قتلتني مرتين

البارت 14

البارت 14
صمود..

قتلتني مرتين...

اجت الطلقه بيها ضربتها برجلها وكعت كدام رجليه..

كانت الصدمه الكبيره المحسن اكثر من صلاح لان ضرب اخته...

ركض محسن علئ مياده المجروحه برجلها...

محسن...مياده مياده ليش خليتي روحج كدام هذا النذل

مياده وهي تنزف...ااااااه ااااااه محسن محسن شلوون تريد تلطخ ايدك بالدم لخاطر وحده باعتك وكسرتك...

باوعت علئ صلاح لازم المسدس بيده ومتفاجئ...

لزمته اخذت السلاح من ايده

وكف محسن يتهدد ويغلط عليه...

لج نذله حقيره بعتيني لخاطر هذا كاتله روحج علئ الفلوس..

انصدمت من كلامه

صلاح ركض عليه لكمه بضربه ...صرخت من معاركهم ومضاربهم ادخلت الامن الموجوده بالشركه..

والموضفين اتصلو بالاسعاف شالوو مياده

مياده وهي مضروبة..تسب وتغلط وتعد وتسفط عليه

مقهوره من حرگه گلبها ورجلها متئذيه عذرتها ...ركب وياها محسن وراحت بيها سياره الاسعاف للمستشفئ..

اني طلعت خارج الشركه وهو لزمني

كال بهدوء...وييين رايحه

ضليت ابجي كتله...عوفني عوفني...

هو لزمني حييل ومخلاني اروح لزمني حييل

اتصل بالسايق واجه...

كله روح خلي السكرتيره تنطيك جنطة المدام فووگ بقسمي...

راح وشويه ورجع...

انطاني الجنطه وركبنه جنت شويه متوتره ومنهاره وخايفه من صلاح وين حياخذني...

همست ...انت وين ماخذني؟

كال...راح اخذج لمدرسة الجوري ومناك نروح للمطعم اوك

هزيت راسي موافقه بس احس بحسره تاكل بروحي واهات تقطع شراييني...

بسبب صلاح هوايه خسرت اشياء وفقدت هوايه اشياء واخر خسائري

هي صديقتي مياده....كولش ضل بالي عندها بسببي انضربت من اخوها

مااعرف ليش من انضربت ما فزعت وصرخت ضليت مصدومه ومصطكه...

احس احساسي تلبد ومشاعري تجمدت...

ما عرفت نفسي ابجي اله ما بعد صلاح مسح بااصبعه دمعتي...

باوعتله محتاره ودرت وجهي

كال...حبيبتي لا تنقهرين ان شاء الله كوولشي ينحل..

جاوبته بعصبيه..شنو الي ينحل يا مجنون انت سبب مشاكلي دمرتني...