ظلمني أبي

افرجهااا ياارب 💔

#ظلمني_ابي
الحلقة ( 6 )
قصة حقيقية
قصة واقعية
احداثها ليبيا طرابلس عين زارة 2013

.
.
.
.
.
.
طبعاا مداير لحية لي بطنه ع اساس شيخ
وصلت الحوش بتاعه بو سنون صفر هاده
خششني
اني
( طول الطريق نفكر قلت لو بنخااف زي الجباانة حيدير الي يبيه ونكون خسرت روحي خلاص واملي في الحياة ح يضيع فكرت فكرت وااجد والحمد الله فكرت اني نسكر ع روحي لما نخشو في الحمام ولا اي دار ونتصل بي عمر )

طبعاا الكلام صاار هاده بيني وبين بو سنون صفرر حاولت اني نطلع منه كلام ع نعته الحوش وهوا سكراان سااهل اطلعي منه
اني وين حوشناا
هوا طريق المطار
اني وين في طريق المطاار
هوا ..... وغيره اعطاني تفاصيل دقيقة
وطبعا منحكيلكمش من جت الشجاعة في الحظة هاادي معرفتش منين جت معا اني نرعش لكن مزال متشجعا ونقول راح نهرب منه باذن الله ونمشي لي حمودي المسكين الي نفكر فيه
مهم
وصلنا وخششني
طبعا طول مشي طلع شيشة بدي يشرب الي مش طبيعيي
اني وين الحمام
هوا لا حمام لا حمامات
تعالي جاي وجبدني من ايدي
اني بديت نخبط ونريش فيه وشديته من لحيته
هوا قالي توا تخشي بكرامتك للدار ولا لازم نكسر فيك حاجة بعدين تخشي
اني نخش الحمام بعدين نخش بكرامتي
هوا به عندك 5 دقائق تعطلي نقربعه فوق راسك الباب
خشيت اني مابين فرح اني هربت وما بين حزن الي مسيطر علياا خشيت واجمل شئ في حياتي كان مفتاح باب الحمام موجود عيوني ولو قلوب قلوب تعرفو اقسم بالله خشيت سكرت الباب وطول اتصلت بي عمر وقتله التفاصيل وقالي تمام جاايك في دقائق
ممكن 10 دقائق وبدي يخبط وواضح عليه داايخ يقولي افتحي خيرلك راه وواضح ان صوته ضعف وثاثر بالسكر بعد شوية يضرب الباب اقسم بالله حتا ثور مش هكي ويقول اطلعي اطلعي
قعد معشش قدام الباب جو 10 دقائق يخبط بعدها بشوية اختفي صوت هب تقول بروحي في الحوش استنيت واني نبكي وخائفة اتصل عمر
عمر نخشلك ولا في كيف تطلعي
اني لا نطلع لكن كان عطلت شوية خش
فتحت الباب بخووف ونرعش معا بعضي
شفت يمين يسار ملقيتاش واني طالعة 😭😭
شفت رجله راقد ع الصالون  مشكلة الصالون مقابل باب الحوش انقول تخاايلو نفتح الباب ينوض عطه مرض بو سنون صفر هااده تشجعت وقلت ياالله
وفتحت الباب بهدوء خلعني قريب متت ينخط المريض هاده سكرت الباب وطلعت لقيت عمر
اقسم بالله ثلج في قلبي استريحت تلقائ معا انه عمر مش جميل نهائ لكن خش قلبي سبحاان الله
لقيته واقف يستنا فيا اني هياا بسرعة هيااا
ركبت السيارة ومشينا ساعة 3 في الليل الكلام هااده
يعني شوفو عمر مسكين متشحط معااي بارك الله فيه
عمر شن هاده عرسك اليوم ما ندريش احكيلي احكيلي
حكيتله كل شئ
عمر خلاص لازم نهربك وندسك في مكان
اني استنا نكلم عمي ونتفاهمو فيه الموضوع
اتصلت بعمي ابراهيم فوق 6 مرات مردش عليا مرة 7 رد فرحت
قلت الو رد عليا الو من معااي واضح من صوته نوضته من نومه
اني عمي اني مروة عمي
ابراهيم مروة بنتي شن صاير فيك مشينا حوشكم كسرنا الباب وخشينا ومعانا شباب ملقيناكش
اني يا عمي حاليا في طريق المطار بابا باعني لشخص وانهرت بكي خلاص نبكي بعبرتي معااش قدرت نتحمل 😭😭😭
عمي لا حولة ولا قوة الا بالله
تعالي لي حوشي اصلا بوك حنقتلوه معااش ينفع هكي
اني قلت لي عمر انه يوصلني حوش عمي وفعلا رفعني من تصرفاته زاد خش قلبي بالله شن بيني وبينه ولد جيرانة تخيلو في ناااس طيبةة هلبااا
مهم وصلت عمي خدي عمر ومشوو يهدرزو بعيد مبيتش نركز ع الموضوع خشيت مرت عمي بارك الله فيهاا استقبلتني اني نقولهم نبي محمد نبي محمد عشرة مرات قلتها والله مرقدتش يومهاا نذكر بكل واني نفكر في حمودي مسكين قاعد معا المريض هااده
مهم شوية هكي
جي عمي حكيتله ولا نضت صبح دوشة وهكي لقيت عمامي وصغارهم ونساوينهم جااين كلهم
قتلهم شن في عمامي قالي بنقعدو في حوش وااحد لن نديرو حل كلنا للمشكلة مش زي الاولي خداك بسهولة
اني قعدت نبكى الحمد الله وقفتو معااي
عمي بشير الي بابا ضربه
لازم نلقو خوك محمد توا بعدين نديرو حل لي بوك
خشيت حاولو بنات عمي وولد عمي البارد يغيرولي جوي لكن مفيش فائدة نفكر في محمد ياربي ردهولي سالم ياارب ميديرله شئ المختل هاده
اتصل بيا عمر
اني الو
عمر اسمعي راه في جماعة جو اهني دارو العار في الشارع يدورو في بوك
اني عرفت حاجة منهم
هوا لا اعطيني واحد من عمامك
عطيتهم عمر وحكالهم وع حسب فهم عمر يبو من بابا مبلغ كبير طلع يلعب في قماار تخيلو ليبيا بلاد مسلمة فيها قماار وسكير وحشيش هااده شني الطف اللهم لا تؤخدنا بما فعل السفهاء منا يارب
مهم يومي مغموم ومقدرتش نعيش من غير حمود
عمامي خدو نعته حوش الي مشيتله هاده بو سنون صفر اسمه ( حكيم)  حسبي ونعم الوكيل حسبو فيه بالله عليكم
مهم مشو لحوشه ومعاهم كتيبة خشو حوشه شدوه ولقو في حوشه نص مليون الحرايمي هاده ومخدرات وسكير ولا لقوو مخزن سكير طلع يبيع فيه وتبو ليبيا تمشي القدام وفي شكالات زي هاادي في البلاد حسبي ونعم الوكيل
مهم
شدوه ضربوووه طريحة صح قلهم وين مكان الحوش الي نحبست فيه ومشوله طلع حوش دعارة لاحولة ولا قوة الا بالله طلعو مصريات ومغربيات هما الي يخدمو فيه
مهم روحو مجابوليش حموود وخاااائفة عليه قريب
نموت
جتني بنت عمي ممكن المغرب
تعالي البسي وديري شعرك ونظمي شكلك
اني بالله عليك والله ما ناقصة
بنت عمي خشي نظمي روحك خيرلك رااه
اني اووف منك خشيت نظمت روحي وشفت لي روحي في المراية اول مرة من فترة هكي نهتم بروحي وشعري مسااوي مشطه وشكلي حلوو
قعدت نبكي اذكرت كل شئ
مهم هكي
خديت نفس وواحد طلعت الجنان معا بنت عمامي هما 7 طبعا 7 بنات وزوز ولاد واحد كبير وواحد بيبي
لقينا ولد عمي الكبير يخبط في كوورة بدينا نلعبو معااه للحظات نسي كل شئ صارلي حسيت رجعت لي طفولتي الي خسرتهاا
طبعاا الكلام هااده في شهر 12 2013
من شهر 4 لشهر 12 وهوا معذبني المريض هاده
خشيت داخل لقيت مرت عمي ادير في حلوو ولبسين كلهم استغربت شوية ورن جرس الحوش
خش من الباب 😱😭

.
..
.
.
توقعاتكم
يتبع
امتحانات ياناس هاده علاش قصيرة

ردود المتابعين

وووه محر نارك يااوخيتي ربي يصبرك ويساعدك بوك يبي الردع وحسبي الله ونعم الوكيل فيه

اايه بس لكل ظالم نهاية بااذن الله ممكن وقتها مفيش ردع

.........

تمزطت اقسم بالله نرعش مع بعضي وما صارفيا خير لقيت روحي حادفه تليفون ع الحيط لاحول ولاقوة لابالله

لو تشوفي شن صاار فيا اني بعيوني شفته وعشته هاده كله 😭😭 توا ينكسر التلفون معااش تكملي باقي القصة معاش تحدفيه ع الحيط 😅

........

اول مره نقراها قصتك لعند وصلت اهني....بجد تقطع القلب ...وربي عطااااك طاقه وصبر  انك تحملي الشي هدا...حسبي الله ونعمه الوكيل فيه....كيف بدير هكي صغااره لحمه ودمه....حراام عليييه... حسبي الله ونعمه الوكييل فيه..الله لايسااامحه......طول مانقرا ونبكي تاترت فعلا...يابال انتي صاحبت الموقف كييف تحملتي الظاااالم هدا ...الله لايسااامحه..حسبي الله ونعمه الوكييل فيه... فدد.....وربي يرحمها اميمتك ..ويسامحها.........بجد ماعمري قريييييت هكي ولاسمعت هكي...ربي عطاااك  طاقه وصبر وقوه وتحمل💔.......انك تحملتيييه الظااالم هدا.....حسبي الله ونعمه الوكييييل فيه 💔💔

اقسم بالله جتني قوة من الله اني استغربت في روحي كيف تحملت كل هااده كيف معرفتش
الحمد الله علي كل حال

اكثر حاجة فرحتني الي نلقا فيهم يديرو في تاقات وينشرو في قصتي مش شهرتي لا في رسالة للبناات مهمة وواجد عن طريق الرواية ممكن تساااعدك هلبا في حياتك
شكرا ليكم ....
💗💖