﺘﻬﻢ ﻛﻠﻬﻢ ﺑﺲ ﺑﻌﺎﻳﻦ ﻓﻴﻬﻢ ﺯﻱ ﺍﻟﻠﻘﻴﺖ ﺍﺻﺤﺎﺏ ﻟﻲ ﻭﺍﻧﺎ ﻣﻄﻮﻝ ﻣﻨﻬﻢ ..
ﻃﺒﻌﺎً ﻋﺠﺒﻨﻲ ﻭﺻﻒ ﺍﺣﺴﺎﺳﻪ ﺑﺎﻟﻄﺮﻳﻘﻪ ﺩﻱ ، ﺣﺴﺴﻨﻲ ﻗﺪﺭ ﺷﻨﻮ ﺍﻥ ﻓﻲ ﺣﺎﺟﺎﺕ ﺑﺴﻴﻄﺔ ﺑﺘﺒﺴﻄﻨﺎ ..
ﻗﺎﻟﻲ ﺍﻧﺎ ﺷﻠﺖ ﺩﺍﺍﺍ ﺣﺎﻟﻴﺎً ﻭ ﻣﺘﺸﻮﻕ ﺍﻗﺮﺍﻫﻮ ، ﻭ ﺣﺄﺩﻳﻜﻲ ﺑﺪﻳﻞ ﻟﻴﻬﻮ ﻣﻦ ﺍﻟﻌﻨﺪﻱ ﻓﻲ ﺍﻟﺒﻴﺖ ،، ﻗﻠﺖ ﻟﻴﻬﻮ ﻳﻤﻜﻦ ﺍﻛﻮﻥ ﻗﺮﻳﺘﻮ ﺍﺳﻤﻪ ﺷﻨﻮ ؟ ﻗﺎﻟﻲ ﺣﺎﺳﺲ ﺍﻧﻚ ﻣﺎ ﺣﺘﻜﻮﻧﻲ ﻗﺮﻳﺘﻴﻬﺎ، ﺑﺲ ﻟﻤﻦ ﺗﺠﻴﻜﻲ ﺷﻮﻓﻴﻬﺎﺍﺍ ، ﻗﻠﺖ ﻟﻴﻬﻮ ﺗﻤﺎﻡ ، ﻗﻠﺖ ﻟﻴﻬﻮ ﺗﺪﺧﻞ ﻣﻌﺎﻱ ؟
ﻗﺎﻟﻲ ﻃﻮﺍﻟﻲ ﻳﻼ ، ﻭﺷﺎﻝ ﻣﻨﻲ ﺍﻟﻜﻴﺲ ،، ﻗﻠﺖ ﻟﻴﻬﻮ ﺧﻠﻲ ﺍﻟﻤﻌﺎﻙ ﺩﻱ ﻓﻲ ﺍﻟﻌﺮﺑﻴﻪ ، ﻓﻌﻼ ﺧﺘﺎﻫﺎ ، ﻭﺩﺧﻠﻨﺎ ، ﺍﺩﻳﺘﻬﻢ ﺍﻟﺘﺴﻌﻪ ، ﻭ ﺑﻘﻴﺖ ﺑﻔﺘﺶ ﻓﻲ ﺗﺴﻌﻪ ﺟﺪﺍﺩ ﻋﻠﻲ ، ﺍﻧﺎ ﻓﻲ ﺣﺘﻪ ﻭ ﻫﻮ ﻓﻲ ﺣﺘﻪ ، ﻗﺪﺭ ﺷﻨﻮ ﺍﻟﻌﺎﻟﻢ ﺩﺍ ﺟﻤﻴﻞ ، ﻭ ﺑﻴﺎﺧﺪﻙ ﺑﺎﻟﺠﺪ ﻟﻌﻮﺍﻟﻢ ﺗﺎﻧﻴﺔ ﺣﻠﻮﺓ ﻭﺣﺰﻳﻨﺔ ﻭﺳﻌﻴﺪﺓ ..
ﺷﻠﺖ 8 ﺟﺎﺍ ﻭﺷﺎﻳﻞ ﻭﺍﺣﺪ ﻗﺎﻟﻲ ﺩﺍ ﺍﻟﺘﺎﺳﻊ ﺍﺗﻤﻨﻰ ﺗﻌﺠﺒﻚ ، ﻗﻠﺖ ﻟﻴﻬﻮ ﺍﻧﺖ ﻗﺮﻳﺘﺎ ﻗﺒﻞ ﻛﺪﺍ ﺩﻱ ؟ ﻗﺎﻟﻲ ﺍﻳﻮﺓ ، ﻗﻠﺖ ﻟﻴﻬﻮ ﻃﻴﺐ ﺍﻟﺮﻭﺍﻳﻪ ﺍﻟﻘﻠﺖ ﻟﻴﻬﺎ ﺣﺘﺪﻳﻨﻲ ﺍﻗﺮﺍﻫﺎ ، ﻳﻤﻜﻦ ﺗﻜﻮﻥ ﺷﻠﺘﻬﺎ ﺿﻤﻦ ﺩﻳﻞ ،، ﺿﺤﻚ ﻗﺎﻟﻲ ﻻﻻ ...
ﻣﻦ ﺟﻮﺍﻱ ﺍﺗﻤﻨﻴﺖ ﺍﺣﺼﻞ ﻋﻠﻰ ﺍﻟﻜﺘﺎﺏ ﺍﻟﻌﻨﺪﻩ ﺩﺍ ، ﺍﻟﻤﻬﻢ ﻃﻠﻌﻨﺎﺍ ،،
ﻭ ﺍﺗﺤﺮﻛﻨﺎ ، ﺻﻤﺖ ﻭ ﺳﻜﻮﻭﻭﺕ ، ﻛﺪﺍ ﻟﻤﻦ ﻭﺻﻠﻨﺎ ﺍﻟﺠﺰﺍﺭﺓ ، ﻧﺰﻟﺘﺎ ﻟﻘﻴﺖ ﺍﺑﻮﻱ ﻗﺎﻋﺪ ﺑﺮﺍ ،، ﻣﺸﻴﺖ ﻋﻠﻴﻬﻮ ﺳﻠﻤﺘﺎ ، ﻗﺎﻟﻲ ﺍﻫﺎ ﺟﺒﺘﻲ ﺍﻟﺪﺍﻳﺮﺍﻩ ، ﻗﻠﺖ ﻟﻴﻬﻮ ﺍﻳﻮﻭﺓ ، ﻗﺎﻟﻲ ﻃﻴﺐ ﺍﺩﻱ ﺍﻟﻘﺮﻭﺵ ﺩﻱ ﻝ ﻳُﻤﻨﺔ ،، ‏( ﺍﺑﻮﻱ ﻣﺎ ﺑﻴﻔﺮﻕ ﺑﻴﻨﺎ ﻛﻞ ﺷﻲ ﺑﺪﻳﻨﺎ ﺯﻱ ﺑﻌﺾ ، ﻟﻮ ﺟﻨﻴﻪ ، ﺑﻴﺪﻱ ﻛﻞ ﻭﺍﺣﺰﺓ ﻓﻴﻨﺎ ﺟﻨﻴﻪ ، ﺍﺳﻲ ﺍﺩﺍﻧﻲ 200 ﻻﻧﻪ ﻗﺒﻴﻞ ﺍﺩﺍﻧﻲ 200 ‏) ..
ﻗﺎﻟﻲ ﺍﻟﻜﻴﺲ ﺩﺍ ﻡ ﺗﻘﻴﻞ ، ﻗﻠﺖ ﻟﻴﻬﻮﻭﻭ ﻻﻻ ﻡ ﺗﻘﻴﻞ ، ﻗﺎﻟﻲ ﻟﺴﻪ ﺣﺄﺩﻳﻜﻲ ﻛﻴﺲ ﺍﻟﻠﺤﻤﺔ ، ﺑﺲ ﺟﺎﺕ ﺯﻳﺒﻮﻧﺔ ﺩﺍﺧﻠﻪ ، ﻣﺘﻮﻛﻞ ﺟﻮﺍ ﺑﺘﻜﻠﻢ ﻣﻌﺎﻫﺎ ، ﻭ ﺍﻗﻄﻊ ﻟﻲ ﻣﻦ ﺩﻱ ﺍﺩﻳﻨﻲ ﻣﻦ ﺩﻱ ﺷﺎﺑﻜﺎﻫﻮ، ﺍﻧﺎ ﻗﻠﺖ ﻻﺑﻮﻱ ﻳﻼ ﺍﻧﺎ ﺣﺄﻣﺸﻲ ، ﻗﺎﻟﻲ ﻃﻴﺐ ﻛﻠﻤﻲ ﺍﻣﻚ ﺍﻧﺎ ﺣﺘﺄﺧﺮ ﻓﻲ ﺍﻟﺮﺟﻌﻪ ﻣﺎ ﺗﻘﻠﻖ ، ﻗﻠﺖ ﻟﻴﻬﻮ ﻃﻴﺐ . ، ﻭ ﺍﻧﺎ ﻣﺎﺷﻪ ، ﻣﺘﻮﻛﻞ ﻛﺎﻥ ﺑﻌﺎﻳﺖ ﻟﻲ ﻭﺑﻴﻘﻄﻊ ، ﻗﺎﻡ ﺷﺎﻝ ﻳﺪﻭ ﺑﺎﻟﺴﻜﻴﻦ ، ﻭ ﺍﺳﻤﻊ ﺍﻟﺠﻮﻃﺔ ﻭﺍﻟﻜﻮﺭﺍﻙ ﻭﺭﺍﻱ ، ﺍﻧﺎ ﻛﻤﺎﻥ ﻣﻦ ﻏﻴﺮ ﻣﺎ ﺍﺣﺲ ، ﺟﺮﻳﺖ ﻋﻠﻰ ﺍﻟﺠﺰﺍﺭﺓ ﺗﺎﻧﻲ ، ﻭ ﺑﻘﻴﺖ ﻭﺍﻗﻔﻪ ﻭﺭﺍ ﻻﻧﻪ ﺍﺑﻮﻱ ﺟﺎ ﺟﺎﺭﻱ ﻭ ﻣﺎﺳﻚ ﻟﻴﻬﻮ ﻳﺪﻭ ، ﻭ ﻗﻌﺪﻭ ،
ﻃﺒﻴﻌﻲ ﺍﻥ ﺍﺑﻮﻱ ﻋﻨﺪﻭ ﺻﻨﺪﻕ ﺍﺳﻌﺎﻓﺎﺕ ﻟﻠﺤﺎﺟﺎﺕ ﺩﻱ ﻻﻧﻪ ﺍﻟﺠﺮﻭﺡ ﺩﻱ ﻃﺒﻴﻌﺒﻪ ، ﺑﺲ ﺍﻟﺪﻡ ﺍﻟﻨﺰﻝ ﻣﻦ ﻣﺘﻮﻛﻞ ﺩﺍ ﻭﺍﻟﻠﻪ ﺯﻱ ﺍﻟﻘﻄﻊ ﻋﺮﻕ ﻭﻻ ﺣﺎﺟﺔ ، ﺟﺪ ﺍﺗﺨﻠﻌﺘﺎﺍ ﻟﻤﻦ ﺧﻔﺘﺎﺍ ..
ﺍﺑﻮﻱ ﻟﻒ ﻟﻴﻬﻮ ﻳﺪﻭ ، ﻭ ﻗﻌﺪ ﻳﺸﺎﻛﻠﻮ ، ﺭﻛﻜﺰ ﻭ ﺧﻠﻲ ﺑﺎﻟﻚ ﻭﻓﻲ ﺷﻨﻮ ﺍﻧﺖ ﻭﺑﺎﻟﻚ ﻭﻳﻦ ﻭﻛﻼﻡ ﺯﻱ ﺩﺍ .. ﻗﺎﻡ ﺍﺑﻮ
ﻱ ﻗﻄﻊ ﻟﻠﺰﺑﻮﻧﺔ ،،
ﺍﺑﻮﻱ ﻗﺎﻟﻲ ﺍﻣﺸﻲ ﺍﻟﺒﻴﺖ ﻳﻼ ،، ﻗﻠﺖ ﻟﻴﻬﻮ ﺑﻌﺪ ﻣﺸﻴﺖ ﺭﺟﻌﺖ ﺍﻟﻤﺮﺓ ﺧﻠﻌﺘﻨﻲ ﻟﻤﻦ ﺻﺮﺧﺖ ،،
ﻗﺎﻟﻲ ﻣﺎﻓﻲ ﺣﺎﺟﺔ ﺑﺴﻴﻄﺔ ﺍﺗﻮﻛﻠﻲ ..
ﺭﺟﻌﺖ ﺍﻟﺒﻴﺖ ، ﻭ ﺍﻧﺎ ﺩﺍﺧﻠﺔ ، ﻛﺎﻥ ﺍﺳﻌﺪ ﻣﺎﺭﻕ ﻣﻦ ﺑﻴﺘﻬﻢ ، ﻣﺎ ﻗﺼﺪﻱ ﻡ ﺍﺳﻠﻢ ﺑﺲ ﻡ ﺭﻛﺰﺕ ﻛﺘﻴﺮ ، ﻣﺒﺴﻮﻭﻭﻃﺔ ﺑﻲ ﺭﻭﺍﻳﺎﺗﻲ ﺍﻟﺠﺪﻳﺪﺓ ،
ﻗﺎﻟﻲ ﺍﻟﺴﻼﻡ !! ﺭﺟﻌﺖ ﻟﻮﺭﺍ ﺑﻌﺪ ﻛﻨﺖ ﺣﺄﺩﺧﻞ ﺍﻟﺒﻴﺖ ، ﻗﺎﻟﺖ ﻟﻴﻬﺎﺍ ﻳﻼ ﺍﺳﻌﺪ ﻭ ﻋﻠﻴﻜﻢ ﺍﻟﺴﻼﻡ ،،ﻛﻴﻔﻚ ؟ ﻗﺎﻟﻲ ﺣﻤﺪﻟﻠﻪ ، ﻗﻠﺖ ﻟﻴﻬﻮ ﻳﺴﺘﺎﻫﻞ ﺍﻟﺤﻤﺪ ، ﻭ ﻋﻦ ﺍﺯﻧﻚ ... ﻭ ﺩﺧﻠﺘﺎ ﻭﻗﻔﻠﺖ ﺍﻟﺒﺎﺏ ﻭﺭﺍﻱ ...
ﺩﺧﻠﺘﺎ ﻛﺎﻟﻌﺎﺩﺓ ﺍﻣﻲ ﻭ ﻳُﻤﻨﺔ ﻣﺪﻭﺭﻳﻦ ﻟﻴﻬﻢ ﻧﻘﺎﺵ ، ﺩﺍﻳﺮﺓ ﻗﺮﻭﻭﻭﺵ ،، ﻗﻠﺖ ﻟﻴﻬﺎ ﻭﺍﻟﻴﺪﻳﻜﻲ ﻗﺮﻭﺵ ﻳﺎ ﻳﻤﻨﺔ ، ﻗﺎﻟﺖ ﻟﻲ ﺍﻧﺖ ﺍﺳﺴﺲ . ﻣﺎ ﺑﺘﺪﻳﻨﻲ . ، ﻗﻠﺖ ﻟﻴﻬﺎ ﻃﻴﺐ ﻛﻨﺖ ﺣﺄﺩﻳﻜﻲ ﻭ ﺍﻛﺘﺮ ﻣﻦ ﺍﻟﻘﺮﻭﺵ ﺍﻟﻌﺎﻳﺰﺍﻫﺎ ،، ﻗﺎﻟﺖ ﻟﻲ ﻫﻬﻪ ﻻﻻ ﺣﻌﻤﻞ ﻓﻴﻬﺎ ﻣﺼﺪﻗﺎﻛﻲ .. ﻗﻠﺖ ﻟﻴﻬﺎ ﺗﻤﺎﻡ ! ﻣﻌﻨﻰ ﻛﺪﺍ ﺍﻝ 200 ﺣﻘﺘﻚ ﺍﻟﻤﻌﺎﻱ ، ﺣﺄﺭﺟﻌﺎ ﻻﺑﻮﻱ ،، ﺟﺎﺗﻨﻲ ﻗﺎﻟﺖ ﻟﻲ ﻋﻠﻴﻚ ﺍﻟﻠﻪ ﺍﺑﻮﻱ ﺍﺩﺍﻛﻲ ﻗﺮﻭﺵ ﻟﻲ ،ﻗﻠﺖ ﻟﻴﻬﺎ ﺯﻱ ﺍﻟﻤﺎ ﺍﺩﺍﻧﻲ ﺣﺎﺟﺔ ﻋﺸﺎﻥ ﻗﻠﺘﻲ ﺍﻧﺎ ﻛﺬﺍﺍﺍﺑﺔ ، ﻗﺎﻟﺖ ﻟﻲ ﺭﺣﻤﺔ ﺑﻄﻠﻲ ﻳﺎﺥ ﺍﻧﺎ ﻣﺎﻗﻠﺖ ﻟﻴﻜﻲ ﻛﺬﺍﺍﺍﺑﻪ ﻋﻴﺐ ، . ﻗﻠﺖ ﻟﻴﻬﺎ ﻫﺎﺍﺍﻙ ﻗﺮﻭﺷﻚ ﺑﺲ ﺑﻄﻠﻲ ﺯﺯﺯﺯﻥ ،،،
ﺿﺤﻜﺖ ﻭ ﺑﻘﺖ ﺗﻨﻄﻂ ،، ﻓﺠﺄﺓ ﺍﻣﻲ ﻗﺎﻟﺖ ﻟﻲ ﺧﻠﺼﺘﻲ !
ﻗﻠﺖ ﻟﻴﻬﺎ ﺧﻠﺼﺘﺎ ﺷﻨﻮ ؟ ﻗﺎﻟﺖ ﻟﻲ ﻛﻼﻡ ﻣﻊ ﻳﻤﻨﺔ ،، ﻗﻠﺖ ﻟﻴﻬﺎ ﺍﻳﻮﺓ ، ﻗﺎﻟﺖ ﻟﻲ ﻛﻨﺘﻲ ﻭﻳﻦ ﺍﻧﺘﻲ ؟
ﻗﻠﺖ ﻟﻴﻬﺎ ﻣﺸﻴﺖ ﺍﻟﻤﻜﺘﺒﻪ ، ﻭ ﻣﺸﻴﺖ ﻻﺑﻮﻱ ﻳﻮﺩﻳﻨﻲ ، ﻟﻘﻴﺘﻮ ﻣﺸﻐﻮﻝ ، ﺧﻠﻰ ﺍﻟﻮﻟﺪ ﺍﻟﺸﻐﺎﻝ ﻣﻌﺎﻫﻮ ﻭﺩﺍﻧﻲ ﻭﺭﺟﻌﻨﻲ ، ﻗﺎﻟﺖ ﻟﻲ ﻳﻌﻨﻲ ﺍﺑﻮﻙ ﻋﺎﺭﻑ ﺍﻧﻚ ﻃﻠﻌﺘﻲ ﻭﺳﻜﺖ ﻟﻴﻜﻲ ؟
ﻗﻠﺖ ﻟﻴﻬﺎ :
* ﺍﻧﺎ ﻋﻤﻠﺖ ﺣﺎﺟﺔ ﻏﻠﻂ ؟
_ ﻏﻠﻂ ﺍﻛﺒﺮ ﻭ ﺍﻛﺘﺮ ﻣﻦ ﻛﺪﺍ ﺩﺍﺫﺭﺓ ﺗﺴﻮﻱ ﺷﻨﻮ ﻳﺎ ﺭﺣﻤﺔ !
* ﺍﻣﻲ ﻛﻞ ﺍﻟﻘﺼﻪ ﺍﻧﺎ ﺯﻫﺠﺘﻪ ﻭ ﻛﻞ ﺍﻟﺮﻭﺍﻳﺎﺕ ﺍﻟﻌﻨﺪﻱ ﻗﺮﻳﺘﻬﻢ، ﻣﺸﻴﺖ ﺑﺪﻟﺘﺎ ﺑﺲ ..
_ ﺩﻱ ﺍﻟﺤﺎﻟﺔ ﺍﻧﻚ ﺳﺖ ﺍﻟﺪﻳﻦ ﻭ ﺍﻟﻌﻠﻢ ، ﻧﺴﻴﺘﻲ ﻳﺎ ﻫﺎﻧﻢ ﺍﻧﻚ ﻣﻄﻠﻘﺔ !
* ﺍﻫﺎﺍﺍﺍﺍ ، ﺍﻧﻮﻗﻌﺖ ﺍﻱ ﺷﻲ ﻓﻲ ﺍﻟﺪﻧﻴﺎ ﻳﺎ ﺍﻣﻲ ﺍﻻ ﺍﺳﻄﻮﺍﻧﺔ ﺍﻟﻤﻄﻠﻘﻪ ﻭﺍﻟﺴﻤﻌﻪ ﻭ ﻣﺎ ﺗﻄﻠﻊ ﻭﻡ ﺗﺠﻲ ﻭﻛﻼﻡ ﺍﻟﻨﺎﺱ ﺍﻟﻤﺎ ﺑﻨﺎﺧﺪ ﻣﻨﻮﻭﻭ ﻏﻴﺮ ﻭﺟﻊ ﺍﻟﻘﻠﺐ ﺻﺢ !
_ ﻻ ﻳﺎ ﺭﺣﻤﺔ ﻣﺎ ﺻﺢ ، ﺍﻟﺼﺢ ﺍﻧﻚ ﻣﺘﻄﻠﻘﺔ ، ﻭﺍﻟﻤﻄﻠﻘﺔ ﻟﻴﻬﺎ ﻋﺪﺓ ، ﻣﺎ ﺑﺘﻄﻠﻊ ﺑﺮﺍ ﺍﻟﺒﻴﺖ ﺍﻻ ﺑﻌﺪ ﺗﺘﻤﻬﺎ ، ﺩﺍﺍﺍ ﺍﺫﺍ ﻣﺎ ﻋﺎﺭﻓﻪ ﺍﻋﺮﻓﻲ ﻭ ﺍﺫﺍ ﻧﺎﺳﺒﻪ ﻫﺪﺍ ﺯﻛﺮﺗﻚ ، ﻭﺍﺑﻮﻛﻲ ﺻﻼﻱ ﺍﻟﺠﻮﺍﻣﻊ ﻣﺎﻟﻮ ﻟﻤﻦ ﺷﺎﻓﻚ ﻣﺎ ﺍﺗﻜﻠﻢ ﻣﻌﺎﻛﻲ ﻭﺭﺟﻌﻚ ﺍﻟﺒﻴﺖ ، ﻭﻻ ﺍﻟﺪﻟﻊ ﺍﻟﻤﺪﻟﻌﻚ ﻟﻴﻬﻮ ﺩﺍ ﻣﺨﻠﻲ ﻳﺘﺠﺎﻭﺯ ﺍﻏﻼﻃﻚ ﻛﻠﻬﺎﺍﺍﺍ ، ﺑﺲ ﻣﺎ ﺗﻮﺻﻞ ﻟﻜﻼﻡ ﺭﺑﻨﺎ !
... ﺳﻜﺘﺎ ﺑﻘﻴﺖ ﻣﺎ ﻋﺎﺭﻓﻪ ﺍﻗﻮﻝ ﺷﻨﻮ ، ﻓﻌﻼً ﺭﺍﺣﺖ ﻣﻦ ﺑﺎﻟﻲ ، ﺑﺲ ﺍﻧﺎ ﺍﺗﻌﺎﻣﻠﺖ ﺑﻔﻜﺮﺓ ﻓﻲ ﺭﺍﺳﻲ ﻭ ﻃﺒﻘﺘﻬﺎ ﻣﻦ ﻏﻴﺮ ﻣﺎ ﺍﺣﺲ .. ﺍﺳﻲ ﺍﻧﺎ ﺍﻗﻮﻝ ﻷﻣﻲ ﺷﻨﻮ !
ﺍﻗﻮﻟﻴﻬﺎ ﻻﺀ ﻣﺎ ﺍﺗﺤﺒﺲ ﻻﻧﻪ ﺍﺻﻼً ﻣﺎ ﺩﺧﻞ ﺑﻲ ﻭﻻ ﺣﺼﻠﺖ ﺑﻴﻨﺎﺗﻨﺎ ﺍﻱ ﻋﻼﻗﺔ !
ﺍﻟﺪﻳﻦ ﺑﻴﻘﻮﻝ ﺍﻥ ﺍﻟﻤﺮﺓ ﺍﻟﻤﺘﺰﻭﺟﺔ ﻭ ﺍﺗﻄﻠﻘﺖ ﻭﺭﺍﺟﻠﻬﺎ ﻣﺎ ﺩﺧﻞ ﺑﻴﻬﺎ ﻳﺒﻘﻰ ﻣﺎ ﻟﻴﻬﺎ ﻋﺪﺓ ﻭﻻ ﻣﺪﺓ ﺣﺒﺲ !
ﺍﺳﻲ ﺍﻧﺎ ﺍﺳﻮﻱ ﺷﻨﻮﻭﻭﻭ ،، * ﻗﺎﻃﻌﺖ ﺗﻔﻜﻴﺮﻱ ﺍﻣﻲ ، ﻗﺎﻟﺖ ﻟﻲ ،،،
_ ﺭﺩﻱ ﻋﻠﻰ ﺍﻧﺎ ﺑﺘﻜﻠﻢ ﻣﻌﺎﺍﺍﺍﺍﻛﻲ ..
* ﻧﺴﻴﺖ ﻳﺎ ﺍﻣﻲ ﺍﻟﻤﻮﺿﻮﻉ ﺩﺍﺍ ، ﺗﺎﻧﻲ ﻣﺎ ﺣﺄﻃﻠﻊ ﻟﺤﺪ ﻣﺎ ﺍﺧﻠﺺ ﻣﺪﺗﻲ ... ﺷﻠﺖ ﻛﺘﺒﻲ ﻭ ﺩﺧﻠﺖ ﺟﻮﺍﺍﺍ ، ﻭﻗﻔﻠﺖ ﺍﻟﺒﺎﺏ ﻋﻠﻲ ..
ﻣﺎ ﻋﺎﺭﻓﻪ ﺑﺲ ﺍﻭﻝ ﻣﺮﺓ ﻣﻦ ﺣﺼﻠﺖ ﺍﻟﻘﺼﻪ ﺩﻱ ﻛﻠﻬﺎ ﺍﻧﺎ ﺍﻟﻌﺒﺮﺓ ﺗﺨﻨﻘﻨﻲ ﻛﺪﺍ ﻭﺍﺣﺲ ﺍﻧﻲ ﺣﺄﺑﻜﻲ ، ﺣﺴﻴﺖ ﺑﺎﻟﻈﻠﻢ ﻓﻲ ﺍﻟﻠﺤﻈﺔ ﺩﻱ ﻭ ﻛﺮﻫﺖ ﺍﺳﻌﺪ ﺩﺍ ﻣﻦ ﺟﻮﺍﺍﺍ ﻗﻠﺒﻲ ...