شرق8 🔞

#استككانة_شرق8

#استككانة_شرق8

متوكل ....... يا متوووكل بتعمل في شنو انت كل دا ؟
اجي! دا مالو ما بيرد علي !
*متوووووووكل عليك الله خليني ادخل ياخ !
_ما عندك صبر انتي
*طيب ياخ رد علي ، بتسوي في شنو
_اشششش اسكتي ما تشغليها لي
*يا الله ، ليك تلاته ساعات جوااا المطبخ دا عليك الله ما تقلبوو لي
_والغسل العدة منو امباح
*ياخ اااي ساعدتني انت ما نكرتا بس يلااا انجز ما قربتااا !!
_ترااااااااااااااااااا كيف بالله
*لالا دقيقه دا شنو اسي تلاته ساعات سايط لي المطبخ على القالب دا !
-ما تبقي سطحية و ركزي في المحتوى
*اممممممم  طيب خليني اضوق
_لا عايني اول
*لالا دقيقة دي شنو الورقه دي ، ياخ اقيف خليني اشوف !
_ههههههههههههه
*واااي متوكل لا لا لا ما قادرك اصدق لالالالالا ( و حضنتو و بقت تنطط)
_دقيقه فكي خنقتين والكيكة يا بت هههههههه شافعه اقسم بالله ، دا شنوو ! انتي بتبكي !!! رحمة .. يا بت ...رحمة ... خلاص طيب في شنو اسي انتي في اي حاجة بقيت عايزة تبكي مالك اسي !
*مبسوطة بس ان جاتك فرصة تاني للسفر بعد المدة دي كلهاا ، بس ... بس انت حتسافر براك انا ما حأقدر !
-لالا كدي تعالي اقعدي لي هنا ، كيف يعني ليه مش دا حلمك و اتفقنا نحققو سوااا و اتفقنا كمان ننسى الفات ، الحياة يا رحمة ما بتمشي على وتيرة وحدة ، طول ما احنا عايشين حنغلط و حنتعلم ، مش كنتي بتقولي ' لقد قومتنا الاخطاء اكتر من النصائح '
*متوكل ، لو رجعنا لورا شوية ، انا حلمي كان صغير و هنا في السودان ، لكن العواصف المريت بيها و ظروف ابوي غيرت لي تفكيري ، و بالجد انا حلمي دا بقدر احققو جوا السودان وبرا السودان لمجرد اني عايزة و شغوفه .. بالجد انا ما عايزة اسافر ..
-يا روحي هنا ولا هناك انا معاكي و ماسك يدك و ما حأفكها ابداااااً 💜
*انا عملت شنو في حياتي دي عشان ربنا يرزقني بي راجل زيك ، بالجد انت نعمة و الله يديمك لي يا روحي ..
-و يديمك لي يا رب ، يلا بالمناسبة دي ما نفسك تضوقي كيكتي دي..
*هههه الليلة ووووب ياالمستشفى جاك زول
_كدااااا صح ، طيب والله ما تضوقيها
*لالاااااا متوكل اقيف ياخ قعد اهزر معاك اقيف هههه اقيف انا ماحاجري وراك كدااا
_زمن و انا جاري وراك ، اجري وراي شووية هه
*طيب بجري وراك بس لو الفي بطني دا جاتو حاجة يبقى بي سببك 😌 ..
-شنوووووووووووو الفي بطن منو !
*الفي بطني انا يعني حيكون الفي بطنك انت  مثلا ههه
-ما تهظري كداااااا  ،رحمة لو بتهظري بطلي
*ما قعد اهزر ياخ
-يا ااااااا الله ما مصدق لا ما معقوووول رحمة
عليكي الله جد ! حأبقى اب ، ما كلمتيني ليه رحمة ما قادر اصدق تعالي اقعدي يا عمررررررري و اخيرااا يا رحمة يارب يبقى ولد عشان ابوي محمد يفرح ، جيبي حضن ياخ ..
*احم جيب الكيكة دي كدااا (قعدت وختيت رجل على رجل) كدي زح خليني اكل
_مالك باردة كداااا انتي حامل و عادي كداا
*القاليك منو انا حامل !
-انتي قلتي الفي بطنك😳
*اااي قلت الفي بطني ، بطني دي مليانه حاجات تانية يعني ، عندي امعاء و عندي مصارين و عندي حاجاتي يعني
-اااااي و عندك دهوووووون كمان يا كلبة ، اقيفي و الله الليله ما بخليكي (جررررريت وساكيني)
*انا ما سمينة الدهون دي عندك انت ههه وجبت الكيكة ولالا ويكاا ويكا اننننن😝
-ابقى مرة اقيفي الليله
*هههههههههههههه
_حيوااانة اصبري لي ........

نرجّع نقوول ،،❤️
‏لو في يوم عايزني جنبك .. بالله م تنده علي !
‏الندهي للناس البُعآد انا ياخ منك ،، ياني فيك
‏بين ضلوعك ، شهقة النفس الزفير ..
‏انا ياخخ حداك ! وانا ياخ شبايهك  أربعين ❤️❤️

#استككانةة🐸

#بوست مسائي ومشاركة ساي🌚

#سحر_سمير