شرق8 🔞

الجزء 48

( في جانب ناس امي )
_انت دفعت ليهم صح ؟
*ايواا ، و ختيت فوقها مليون ( 1000جنيه)، دي كدا براها راحت تحاليل و اشعه ، و اخدو منها حق قاعدو الايام الفاتت .
_افففف ، يعني العمليه زاتها م حيقبلو ..
يمنة : شيلي 2000 انا بجمد السنة دي يا امي ..
*انتي مجنونة ولاشنو ،كان بقت على المليونين بسيطه يا يمنة ، و انا شايف لو سفرناهو مصر يتعالج افضل ..
_من وين نجيب التكاليف دي ، وانا متاكدة رحمة اتسلفت ، مرتب شهر !
*انا ممكن اخد سلفة
_متوكل يا ولدي مصر دي انساهااا ، صعبه انحنا الهنا ما قادرين عليهوو .. طيب اسي العمليه كم ؟
*داخله في 12 بقعادو في المستشفي ..
يمنة : امي انحنا لازم نشتغل نساعد يمنة
_دي فكرتي كمان. ،،
*حاشتغلو شنو يا خالتي ؟
_بعمل خبايز و معجنات ، كويس بالطلبية ولاعياد الميلاد و المناسبات ع الاقل نطلع مصاريفنا احنا ، و شغل رحمة نقضي مصاريف العلاج ، نتشايلها ..
يمنة : وانا لازم اشتغل حاجة
*انتي اقري قرايتك
_ايوا اقري قرابتك بس ممكن تساعديني بالنت دا ولا تكلمي صحباتك ، انا من بكرة بنزل السوق بجيب المواد حقتي ..
*خلاص ، بوديكي بكرة الساعه تلاته وقت البريك حقي ..
_ما اعدمك يا ولدي ..
في اللحظات دي الباب خبطت ! اصلا كان مردو ما مقفول كامل .. امي قالت اتفضل ! جاا اسعد داخل ، من شاف متوكل وشو قلب ، سلم عليهم من الباب ،، و قال لامي عايز رقم رحمة !
متوكل دا مسك نفسو بالقوة عشان ما تحصل مشاكل ... امي زاتا زعلانه من اسعد و من غير نفس ، قالت ليهو ما بقدر اديك ليهو قبل استشير رحمة ، قاليها جيبيهو هي ما حتقول حاجة انا عارفها ! ( بيحاول يستفز متوكل).. امي قالت ليهو ، معليش والله ، ما بقدر !
طلع طوالي ..... حتى ما كلف نفسو يسالهم عاملين شنو محتاجين م محتاجين ، و الاغرب من دا عمي ، ما عارفه وين ، زي ما شفتو اسعد من كم يوم قال ماشي يجيبو من المينا البري ، و تاني ما ظهر !

تاني يوم ، رغم اني ما نمت اصلا و مقلقة ونايمة بعين وحدة ... صحيت من ستة و تاني النوم اباني لحد وقت دوامي ،، جهزتا ، وشلت حاجاتي المهمة كلها معاي وطلعتا !
وصلت الشغل ما فاهمه حاجة من الارهاق ما عارفه كيف حأشتغل !
المهم ، على حظي مافي شغل كتيرر ، كلو واكس و حاجات تانيه شغل السوريه والهندية ..لمن العصر جا ... جات مدام سارة ..
لاحظت لي م تمام ، قالت لي مالك ؟ قلت ليها ما نايمة و حكيت ليها الحصل ،،
و قررتا #قرار .. اني لازم ارحل ،و ضغطتها تشوف لي سكن تاني ، قالت لي في سرير فاضي عند ناس مريم ، تسكني معاهم ؟ قلت ليها اسكن م عندي مشكله ...
و كان صباح الاحد ياهو يوم الاجازة حقتنا .. طوالي ، من تاني يوم لميت حاجاتي كلها ب اكلي الفي التلاجة ،، و ركبت لي تاكسي ، و مشيت ... دا حلو معاي لانو جمب المحل السكن ما حانجبر امشي المشوار دا ولا اتعرض لحاجات في طريقي !
طبعا مريم و الترحيب ، يخلع ، و معاها وحدة تانية مغربية ، و سودانية ،، و الغرفه الجمبها فيها بنات برضو ما بعرف اجنايهم ، بس السكن رحمة ونضيف ...
بس مافي دولاب ولاشي ارص ملابسي ! خليتهم في الشنطة و ختيت اكلي في التلاجة .. و رقدتا من الارهاق و قعدت العب في تلفوني ... الساعه 9 بلبل جات انا طششتا ، لقيت ديل قامو ، اتمكيجووو و اتسرحو و لبسو لبس كدا عجيب و لبسو من فوق العبايات ، لحد اخر لحظة انا قلت 100% حيتصورو سناب ولا حاجة ...
قالو لي ، يلاااا تصبحي علي خير ، و طلعو !
ما اتكلمت ف النهاية ما دخلي انا ..
رقدت ! اتصل على متوكل !
*السلام عليكم ..
_وعليكم السلااام ...
_ رحمة ! كيف حالك ؟
*في نعمة الحمدلله ، وانت كيف و الوالدة واخوانك ؟
_الحمدلله بخير ، بس  ..
*خير ، بس شنو ؟
_فاقدنك
*ما تفقد غالي يارب ... مبروك كمان
_الله يبارك فيك ، لكن على شنو ؟
*الشغل الجديد
_اي والله اخيراً اشتغلت بشهادتي لله الحمد
*تستاهل كل خير ، ابوي في جديد منه ؟
_اي خلصنا التحاليل ،والصور ، فضل اخر تحليل دا نستلمو بعد اسبوع ، اللي هو بعد بكرة ان شاء الله و بعدو بيحددو العملية باذن الله ..
*ربنا يسهل ،، دعواتي وقلبي معاكم والله حمدلله على كل حال ..
_حمدلله ... بتاكلي كويس ؟ مرتاحه ؟
*اكيد حمدلله والناس البشتغل معاهم كويسين ، ما علي عوجة ..
_حمدلله
*اخواتي في منهم جديد ؟
_والله يا رحمة فتشتا و سالتا ، مافي زول عرف حاجة ، الاجابة عند عبدالله ، واكيد ما بقدر امشي اسألو ...
*اااخ ، بس لو اعرف ليه عمل كدا ! والله يا متوكل عهد علي ، العملو مع ابوي اردو ليهو اضعاف مضاعفه بس ابوي يقوم بالسلام و لو لاقدر الله ابوي حصلت ليهو حاجة ، انا الحأدخل السجن بسببووو. ، و انحنا اهل القانون !
_اسي اهم حاجة ، صحة عم محمد يا رحمة ، والقضية دي اصلا حتتفتح ، حتتفتح بس ربنا يلطف ..
*ان شاءالله .. ناس عمي كيف ؟
_ما بعرف ،، يلا ما اطول عليكي ، تصبحي علي خير ..
*وانت من اهل الخير !
ما بنكر ، مكالمة متوكل دخلت جواي بهجة كدا ما طبيعبه ، لقيت نفسي مبتسمة

، و في نفس الوقت عيوني بتدمع ، انا ما مرتاحة بس خلاص دا قراري و نفذتو لازم اكمل فيهو !
المهم ، بصباح اليوم التاني حأكون ، تميت شهر في الامارات !
و طبعا انقطعت مصاريف كل المعاي 50د ، بس حمدلله كان عندي بسكويتات و بيض و جبنة، و لبن ...
شالتني نومة ، صحيت كدا قريب الصباح ، قمتا لقيت نفسي لسه براي في الغرفة و ديل لسة ما جو ..
قمت صليت ، و رجعت رقدتا تاني كملت نومي .. لحد وقت الشغل ، لقيت كل وحدة نايمة في سريرها !
قمت ، صحيت مريم ابت تقوم لي ، لبست و شلت لي بيض مسلوق مع جبنة ، و صحيتها تاني ، خليتا بتلبس و شلت المفاتح و مشيت ، فتحتا ، نسرين جات صبحت علي ..
قالت لي :
_وين مريم ؟
*داخل بيت !
_انت رحمة ليش يروح هذا بيت ؟
*ياتو بيت تقصدي ؟
_هذا مال مريم والبنات
*البيت الاول بعيد و ما نضيف و غير كدا جات وحدة تدخن غرفتي ، واسلوبها ما حلو ..
_هذا سمسم مريم ! =(نفس الشي)
*لا هنا افضل
_زين انا بشوف سرير داخل غرفة مال انا ، و بعدين انت يخبر مدام ، يجي ، زين ؟(هزة راسها)
*زين نسيرين ..
_رحمة ، انا في زيادة حب مال انتي ..
*و انا كمان والله زيادة حب ، ما انحرم منك
.. بالجد نسرين كانت احلا حاجة حصلت لي ظريفه محبوبة حتى من الزباين ، رغم انها لتعرف البنات ديل قبلي ، بس كانت بتقعد معاي انا اكتر ، بنتفرج افلام سوا ، بتعلمني كلامهم ، بتاكل معاي ، وخصوصا لمن تطبخ بتجيب لي علبة ، لو محتاجة طلبات بتنزل معاي ... ( اكبر مني بي سنة وعندها ولد في الهند ، و زوجها في الامارات بس في ابو ظبي نفسهاا ما معاها، وهي ساكنة في سكن تاني كلو هنود و باكستان بس حسب كلامها انه احسن سكن ) ... !

( في جانب اخواتي )
مناهل : انحنا بقينا حمل تقيل على حسام ، بعد كدا مفروض نتحرم نشتغل يا امي ..
ابتسام : و نسكن وين ؟
مريم : مع اخواتي ... داك كمان بيتنا ..
ابتسام : من البداية ابوكم فصلنا عشان المشلكل ، معقول اسي نمشي للمشاكل برجلينا ؟ وانتو عارفين مرة ابوكم ، انا وهي شحمة و نار. .
مناهل : اخر مرة اتلاقيتو ما حصلت بينكم حاجة يا امي ، واذا حصل اتفادي عشان خاطر ظروفنا دي ..
ابتسام : و نتصرف من وين ؟
مريم : ننزل نشتغل اي حاجة يا امي ..
ابتسام : ما عارفه يا بناتي والله ضاقت بي شديد ، و ابوكم محتاج لينا و ما انحنا عاجزين ..
مريم : يا امي حنعمل شنو طيب ، حسبي الله و نعم الوكيل في خالي عبدالله ، تتقفل عليهو وين ما يروح يشوف القهر في حبايبو ، اصلو ما يسعد ولايفرح ، حسبي الله ..
مناهل : حسبي الله عليهوو ، حقنا عند ربنا ..
ابتسام : ماصح ماتدعو في النهاية هو مشكلتو معاي انا ما معاكم انتو !
مريم :بكرهوووووووو
مناهل: ما اكتر مني يا مريم ،، بس ربنا ما بخلي لينا حقنا ، خلي يصبر ...

#استككانة😛...

يتبع .....