سجينة الروح

part 15

سجينة الروح
للكاتبة Reem
البارت الخامس عشر

صرت مثل اليتيم أخلاف عيناك
‎يتيم بگلبه حصره أعله المراجيح
‎تعال وشوف گلبي شلون مفطور
‎سچچ صارت أدموعي بخدي وتسيح
‎تعال ومن تجيني تشفوفني شلون
‎تنحب من صدگ وبابنه أتطيح
‎تعال وبس تعال شلون ماچان
‎يل شوفتك صارت تچوي وتريح
‎تعال وسكت حلوگ اليشمتون
‎أشوفنهم صرت كلهم تماسيح
‎تعال البردي واگف مايطخ راس
‎وأطخ راسي الك لمن تهب ريح
‎مناجلهم تحز بالروح كل يوم
‎بزرع گلبي أصبحو كلهم فلاليح
‎تدري شلون حالي بغير ملگاك
‎حال أخرس أنباگ ويعجز يصيح

يمامه :
لتروح حامد لتتقرب منها اترجاك
حامد : ليش شنهي الفرق عندج انتي ماتحبيني وانغصبتي علي ومالومنج ردت الحب منچ وانتي ماتكدرين تحبيني على شنهي ظال وياج وانتي حتى وليدي ماتحملتي بطنج وكتلتي خليتي اروحن ليها بلكت اشوف واعيشن الي ماشفته وياج

يمامه : اذا على الطفل مستعده اسوي طفل بس لتكسرني
حامد : لا عبالج انه ضايج ومكدر على الطفل چا هو رزق ربج ماانكر انه تمنيت وليد منج ومن كتلتي جنج گتلتي گلبي بس انه الي كسرني قله احترامج تطلعين وحيدج وبدون علمي ولا جن اكو زلمه وراج ضربتي چلمتي عرض الحايط مافكرتي انه من اعرف شراح يكون حالي زين متي الوادم شكول الها مرتي عفتها وانه مأمن عليها يم هلها وهي طلعت وراحت تموت ولدها وبدون مااعرف انتي طغيتي ومحترمتي وانه المره الماتحترم چلمتي ادوسنها بهاي (واشرت على رجلي) احمدي ربج ماكتلتج خلاص

يمامه : اسفه مااعيدها والله
حامد : ههههه تعيديها ليش الج نيه تفكرين مجرد تفكير تعيديها ادفنج بمجانج وماترفلي عين انه سكتت حگ (سكتت ردت اكللها حگ حبج بگلبي ولوعه سنين انتظارج )
يمامه : ليش سكتت لخاطر شنو
حامد : مو مهم اروحن تأخرت
يمامه : حامد اذا رحت انتهى كولشي بينا
حامد : هو منتهي ياام ودق لاتدوخين روحج وحيري ببنياتج ولاتفكرين

يمامه : نفض ايده مني وطلع واني انتهيت كمت ابجي حيل صوتي مسمع الدنيا كلها احس سجاجين بگلبي
حامد : اسمعن بجيها وكل دمعه منها تأذيني تمنيت تكلي لاتروح احبنك اغار عليك چان عفت الدنيا گلها ومااروح انه اعرف هي ماتريد اروح عبن لاتنكسر كدام النسوان وكدام امي ماميته علي
الحجية جميله: هاا يمه مريتك فرحه منتظرتك يمه مااوصيك بعد
حامد : يمه جنج مصدكه اليوم الدخله مالتي لاتنسين اتفاقنا
الحجية جميله: حميد روح شوف البت جنها فلعه الگمر چا هذا الحسن كله وماتريد تكرب عليها
حامد : يمي لاتلحين البت محرمه عليه وانه كاسب اجر بيها لا اريدنها ولا اريد كربها لاتعبين روحج ولاتفكرين بيها
الحجية جميله: چا هاي البومه رجعت تحومي عليك وراح اطير عقلك يمه اريدلك وليد يبعد رويحتي ثلاث نسوان ولا وليد ليش يبعد امك چا الوادم شتكول شيخ ماعرف يحصل فريخ واحد چا واحد مرايدين هواي
حامد : اروح حجيه وانتي لاتلعبين على يمامه انه اعرفنج اليوم عيد وجابه العباس البت تعبانه لاتزيدين عليها
الحجية جميله: لا يمه انه موش هيج هي گلها خبيزات وخضورات وزعتهن خبز العباس ابوفاضل ماقصر انطاني مرادي
حامد : يامراد حجيه