Sabi mo di ka aalis,
Pero bakit kasing bilis ng kidlat
Lumisan ka at tinangay ang lahat?
Na walang natira para sakin
Dahil pati puso ko tinangay mo kasama ng hangin.
Hangin na nagpapaalala sakin
Kung gaano kasaklap ang nangyari satin.
Sa kwento natin.
Sabi mo di ka mawawala,
Pero bakit umalis ka na lang bigla?
Naglaho na parang bula
At hindi na nagpakita.
Tanging iniwan sakin ang ating masasayang alala.
Anong nangyari sa kwento nating dalawa?
Anong nangyari bakit bigla tayong nasira?
Anong nangyari bakit tinuldukan mo ang ating storya?
Sabi mo lilibutin natin ang mundo,
Pero bakit nilisan mo ako gayong wala pa tayo sa dulo?
Sinusuyod bawat pulo
Para makita ang milyong-milyong piraso,
Piraso ng mundong hinayaan mong gumuho.
Dahil umaasang mahahanap ang daan pabalik sayo.
Umaasang matutupad ang mga pangako
Na binuo nung buo pa ang salitang tayo.
Sabi mo di mo ako sasaktan,
Pero bakit hinayaan mo akong mag-isa sa laban?
Ang sundalong handa kang ipaglaban
Ngayon ay nasasaktan at nahihirapan.
Nahihirapan na saluhin ang mga bala,
Dahil wala ng kasangga.
Nahihirapan bumangon sa pagkakadapa,
Dahil ang inaasahang kong saki'y poprotekta,
Umalis sa kalagitnaan ng giyera.
Sabi mo di ka bibitaw,
Pero bakit paggising ko isang araw
Mag-isa na lang dito sa mundong ibabaw?
Hinahanap at tinatanaw ang mga bulalakaw
Upang hilingin na ibalik ang dating ikaw.
Ikaw,
Na sa atensiyon ko'y tanging nakapukaw.
Na tanging nakapuno sa'king pagkauhaw.
Sabi mo ika'y kakapit,
Pero bakit iniwan mo akong mag-isa sa himpapawid?
Mag-isang tinatawid ang manipis na lubid
Hinarap lahat ng balakid
Dahil nagbabakasakaling ito'y pabalik sa'yong bisig.
Pabalik sa relasyon natin na puno ng pag-ibig
Na parang isang musikang puno ng masayang himig.
Sabi mo tayo hanggang huli,
Pero bakit iba ang landas na iyong pinili?
Tinatanong ang sarili,
San ba ako nagkamali?
Hinihiling bago matulog sa gabi
Sana nandito ka na sa'king tabi.
Kagaya ng dati
Na masayang nakangiti
Habang pinagmamasdan ang mga tutubi.
Sabi mo tutuparin natin ang mga pangakong ito,
Pero bakit hinayaan mong ang mga pangako ay mapako?
Minu-minuto. Segu-segundo,
Umaasang babalik ang dating tayo.
Na tuwing hapon ako'y magtutungo sa balon
Para humiling ng huling pagkakataon.
Huling pagkakataon na ibalik ang kahapon,
Yung masaya pa tayong naglalaro sa alon ng karagatan.
Pinagmamasdan ang mga bituin sa kalangitan,
Sa ibabaw ng bubungan habang nagtatawanan.
Pumupunta tayo sa simbahan,
Para ipagdasal na magkasama pa din sa walang hanggan.
Marami akong bakit,
Pero walang pa ring sagot na kapalit.
Marami akong di maintindihan
Kagayan ng bakit mo ako iniwan?
Sana panaginip lang ang mga ito,
Upang magising na ako.
Magising na wala na talaga.
Magising na tapos na talaga tayong dalawa.
Magising na tinuldukan mo na ang ating storya.
Magising na hindi na pwede pa.
Magising na iniwan mo na ako,
Kasama ng mga pangako mo.
Kasama ng mga sinabi mo.
BINABASA MO ANG
Tagalog Poetry
PoetryFeel free to read this. Ito nga po pala yung mga compilation ng mga ginawa kong poetry or poems, Enjoy reading.