كبرت صرت بعمر 23 سنه وكبر همي وياي فاقده العذريه وفاقده طفلي
هذا العرفته اول مصحيت من العمليه كالوو جبتي بنيه وماتت بجيت وتاذيت عليها اي ردتها تساندي واشكي الها من ضلم ابوها واهل ابوها
علاقتي باامي متوتره وخلصت مدرسه ونجحت معدلي قليل كوولش طلعلي معهد اداره التقني وتخرجت صارت عندي صديقه كوولش حنينه وحبابه...
تعينت بأحد الشركات الاهليه لان احنه تعينه مركزي
لبست تنوره قصيره سووده وبدي اوفايت وشال زيتوني وبوت زيتوني وستره كابوي ثلجي وحطيت مكياج خفيف
خابرت صديقتي اجتني مياده كولش حبابه
طلعت الها واني شايله جنطتي ابتسمت بوجهها كتلها صباح الخير
كالت..صباح النور شنوو هل وجه الحلوو الي منور الله عليج اقبلي بااخوويه والله مكطع نفسه عليج وزحف علئ اديه ورجليه
تنهدت وبكلبي شقبل اني مغتصبه وبنتي ميته محد يعرف بهذا الشئ حتئ انتي يامياده شلون اقبل بااخوج واني واطيه ومسوده الوجه الله ينتقم من الي كان السبب
من سكتت عرفت اني رافضه اجه خط الدائرة ركبنه ورحنه
دخلنه فتشونه وقدمنه بطايقنه
جانت الدائره لاول مره مزدحمه والموضفين مخبوصين
باوعت المياده كتلها شكوو
كالت يااا مكتلج غييير اليوم حيجتمع بينه مدير الشركه بعد مارجع من الخارج
كتلها هااااا يارب يطلع زين مو متعجرف
كالت يالله امشي ضلت بس خمس دقايق ويلتقي بينه
دخلنه كعدنه علئ اماكنه المخصصه جانت طاووووله كبببره تضم اكثر من اربعين كرسي وكل كرسي مقابيله سماعه وبطل مي وباكيت كنلكس
اجتمعوا اكثر الموضفين..
عم الهدوء بعد ماجانت فوضئ
سمعت صوته سلم بكل هدوء رديت السلام بدون ماارفع راسي
وبديت اكتب ملاحضات وهو يشرح علئ الصادرات والواردات والعموله
واني ادوون
كمل بعد ما طلب اذا اكوو سؤال
باوعت عليه استغربت شكله شكله مألوف وشايفته بس ويييين وييييين
كال وهو يعرف عن نفسه...اني مدير الشركه الجديد دارس بكلوروس اداره اعمال بالعراق وماستر بالخارج عمري 31 سنه اسمي صلاح حسن
من كال اسمه رفعت عيوووني مره ثانيه حسيت بااقباض بطني وقلبي
وكفت مرعووووبه هو بسرعه ركز عليه
هذا الحقير الي اغتصبني واخذ عذريتي وقيد مقاومتي واني بااشد لحظات الدفاع عن نفسي هذا الي نكرني ومااعترف بيه هذا الي ماتت بنتي بسببه
همست مياده وهي دكول..لج لا تحاولين تغرينه متزوج وعنده بنيه هه
باوعتلها بحده ولزمت جنطتي وطلعت
هو تفاجئ صااح عليه بس اني مستجابيت اله
وكفت علئ الباب حطيت ايدي علئ شفايفي وبجيت
سمعته يكلهم شسمها هاي الموضفه عديمة التربيه اريد افصلها...
واحد كله زهور ....انطاه الاسم كامل
اني مشيت بسرعه التفت شفته فتح الباب وهو يكوول اوكفي زهوور انتظري
ركضت وتوجهت للمصعد لحسن حضي جان صاعد للطابق صعدت بسرعه وقفلته هو شفته داس الدكم بس ملحك...
نزل بيه المصعد هو توجه للدرج
نزلت طلعت من الشركه ودموعي تتطاير من عيوني ركبت تكسي ورجعت واني غير واعيه للي سويته وشلون اركب ويه واحد غريب...
هذا مشهد مستقبلي لان ابطالنه ميضلون علئ عمرهم يكبرون ويكبر همهم
صمود...مشهد مستقبلي من وسط الروايه
أنت تقرأ
قتلتني مرتين
ChickLitفتاه تتعرض للاغتصاب من قبل اخ زوج امها وعم اخواتها...وتصف نفسها انها قتلت عند اغتصابها له ولكنها لاتعرف قتلت مره ثانيه من نفس المغتصب قتلت مرتين
