البارت الثامن
عشقك مخيف حد الحياه
وجميل حد الموت
مصير الحياه الفراق
اما ما بعد الموت لم نفترق
دمت مولعا في قلب اميرتك 💙
توفي يوسف وتوفت ام نادين
وبعد مرور اسبوع .. اسوا اسبوع مر ع الجميع .. ما بين عياط وصدمه .. ووجع فراق .. ومروان اللي قضي اغلب وقته مع نادين والباقي بيواسي ف عيلته .. حتي فريده شاركتهم الحزن لان للاسف سلمي من ساعة ماخرجت .. مارجعتش تاني ومحدش عارف لها مكان
نروح عند بيت يوسف جميع الاسره في حزن وصمت دائم .. كل منهما ملتزم غرفه ومقيم بها
يأتي محامي شركات يوسف ليعزي ويقرأ الوصيه علي الجميع
منيره مرحبه بيه باسي
"اهلا بحضرتك يااستاذ ياسر .. اتفضل"
قالت جملتها وهي تشير ع غرفه المكتب
ياسر هم بالدخول قائلا بحزن
"البقاء لله يافندم .. يوسف بيه كان غالي علينا كلنا "
منيره بتنهيده :الله يرحمه ويحسن اليه
ياسر جلس ع اقرب اريكه
"لو سمحتي المفروض العيله كلها تكون متجمعه في الوقت ده"
منيره باستفهام :ليه خير؟
ياسر يضع امامه حقيبته ليخرج منها الاوراق .
"وصيه يوسف بيه المفروض كانت تتفتح من تاني يوم في وفاته .. وللاسف انا احرجت اجي .. والوصيه باقي عليها يومين وتنتهي "
منيره قطبت حاجبيها مستفهمه
"انا مش فاهمه حاجه ووصية اي ماتوضح كلامك يامتر"
ياسر اؤم راسه بالموافقه
"لو سمحتي هتفهمي كل حاجه .. بس ياريت تتكرمي وتجمعي الاسره الكريمه هنا"
منيره باستسلام :حاضر
واجتمعت الاسره كلها في غرفه المكتب .. وكلا منهما ينظر للاخر مستفهما .. وبحيره
مروان بنفاذ صبر :يلا يامتر .. قول اللي عندك .. لو سمحت بسرعه
ياسر تفقد الحضور :بس لسه في حد ناقص!
مروان شيع نظره ع اخوته :مين يعني احنا كلنا ع كده
ياسر:لا الدكتورة نورهان محمود منتصر فين؟
مروان سادت نظرات الحيره والدهشه بين جميع الحضور .. اعتدل مروان ف جلسته وبحده
"ودي مالها بوصيه ابويا ان شاء الله"
منيره بحده:اششش .. مروان ! .. محمد روح انده نور من فوق
اتت نور بعد برهه من الزمن وهي ف كامل دهشتها .. افتتح ياسر الوصيه وكانت تنص علي
"اول حاجه احب اقولكم انكم وحشتوني اوي .. وانا دلوقتي بين ايدين المولي .. ادعولي دايما بالرحمه .. وسامحوني لو زعلتكم في يوم انا كل حاجه عملتها ولحدت دلوقتي هعملها لمصلحتكم .. في حاجات كتير اوي انتو متعرفوهاش .. بس مسيركم مع الوقت تعرفوها ..
الي زوجتي العزيزه منيره .. ارجوكي تسامحيني انا عارف انك استحملتي اللي ميتحملهوش بشر .. وعارف اني وظلمتك كتير اوي معايا.. بس انتي اكتر واحده عارفه انه الحب مش بايد حد فينا .. والقلب معلهوش سلطان .. وعارفه اني ظلمتها اوي .. وظلمتك انتي كمان .. كنتيلي نعم الاخت والصديقه والزوجه واحسن ام لولادي .. مهما قولت مش هوفيكي حقك
أنت تقرأ
ولنا لقاء آخر " في مهب الريح سابقا" ♥️
Mystery / Thrillerالحُب .! ليس ذاك الشيء الذي تبحث .! عنه وقت فراغك أو بعد مُنتصف الليل .! الحُب زائر قليل الذوق يدخل دون إستأذان .! وعندما يرحل يُخلف وراءه دمار لا يمكن ترميمه ..! وتبدا مرحله الصراع بين القلب والعقل .. وبالنهايه لنا الله في كُل حديث نعجز عن حكاي...
