#عشك الجبل 2
#حور حيدر
#بارت 7 جزء 2
ديم بثوب النوم ولافه الروب الاسود عليهاا ... وهيه تشبكه حيل ومخليه راسهاا على صدره العاري وهو فاتح الكنتور يلبس ملابسه العسكريه...
تهمس بنبره باجيه وعيونهاا كلهم دموع...حبيبي فدوه لتعوفني وتروح ...
جبل تنهد بقهر وهو يلعن الشغل الي بسببه راح يبعد عنهاا... وهو يشوف دموعهاا لو بيده ميفاركهاا لحظه بس داعش داخلين لسامراء والدنيا مخبوصه
...والعراق بحاله انذار ...والوضع الامني كلش خطر
وداعش تكتل بالعساكر بالجمله ...
قطعوا اجازته والقياده كلهاا لازم تتوجه لهناك لجبهات القتال ...
اديه على خصرهاا ...شالهاا رفعهاا وخله رجليهاا الي طلعو من الروب تحاوط خصره ...
جبهتاا على جبهته وشعرهاا نازل على وجهاا ...
مغمض عيونه وهو يحس بنفسهاا على شفايفه ...همس بعشك...
ارحميني ...ارحمينيي وج ااني كاره روحي لفراكج
وج اختنك بدونج ...
بس شسوي هذه واجبي يروحي ...
دموعهااا نزلت على وجنته وصوت شهكتهاا دمره ...
دكاافي حبيبي قابل راح اموت ...هيه كم يوم وارجع
شبيج كلبتيهاا مناحه..
اشو هاي كامت تبجي اكثر ...وهيه تشبك راسه لصدرهاا حيل وتشم شعره ...
ااي طفله ااني طفلتك مو كتلي مراح تتركني ليش ضحكت عليه اذا انته مو كد حجايتك ليش وعدتني ...
انته تعرف كلش زين الوضع خطر وانته الكاعد تسوي انتحار ...رايح للموت برجليك
جبل يحاول يتحكم باعصابه متدري هو يموت الف مره ولا يفاركهاا بس هذه واجبه ووطنه ميكدر يعوفه ...
حصر ضهرهاا بينه وبين الكنتور ...
لزم وجهاا بين اديه وهو يباوع لعيونهاا الحمر ...
اني مو جبان حته اختل مثل النسوان ...وعرضي كاعد ينسبي ...
حرام هذه عليه وهو يلزم شاربه ويسموني زلمه ...اذا
ما رحت اول واحد وقاتلت بالجبهه ..
ديم بصياح ودموعهاا تصب ...لعد واني شنو ذنبي عروس مصارلي يومين من اتزوجت تعوفني وتروح للموت
هيج اني هينه عندك ...
ولا فكرت بيه وانته عايفني باول ايام زواجناا الي لازم هسه تكون احلى ايام ..مو مكضيهاا بجي وقهر
جبل يتخبل ولا احد يعلي صوته عليه زمخ بيهاا ...
صوتج ميعله ...لتخليني اتصرف وياج غير تصرف
ديم اتهسترت كامت تصرخ وتدفع بي ماكو ابالهاا غير الموت ...تتخيل مراح يرجع الهاا بعد ...
عوفني وخر مني نزلني ...رووح ما ريدك وين متريد تروح روح ...
عوووفني اني الغلطانه من البدايه الي ثقيت بيك
انته مثل الكل راح تعوفني ...
جبل احاول الزمهاا واهديهاا كلش عصبتني اني منا طالعه روحي ...
