قتلتني مرتين

البارت11

البارت 11

صمود

قتلتني مرتين

زهور ..دفعته و درت وجهي عنه..
اشرلهم بمعنى خلونه وحدنه .. شفتهم ظلوا يطلعون لزمت طرف بدلتي بقوة ودموعي تجري على خدي باوعت لبيبي هيه الوحيدة التعرف شنو بيه احس نظراتها تطمني ..
بس ماكو شي يطمني يربي مجاي اكدر اتقبله ..
ظليت ازحف بجسمي واني ع التخم وابتعدت عنه اكثر ..
اجه كرفص كبالي ..
كال شبيج زهور بيج شي انت ..
معرفت شنو انطق سكتت بس دموعي تتكلم بدل عني
كتله ارجوك اذا ممكن اريد ارتاح شوية تعبانة ..
ضحك كال اكو وحدة تطرد خطيبها بيوم العقد مالتهم ..
جاوبته بس اني تعبانه كلش والله اعتذر منك ..
.. زين شراح اكول لاهلي هسه اكوللهم كالت روحوا ..
سكتت ماعرفت شنو احجي .. كالت اهدي وناولني كلاص عصير ..
اخذته منه بايدي الترجف ..
شربت قطرة وخرته من شفافي وهو بسرعه اخذه مني لان حس راح اوكعه بسبب رجفة ايدي ..
بقينه دقايق ظليت اتنفس حسيت هدات وهو كاعد بعيد عني ..
راح فتح الباب وصاح اهله كملنا باقي الحفلة ..

وبعدها راحوا .. اجت يمي بيبي
كالت شجاج يبنيتي ليش هيج انهاريتي
زهور .. بيبي انت تدرين الي بيه محاجه احجيلج وهسه كلش تعبانه اريد ارتاح شوية ..
عفت بيبي صافنة بقهر خطية ..
ورحت لغرفتي نزعت البدله ومسحت المكياج وفتحت التسريحة ..
لبست تراك وكعدت على السرير
وافكر بايامي الي جاية شون راح تصفى
كاعدة ودموعي وكعت بحضني ..
شون وافقت بسرعة يربي شلوون ..
بعد مرور وقت صاحتني بيبي على العشه
نزلت وكعدت يمها على السفرة ..
ظلت تجيب وتخلي الاكل كدامي
لخاطرها اكلت كم لكمة وكمت غسلت مواعين وبيبي تباوعلي بعيون تقهر خلصت وكعدت يمها
كتلها بآسى .. بيبي لتضوجين فدوة ربج يحلها راح اتخطى هالمرحلة لتنسين اني قوية ومريت بايام اضرب من هالايام وراح اتخطاها بصبري ان شاءالله ..

بيبي .. اي بعد عمري بنيتي والله الولد خوش ولد الله يسعدج ويهنيج ..

جريت نفس وبداخلي احس مأيسة ..
كعدت يم بيبي شوية ورحت نمت ..
يوم ثاني كعدت الصبح دك تليفوني
ميادة جاوبتها ..
ميادة .. هلو صباح الخير ياعروسة.
.. صباح النور
.. محسن راح يجي عليج يريد يوديج للشركة
.. صدك تحجين بس احنا مااتفقنة هيج ..
.. شدعواج وبعدين هو خطيبج يعني عادي ..
.. اي بس .
.. شسالفة ترة مراح ياكلج .. انت هواي مصعبة الامور ..
.. اوكي اوكي خلي يجي بس لاتلحين ..
.. تمام جهزي نفسج ويكول نتريك سوة ..
.. اريد احجي كالت
.. باي ..وسديته
سديته وظليت اتأفأف .. رحت لبست ملابس ونزلت جوة .. شفت بيبي كاعدة ..
صباح الخير بيبي
صباح الانوار زهورة تتريكين حبيبتي ..
.. لابيبي راح اتريك وي محسن ودنكت خجلانه ..
هي ابتسمت كالت الله يهدي سركم ويسعدكم ان شاءالله تتوالمون ..
لزمت ايديها وبستها كتلها ان شاءالله بيبي ..
سمعت صوت هورن .. جريت خطواتي بين خجل ورفض وخوف من هاجس بسبب عقدتي من كل رجل بالدنيا .. شكد مكروهه هالمشاعر من ننجبر على شي حتى نغير واقعنا بي بس منعرف الي سوينا فعلا راح يغير من واقعي او لا ..
طلعت للباب كوة امشي مااريد اشوفه
لكن ماباليد حيلة اني اتخذت قرار ولازم اتحمل ..
وظليت اقنع نفسي الزواج مو لعب ..
شفت سيارته من شافني نزل
ومبين وجهه ضايج
سلم عليه من ورة خشمه
شلونج زهور ..
رديت بنبرة تحفظ الحمدلله شلونك انتَ
محسن .. الحمدلله بخير خلي اشوفج بيبيتج اسلم عليها ..
زهور .. اي تفضل ..
دخلت قبله وهو وراية ..
طببته بالاستقبال ورحت اصيح لبيبي
دورتها لكيتها بالمطبخ
كتلها بيبي تعالي محسن يريد يسلم عليج
كالت وهي تلف فوطتها اي يمه هسه جايه
رجعت للاستقبال شفته كاعد ..
رحت كعدت بمكان بعيد عنه
سمعته جر حسرة ..
وراها دخلت بيبي كام على حيله سلم عليها ..
بعد ماخلصوا السلام
كال يلله زهور
بيبي .. وين عيني خلي اسويلكم ريوك ..
محسن .. لا مشكورة حجية نتريك بالمطعم .
بيبي .. الف عافية عيوني ..
طلع وطلعت وراه وعيوني على بيبي بنفاذ صبر
وهي تباوعلي وتطمني بنظراتها ..
صعدت ويا بالسيارة واحس على اعصابي
وهو ولا حرف ..
وصلنه للمطعم كعدنه .. طلب الريوك وبدأ ياكل ..
بدون ميحجي ..
اني مكدرت اكل نفسيتي تلفانه مو بس تعبانة .
وبينما هو منهمك بالاكل رفع راسه كال متاكلين شبيج ..
ظليت اسوي حركات عبثية ابين نفسي اله بانه اني دااكل ..
خله الخاشوكه ع الميز بنفاذ صبر
كال انت متكوليلي شبيج هاا انت مجبورة عليه احد جابرج ..
اني سكتت وبقيت مدنكة مااعرف شنو اكول ..
ضرب ميز الطعام بقووة ..
خفت وظليت ابجي
يريد يحجي كتله كوم وديني عفية ..
محسن .. يابنت الناس اني رايدج وشاريج ليش هيج تعامليني ..
زهور .. اخذت كلينكس .. مسحت دموعي بخفة
كتله كل مابالموضوع اني تعرضت للتعنيف ارجوك لو تتحملني بينما اخذ عليك او تعوفني ..
جر حسرة قوية كال نصبر ونشوف ..
زهور .. يلله نروح
محسن .. بس مااكلتي
زهور .. والله مالي نفس من الصبح
محسن .. تمام ٠
طلعنه وصلني للشركة ودعته ونزلت
شفت صلاح يباوعلي مصدوم ومستغرب
ومااعرت لنظراته اي اهمية
درت وجهي عنه باحتقار
ورحت لمكتبي ..
شفت ميادة سلمت عليها ..
بيدها علبة جكليت انطتنياها باوعتلها كتلها هاي شنو
كالت هسه اطشش خبر خطوبتج والي يجي
نقدم الهم ..
جريت حسرة ..
باوعتلي باسف وراحت ..
بعدهه اجو الموضفين يباركون الي ..
فجاة دخل صلاح
كال شكو شنو هالتجمع هنانه وجكليت هم شنو المناسبة
باوعت لحلقتي ولزمتها افر بيها ..