#ڴِﺸﻋْ_ﺍﻟُﺠْﺒّﻞُ_ج٢
بارت٤٨
# ﺣﻮﺭ ﺣﻴﺪﺭ
# ﻋﺸﻚ ﺍﻟﺠﺒﻞ 2
ﻟﻮﺍﺀ ﺑﻀﺤﻜﻪ ... ﺑﻄﻠﻲ ﻛﻼﻭﺍﺗﺞ ﻭﺍﺣﺠﻲ ﺷﻨﻮ ﺭﺍﻳﺪﻩ ﺍﺟﻴﺒﻠﺞ ﻭﻳﺎﻱ
ﺑﻬﻞ ﺍﺛﻨﺎﺀ ﺩﺭﺕ ﻭﺟﻬﻲ ﻭﺍﺷﻮﻑ ﻧﻮﺭ ﺗﺨﺰﺭﻧﻲ ﻭ ﺍﻟﻌﻴﻮﻥ ﻣﻤﻠﻴﻪ ﺩﻣﻊ ...
ﻛﺎﻟﺖ ﻭﺑﺎﻭﻉ ﻉ ﺷﻔﺎﻳﻔﻬﺎ ﺗﺮﺟﻒ ... ﺟﻨﺖ ﻣﺘﻮﻗﻌﺘﻚ ﺭﺟﺎﻝ ﺑﺲ ﻃﻠﻌﺖ ...
ﻣﺎ ﺗﺤﻤﻠﺖ ﻛﻼﻣﻬﺎﺍ ﺍﻋﺼﺎﺑﻲ ﻓﺎﺭﺕ ﺑﺎﻭﻋﺖ ﺑﺎﻟﺸﺎﺭﻉ ﻓﺎﺭﻍ ﻭﻟﺒﺎﺏ ﺍﻟﺒﻴﺖ ﺍﻟﺤﺮﺍﺱ ﻣﻤﻮﺟﻮﺩﻳﻦ ﻫﺴﻪ ﻭﻛﺖ ﻏﺪﺍﻫﻢ ... ﻟﺰﻣﺘﻬﺎ ﻣﻦ ﺯﻧﺪﻫﺎﺍ ﻭﺳﺤﺒﺘﻬﺎﺍ ﻭﺭﺍﻱ
ﻭﻫﻴﻪ ﺗﺼﻴﺢ ﺑﺼﻮﺕ ﻧﺎﺻﻲ ﻭﺗﻀﺮﺏ ﺍﻳﺪﻱ ... ﻭﺧﺮﺭ ﻋﻮﻓﻨﻲ ﻻﺍ ﻳﻄﻠﻊ ﺍﺣﺪ ﻭﻳﺸﻮﻓﻨﻲ ...
ﺩﺧﻠﺘﻬﺎﺍ ﻟﻠﺒﻴﺖ ﻭﺍﻧﻲ ﻣﺎ ﺷﻮﻑ ﻛﺪﺍﻧﻲ ﻣﻦ ﺍﻟﻌﺼﺒﻴﻪ ... ﻣﻦ ﺳﻤﻌﺖ ﻛﻼﻣﻬﺎﺍ ﺍﺗﺨﺒﻠﺖ ﻣﻌﻘﻮﻟﻪ ﻫﺎﺍﻱ ﻧﻈﺮﺗﻬﺎ ﻋﻠﻴﻪ ...
ﺭﺣﺖ ﻭﺭﻩ ﺍﻟﺒﻴﺖ ﺩﻓﻌﺘﻬﺎﺍ ﻉ ﺍﻟﺤﺎﻳﻂ ... ﻟﻮ ﻏﻴﺮﻫﺎﺍ ﻛﺎﻳﻞ ﻫﺎﻱ ﺍﻟﻜﻠﻤﻪ ﺟﺎﻥ ﻗﻠﺒﻲ ﻣﺎ ﻳﺮﺗﺎﺡ ﻟﺤﺪ ﻣﺎ ﺷﻮﻑ ﺩﻣﻪ ﺑﻄﻮﻟﻪ ...
ﺗﺒﺎﻭﻋﻠﻲ ﺑﻌﺼﺒﻴﻪ ﻭﺗﺮﻳﺪ ﺗﺤﺠﻲ ﻛﺘﻠﻬﺎﺍ ... ﻭﺻﺎﺑﻌﻲ ﻋﻠﻰ ﺷﻔﺎﻳﻔﻬﺎﺍ ﺗﺮﺟﻌﻬﺎﺍ ﻟﻮﺭﻩ ﻭﺍﻳﺪﻱ ﺍﻟﺜﺎﻧﻴﻪ ﺍﻛﻠﺐ ﺑﺎﻟﺘﻠﻴﻔﻮﻥ ... ﺍﺷﺶ ﺻﻮﺗﺞ ﻣﺎﺍ ﺍﺳﻤﻌﻪ ،
ﻭﺍﻧﻲ ﺍﺭﻓﻌﻪ ﻛﺪﺍﻡ ﻋﻴﻨﻬﺎﺍ ﻭ ﺍﺿﻐﻂ ﺍﺗﺼﺎﻝ ﻋﻠﻰ ﺍﺧﺮ ﺭﻗﻢ ﺍﺗﺼﻞ ﻋﻠﻴﻪ ... ﻭﻓﺎﺗﺢ ﺳﺒﻴﻜﺮ ﺍﺟﺎﺍﻧﻲ ﺻﻮﺕ ﺫﻫﺐ ﺗﺤﺠﻲ ﺑﻌﺼﺒﻴﻪ ...
ﺍﺍﻧﻲ ﺗﺴﺪﻩ ﺑﻮﺟﻬﻲ ﻟﻮﻟﻮ ﺑﺜﻴﻄﻪ ،ﺍﺫﺍ ﻣﺎ ﺩﻭﻝ ﻟﺠﺪﻭ ﺍﻧﻲ ﺍﻟﻚ ...
ﺭﻓﻌﺖ ﺣﺎﺟﺒﻲ ﻭﺑﺎﻋﺖ ﺍﻟﻬﺎﺍ ﻣﻦ ﻓﻮﻙ ﻟﺠﻮﻩ ... ﻭﺍﻧﻲ ﺍﺿﻐﻂ ﻋﻠﻰ ﺳﻨﻮﻧﻲ ﻛﻠﻤﺘﻬﺎﺍ ﺑﻘﺖ ﻏﺼﻪ ﺑﻘﻠﺒﻲ ...
ﻭﻫﻴﻪ ﺑﺎﻭﻋﺘﻠﻲ ﺑﺼﺪﻣﻪ ﻭﺩﻣﻮﻋﻬﺎﺍ ﻛﺎﻣﺖ ﺗﺠﺮﻱ ﺑﺴﻜﻮﺕ ...
ﺭﺍﺩﺕ ﺗﺤﺠﻲ ... ﺧﻠﻴﺖ ﺍﺻﺒﻌﻲ ﻋﻠﻰ ﺷﻔﺘﻲ ﺑﻤﻌﻨﻲ ﺳﻜﺘﻲ ...
ﺣﺎﻭﻟﺖ ﺍﺑﺘﺴﻢ ﻭﺍﻧﻲ ﺍﺣﺎﺟﻲ ﺫﻫﺐ ...
ﻭﻣﻨﻮ ﺍﻧﻲ ﺣﺘﻰ ﺍﺳﺪﻩ ﺑﻮﺟﻪ ﺍﻻﻣﻴﺮﻩ ﺫﻫﺐ ،ﺣﺒﻴﺒﻪ ﻋﻤﻮ ﺑﺎﺍﺟﺮ ﺭﺍﺟﻊ ... ﻭﺭﺍﺡ ﺍﺑﻘﻪ ﻳﻤﺞ ﻭﺑﻌﺪ ﻣﺤﺪ ﻳﻜﺪﺭ ﻳﺒﻌﺪﻧﻲ ﻋﻨﺞ ...
ﻣﻦ ﻛﻠﺖ ﺭﺍﺟﻊ ﺯﺍﺩ ﺻﻮﺗﻬﺎﺍ ﺑﺎﻟﺒﺠﻲ ﻭﻟﺰﻣﺖ ﺍﻳﺪﻱ ﻭﺗﺒﺎﻭﻋﻠﻲ ﺑﻨﻈﺮﻩ ﺍﻋﺘﺬﺍﺭ ﻭﻧﺪﻡ ...
ﺍﺭﺗﺒﻜﺖ ﻣﻦ ﻟﻤﺴﺘﻬﺎﺍ ﻭﺩﻣﻮﻋﻬﺎ ﺑﺲ ﻛﻠﻤﺘﻬﺎ ﻣﺎﺍ ﺍﻛﺪﺭ ﺍﻋﺒﺮﻫﺎ ﺑﺴﻬﻮﻟﻪ ...
ﺳﺤﺒﺖ ﺍﻳﺪﻱ ﻣﻨﻬﺎﺍ ... ﻭﻛﻠﺖ ﺑﺴﺮﻋﻪ
ﻳﻠﻪ ﺫﻫﻮﺑﻪ ﺣﺒﻴﺒﺘﻲ ﻋﻨﺪﻱ ﺷﻐﻞ ،ﺑﺎﻱ ﻫﺴﻪ
ﺳﺪﻳﺘﻪ ﻭﻛﺘﻠﻬﺎﺍ ﻭﺍﻧﻲ ﺃﺋﺎﺷﺮ ﺑﺎﻟﺘﻠﻴﻔﻮﻥ ﻛﺪﺍﻣﻬﺎ ...
ﻫﺎﺍ ﻫﺴﻪ ﺷﻄﻠﻌﺖ ،
ﻟﺞ ﻭﻋﻠﻲ ﻟﻮ ﻭﺣﺪﻩ ﻏﻴﺮﺝ ﻛﺎﻳﻠﻪ ﻫﺎﻱ ﺍﻟﺤﺠﺎﻳﻪ ،ﻭﺣﻖ ﻋﻠﻲ ﺍﺭﺩﻫﺎ ﻻﻣﻬﺎﺍ .. ﺑﺲ ﻣﻊ ﺍﻻﺳﻒ ﻋﻠﻴﺞ ﻻﻥ ﻃﻠﻌﺘﻲ ﻣﺘﺴﺘﺎﻫﻠﻴﻦ ﺣﺒﻲ ﺍﻟﺞ ﻭﺷﻐﻠﻲ ﺍﻟﻌﺎﻳﻔﻪ ﻭﺍﻫﻠﻲ ﺣﺘﻰ ﺑﺲ ﺍﺑﻘﻰ ﻗﺮﻳﺐ ﻣﻨﺞ ...
ﻧﻮﺭ ﻭﻫﻴﻪ ﺗﻠﺰﻡ ﺍﻳﺪﻩ ﻭﺗﺒﺠﻲ ﻭﺗﺤﺠﻲ ... ﻟﻮﺍﺀ ﺍﺳﻔﻪ ﻭﺍﻟﻠﻪ ﻣﻮ ﻗﺼﺪﻱ ،ﻣﺎﺍ ﺍﺗﺤﻤﻠﺖ ﺍﺳﻤﻌﻚ ﺗﺤﺎﺟﻲ ﻭﺣﺪﻩ ﺛﺎﻧﻴﻪ ﻭﺍﻟﻠﻪ ﻣﻦ ﻏﻴﺮﺗﻲ ﻋﻠﻴﻚ ﻫﻴﺞ ﺣﺠﻴﺖ ﻭﺍﻟﻠﻪ ﺑﺪﻭﻥ ﻭﻋﻲ ﻣﻨﻲ ... ﻟﻮﺍﺀ ﻓﺪﻭﻩ ﻟﺘﺰﻋﻞ ...
ﺳﺤﺒﺖ ﺍﻳﺪﻱ ﻣﻨﻬﺎﺍ ﻛﺘﻠﻬﺎﺍ ... ﺧﻠﻲ ﻫﻞ ﺣﺠﻲ ﻳﻔﻴﺪﺝ ﺟﻨﺖ ﻧﺎﻭﻱ ﺍﺑﻘﻰ ﻝ ﺑﺎﺟﺮ ﻋﻠﻰ ﻣﻮﺩﺝ ،
ﺿﺤﻜﺖ ﺑﺎﺳﺘﻬﺰﺍﺀ ... ﺍﻟﻈﺎﻫﺮ ﻫﺎﺍﻱ ﺍﺧﺮ ﻣﺮﻩ ﺍﻃﺐ ﺑﻴﻬﺎﺍ ﺍﻟﺒﺼﺮﻩ ...
ﺳﺤﺒﺖ ﺍﻳﺪﻱ ﻣﻨﻬﺎﺍ ... ﻭﺭﺣﺖ ﻭﺿﻠﺖ ﺗﺒﺠﻲ ﻭﺗﺼﻴﺢ ﻭﺭﺍﻳﻪ ...
ﺍﻣﺸﻲ ﻭﺍﺩﻭﺱ ﻋﻠﻰ ﻛﻠﺒﻲ ﻭﺣﺎﻭﻝ ﺍﻗﺴﻲ ﻋﻠﻴﻬﺎﺍ ... ﻛﻞ ﻣﺎ ﺍﺳﻤﻊ ﺻﻮﺗﻬﺎﺍ ﻭﻛﻠﺒﻲ ﻳﻨﻤﺮﺩ ﻋﻠﻴﻬﺎﺍ ... ﺍﺭﻳﺪ ﺍﺭﺟﻊ ﻭﺍﺧﺬﻫﺎﺍ ﺍﻟﺤﻈﻨﻲ ﻭﺍﻋﺘﺬﺭ ﻣﻨﻬﺎﺍ ﺍﻧﻲ ... ﻻﻥ ﻧﺰﻟﺖ ﺩﻣﻮﻋﻬﺎﺍ
ﺑﺲ ﺷﻜﺪ ﻣﺎ ﺍﺣﺒﻬﺎﺍ ﻭﺍﻋﺸﻜﻬﺎﺍ ﺍﻻﺍ ﺍﻟﻜﺮﺍﻣﻪ ،ﺍﻧﻲ ﺭﺟﺎﻝ ﻣﻮ ﺳﻬﻠﻪ ﻋﻠﻴﻪ ﻣﻦ ﺣﺒﻴﺒﺘﻲ ﺗﺸﻜﻚ ﺑﺮﺟﻮﻟﺘﻲ ...
ﺷﻜﺪ ﻣﺎ ﺟﻨﺖ ﻣﺘﻠﻬﻒ ﻟﺸﻮﻓﺘﻬﺎﺍ ﻭﻓﺮﺣﺎﻥ ﺑﺲ ﺑﻌﺪ ﺍﻟﺼﺎﺭ ﺍﺧﺘﻨﻜﺖ ...
ﻃﻠﻌﺖ ﺑﺮﻩ ﻣﺸﻴﺖ ﺑﺎﻟﺸﺎﺭﻉ ﺑﻲ ﺍﺭﺩ ﺍﺑﻌﺪ ﻃﻠﻌﺖ ﺩﺧﻨﺖ ﺟﻜﺎﺭﻩ ...
ﺍﺭﻳﺪ ﺷﻮﻳﻪ ﻧﺎﺍﺭ ﻗﻠﺒﻲ ﺗﻄﻔﻪ ﺑﺲ ﻭﻳﻪ ﻛﻞ ﺟﻜﺎﺭﻩ ﻛﻠﺒﻲ ﻳﺸﺘﻌﻞ ﺍﻛﺜﺮ ...
ﺻﺎﺭﺕ ﺩﻧﻴﺎﺍ ﻣﻐﺮﺏ ... ﻛﻞ ﺳﺎﻉ ﺗﺨﺎﺑﺮ ﻋﻠﻴﻪ ﻭﺍﻧﻄﻴﻬﺎﺍ ﺭﻓﺾ ...
ﻣﺎﺍ ﺗﺤﻤﻠﺖ ،
ﺧﺎﺑﺮﺕ ﻋﻠﻰ ﺟﺒﻞ ﺍﺭﺩ ﺍﺭﻭﺡ ﺑﻴﺘﻬﻢ ﻣﺎ ﺍﺭﺩ ﺍﻃﺒﻪ ﺑﻌﺪ ...
ﻣﻨﺎﺍ ﻭﺍﺭﻭﺡ ... ﻭﺑﻌﺪﻳﻦ ﺍﺩﺯ ﺍﺣﺪ ﻳﺎﺧﺬ ﻏﺮﺍﺿﻲ
ﺍﺗﺨﺒﻞ ﻣﻴﻘﺒﻞ ... ﻳﻜﻠﻲ ﺑﻌﻠﻲ ﺑﻌﺪ ﻣﺎ ﺍﺣﺠﻲ ﻭﻳﺎﻙ ﻭﺍﻧﺴﻰ ﺑﻌﺪ ﺟﺒﻞ ﻭﻫﺴﻪ ﺗﺮﺟﻊ ﻟﻠﺒﻴﺖ ...
ﻛﺘﻠﻪ ... ﺟﺒﻞ ﺍﻟﻮﺍﻟﺪﻩ ﺷﻮﻳﻪ ﺗﻌﺒﺎﻧﻪ ﻭﻻﺯﻡ ﺍﺭﻭﺡ ﺍﻟﻬﺎﺍ
ﺟﺒﻞ ... ﻣﺎﺍ ﺑﻴﻬﺎﺍ ﻏﻴﺮ ﺍﻟﻌﺎﻓﻴﻪ ،ﺑﻌﺪﻳﻦ ﺍﺫﺍ ﺭﺣﺖ ﻫﺴﻪ ﻻ ﺭﺍﺡ ﺗﻘﺪﻡ ﻭﻻ ﺭﺍﺡ ﺗﺎﺧﺮ .
ﺑﺎﺣﺮ ﻋﻮﺩ ﺍﻧﻲ ﺍﻭﺻﻠﻚ ...
ﻛﺘﻠﻪ .. ﺑﺲ
ﺟﺒﻞ ﺑﺈﺻﺮﺍﺭ ... ﻭﻻ ﺣﺮﻑ ﻳﻠﻪ ﺗﻌﺎﻝ ﺑﺴﺮﻋﻪ ﻫﺴﺘﻮﻧﻲ ﺩﺧﻠﺖ ﺍﻟﺒﻴﺖ ﺍﻧﺘﻈﺮﻙ ﻧﺘﻌﺸﻪ ﺳﻮﻩ ..
ﻛﺘﻠﻪ ... ﻧﺺ ﺳﺎﻋﻪ ﻭﺍﻧﻲ ﻳﻤﻚ
ﺷﻤﺎﻏﻲ ﺳﺤﺒﺘﻪ ﺑﻴﺪﻱ ﻭﺗﻤﺸﻴﺖ ﻋﻠﻰ ﺍﻟﺸﻂ ،ﻋﻴﻮﻧﻬﺎﺍ ﻣﺘﻔﺎﺭﻛﻨﻲ ...
ﺗﻤﺸﻴﺖ ﺷﻮﻳﻪ ﻭﺭﺟﻌﺖ ﻟﻠﺒﻴﺖ ...
ﺩﺧﻠﺖ ﻟﻠﺪﻳﻮﺍﻥ ﺷﻔﺖ ﺟﺒﻞ ... ﻋﺎﺗﺒﻨﻲ ﻻﻥ ﺭﺩﺕ ﺍﺭﻭﺡ
ﻟﺢ ﻋﻠﻴﻪ ﺍﻻﺍ ﺍﺗﻌﺸﻪ ﻭﻳﺎﺍﻩ ،ﺍﻧﻲ ﺍﺣﺲ ﻧﻔﺴﻲ ﻣﺴﺪﻭﺩﻩ ﺍﻟﻌﺴﻞ ﻣﺎ ﺍﺷﺘﻬﻲ ...
ﻣﺎﺍ ﺭﺩﺕ ﺍﺭﺩﻩ ... ﻛﻌﺪﺕ ﻭﻳﺎﻩ ﺑﺲ ﻣﺎ ﻛﺪﺭﺕ ﺍﺣﻂ ﻟﻄﻤﻪ ﺑﺤﻠﻜﻲ ...
ﻛﻌﺪﻧﻪ ﺣﺠﻴﻨﻪ ﺑﻜﻢ ﺷﻐﻠﻪ ﺑﺎﻟﺸﻐﻞ ... ﺷﻮﻳﻪ ﻭﺳﺘﺎﺫﻧﺖ ﻣﻨﻪ
ﺍﺭﻭﺡ ﺍﻧﺎﻡ ...
ﺭﺣﺖ ﻟﻐﺮﻓﺘﻲ ... ﺍﻭﻝ ﻣﺎ ﺩﺧﻠﺖ ﺫﺑﻴﺖ ﻟﺸﻤﺎﻍ
ﻭﻧﺰﻋﺖ ﺍﻟﺪﺷﺪﺍﺷﻪ ﺑﻘﻴﺖ ﺑﺎﻟﻔﺎﻧﻴﻠﻪ ﻭﺍﻟﺒﺠﺎﻣﻪ ...
ﺭﺩﺕ ﺍﻧﺎﻡ ﺣﺴﻴﺖ ﺑﺎﺩﻳﻦ ﻣﻠﻔﻮﻓﻪ ﻋﻠﻰ ﺧﺼﺮﻱ ...
ﺳﻤﻌﺖ ﺻﻮﺗﻬﺎﺍ ﺗﺤﺠﻲ ﺍﺑﺤﻪ ...
ﻭﺍﻟﻠﻪ ﺍﻣﻮﺕ ﺭﻭﺣﻲ ﺇﺫﺍ ﻋﻔﺘﻨﻲ ﻭﺭﺣﺖ ،
ﻟﺰﻣﺖ ﺍﺩﻳﻬﺎﺍ ﻭﺧﺮﺗﻬﺎ ﻣﻦ ﺧﺼﺮﻱ ... ﺍﻧﺪﺍﺭﻳﺖ ﻋﻠﻴﻬﺎﺍ
ﺣﻀﻨﺘﻬﺎﺍ ﻟﺼﺪﺭﻱ ﺑﻘﻮﻩ ...
ﻛﺘﻠﻬﺎﺍ ﻭﺍﻧﻲ ﻣﻤﺼﺪﻙ ﻫﻴﻪ ﺑﻴﻦ ﺍﺩﻳﻪ ﺷﻜﺪ ﺟﻨﺖ ﺷﺎﻳﻞ ﻫﻢ ﺷﻠﻮﻥ ﺍﻋﻮﻓﻬﺎﺍ ﻭﺍﺭﻭﺡ ... ﻟﺞ ﺍﻧﻲ ﺍﻣﻮﺕ ﺑﺪﻭﻧﺞ ﻣﺨﺒﻠﻪ
.............
ﻏﺰﻝ ...
ﺭﺟﻌﻨﻪ ﻣﻦ ﺍﻟﺪﻭﺍﻡ ﺍﻧﻲ ﻭﻧﻮﺭ ﻭﺍﻧﻲ ﻃﻮﻝ ﺍﻟﻄﺮﻳﻖ ﺍﺷﻮﻑ ﺳﻴﺎﺭﺗﻪ ﺗﻼﺣﻘﻨﻪ .. ﺑﺲ ﺳﻮﻳﺖ ﺭﻭﺣﻲ ﻣﻤﻬﺘﻤﻪ
ﺍﺩﺭﻱ ﺑﻲ ﻣﺮﺍﺡ ﻳﻌﻮﻓﻨﻲ ﺑﺴﻬﻮﻟﻪ ...
ﺑﻜﺪ ﻣﺎ ﻓﺮﺣﺖ ﺑﻤﻮﻗﻒ ﺑﻴﺒﻲ ،ﺍﺷﻜﺪ ﻣﺎ ﺍﻧﻘﻌﺮﺕ ﻭﺯﺍﺩ ﻧﺒﺬﻱ ﺍﻟﻦ ﻣﻦ ﻋﺮﻓﺖ ﺑﻌﺪﻫﺎﺍ ﺍﺑﻴﺘﻪ ...
ﺷﻜﺪ ﺍﻛﻮﻝ ﻣﺎ ﺍﻫﺘﻢ ﺍﻟﻪ ... ﺍﻛﻮﻝ ﺍﻋﻮﻓﺖ ﻭﻣﺎ ﺍﻓﻜﺮ ﺑﻲ
ﺍﻟﻜﻪ ﺭﻭﺣﻲ ﺍﻓﻜﺮ ﺑﻲ ﻭﺍﺗﺨﻴﻞ ﺍﺫﺍ ﺍﺗﺨﻴﻞ ﻫﻴﻪ ﻭﻫﻮ ﻫﺴﻪ ﺳﻮﻩ ...
ﻣﻦ ﺭﺟﻌﻨﻪ ﻧﻮﺭ ﺍﺗﻐﻴﺮ ﻭﺿﻌﻬﺎﺍ ﻣﻦ ﺷﺎﻓﺖ ﺻﺪﻳﻖ ﺟﺒﻞ ... ﺣﺎﺳﻪ ﺑﻴﻨﻬﻢ ﺍﻛﻮ ﺷﻲ
ﻛﻠﺘﻠﻲ ﻃﺒﻲ ﻭﻫﺴﻪ ﺍﺟﻲ ﻭﺍﺫﺍ ﺳﺌﻠﺘﻠﺞ ﺍﻣﻲ ﻋﻠﻴﻪ ﻛﻠﻴﻠﻬﺎﺍ ﺭﺍﺣﺖ ﻟﺼﺪﻳﻘﺘﻬﺎﺍ ﻧﺴﺖ ﻋﺪﻫﺎﺍ ﺍﻟﻜﺘﺎﺏ ...
ﺍﻧﻲ ﻋﻔﺘﻬﺎﺍ ﻭﺩﺧﻠﺖ ...
ﺍﻣﻲ ﻭﺑﻴﺒﻲ ﺷﺎﻳﻼﺗﻨﻲ ﻣﻦ ﺍﻟﻜﺎﻉ ﻣﺪﻟﻼﺗﻨﻲ ﻭﻛﻞ ﺳﺎﻉ ﻣﺎﻣﺎ ﻣﺴﻮﻳﺘﻠﻲ ﺍﻛﻠﻪ ﺍﺣﺒﻬﺎﺍ ﻭﺍﻧﻲ ﻫﻞ ﻓﺘﺮﻩ ﻧﻔﺴﻴﺘﻲ ﻣﻔﺘﻮﺣﻪ ... ﻣﺎ ﻳﺨﻠﻨﻲ ﺍﻋﺘﺎﺯ ﺷﻲ
ﻳﺤﺎﻭﻟﻦ ﻳﻮﻧﺴﻨﻲ ﻭﻳﻨﺴﻨﻲ ...
ﺑﺲ ﺍﻻﺟﻮﺍﺀ ﺑﺎﻟﺒﻴﺖ ﺑﻌﺪﻫﺎ ﻣﺘﻜﻬﺮﺑﻪ ﺑﻴﻦ ﺟﺒﻞ ﻭﺑﺎﺑﺎ ﻭﻛﺪﻱ ﻭﺑﻴﺒﻲ ﻻﻥ ﺟﺒﻞ ﻣﺮﺍﺿﻲ ﻋﻠﻰ ﺍﻟﻲ ﻳﺴﻮﻭﻩ ...
ﺍﻱ ﻃﺒﻌﺎ ﻣﻴﺮﺿﻪ ،ﻫﺬﻩ ﺻﺎﺣﺒﻪ ﺷﻴﺴﻮﻱ ﻳﺪﺍﻓﻊ ﻋﻠﻴﻪ ﻭﺍﻧﻲ ﺍﻟﻤﻜﺮﻭﺩﻩ ﻳﻄﻠﻌﻨﻲ ﻏﻠﻄﺎﻧﻪ ﻭﻳﺰﻋﻞ ﻋﻠﻴﻪ ...
ﺻﻌﺪﺕ ﺍﺭﺩ ﺍﻧﺎﻡ ﺳﺎﻋﻪ ...12
ﻃﺒﻴﺖ ﺳﺒﺤﺖ ... ﻃﻠﻌﺖ ﻧﺸﻔﺖ ﺷﻌﺮﻱ ﻭﺭﺩﺕ ﺍﻧﺎﻡ
ﺳﻤﻌﺖ ﺻﻮﺕ ﺍﻏﻨﻴﻪ ﻣﻦ ﺑﺮﻩ ... ﻛﻞ ﻣﺎ ﺍﻟﻬﺎﺍ ﻭﺗﺘﻘﺮﺏ ﻭﺗﻌﻠﻪ ﺍﻛﺜﺮ
ﺷﻮﻳﻪ ﻭﺻﺎﺭﺕ ﻛﻠﺶ ﻋﺎﻟﻴﻪ ...
ﺍﺣﻠﻒ ﻟﻲ ﺍﺑﺪ ﻣﺘﺮﻭﺡ ﻻﻥ ﺑﻔﺮﺍﻛﻚ ﺍﺩﻣﺮ
ﻻﻥ ﺑﻔﺮﺍﮔﻚ ﺍﺩﻣﺮ
ﻟﻤﻠﻤﻨﻲ ﻻﻥ ﻭﻳﺎﻙ ... ﻣﺎ ﺍﺗﺤﻤﻞ ﺍﻃﺸﺮ
ﻋﺎﻣﻠﻨﻲ ﺑﺤﺴﻦ ﻭﺑﻄﻴﺐ ... ﺍﻧﻲ ﺑﺴﺮﻋﻪ ﺍﺗﻘﺸﻤﺮ
ﮔﻠﻲ ﻟﻤﻮﺗﻲ ﻣﺎ ﺍﻧﺴﺎﻙ .. ﻟﻮ ﻛﻠﺸﻲ ﻋﻜﺲ ﻳﻔﺘﺮ
ﻭﺍﺫﺍ ﺗﺘﻐﻴﺮ ﺍﻟﺪﻧﻴﺎ ... ﻋﻠﻴﻪ ﻣﺎﻳﻮﻡ ﺗﺘﻐﻴﺮ....قصص عراقيه حقيقيه من واقعنا.روعه الطائي
ﻭﺍﺫﺍ ﻋﺎﻟﻲ ﺻﺮﺕ ﻓﺪ ﻳﻮﻡ ... ﺍﺑﺪ ﻳﻤﻲ ﻟﺘﺘﻜﺒﺮ
ﻭﺍﺣﻠﻔﻠﻲ ﺗﻀﻞ ﻭﻳﺎﻱ ... ﻳﺒﻘﻰ ﺣﺒﻨﺎ ﺳﻨﻴﻦ
ﻧﺒﻘﻰ ﺍﺣﻠﻰ ﺛﻨﻴﻦ ... ﻣﻮ ﻣﻬﻢ ﺍﻟﻨﺎﺱ ﺍﺣﻨﻰ ﻣﻘﺘﻨﻌﻴﻦ
ﺿﻞ ﻳﻤﻲ ﻻﻥ ﻣﺎﺭﻳﺪ ... ﻋﻨﻚ ﺍﺑﺘﻌﺪ ﻟﺤﻈﻪ
ﺗﻌﺮﻑ ﮔﻠﺒﻲ ﻣﻴﺖ ﺑﻴﻚ ... ﻳﮕﻮﻝ ﺍﺳﻤﻚ ﺑﻜﻞ ﻧﺒﻀﻪ
ﻭﺍﻟﻠﻪ ﺑﻴﻮﻡ ﻋﻨﻲ ﺗﻐﻴﺐ ... ﺍﻣﻮﺕ ﻭﺟﻔﻨﻲ ﻣﺎﻏﻤﻀﻪ
ﻭﻟﻚ ﻫﻠﮕﻠﺐ ﺷﺎﻑ ﺍﺷﻜﺎﻝ ... ﻭﺍﺭﻳﺪﻙ ﺍﻧﺖ ﻟﺘﻌﻮﺿﻪ
ﺍﻧﻲ ﺳﻤﻌﺘﻬﺎﺍ ﻭﺩﻣﻮﻋﻲ ﻛﺎﻣﺖ ﺗﺼﺐ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺍﻧﻲ ﺍﺑﺠﻲ ﺑﺤﺮﻛﻪ ...
ﻭﺍﻧﻲ ﺍﺗﺬﻛﺮ ﺫﻳﺞ ﺍﻟﻠﻴﻠﻪ ... ﻭﺍﺗﺬﻛﺮ ﻣﻦ ﻏﻨﺎﻫﺎﺍ ﺍﻟﻴﻪ ﻭﺍﻧﻲ ﺑﺤﻀﻨﻪ ... ﻋﺎﻑ ﺍﻟﻜﻞ ﺑﻠﻤﺰﺭﻋﻪ ﻭﺟﺎﻧﻲ ﺑﻠﺨﺘﻠﻪ ...
ﺑﺎﻭﻋﺖ ﻣﻦ ﺍﻟﺸﺒﺎﻙ ... ﺷﻔﺘﻪ ﻭﺍﻛﻒ ﻣﻨﺘﺠﻲ ﻋﻠﻰ ﺳﻴﺎﺭﺗﻪ ﻭﻳﺒﺎﻭﻉ ﻟﻐﺮﻓﺘﻲ ...
# ﺣﻮﺭ ﺣﻴﺪﺭ
# ﻋﺸﻚ ﺍﻟﺤﺒﻞ
..............
ﺻﺒﺎﺣﻮﻭ ...
ﻓﺪﻭﻩ ﻟﺤﺪ ﻳﻜﻮﻝ ﻗﺼﻴﺮ ﺗﺮﻩ ﻋﻨﺪﻱ ﺍﻣﺘﺤﺎﻧﺎﺕ ﻣﺪ ﻓﺼﻞ ﺛﺎﻧﻲ ... ﻭﻛﻮﻩ ﺩﺍ ﻟﺤﻚ ﺍﻛﺘﺐ ﺍﻟﻜﻢ
صباح الخير💋
# ﺣﻮﺭ
# ﻳﻔﺪﻭﻩ
#روووعه
