May mga bagay na ‘di kayang imanipula
Tulad ng agos ng tubig sa ilog
Ng hampas ng alon sa dalampasigan
At pag-ihip ng hangin sa kapaligiran
Minsab kahit anong pigil mo sa kanila
Kusa silang nakaalpas para gawin ang nararapat
Hahanap at gagawa ng paraan para makatakas
Upang sa gayo’y tungkulin ay magampanan
Ang damdamin ng tao’y maihahalintulas sa kanila
‘Di nakokontrol at ‘di kayang pigilan ninuman
Gagawa ng paraan upang matugunan ang inaasam
At kusang gagalaw at titibok ang puso para sa minamahal
Ngunit kung pagtangi’y walang katugon
Mananangis ang puso tulad ng lobong umaalulong
Pagka’t kung naisin ma’y 'di na kaya pang ipilit
Tanggapin na lamang nang maluwag ang katotohanang sinapit
