قتلتني مرتين

البارت الرابع

البارت الرابع

صمود

قتلتني مرتين...

صلاح ضرب الطاوله متعصب...يطبها مرررض اخذ ابني وغصبا ما عليها وخليها تعيش مثل متريد واني الغبي الي ماكل همها وهي تتعيقل عليه

قفل الخط وشمر الموبايل

تنفس بضيق...حقها متريدك انت السويته مو قليل

اتصلت بي حبيبته ندئ رفع الموبايل شاف الخط طاح بيه وشمره مره ثانيه

صارت مصيبتين مو وحده طفل وزهور ومايعرف شلون يحلها...

قرر باخذ الطفل ويربي هنا بأمريكا وزهور الها الله

....................

كعدت من النوم جسمي مكسر ومااحمل تعب نفسي تلعب وجهي اصفر كل شوويه اتقيئ

صديقاتي يجن عليه بيبي تطردهن دكلهن راحت البيت خالها بالبصره

واصلا اني ماعندي بيت خال بالبصره

احساس يخنگني صديقاتي الف هنالهن صرت اغار منهن لان عايشات مرتاحات. استغفرت ربي لان الحسد ياكل الحسنات مثل متاكل النار الحطب

امي ابد مسئلت عليه لان بيبي طردها وكلتلها انتي ما هامتج بنتج

واني اصلا مااريده بيها ريحه صلاح الحمار

كعدت علئ القنفه جنت لابسه ثوب فانيلا بارز عظام جسمي دائما اتسال شنو بيه يغري للاغتصاب

ياريت امووت واخلص من همي ياااريت

بس اني طوويلة عمر شكد اكره روحي احس نفسي حقيييره ومنبوذه يمكن صديقاتي اذا عرفن اني هيج صار ويايه بعد محد تسلم عليه ويزاعلني...

خليهن يزاعلني هو اني اصلا مزاعله روحي..

واكرهه

خالوو لحد الان مكعد احنه متعودين يكعد من وكت

رحت اشووفه فتحت باب غرفته جانت دافيه ومضلمه فتحت الضوء بهدوء

شفت خالوو واكع من سريره علئ وجهه وغف طالع من حلكه

حركته بس هو مااستجاب ضليت اضرب بي اريد اكعده هو ماكو

صرخت بصووت عااالي..

زهور...خاااالوو بيبي بيبي خااالووو

اجت بيبي تركض وهي شايله صحن الجبن من شافته وكع الصحن من ايدها وانكسر

صرخت بصووت عالي ضلت تضرب بي بس هو مصحئ

طلعت بره ضلت تصرخ وتبجي العالم التمت

خابرو علئ الاسعاف اجتي ونقلوو للمستشفئ

فحصه الدكتور كال ميت هذا

بيبي تخبلت ضلت تلطم وتملخ بروحها وفرت مثل الحمامه المذبوحه

واني لزمتها وابجي وياها