Mabilis ang panahon
sa bawat alaala
Kay bigat ng oras
kung hinaharap ay tinitingala
Sa bawat gunita,
pagsisisi ang nadarama
Kung iisipin nama’y bukas,
tila ba nakakabahala
Mga bagong yapak
sa panibagong yugto
Nagbabadyang luha
sa matang namumugto
Maikukubli mo ba
ang pagsusumamo
Na kusang namumutawi
sa mga mata mata mo
Naisin mang manatili
sa iyong kasalukuyan
‘di maitatangging
balang araw
ito’y iiwan
Uusad ang panaho’t,
di ito mapipigilan
Kailangan umusad,
nang tagumpay ay makamtan!
