ظلمني أبي

يااااارب يااارب 💔

#ظلمني_ابي
الحلقة ( 7 ) ما قبل الاخيرة
قصة حقيقية
قصة واقعية
احداثها طرابلس عين زارة 2013
.
.
.
.
.
.
.
جتني بنت عمي ممكن المغرب
تعالي البسي وديري شعرك ونظمي شكلك
اني بالله عليك والله ما ناقصة
بنت عمي خشي نظمي روحك خيرلك رااه
اني اووف منك خشيت نظمت روحي وشفت لي روحي في المراية اول مرة من فترة هكي نهتم بروحي وشعري مسااوي مشطه وشكلي حلوو
قعدت نبكي اذكرت كل شئ
مهم هكي
خديت نفس وواحد طلعت الجنان معا بنت عمامي هما 7 طبعا 7 بنات وزوز ولاد واحد كبير وواحد بيبي
لقينا ولد عمي الكبير يخبط في كوورة بدينا نلعبو معااه للحظات نسي كل شئ صارلي حسيت رجعت لي طفولتي الي خسرتهاا
طبعاا الكلام هااده في شهر 12 2013
من شهر 4 لشهر 12 وهوا معذبني المريض هاده
خشيت داخل لقيت مرت عمي ادير في حلوو ولبسين كلهم استغربت شوية ورن جرس الحوش
خش من الباب 😱😭

ترا قولو من
عمر ومعاه امه واخته
فرررحت فررحت بجديااات لي اول مرة من فترة لكن دئماء فرحتي مش كاملة من غير حمووو 💔💔
لكن الحمد الله ع كل حال كنت خاائفة هلبااا هلبااا
شوية هكي خشت امه واخته الكبيرة ومعاهم عمته
خشو الصالة وضيفتهم وهدرزو وحسيتهم مسالوش علي امي وبابا قلت اكيدة قلهم قصة مولمة توزعت
هدرزت معاهم وعطو فيا كلمه
وبو عمر طلب ايدي
جااني عمي نذكر فيهاا
قالي طلبو ايدك موافقة انتي ع عمر راه راجل طيب وكويس وفرصتك مش تهربي من بوك
اني اكيدة موافقة يا عمي
وانتو قراركم افضل ليا يا عمي
عمي مصطفي ربي يرضا عليك ان شاء الله خشي وتوا خوك ندوروه ونديرولك حل لكل شئ ونزوجوك ونكبرو حمودي ونزوجوه لانكم تحملو لقبنا واسمنا ودمنا خشي توا غيري جوك بعدين نهدرزو شد راسب باسه اني في الحظة هاادي في شئ نااض في قلبي رجعلي الامل في الحياة من جديد بديت عايشة ع خاطر عمر وحمود مش حمود بسس
طبعا وهما طالعين اني واقفة نشوف شافلي عمر وضحك والله احلي ضحكة شفتها في حياتي لتوا 😅
مهم
رقدت واني نخمم في حمود نضت الصبح زي كل يوم
تغدينا
طق الباب
فتح عمي ابراهيم
طلع بابا 😭
صارت دوشة
قالهم اني مش جااي نتعارك لا نضرب لا شئ غير نبي مروة في كلمتين وانتو في كلمتين
سمعت انه جي خفت قريب متت قلت شكله بياخدني ثاني ياارب سااعدني يااارب
مهم خشو المربوعة عمامي وشوية خشيت نرعش ونبكي قعمزت جنب عمي بشير خائفة منه
جااي قالي
اسمعي بترجعي معااي مش بي ارادتي لي درته فيك
اني كيف مش ارادتك كيف في حد مش طبيعي كيفك هوا
هوا غير اسمعي عليا دين نص مليون ديناار وكان يشدوني يقتلوني
والي زوجتك ليه
زوجتك ليه مش يعطيني نص مليون ونسكر ديني
اني في حد يبيع بنته ع فلوس يا حقير ونهرت بكى خلااص معااش تحملت وقعدت نسب ونسب فيه وعمامي يقلولي اسكتي اسكتي
بابا معنديش حل الا نعطيهم محمد انتي ختااري يا انتي يا محمد
في الحظة هاادي الامل الي كاان عندي هب نحررق
نحرررق ولعت فيه نااار بالليبي
قعدت حائرة ومحتارة
عمي ابراهيم تي شن تعطيهم محمد بتاعك هاادي
عمي بشير توا تاكل طريحة تجيبنا محمد ودينك نديرولك فيه حل تمام
عمي مطصفي لا حولة ولا قوة الا بالله
اني خزي عليك كانك راجل تخدم  ولا تخنب ولا دير مصيبة لي عمرك مهم متبيعش صغاار انتا اصلا ربي استغفر الله خلقك وطلقك من غير عقل تنحسب لي فصيلة الحيوانات
مهم عمي
عمي مصطفي فلوس ساهلات جيب محمد ندبرو راسنا مش عاارف كيف حنجيبوهم بس نديرو حل ونساعدوك
بابا لالا اعطوني مروة خودو محمد يا اما خلوها عندكم وتوا اني نتصرف بعد ثلاثة ايام بنرجع يا بناخدها معااي يا انسوو محمد
اني كيف بتبيعه محمد لي راجل حتا هوا
بابا اعضاءه وطلع
اني حسبي الله ونعم الوكيل فيك وقعدت نعيط عليه هوا طالع نشوف فيك يوم يا ظالم يا مريض يا متخلف يا مهبول
خشيت وقلبي مكسور وعقلي مكسور عمركم سمعتو عقلي مكسور ايه مكسور عجزت خلااص معاااش عرفت شن ندير من منين لي منين يجي هاده كله لللليش بس
استغفر الله العظيم واثوب اليه
مهم نفكر وعمي قالي رد بالك تمشي معاه المتخلف وخوك نديروله حل وتوا لما يجي بوك اهني نضربوه طريحة توا يقول وين خوك
اني قلت بااهي
واستنينا ثلاثة ايام مجاش
اسبوع مجاش اني في الاسبوع هاده متت وعشت
وكان مزال مش عاارف ممكن 15 او 14 يوم علي سنة 2014  مهم
طق الباب فتح عمي
طلع هوا حوايجه خامرات متبهدل فمه مفتوح وعينه مزرقة اقسم بالله استريحت لما شوفته
طلعو شدوه وعطوه مهلة انه يجيب اسبوع
قالي هيا يا تعالي معاي يا انسي محمد
طبعا عمي داخل نشوف فيه يتكلم في التلفون
وعمامي الثانين برا معا بابا واني
اني نمشي معااك علي الاقل حمودي يعيش صغير مسكين شن شاف منها الدنيا اني اصلا تعودت ع الضرب تعودت ع كل شئ والا قاعدلي بياخدوه مني حاسة اصلا 😭😭
مهم قتله نوتي روحي
قالي هيا بسرعة متعطليش بس
خشيت لبست
غمزلي عمي بشير قالي عطليه وبااذن الله منطلعوكش خاايبة
اني قلت به واستريحت للموضوع وعطلته
وهوا يعيط برا تي هياا هياا هياا
عمي مصطفي سكر فمك يا راجل مسكينة البنت حصلت فيك صغاار شن ذنبهم
اني طلعت هي وطلع اني كتيبة جماعة عمي مدرسين برا وواقفين يستنو في بابا فتحنا الباب جبدوه من حوايجه ورموه في الارض وبدو فيه ضرب اقسم بالله هما ثلاثة نفار الي يردسو فيه ويضربو فيه وهوا زي الحشرة مرمي في الارض وهما يضربو والله طلع دم من فمه وهما يضربو ضرب فشلي الحقد الي عندي كله وهب حطوه في كوفن السيارة ومشو عمامي معاهم قعد عمي ابراهيم
ابراهيم اسمعي بااذن من كثر الضرب يعترف
اني ان شاء الله وبالله متخلوشي عاايش
عمي غير توا نعرفو محمد وين بعدين سااهل
تعرفو كل تفكير حااجة وحدة لي اول مرة في كل خطوة وكل نظرة نشوف في محمد بين عيوني في كل خطووة نشوف فيه وكبدي نسحنت خلاص استحشته يا ناس استحشته 😭😭 ياارب عفوك ولطفك ياارب يااارب عفوك ولطفك ياارب ردلي حموودي سالم غاانم ياارب يااارب يااارب يااارب
مهم جي الليل وعمي قالي بوك مايبيش يتكلم وقالوله نوعدوك ونوعدوك ان محدش يمسك هادي الكاتيبة وعداته شئ مسكر راسه
نضت الصبح نظفت الحوش معا بنت عمي وهدرزنا ونفس الروتين ثلاثة ايام ومحمد بين اعيوني
ترا شن قلهم راه محمد بروحه راه يموت كان متخلونيش اني عجزت خلااص هاده شن العفووو في حد هكي يدير في ولده
علي المهم من كثر الضررب اعترف وكلهم عندي فيلا في عين زارة حتا هيا وعطاهم النعته
( لتوا صحباتي ولا حد يقولي حوشي في عين زارة ننغم طوول )
ع المهم مشو عمامي ومعاهم كتيبة خشو الحوش
لقو ثلاثة نساوين تخيلو 8 صغاار ولا مش اهني المصيبة المصيية نساوينه من قبل الثورة وما نندرو ع شئ وعندي 8 خوت شن شن عندي 8 خوت
ياالله ياالله ياالله
مهم لقو محمد معا خوي الي مش من امي اسمه عبد الرؤف حتا هوا يلعب معاه بعضهم
عمي خدي محمد
وسالو نساوين عندهم اهالي علي الاقل وعمامي عطوهم ارقامهم قالو لو تبو اي مسااعدة اتصلو بيا
مهم اني هاده  كله قاعدة منعرفااش منعرفااش حته انه محمد لقوه
اتصلت بعمي قالي لقيناه فاضي الحوش قعدت نبكى ع اساس بيديرلي مفاجاة واني قريب نموت جي عمي مقعمزة في الدرا بنت عمي تقولي استهدي بالله خشو عمامي معدلتش وقعدت مقعمزة لحد وقف في فم باب
الدار محمد حي علي صدمة حي علي شعوري حي علي كل شئ حلوو في اللحظة هااده
شفت لي مني بنت عمي
قتلها محمد ولا نتخايل
قتلي اها حمودي هاده
اقسم بالله درت جرية زي الصاروخ حضنته قعدت نبكي وقعدت نبوس فيه في كل مكان مفيش مكان مبستاش فيه
وهوا يقولي خيرك
مسكين صغير ميندري ع شئ واني نشوفله بدي يحكيلي علي عبد الرؤف
تعرفو 8 صغار ولاد الي عند بابا اني البنت الوحيدة شن ميحبش بنات مش يدير.فيا هكي ولا عماني قالولي فيلا ساكنين فيها بالخدم ع اساس معااش.عنده فلوس ونكد علينا عيشتنا وخلاص
مهم تعرفو اليوم هااده محمد ما مشاش من حضني ونشوفله هوا يقولي خليني نلعب يا مروة حولي
واني لا قاعدة مشبعتش منك مزال
مهم قعدنا سبوع مزال سبوع وتكمل السنة السودة النودة هادي 2013 
مهم هكي شوووية وقالي عمي راه بوك مطلوق ليه ثلاثة ايام لانه عنده عائلة لازم يربيها وانتو مش صغاره
اني كيف باه المريض كان يعذب صغاره باه الي غيرناا
عمي لا بنراقبوه بعدين سااهل راه يا مروة كم بنكبرو ولد 8 وبيكم 10 راه ال مش طبيعي هااده
مهم
هكي جوو يومين
جي طق الباب بابا
فتحتله اول مرة في حياتي نشوفه بالضعف هااده
مهم قالي
......

عارفها قصيرة حلقة الاخيرة حتكون طويلة وحتنزل يوم الجمعة دمتم سالمين لانه عندي امتحان وكانت طويلة بس عاودتها من الاول مش حنلحق نقراء كيمياء
.
.

ردود المتابعين

.
.
.
.
.
اقسم بالله قلبي تقطع كل مانقرا سطر نتمنى السطر الي بعده نلقى فيه كلمه تفرح يارووحي حسبي الله ونعم الوكيل فيه هالجيفه الخامر ان شاءالله بس يكون مات وافتكيتو منه مش عارفه ليش مزال تقوليله بابا

مهما دار في الاخير بابا لكن الكره والحقد الي نملكه عليه كبيررر
وبابا مش حتا تفهمو الرواية 💔

........

سبحان الله قلبك الصغير هذا بكبر الدنيا كلها
اكتر حاجه حبيتها خوفك ع خوك وحبك ليه كنتي انت الام والاب ليه اكيد حتكونوا احلا خوت ف الدنيا
طبعا اني نقرا ومصدوومه من الشي اللي يصير
متوقعه حتكون نهايه حلوه 😍😘
حبيتك من غير منشوفك مروه انت قدوه للبنات كلهم الحمد لله ع كل حال 👍💓

اي والله لانه من عندي غيره في الدنيااا وياا بنات قاومو ع حقكم والله يا حبيبتي حبيتكم كلكم اني لانكم حسيتكم سندي في الدنيا من تشجيع متاعكم ليا 💗

طبعاا للناس الي راحت عليهاا حلقةة تخش ايميل محمد مالك تلقاها كلهاا
( اني مروة طالبة منكم بس تنشرو رواية علي مدي واسع وكبير بي تاقات ومشاركات لانه هكي حتوصل رسالتي من القصة والمعني ليهاا فيه فاائدة لبنات الناس مرات نكون نقدتها بقصتي وعرفت كيف تتصرف لو نحطت في موقف من مواقفي

للكاتب محمد مالك
دمتم سالمين