قتلت امي!!

البارت الثامن

مساء الخير احبتي الغالين لنبدأ بتكملة بقصتنا

قتلتُ أمي .........8. ..... ....

كانت تشرب وتغني وكلماتها توكع ع الكلب
تبجي الصخر جنت اسمعها وابجي ...
فحأه سكت وضربت رجلها حيل
وصاحت أااااااخ لويرجع زماني الاول ...
شوفي زينب اني راح اكلج على سر
وكلام محد يعرف بيهن ....
غير اني ولازم والبنات اربعتهن انتي طيبه وفقيره
ودمج طاهر ....
اني اعرف انتي تردين تخلصين من لازم لان ممرتاحه
وياه ....بس اصبري وانتي تخلصين ...
دردمت بيني وبين نفسي كلت يااااا هاي العجوز سكرت
وكامت تخيط وتخربط ...بالله هسه هاي شحجي
وياهاااا ..خل اسمعها هسه اني خسرانه خساره ..يكولون
السكير يحجي الصدك ....

كالت شوفي يمه زينب ...اني نولدت بعائله كاوليه
امي تركص وابوي يدك واخواتي كلهن يركصن من الليل لصبح ...
والنهار لو ناااام لو نشوف شغله ....
الابنيه يعلموها من الزغر ع الركص حتى جسمها ياخذ ويتعود
ماعلينا بغير امور ركص وهز وبس
من كبرت وصار عمري خمسطعش سنه صرت اطلع
اركص بالبيوت يعني اللي عنده طهور واللي عرس لو حنه
لو كعده مال تجار ...
اخذ اجرتي وارجع للبيت ...
فد يوم من الايام بكعده من الكعدات تعرفت على تاجر
غرني وعيشني بالسما ...قشمرني حبلت منه ...
من عرف اني حبلى طردني وتنكر سالفته السوده ...
احتاريت بامري تدرين احنه الغجر لاجنسيه ولا هويه
واني حايره بعيشتي هنوب اجيب زعطوط احير بخبزته
بقيت محتاره واذا عرفوا عشيرتي اني طلعت من طورهم يكتلوني ....
جنت قليلة حيله وتدبير ...
بس الله ماكطع فد يوم رحت اركص بكعده بطني جانت مامبينه ...جانوا
تجار وسياسين كاعدين ووياهم واحد جانوا يكولون عليه صاحب ملهى ...
جان مركز عليه عيونه طول ما اني اركص ....
خلصت شغلي اخذتي اجرتي لبست عباتي وطلعت حتى ارجع للبيت ...
بس الدمعه بطرف عيني افكر شلون اذا بطني كبرت وبينت
يذبحوني الركص مسموح بس غير شي مامسموح ...
سمعت هورن مال سياره ....
درت وجهي شفت هذا الكاعد بالحفله فتح باب السياره
وكلي اصعدي ....
خفت منه ...زمخت بي ومشيت اخط الكاع بنعالي صارت عجاجة تراب وراي ..
هم ماجاز مني هالمره نزل من السياره وكلي ..
=ياول اوكفي دا احاجيج ..
=انت منو وشتريد مني ..
=اريد افيدج بشغله ..تاكلين من وراها خبزه ..
=رحم الله والديك بس اني ما اريد عوفني اكمل طريقي ..
=لج بابا لتخافين والله ما أأذيج اريد افيدج يابنت الناس
بس اصعدي واسمعي واذا ماعجبج الحجي اني اوصلح لباب بيتج ...
=يعني ماعندك سالفه موزينه وياي ..
=لاوالله وشرفي اريد افيدج ...

كلبي مثل الارتاح من سمعت كلامه صعدت وياه اخذني على حديقه فارغه كاعدين بيها شباب ومجاديه وناس تتمشى
جان يكول ...
اني اسمي فتاح زنكين فلوس املاك ممحتاج شي بس شغله
وحده ..ليلان حكمت
محتاج مره تقبل تزوجني ...
كتله ...يااا وانت كل هالخير وما لاكي وحده تقبل بيك
جان يكول اي ماكو وحده ترضه بواحد مثلي ..
اني وضعي يختلف ...واني راح اعرض عليج تزوجيني ..
صفنت كتله انت مخبل تزوج كاوليه وراقصه ...اهلك ناسك شيكولون ...
كال ...معليج اني اقنعهم بس اسمعي وبلكي توافقين
تصيرين مرتي ...
كال مليونير فلوس بس اني ما اكدر ازوج
اني عاجز ...ومحد يعرف بسالفتي حتى اخوتي ميدرون
واني خايف على حلالي يروح لناس ماتستاهل كلها طمعانه بيه ...
جاوبته ...واني شسويلك خويه عوفني بهمي وقهري احسن
انت فرصه بس اني ما افيدك اني مصيبتي مصيبه ...
سالني احجي شبيج ...
سولفتله سالفتي ..كلها هو فرح كلي ابنج اني اربي وانطيج بيت باسمج واخليج ملكه بس عوفي شغلج ...
وكمل كلامه لحد ما قنعني ...
رجعت للبيت سولفت سالفتي لاهلي ...بالبدايه رفضوا
بس هو قشمرهم بالفلوس ...
وقنعهم ...
وتزوجنا ...جبت وياي بنات من كرايبي يخدمني ويساعدني يتيمات وهو كلي نكسب ثواب بيهم ...
جبت لازم وسجلته بأسمه ...اهله بالبدايه رفضوا شكوا بامري
بس هو سكتهم ...
صار عمر لازم ست سنوات سجله بالمدرسه
وحان هو يفهمه الدروس الشهاده لله ماقصر ..
من صار لازم بالخامس بتدائي فتاح مات وتخربطت كل اموري ...
صار ..صراع بيني وبين اخوته وهددوني يخطفون ابني ويكتلوه ....
من خوفي انطيتهم الفلوس مقابل البيت ...
بقيت عايشه بالبيت اني ولاز والبنات الاربعه ...

البنات كبرن والعيشه صعبه واحتاريت ماعندي حل غير ارجع
على كار الركص ...
رجعت اركص والبنات وياي ...لازم كبر وصار يتعارك وياي ع الشغل ميقبل ...ليلان حكمت .
وبنفس الوقت كان شاطر وكل سنه الاول على مدرسته ...
لكن بيوم اسود انقلبت الايه ...
كبر لازم وصار بالكليه مال المعلمين المعهد العالي ..
مكان اي واحد يعرف شي عنه منعزل حب بنيه وياه اسمها
زكيه حلوه جمال وحال واتفقوا ع الزواج وشرط
عليه ما يكعدها يمي يشتري بيت ويعيشون وحدهم
اني وافقت لكن طفار الحجي طلع ...
واحد من جماعته كان يحب زكيه راقب لازم وعرف هزدو منين يجي ويروح ...
وعرف كل زغيره وجبيره عنه ...
وراح لاهل الابنيه وسولفلهم كلشي ...
من رحنا نخطب ماندري اهلها كلشييعرفون
دخلونه واهانونه اهانه للعدو متقبليها
وطردونه ابوها واخوتها وكالوا مايشرفنه ناسب ابن كاوليه
رجعنا للبيت ...
لازم كسر كلشي موجود من اثاث ويكفر ويصيح وعاف البيت
وطلع ...
سنه كامله ضاعت اخباره سالت عليه بكل مكان
كل واحد يكول شكل ...انتحر ...انسجن ....سافر ...
بس بعد مرور سنه رجع بس مو لازم اللي اعرفه
واحد ثاني سكير يكبسل مدكدك شقاوه ..
حاولت اصبحه مافاد كلبه حجر عليه ...
قررت ازوجه ...
خطبتله بنيه من ناس عرف مابقت تلث شهور وشردت من تصرفاته ..
رجعت وره فتره خطبتله بنيه من ناس فقره
خانته ويه واحد من كشفها وداها لاهلها هي وبتها
بعدين عرفت اهلها قتلوها واخذوا الابنيه يربوها ..
ومرت الايام واني على شغلي تركت الرقص وصرت اجيب بنات وشرب وحبوب ....
يمولني بيها لازم ...
وبيوم صار شي متوقعته يصير ....

ولحكايتنا البقيه انتضرونا ......
تعليق + تصويت + متابعه