مساء الخير احبتي الاعزاء
😍😍
#قتلتٌ أمي ......9.... ......
.
رادت تكمل كلامها ...لكن قاطعتها لان شفتها تعبت
ما ردت اضغط عليها ....
الشرطه كانوا كاعدين يسمعون سالفتها
وكل واحد بيهم ينطي رأيه ....
وصلت للبيت بس مشغول التفكير ...أمه ليش
ما ساعدتها وليش بهذا الوقت
سولفت قصتها...
لازم كان ضحية التمييز ...رغم العائله المنحله
والحياة القذره ...
كدر يصير شي جيد ويوصل لكن المجتمع ميرحم
ويريد بس يلزم زله على واحد حتى يمرمره ...
بالليل كملت تقريبا اغلب متطلبات البحث
وما بقى غير شي قليل ... ...
بس مع ذلك لازم اروح واسمع باقي قصتها ....
رحت الصبح واني حزين خصوصا من اشوف تاريخ اليوم
لان كل يوم جديد ..
كان يمثل اقتراب نهايتها ....
مابقى غير ايام قليله على اعدامها ...
كنت اراقبها من تسولف ...ماكان الخوف واضح عليها
هادئه مسترسله بالحديث حد اخر ايامها بالدنيا
نظيفه زنزانتها مرتبه ....عجيب امرها اللي مثلها
ينهار ويحلم كوابيس ويهلوس
بس هي كانت عاقله رزنه ....
دخلت عليها ...من شافتني ابتسمت وبينت غمازاتها
عيوني دمعت عليها ...
هي باوعت وكالت ...
دكتور ايام قليله واصبح ذكرى وتنساني
كالت ....ام لازم كملت حديثها الي وكالت
لازم كان عنده سياره يجيب بيها مرات بنات
لو مشروب وحبوب ..
بس بيوم كمشته السيطره ..
وانحبس خابرني ..احتاريت شسوي ماكو غير ام سماء تساعدني ...
رحت عليها للبيت ...وسولفتلها السالفه
كالت تجين اليوم على هذا العنوان وهناك نتفاهم ...
رحت بالليل ع العنوان دكيت الباب فتحتلي وحده
اللي هي امج وكان اكو واحد مبين عليه من ذوله الصماخه جبير ...
كلي سولفي خير
ابنج شبي ... حجيت كل سالفته...
امج ما اعرفه قنعته يساعدني وكالتلي اريدج بشغله
...من طلعت صاحتني ابنج شنو شغله مزوج لا
شكد عمره ...وغيرها من السوالف....
من عرفت المعلومات ..
كالت من يطلع خل يجيني ..
طلع من السجن بعد اسبوع وراح عليها ..
شغلته سايق ياخذها ويجيبها ...
شهر شهرين ....
عرضت عليه الزواج منج...هو رفض بس هي كلتله
هاي مثل العظم الغاصه بي ..
اخذها وخليها يمكم اقلها اني ارتاح وانتم تخلوها
تكضي شغلتكم ...
لازم رفض وكال يمه اني جبير والابنيه زغيره
وهاي خاف مثل القبلها تعوج ذيلها وتنهزم ..
حجايه مني
ومن امج اقتنع ...وتزوجتوا ...طلبت منه ميتقربلج
لان بعدج زغيره وهو اذا
يحتاج بنيه ...اكو هواي يعرفهن ....ويروحلهن ...
صحيح ضربج وأذاج بس هو طيب بس الدنيا الغبره حولته
الى وحش ....
.....بعد هاي الفتره بسنه تخربطت امه وانشلت
وبقيت اداري بيها اربع سنوات قبل متموت بيوم
صاحتني ....
كالت افتحي الكنتور ...اكو صندقجه جيبيها
طلعته الها ...
كالت اني اعرف متاكلين حرام ...هذا الذهب مالت ام فتاح
كله حلال اخذي الج انتي ماقصرتي وياي ...
بالبدايه رفضت بس هي نكتت ضحكنا ..
ثاني يوم بالليل توفت ...
لازم تخربط على امه انهار واعتكف حوالي اشهر ...
أنت تقرأ
قتلت امي!!
Misterio / Suspensoقصه بنت قتلت امها وسلمت نفسها للشرطه وحكمها الاعدام تابعو القصه لتعرفو ماهي الاسباب التي دفعتها لقتل امهاا. !!!!!
