ولنا لقاء آخر " في مهب الريح سابقا" ♥️

الاخيره

الفصل الاخيررر

" صغير كنت أستعجل الأيام كي أكبر، والآن أترجي الأيام أن تعيدني حيث طفولتي وتنساني هنآك ، ليس الموت هو آكبر خسآرة بِالحيآة فأَكبر خسآرة هي مآ يموت بدآخلنا ونحن مآ مازلنآ على قيد آلحيآة .. لم اعرف أن الحياة هي عبارة عن مسرحية بائسة
إنتظرت عودتك اليوم . . طال إنتظاري
لم أتهمك بالتأخير . . وعدم الرفق بالمواعيد
بل تأكدت أن اليوم لم يأتي بعد .. أيجب ان أموت فى غيابك اختناقا لتدرك انك هوائى اتنفسه و احيا به ؟!
سلام على الضاحكين الباسمين و فى قلوبهم يحملون سنين بكاء ... كل مايجب فعله علي الان أن اسعي الي اقتران العدالة بالقوة بحيث يصبح كل شيء عادل قوي وكل قوي عادل .. يخشي الظلم ان يمر امام بابه تصبح العدالة متبرئه تماما من أي مكان يضعف العدالة في كل مكان... ولكن ماذا سأفقد تلك المرة
مازلت اؤمن باني سأجد الطريق يوماً ،إلى ذاتي ، إلى حلمي ، إلى ما أريد "

كانت تلك اخر كلمات يرددها عمر وهو جالس امام شرفته غرفته
قطع فكره رنين هاتفه
" انت ياااعم فيينننككك هنموووت م الجوووع وحماتك حالفه مااهي مغديانا الا اما تيجي"

* في اي بس ياياسين .. منا قولتلكم هاجي بالليل ع المؤتمر
_ ياعم انجز كلهم متجمعيين هنا وحتي امك هناا كمان ومستنينككك يلااا خلي عندك دم
* خلاص جاي جااي اهو يلا اقفل😂
_ بسرررعه وحياة اخووك

■■■■

العيله كلها متجمعه في هول القصر
" لكل ظالم ديان مابيغفلش عنه ابدا . ومصير شجرة العدل تطرح ورد "

قال محمود جملته وهو يرتشف فينجان قهووته
نور: معاك حق يابابا .. ربنا كبير وقادر ع كل حاجه .. وغير كل دا بيعووض وبيعوض اوي كمان

مروان : وانت ياعمي عامل اي دلوقتي .. واحوال اهل البلد اي ..
* كله تمام يابني مادام الواحد ماشي بما يرضي الله .. مايخفش ابدا
_ والله يابابا يابختك اهل البلد بحضرتك .. عندهم عمده زيك .. ربنا يزيدك كمان وكمان

ع جنب تاني محمد ويوسف
محمد بوشوشه : احم مين مريهان الل بتكلمها دي
يوسف بلا اهتمام : فريند يااعمو
محمد : اومال تقي الل لسه قافل معاها الشات دي مين
يوسف بنفاذ صبر : فريند بردو ياعمو
*وتاليا دي بقي ايييييه
يوسف: دي الل بحبها حب حقيقي بجد
محمد بحسره : والله! مادام هي حب حقيقي بجد .. السلطات الل حوليها دول ايه .. فتح نفس
يوسف قفل تليفونه : بص ياعمو في بنت بحسها فهماني وانا بتكلم معاها .. وبنت تاني بتعرف تضحكني .. وغيرها بيساعدني ف الدراسه .. وكده .. فلازم يكون عند كل واحد فينا فريندز كتير .. عشان يعرف يختار هيكمل مع مين .. فاهمني؟!
محمد مسك دقنه الطويله
" قووول كمان وكمان ياابن مرووووان قووول .. وياتري ابوك .. يعرف كل دا "

* اقولك سر .. ساعات بيديني نصايح عشان اعرف اكسب البنت الل قدامي .. وساعات بيكلمهم معايا .. بس اوعي تقول لمامي