ظلمني أبي

ابي ظلمني 💔

#ظلمني_أبي
الحلقة ( 2 )
قصة واقعية
قصة حقيقية
احداثها مدينة طرابلس ليبيا عين زارة بالتحديد في عام 2013
.
.
.(نحب نقول للناس الي قالت انه معاه حق يذبحها لانه خاناته حتا مكالمات بس كملو الرواية بعدين قررو هوا مختل ولا لا ) يعني امك تكلم حد بالغلط وتنذبح قدام عيونك شن يكون موقفكم بالله نبي رايكم في التعليقات بعد اذنكم
وامس شفت كل تعليقات للحلقة الاولي انهرت بكى من جديد 😭
وشكرا لكل من قدر موقفي شكرا شكرا بجد
ونحب نقول للناس الي قالت كذب ومش عارف شن
حتا كذب اقروها مرات تستفيدو من حكمة ربي وشكرا ليكم ع متابعتكم 💔

.
.
.
نفتح باب الدرا اني متت خوف متت خووف
طلع بابا
بابا ارقدي خيرلك شن مسهرك
اني رديت عليه من العفن الناس الي جايبهاا
بابا سكري فمك متخلنيش نذبحك زي امك توا
اني خفت الحق لانه يديرهاا وقعدت نبكي 😢
شوية وسمعت اذان الفجر نضت صليته ودعيت عليه ونبكي وندعي ونبكي
نضت خشيت جنب محمد في السرير ورقدت
نضت محمد يقولي دخليني الحمام (حشاكم)
ونسمع في دوشة برا في الشارع
طبعا اجني وين ساكنين جنبنا حوش واحد في الشارع فيه نااس
شفت هكي من روشن عرفت ان الحوش الي لاصق فينا بيسكنو فيه نااس
معرفتش السبب بس قلبي ارتاح تلقائ
ونشوف من الروشن
شفت شباب يدخلو في بضاعة طاحت عيني ع واحد منهم مش حلو شكله هلبا خلق ربي في الاخير
بس حسيت بحاجة اول مرة نحسها لما نشوفه
تلفتت لي محمد رجعت نشوف من الروشن لقيته يشوفلي 😦
خفت قريب متت
طيبت ماكلة وخشيت المربوعة ريحتها عفن ( حشاكم )
معرفتش شن ريحتها ومغبقاا وشيش مرميات لوطا ودخان مرمي وبساط محروق بدخان
لا حول ولا قوة الا بالله وخلاص
كليت اني ومحمد وبابا مهناش ولعبت محمد شوية
ممكن ساعة 1 ف الليل خش سكران اني راقدة جنب محمد سمعت الباب فتحت عيوني
خش عليا في الدار واني قاعدة نشوفله
ويهتري ويقولي سامحيني يا بنتي لكن لازم نربيك را تطلعي صايعة كيف امك
اني نبحث فيه وخائفة اقسم بالله رجليا يخبطو في بعض من الخوف
نشوف لي ايديه شاد طوبو غااز ازرق لونه
اني بابا شن ادير امشي ارقد ليل
وفجااة عيط وبصووت عالي اني نمشي
وبدي يضرب فيا حسبي الله ونعم الوكيل فيه الله لا تربحه هاده اب بالله عليكم
اني بديت نعيط ع امل يسمعوني الجيران
لكن لا حياة لمن تنادي
محمد ناض مخلووع ويقول لي بابا خلاص مسكين ع اساس يحز فيه من عليا ضربه حتا هوا
طفل عمره 3 سنين شن ذنبه بالله حسبي الله ونعم الوكيل فيه
جلدني جلد اقسم بالله لن لحمي حسيته طااب ومرقدتش للصبح واني جسمي يسطر فياا ونبكي
مسكين محمد خوي تعب مسكين والله مسكين رجلي زرقة لونها زرقة الم غريب نحس فيه حسبي الله ونعم الوكيل فيه
نضت ممكن بعد الظهر لقيته مهناش شفت من الروشن لقيت الولد الي شوفته يتكلم في تلفون في جنانهم
لان اني في الدور الثاني يبان عليا حوشهم
مهم قعدت نشوفله ركزت لقيته يتكلم ويشوفلي
دخلت راسي بسرعة

للكاتب/محمد مالك

خشيت دار ماما طلعت دبشهاا حوايجها وصورها من الدولاب ومحمد يقولي استحشتهاا 😭😭
تعرفو الايموجي هاده 👈( 💔 ) كيف القلب مكسور هكي صايرله قلبي
لاحولة ولا قوة الا بالله وخلاص
اخديت كم قطعة قلت نستعملهم فيهم ريحتهااا
شوية خش بابا واني قااعد نظم في حوايجها ونتفرح ع صورهاا ع غير عادته انه يجي العصرر
خش لقاني شفتله لقيته ايديه دم
معبيات دم
اني قتلته
بابا مليكش علاقة وخش الحمام ( حشاكم ) غسل
وخشلي في الدار
اطلعي برا اطلعي ويعيط بي اعلي صوته
طلعت بعدها نشوف فيه يطلع في حوايج امي وصورها وكل حاجة ليها للجنان
اني شن ادير نقوله شن ادير
بابا تعرفي تزيدي حرف نكسرك تكسير
صب عليهم بنزينة وولع فيهم ناار
واني نبكي
ومشيت دسيت الي خديت قبل ما يولع فيهم
قعد شوية وطلع
خشيت في الليل بنرقد
محمد/ متخليش بابا يضربني باهي
اني مش حنخليه وعد بااهي ارقد حبيبي وكان بابا جي بيضربك اهرب وراي متمشيش جنبه باهي
محمد باهي😣😭
واااااك علاش هكي حياااتي ببسسس
بعدها مش بهلبا سمعت فتح الباب حي عليا قلت
وخشلي ونفس الشئ ضربني ضرب اقسم بالله الحيوان ميتحملاش
نفس الروتين اسبوع كامل يخش يضربني طريحة في الليل قريب يقتلني خلاص فديت معااش قدرت نتحمل
بعد اسبوع من الطرايح نضت.
شفت من الروشن لقيت الولد مقعمز ع كرسي في جنانهم ومعاه ولد ثاني
قعدت نشوفله وشوية شافني دخلت راسي وخفت
ممكن التوقيت صلاة الظهر توا
شوية ونسمع في الباب يطق يطق
خفت في البداية مبيتش نفتح شفت من الدور الثاني لقيته الولد الي نشوفله 😢😭😣
ايه الولد حي كان بابا جي ويقول للولد علاش اطق
يقوله بنتك اتشوفلي ليها فترة
واااك ياربي
نرعش معا بعضي بي معنا الكلمة نرعش معا بعضي
لبست جلباية وطلعت فتحت الباب
اني برا يا غبي برا بوي يشوفك يقتلك
يقولي اسمعي وينه بوك اصلا نبيه اني يضرب فيك في الليل هوا
اني شن دخلك انتا ان شاء الله يقتلني برا امشي يقتلك برا
يقولي به خيرك تشوفيلي
اني امشي يا ولد الناس امشي والله يشوفك لما يذبحك
علاش تشوفيلي
معجبة بيك هي تريحت امشي امشي
ونشوف ونلقا بابا واقف يشوفلي وراء الولد بي مسافة
سكرت الباب وخشيت نجري ونسمع في صوت عياطات في الشارع وتقربيع شوية
وخش ويعيط مرروة يا مرووووة لما نذبحك
.
.
.

للكاتب محمد مالك