قتلتني مرتين

البارت السادس

البارت السادس
صمود
قتلتني مرتين...

نرحل بصمت أحياناً ليس لضعف فينا، حتى لو فسره الآخرون كذلك، نحن نرحل بصمت لأن كل شيء إنتهى ولن يعود، نرحل بصمت لأننا نعلم أن الجُرح أكبر من الكلام الذي يقال، فما فائدة الحديث لقلوب صماء لا ترى سوى نفسها فقط

قررت اوكف علئ حيلي واثبت للكل اني مو ضعيفه رغم فعلا اني ضعيفه وحاسه بضعف

بس روحي الانتقاميه قررت بشكل حلووو ولصالحي ان اوكف علئ رجليه وانسئ الصار

ولوو من سابع المستحيلات انسئ بس اتناسئ لازم اكوون كفيله لنفسي

لازم ادرس والزم شهاده بيدي حتئ اتوضف واعين نفسي واعين وبيبي خطيييه

قررت ارجع المدرستي واهلك نفسي بالدراسه

بس لحد الان العمليه تأذيني واحنه أصلا احنه شايلين من بيتنه لازم نرجع البيتنه حتئ ارجع المدرستي

نمت علئ فراشي بس تراودني السنه التعيسه المرت عليه ادخل بنوبة بكاء الها اول مالها تالي...

صرت اشهگ من البجي والم والحسره الي تاكل بصدري

بيبي دخلت عليه حضنتني وباستني براسي وخدي ضلت تمسح علئ شعري وتهدي بيه

نمت بحضنها وكل شوويه اشهك

كتلها بيبي الطفله وين دفنتوها

كالت بيبي اخذوها اهلها ودفنوها ماادري وين

بجيت ومسحت دموعي بقسووه

كالت بيبي هااي بنت الدمر مستقبلج شكوو تحنين الها؟

كتلها بيبي ااني طفله وجنت حامل بطفله تسع اشهر وكائن عايش وياي نايم بضلمة رحمي مثل مااني عايشه بضلمة الدنيا يحس بمعاناتي وقهري من ابجي الوحدي بدون محد يعرف طفلي يعرف

والله والله كل ماابجي احس بنبصها ورفساتها وكأنها دكول ماما لا تبجين اني يمج

الوحيده الي شكيت الها من قهر وضيم ابوها وبيبيتها

هي رابط حقير جان يربطني باابوها راحت وانكطع كوولشي....

ادمرت اكثر

اني يا بيبي من سابع المستحيلات اتزوج واكون عائله اصلا مجرد الموضوع التفكير بالموضوع يرعبني

يمكن لو ضاله عايشه هي تكون الي سند واني آلها سند ووحده تكمل الثانيه

بس انكتب اعيش وحيده بدون عائله ولا سند الحمدلله علئ كل حال راضيه بالمقسوم ولوو كلبي ينزف دم

مسحت علئ شعري وحضنتني الصدرها الدافي كالت..لا حبيبتي المستقبل كدامج تزوجين وتعيشين حياتج وتكونين اسرره

كتلها...لا بيبي محد يقبل يتزوج مغتصبه يتزوج مطلقه ولا مغتصبه عاد ذيج مو زانيا لا بالحلال بس اني زانيه وحقيره وحشره