ظلمني أبي

ان الله يمهل ولا يهمل 💖

#ظلمني_ابي
الحلقة ( 8 ) و الاخيرة
قصة حقيقية
قصة واقعية
احداثها طرابلس عين زارة 2013
.
.
.
.
.
.
.
مهم
هكي جوو يومين
جي طق الباب بابا
فتحتله اول مرة في حياتي نشوفه بالضعف هااده
مهم
اني نشوفله بحقد
هوا عيونه دموع ايه في عيونه دموع
واني نشوفله لحد طلع عمي شن اديري معاه ومن قالك افتحي الباب
بابا بالله عليك بنقولها كلمتين وبنمشي ع حالي
اني نشوفله قاعدة قلت هاده بابا الطاغية الي كان يضرب فيا هكي بالشكل هاااده مش تعرفو ان الله يمهل ولا يهمل
بابا اسمعي مروة اني ظلمتك وعذبتك بسبب واحد انك تطلعي زي امك ما نبيكش كيف امك
اني شن دارت امي يا مريض يامختل متجوز ثلاثة ملقيتش الا امي المسكينة يا تافه
بابا مش جااي نتعارك معاااك بس سامحيني يا بنتي ومشي
اني والله ليوم الدنيا والدين ماه مسامحتك علي درته فياا
مهم خشيت وكدا اتصل بيا عمر وهدرزت معاه وقتله ما نبيش عرس في البداية قالي علاش بعدين اقتنع
( طبعاا مشو عمامي سالو اني اني متجوزة من واحك بالغصب وبوها الي دار قالهم مش مقبول من دون رضاء الطرفين لو واحد من الطرفين ما يبيش زواجكم عند الله باطل )
مهم يوم 28/12/2013
يوم فاتحتي
طبعا من اليوم الي جي فيه بابا معاش شفته ولا سمعنا عليه خبرر بكل
وكاان من اجمل ايام حيااتي
شفت لي حمود اني بنتجوز يا حمود وانتا شن بدير
حمود نتجوز معاك
ضحكني في الكلمة هاادي 😂
مهم
تمت الفاتحة ويوم 2014/1/1 درناا حفلةة بسيطة
وتجوزت عمرر خلاص
مهم
بابا معااش سمعت عليه شئ لحد نص ستة في 2014 قالولي عنده ( مرض السرطان) اللهم اعفينا ياارب العالمين
وفي 2015 شهر 4 سمعت خبر موته لانه تعذب واجد من السرطااان حتا امشي المانيا بيعالج ع الاساس قالوله متقدم في مرحلة خطيرة مفيش كيف نعالجوك
وخواتي الثمانية ولاد معنديش بيهم اي علاقة لتو
وحمود يقراء صف ثالث توا
واني معااش كملت عمر ربي يحفظهولي قالي لا تقري لا شئ اني نصرف عليك وانتي اهتمي بي الصغاار
ايه ونسيت نقولكم يسلمو عليكم ولدي وبنتي ( هيثم/ فاطمة )
هيثم عمر 3 سنين
وفاطمة عمرها سنة
وحمود عاايش معانا وطبعااا عمرر كان لاحظتو اني شفته وقلتلكم انه مش حلوو ( لانه اول لقاء ليك اي شخص حتشوفيه مش عاارف كيف شكله لكن معا العشرة والوقت والعمر حيقعد عندك مهند التركي ايه تضحكو توا نعرفكم بس والله اسالو مجرب وخصوصا لو كانت روحه حلوة حتتعلقي بيه بالله يا بنات متشوفوش للشكل شووفو للقلب مسكينة ماما بابا كان لون شعره قريب لي الاصفر وقنين وشوفو شن دارلها
)
نبيكم تخلو قصتي عبرة بينكم وبين الناس مش كل ما يصيرلك موقف حتا بسيط تقول علاش حياتي هكي متاكدة ان في منكم هللبااا يقولو هكي قول الحمد الله تعلمو كلمة الحمد الله لان ابواب المنازل مغلقة في حاجات في البلاد متاكدة انه اكثرر من هكي واكثر من الي صاارلي رااه البلاد في حالة ظلااام في حالة مايعلم بيها الا الله متقولش علاش وكيف قول الحمد الله (ا ل ح م د الله)

قصتي تشوف فيها كذب هاااده رائك انتا وحق كل واحد ينتقد ويقول كيف وكيف متصدقوش القصة بس خود العبرة خود فكرة ع الواقع حتا لو ما صدقتش خد العبرة مرات يجي يوم ويا بنات اطيح وحدة منكم في موقفي شن بتتصرفو والله الي شفته والي عشته ما يتحمله حد شبه يومي نحلم بي ماما في الحظة الي ذبحهاا بابا يعني معاناة بمعني الكملة شوفو توا اني مستريحة بين صغاري وخوي وراجلي بس قاعد الماضي اماثر عليا وفيا به خلو اني ما نبيش نعطي ايميلي اكبر سبب مش تصدقو يعني اني لو نبي شهرة راه عطيت ايميلي ونشهرت ع حساب رواية وكذب زي ما تقولو قصتي حقيقية تصعب ع الكافر
ان شاء الله ربي يحفظكم كل من دعمني بكلمة وانتقدني بكملة الاثنين فوق راسي من فوق نتمنا تعلمت شئ من الرواية حتا مصدقتوهااش مهم تعملت شئ ولو بسيط وصغير ونتمنا للكاتب محمد تعب معااي كل التوفيق وتقدم بالله متنسوش دعمه مقصرش معاااي والله
منبيش ان تكون الحلقة الاخيرة معناها خلاص لا عليها تفاعل لا شئ لا نبيها تقعد فترة متدولة في الفيس مش الكل يقراها ويستفيدو ويتعلمو يقولو الحمد الله ويشوفو للقلب قبل الشكل وخالطو الناس ديرو علاقات هلبا معا ناسس كثرو صحباتكم مرات تلقوهم وبالله بنات ردبالكم ع روحكم ولاد الحرام هلبا
مروة 💗 دمتم سالمين ( يسلم عليكم حمودي)
نتمنا خديت عبرة للقصة وخلتلكم بصمة في حياتكم
للكاتب / محمد مالك

ناس لتقول اختصرت الرواية واجد ( المهم كله نكتب والباقي تمطيط وحتحسو بثقل دم في الرواية لانها قصة حقيقية مش خيالية )

بعض ردود المتابعين والاخيرة في ردود المتابعين

محمد مالك  قطعتلي قلبي وكل يوم انراجي في الحلقات متعك ونشوف شن بيصير فيك💔💔والله ساخفتني ووقت نمشي للمدرسة نحكي لصاحبتي على قصتك واتأثرت هلبة الحق😭💔💔ربي يكون في عونك وان شاء الله تكون حياتك تحسنت للأفضال ❤️وربي يعوضك خير يااااااااااااااااارب🤲🏻
وحسبي الله ونعم الوكيل في كل واحد عذبك 😓💔وربي يلتطف بك ان شاء الله💕
وياريت تعطني إيميلك حابة نتعرف عليك🌷🌹واني نسكن قريبة من الحوش متع بوك لكنتي فيه في السدرة
ونبي نعرف هل هدا اسمك الحقيقي لفي الرواية ونتمنى تردي على أسئلتي ونتشرف اني نعرفك☺️ونبيك تجاوبي عليا وتنزلي تعلقي وردك في اخر الرواية🌷

ايه اسمي مروة حقيقي حبيبتي ربي يحفظك حياتي تحسنت وربي خدالي حقي متنسوش ان الله يمهل ولا يهمل ايميلي حتا راجلي عمر معترض ميبنيش نعطيه 💗 💗💖💗💖💗💖💗💖💗💖💖

..........

ربي يحفظك يامروة
ونبي انقولك حابة نتعرف عليك انتي انسانه صبورة اتسانة بقوة رجال حبيتك وحبيت خوف ع خوك بجد اعجبني كيف تهتمي وتسألي عليه رغم الالم الي فيك انتي متل اعلى لي كل فتاة او امراء ليبية  ربي يحفظك حبيبتي ويعطيك الصحة والسعادة والوقت الطيب ..اني اختك يامروة وقداش نتمنا ان تقري تعليقي
واخر كلمة انقولها ليك
لي كل ظالم نهاية  وربي رح ايجزك ع كل الم فرحة
مع تحياتي اختك في الله عطر الجنة

قريته ورديت عليك حبيبتي
ويحفظك ان شاء الله اني في الوقت الي تصرفت فيه في الوقت هاده نحس بتصرفاتي غبية شوية بعد سنين عرفت اني تصرفت الصح مش مني من الله سبحانه وتعاله لاني كنت ندعي كل ليلة نحبست فيها وعذبني بابا فيها شكرا بجد ع كلمة اختك عطر الجنة ان شاء الله ربي يعطيكم وقت الطيب كل من دعالي بكلمة خير وعلقلي بكلمة خير 💗

معا السلامة