سجينة الروح

part 21

ياگلبي گافي تحن صدگني ميرجعون ..
لو يحبونه صدك ما چانو يبعدون
خلوك وحدك تون بس راحو يضحگون
انسه الليالي المضن بس لا تگلي شلون
كل الحلول انتهن ماظل بعد كل لون
عرفو أدروب الغدر ماعرفو يحبون
ياگلبي هذا الوگت بيه قله اليوافون
بس الغدر منتشر يل بالغدر مطعون
وبهذا الزمان الوفي يوصفونه بالمجنون!!!!

يمامه : باوعت عليه وكتله اي صح
حامد : شنهي يعني الكلام الكالته فرح صحيح
يمامه : اعتقد سمعتني وبعدني ممكمله كلامي وجان يجرني حيل من شعري
حامد : اليوم ابيج احركه وانه فقدت چن واحد وركبه الشيطان دربي مااشوفنه وهي تريد تحجي مااسمعها تسودنت
يمامه : اااااااخ حامد اصبر خلي افهمك هنا فعلاً شفت الشخصيه الثانيه لحامد كمشني عدمني العافيه كطعني اريد اجر النفس ماكو وابجي واحجي وهو يضرب نومني بالكاع ودك كتل ايد لازم شعري والثانيه يضرب بكل مكان
حامد : انه صوجي حبيتج وامنتج على اسمي اليوم اطلع حليب امج منج
يمامه : سحلني من شعري واني لازمه ايده وارفس بالكااع وابجي صوتنا عالي واجه مازن وفضيله وجميله يركضون على صوتنا
جان يعيط بيهم اطلعو
الحجية جميله: يمه تهدى بالرحمن البت تموت بيدك چا اول تالي تضربها
مازن : يابه هاي ام ودق شنو نسيت
حامد : ولكم اطلعو بره لا اموتها هسه كدامكم
فضيلة : خويه تعوذمن الشيطان شوفها شون ملختها فهمنا شصار
يمامه : ردت احجي جان يضربني على حلكي حيل حسيت سنوني اتكسرت بحلكي وشفتي طكت دم اني من كلت صح ردت ارد الغيره وحرك الاعصاب الي سواه بيه قبل شويه بس هو متفاهم اني اعترف غباء مني مجان المفروض اتصرف هيج بس هاي نتيجه تصرفي متمدده بالكاع وشعري مكطع وجسمي مزورك من الكتل وشفتي دم
وجان يعيط بيهم ودفعهم بره حتى امه وقفل الباب صدوك تخبل بذيج اللحظه حسيت مديضرب بس علمود هاي الحجايه لا جان يضرب من گلبه لان خذلته ومحبيته
يمامه : بس اسمعني عفيه والله الجنت احجي ويااه نصار اخويه
حامد : جذابه اليوم ماابقيج عدله
يمامه : وداعت البنات جان نصار وروح شوف موبايلي اليوم خابرني مرتين والله وابجي واحجي
حامد : چا ليش حجيتي وكلتي صح
يمامه : لان صدوك هذا الكلام مو غلط
حامد : چا انه جاهل كدامج تلعبين بأعصابي ليش ماتصخمتي على وجهج وگلتي اسولف ويه نصار اخويه
يمامه : نزلت عيووني وكمت ابجي واشهك
حامد : لج لاتخبليني احجي واعيط ليش هيج حجيتي
يمامه : ردت احرك اعصابك مثل محركت اعصابي قبل شويه وتتغزل بفرحه كدامي
حامد : شنهي انتي صگدتحجين
يمامه : ابجي واحجي والله قبل شويه حرگت اعصابي مردت شى منك بس نسولف وانت بقيت تتغزل بيها كدامي وتعصبت ومن شفتك هسه عصبي ردت اردها الك
حامد : باوعت عليها وحالها حال استغر الله العظيم واتوب اليه نزلت كعدت جارها بالكاع
يابت الناس احد گلچ انه طفل تلعبين وياه احد گلج انه عندي صبر واتحمل السمعته انتي شنهي ماعندج عقل صغيره وماتفتهمين واعلمنج
يمامه : وانت شون تسمع لهاي المسمومه واجيت تركض
حامد : لاتنسين اجيتچ وكتلج الكلام صح گلتي اي صح وبعيني تحجين ولا تخافين صلفه يعني انتي ثبتي التهمه عليج شتوقعين مني اخذج بحضني وابوسنج
يمامه : حامد تعبت اني كافي والله تعبت
حامد : وانه هم تعبت منج ومن حبج ومن تمسكي بيج انه ٢٠ سنه شفت لوعات بحياتي ماشافها جبل وصبرت گلت يجي يوم وارتاحن بحضن طيرتي بس صگد شترجى من الطير چا اترجاه يعودلي وانتي طير براري وطير البراري ماله صاحب صديچ
يمامه : ليش تسوي نفسك بس انت وبس المضحي المحب الي شاف المر ويايه واني ممقدره النعمه البيدي نسيت شسويت بيه نسيت جبرك اليه بغلطه غير مقصوده من ودق وتعرف كلش زين ودق مظلومه بس رغم هذا سحلتني اني وبناتي بليله ظلمه وغيرت حياتي وجبتني لبيئه غير بيئتي وناس مااعرف اتعامل وياهم وحتى يوم منزلت الطفل مسمعت مني تدري ليش نزلته لان كافي عليه بناتي لازمني بيهم بناتي صارن الايد التوجعني الي كل مااحاول اهرب من سجنك تسحبني الك بعذرهم وتهددني بيهم زين اذا صار عندي طفل منك شون هلمره لو ادوس على راسي لازم مااحجي واكون صار لان ابنك هو الايد الجديده التلزمني منها
حامد : لهاي الدرجه كارهتني وماطايقه عيشتي
رجع اندكت الباب ويحجون وره الباب
الحجية جميله: ولك يمه يعوفها للبومه چا ماتعرفها مسودنه الله بلاك بنسوان گلهن دونيات ولا وحده خيره بيهن لاتخسر رويحتك يمه من وراها
حامد : يمه روحوا منا كلشي ماكو
الحجية جميله: چا وهذا التكسر تلعب دعبل
حامد : واليرحم والديج يمه روحو منا لاتعاندون مااضربها بعد
الحجية جميله: يمه اضربها اكسرها بس لاتضيع رويحتك چا صوابك ماطاب وانت تعبان وذني بطرانات لاشغل ولا عمل اربطها بالغرفه مثل الحلال وعيفها چا وتلومني من اكولن بومه من طركاعه الفت على روسهم ماوراهن بس طگ الجبد
مازن : جده روحي ارتاحي صوت العياط اختفى يجوز كاعد يسولف وياها واحنا هنا لتخافين
الحجية جميله: چا انه مااخافن على الكطوه اخافن على وليدي على ساعه ويوكف گليبه من الاعصاب چا منهي يفيده احلام المسودنه او البومه
فضيلة : نسيتي وفرحه
الحجية جميله: چا يمه كولي مصخمه ملطمه مو فرحه گل الفگر من اجت وچابته وياها
فضيلة : شعجب اول مره تنطين بيها وتحجين عليها
الحجية جميله: انه گلت البت حليوه وسباعيه وراح تخلف لحميد طلعت مابيها شى انطيها بس تعلكها وتنام تنبل مال نام
فضيلة : امشينا يمه ارتاحي واني ومازن هنا
الحجية جميله: اروحن اصلي ابرك واخذ بدربي چم دعوه عليهن بلكت الله ويخلصني منهن امهات الدكايك الله يشيلهن كولو امين ولكم ماسمعتلكم حس
مازن : امين جده امين بس روحي ارتاحي
يمامه : رجعت كملت كلامي وره محجه حامد وياهم واعتقد راحو لان هدوء حامد افهمني انه وحده فتحت عينها على شاب جان المفروض ايحبها ومداريها تعرف شنو شعور من تعيش حياتك كلها وانت تحس بالامتنان لان شخص فضلك على اهله وفلوسه جنت اذا احجي يكولي لتنسين اني عفت كولشي لخاطرج واحط لساني بحلكي واسكت حتى من احتاج شى اتمرض مااكوله حتى لا اتعبه اني قضيت شبابي كله اراعي بأخوك وبمشاعره والاستاذ خاني وهلمره على مدى سنين يوميه ويه وحده ومن مات انجبرت اتزوج اخوه ولازم اتقبله هو واهله وعيشته الي هي مو عيشتي ولا حياتي وفوكاها مااعرف يحبني والاضرب اكتشف اخوه الي جان يحبني قبله وهو اخذني منه اني عشت بدوامه من الصراعات والاحداث ادخل بنكره واحاول اطلع منها ترجعون ادخلوني بالثانيه واخر شى انكسر ظهري بنتي يعني ماحصلت منك ومن اخوك وهاي العيشه كلها غير الطيحان الحظ ومن عرفت تحبني عبالك صارت الحياه ورديه لا اتصخمت وصارت سوده اكثر لان لكيتك متزوج عليه شنو انت فرقك عن عادل متكولي وفوكاها اطالبني بحقوقك كزوجه واحبك شحب حامد واني من مصيبه للثانيه وانت واخوك السبب بيها
حامد : تعاي گليلي انه بشنهي قصرت وياج گلشي اكسرت لعينج احنا عدنا المره من يموت رجلها اذا تريد تروح تولي وحيدها بدون وشفتي خيريه طلعت بطرك رويحتها احنا وليداتنا مايتربون عند غيرنا وانتي شردتي بالبنيات بليله ظلمه ودست علينا گلنا ومااهتميتي بسمعتنا وكضيتي ثلث تيام (٣ايام) بيت حجي حسين ابو صبيحه
يمامه : شنو انت شمدريك اني جنت عدهم
حامد : انه الشيخ حامد لاتنسين مو انه الي انامن وعرضي بالشوارع ومااعرفن شى عنه چا حركت العماره لو مااعرفن وينج بس انه مابلغت احد وعفتج الايام گلها عبن همه ناس اوادم وماعدهم بس وليد واحد وماموجود
وازيدنج من الشعر بيت انه الطلبت من الحجي يوصلج لحد بيت اهلج عبن ماردت اخذج منهم كلشي مترتب يمامه وكل هذا عفت البنيات يمك واحنا بعشيرتنا گلها مانسويها وحذرتج والبنيات ضلن ٧ سنين بعيدات وانه الوادم گلها تلوم بيه وانه مامهتم لجل عيونج ومن تزوجتج ردتج تحبيني وگلشي ردتي امري وحتى من گتلتي الوليد الي جنت اتمناه من الدنيا زعلي ماطول ايام ورد گلبي يرجف عليج ردتج تفهميني ولو مره وكلشي يصير وذبيتي الصوج بيه حتى اغلاطج ويه عادل وصحتي حامد السبب
يمامه :رجعت ابجي وكتله بس اني تعبت من هاي العيشه احنا كل واحد يختلف عقله عن الثاني
حامد : انتي ماتعرفين شتريدين ساعه تحسين تحبيني وتغارين مثل اليوم وطلابتج الماتسولف ومره تكرهيني وماتبقين سالفه عوجه وماصحتي حامد السبب
انتي شتريدين لاتخبليني
يمامه : اريد ارجع لحياتي القديمه اريد ارجع لبغداد اني اخذ بناتي واروح منا اريد اداوي بنتي الي نكسرت وضاعت حياتها
حامد : كمت على حيلي وكتلها التريدي يصير بس اصبري كم يوم اخلص الشغل البيدي وافرغلج
يمامه : تحرك شويه ديطلع وجان يندار
حامد : هاا نسيت اخبرج انه متزوج فرحه على الورق وبس فرحه مو مرتي وما كاضها والبت بعدها بت بيت ومحرمها علي انه مو عادل يمامه انه جنت عاشكچ لحد كطع النفس وماتحلى مره بعيني
يمامه : شنو هاي حزوره لو فلم لو تتشاقه
حامد : انه چلمتي ماعيدنها وتكدرين تسألين البت وكلها ايام واردها لهلها
يمامه : غير استوعب كلامك شنو مو مرتك وهاي الشهرين الي فاتت حامد جاوبني عافني وطلع واني تخبلت بالزايد يعني ضربني واذاني وذب قنبله وطلع بس فتح الباب وطلع اجتي ودق وفضيله ومازن عليه
بس مازن دار وجهه لان شعري طالع
ودق : ماما شسوالج عمو تأذيتي شنو هاي شفتج ليش كلها دم ليش ضربج الله يكسر ايده
مازن : ودق احترمي نفسج ولتتجاوزين
يمامه : عيب ماما هذا عمج
ودق : واذا عمي لعد يضربج ويأذيج هيج
يمامه : هاي شغلات تصير بين المتزوجين بس انتي شون تعوفين اختج وحدها ونايمه اذا فزت وملكت احد تهبط
ودق : اصلاً هي كاعده وهي كتبت روحي شوفي ماما
يمامه : سوده بوجهي تعالي كوميني اغسل واروح الها هسه تهبط واختج همسه
ودق : لانايمه محست بأي شى
يمامه : كمت غسلت ورحت ركض لأيه
هاا ماما حبيبتي ليش تبجين
قريت كاتبه ليش عمو يعيط شبيه وياج
مابيه شى لتخافين گلبي جنا بس نسولف وتجادلنا لتخافين تعالي وحضنتها
ودق : شيريد منج وليش هيج مأذيج
يمامه : ودق مالج علاقه هيج امور لتتدخلين بيها حيري بدروسج بعد جم يوم امتحانات نص السنه لتلتهين
ودق : حصره احجي شى ورزلتيني غير اشوفهم شون يتعاملون وياج واتخبل اخاف عليج
يمامه : مالج دخل واذا صدوك تحبيني وتخافين عليه اريدج ترفعين راسي واتجيبين معدل عالي افتخر بيج وهاي سوالف الكبار عوفج منها
ودق : سكتت يله
يمامه : وانتي ماما لتبجين كافي كولشي مابيه وجان تلزم شفتي وتأشر شنو هاي
هاي اني عضيت شفتي وانشكت مابيه شى
ويله خلي انام تعبتو كافي والله بس همسه تفتهم بيكم نايمه ولا يمها
يمامه : نامو البنات واني ملح عبالك بعيوني اريد اغفى ماكو وخاصه بعد الحجي الي صار بيني وبين حامد وشنو فرحه مو زوجته زين المن اسأل ومستحيل اسألها يجوز تجذب اكيد اصلاً هسه مو دفعته عليه مثل المخبل اااخ جسمي كله يوجعني ايده غير قويه كوه نمت ساعتين للصبح كاعده
يمامه : كعدت حضرت الريوك والبنات راحو للمدرسه واني هلكت من الشغل بس طول مااني اشتغل وحيلي مهدود افكر بكلامه ماكو غير فضيله تفهمني رحت عليها
فضيلة : هله خيه تعالي
يمامه : شونج اليوم شون صرتي
فضيلة : يم الكريم انت شجرالج امس وعياطكم ماخذ الدنيا
يمامه : تعرفين بأخوج مايتفاهم
فضيلة : لا يمامه اخوي مايصرخ ويتسودن هيج وخاصه عليج اله الشغله جبيره حيل وانتي كل هاي الاشهر ويااه مايوم ضربج شكد تجاوزتي ودوم حسج وانتي وهو صابر
يمامه : اكيد ادافعين عليه غير اخوج محد يلومج
فضيلة : احجي الحگ هاي مو اول مره يضربج
يمامه : اتذكرت من ضربني راشدي بيوم منزلت الطفل بس هاي مقارنه بالاكله الي اكلتها لاشى اي اول مره
فضيلة : شفتي الشغله جبيره
يمامه : عوفج من هذا الموضوع اجيت اسألج عن فرحه
فضيلة : شبيها الثوله
يمامه : البارحه حامد گلي حجايه فرت دماغي
فضيلة : اي شنهي الحچايه
يمامه : كال زواجي من فرحه على الورق وبس وهي مو زوجتي وكلها ايام وارجعها لأهلها
فضيلة : والله ياخيه مااعرف صفنتيني انه الي اعرفه هيه مريته ومتزوجها كدام گل الناس
يمامه : وشون اعرف كلامه صحيح
فضيلة : ماطول هو گلج هيج وبلسانه اخذيها راس مال اخوي مايجذب
يمامه : فدوه فضيله اني لااكدر اسأل الحجيه ولا فرحه
فضيلة : وهيج هامج الموضوع
يمامه : شون مهامني فدووه اسأليلي ماعندي غيرج
فضيلة : تامرين خيه
يمامه : راحت فضيله واني الوب اريد افتهم شصار وماكو وجان تنزل الحيه اوف جانت دواها احلام مبقت كتله مجربتها بيها
فرحه : هاا خاله بعدج هنا توقعت رحتي لبيت اهلج
يمامه : تقربت عليها شوفي لج اني اعرفج كولش زين واعرف على شنو راسمه هججتي احلام وهسه دوري حتى يخلالج الجو وتلعبين لعب اني اعرف سوالفج مو بريئه وحتى سالفه البارحه من نزل حامد يركض عليه انتي خوش شاحنته شحنه بله انتي متستحين تتصنطين عليه شنو انتي من بشر كل الخباثه والحقاره بيج
فرحه : ليش الي سمعته غلط قابل تبليت عليج حجيت الحق لو الحق بهذا الوكت يزعل
يمامه : شوفي لج لتشوفين نفسج اني واني وحمودي وحبيبي ومحسسه البيت كله بس انتي وبس وحامد لعبه بيدج اني اعرف زواجج من حامد كلاوات على الورق وبس ولا طاخج
فرحه : هااااااا لا ماكو هيج شى
يمامه : عرفت من صدمتها كلام حامد صحيح لان ارتبكت وكامت تخربط بالكلام
فرحه : لا منين جايبه هذا الحجي
يمامه : مجايبه من احد اني مو مثل غير ناس افتر وراهم واتصنط هو بنفسه گلي انت زوجته على الورق وبس ومطاخج ابد ولا اله علاقه بيج ابد وجان تعوفني وتصعد من صعدت روحج شكد مقرفه
جان تجي فضيلةً ولج خيه الحجي صح امي هسه كالت الي
يمامه : اي وتأكدت هسه من هاي الحقيره بس شنو الموضوع وكعدت تحجيلي الموضوع كله فضيله بس صارت ابتسامه بحلكي وراحه بگلبي ليش شنو سبب راحتي من عرفت القصه كلها
زين ليش محجه ليش مكال
فضيلة : والله ياخيه الي افتهمته من امي هو راد الوادم كلها تصدك هي مرته حتى يداعي بحگها ويعرف النسوان مايسدن حلكهن خاف لانسولف لكرابتنا عنها ويوصل الحجي گلها لعمومها ويعرفوها جذب ولاتنسين احنا هنا ماعدنا شيخ يتزوج دخيله ومايتگرب منها عيبه بحگه شنهي مو رجال ويكدر ياخذها دوم ماهي على ذمته من حكه واخوي ماراد يكسر بخت البت وماتگرب ليها وانه اعرف اخوي عشگج سودنه
يمامه : اوف ياعشگ حامد حيرني ودوخني واخذ حيلي كله مااعرف افكر بمصايبي والمشاكل الي كعد تصيرلي لو افكر بحامد الي يوم افهمه و١٠ ايام كلها ماافهم منه
يمامه : مر اليوم واني الوب على حامد اريد احجي ويااه اريد افتهم غير المفروض يكولي يفهمني ليش دوم هيج يضم عليه مأجه انتظرت وماكو سألت مازن كال راح يبات يم حسان اني شريد من عرفت بموضوع فرحه حسيت اريده اريد ابدي ويااه من جديد بس يااترى راح اكدر
حسان : هااا خويه ثلث نسوان وهاج منهن چا شنهي شجرالك
حامد : تعرف بيه انه گلبي ويااها وفرحه ماتنحسب مرتي صكد شغلت اخوها وين ولت فضني واليرحم عمي تره گلبي طك حمل وعلى ظهري
حسان : لاتخاف كلها ١٠ ايام ويرد اخوها للبيت كملت گلشي والكاع بعد ١٠ ايام بأسبوع نستلمها يعني الشغله گلها بتساهيل من ربك تاخذ ٢٠ يوم
حامد : اي والله خويه خلصني
حسان : رجعت بت عمك يحامد احلام چا هيه جديده عليك خبالاتها
حامد : انه وديتها لبيت اهلها حتى تفض المشاكل وهي گلبها موزين وهاي يوميه حاطه كورها بكور فرحه واخافن عركه من العركات يوكف گلبها خليها بيت عمي بس ارد فرحه لهلها ثاني يوم ادز على احلام
حسان : الله يعينك متعرف طلايب الوادم ومنا شغله ابراهيم وهلنوب طلايب نسوانك
وطيرتك الي خبلتك
حامد : هيه بس هاي ماخذه حيلي وانه تعبت گلشي وصاحت انت السبب گلشي وصاحت من وره حميد چا يمكن حرب ايران والعراق انه السبب بيها وحرب الخليج انه المخطط الرئيسي مالتها ودخول الامريكان وسقوط بغداد بأوامر مني
حسان : ههههههههه طلعت خطير ياخويه
حامد : والله گلشي وصاحت حامد تكول مرضعيها حليب اسمه حامد وماتنطق غيره
چنت قبل اتمنى تكولن حامد واسمعه هسه وروح ابوي كرهت اسمي من وراها چا ماتنطقه اله وطركاعه واكعه على راسه ولك انزف وتصيح طلكني
حسان : هههههههههه والله انت جبتها لروحك تنوح وتصيح طيرتي خوش طيرتك رفعتك وكعتك على راسك
حامد : ماضل شى ياخويه ماكو شى يضل على حاله يله كوم لمريتك اريدن انام ورانا باجر محكمه ابراهيم لازم نطلع لبغداد من وكت
يمامه : جنت اغسل هدوم وشريتهم واني امشي شفت فضيله تروح وتجي والسبحه بيدها وتبجي شجاها
هاا فضيله اسم الله شبيج
فضيلة : اليوم محاكمه وليدي ادعيله ربج يسهلها وليدي مظلوم وربج مايرضى بالظلم
يمامه : ان شاء الله خير كولي ياالله
فضيلة : شعندي غير الله حطيت وليدي امانه عنده
ضلينا ننتظر اندك على حامد ميجاوب على مازن هو ميجاوب وهاي خطيه انتهت تريد تموت على ساعه گلبها يوجعها
صار العصر ومحد بين والتلفونات اما مشغوله او محد يجاوب لحد مطب علينا مازن
فضيلة : ركضت هااا وليدي بشريني
مازن : نزلت وجهي مااكدر اباوع بعيونها شكول الها
فضيلة : احجي يمه ليش ساكت
يمامه : احجي مازن مو شلعت گلبنا
مازن : انحكم ٢٠ سنه
فضيلة : يبوووو راح وليدي من صخام الصخمج فضيله ضاع وليدج
يمامه : خطيه ابجي وياها وتلطم ودك على راسها انريد نلزمها ماكو جان تخرب شلناها اني ومازن وهي شبه ميته حقها وحيدها الله يساعد گلبها
الحجية جميله: يمه بنيتي گله ولا فضيله يصير بيها شى
يمامه : نحرك بيها انتبه مازن حلكها انعوج
مازن : عمه لبسيها بسرعه تره حالتها خطره احتمال جلطه بسرعه
يمامه : لبست ركض وحطيت عبايه على هدومها وركضنا بيها للمستشفى واحنا هناك اجه حامد وحسان يركضون
حامد : هااا بويه مازن بشر عمتك شونها
مازن : وضعها جان خطر جلطه دماغيه الحمدلله كدرو يسيطرون عليها ربك ستر
حامد : الحمدلله ماكدرت اروحن اشوفنها اعرفن قصرت وياها ومارديت ولدها
يمامه : المهم هو عايش وان شاء الله بمرور الوقت تكدر تحل موضوعه
حامد : ليش عايفه بتج وجايه هنا
يمامه : اختها يمها وشفت حال فضيله مو مال اعوفها وحدها
حامد : اگعدي هنا ولا تتحركين ابد نطمن على فضيله واردن للبيت
يمامه : ميجوز والله واحنا بعز المصايب يتامر همزين لابسه الربطه صح لان هو هم باوع على الربطه اخاف شعر طالع منها
حامد : رحت يم راس فضيله دارت وجهه وتبجي
اعرفنج زعلانه مني خيتي بس الله اليعلم انه شكد حاولت اطلعه وشكد انطيت فلوس واسطات يله تخفف الحكم لعشرين سنه ابراهيم كاتل اثنين واقل حگم بحكه ٣٠ سنه
فضيلة : بس هو دافع عن ايه ليش ماكلتو بالمحكمه هذا الحجي دافع عن شرفه جان وليدي طلع من السجن وماينحبس يوم واحد
حامد : هذا شرط ابنج من اول يوم صاح ايه ماتنجاب بالطاري ويمشي ويأكد
فضيلة : انه شحصلت حامد ابني تعبي راح هذا وحيدي ياناس محد حاس بيه
حامد : والله خيتي حاس واوعدج بشرفي ومااگعد بين الزلم اله افض سالفته بس هسه جرحهم جديد وقافلين لازم تمر سنتين ثلاث يله وتنازلون ويبقى بس الحق العاام مال الدوله اصبري يبعد اخوج انه مااعوفن ابراهيم هذا وليدي وحگ علي وليدي واحبنه ومااخلي عمره يضيع هناك بس ادعيله بالصبر وادعيلي الله ينطيني عمر واكدر اردلج وليدج
فضيلة : وليدي برگبتك يبن امي وابوي
حامد : واخذيها چلمه من اخيج وماارد بيها
دخل حسان هم اطمن على فضيله وبقينا يوم كامل بالمستشفى لحد ماطلعت سلامات ورجعناها ثاني يوم واني كل شويه اوصي ودق واتصل بيها علمود ايه مااريد تتركها وحدها
اول مرجعنا دخلت لأيه لكيتها تبجي منهاره
شبيج ماما كتبت صدوك ابراهيم انسجن ٢٠ سنه
منو كلج
ودق : والله مو اني ماما والله
يمامه : لعد منو
أيه : جنت متمدده على الجربايه واباوع من الشباك هذا يومي المعتاد بس صافنه وجان اطب فرحه
فرحه : هلو شونج
يووو نسيت انتي خرسه يعني فوك ماملعوب بيج هلمره اخرسيتي بله منو راح ياخذج بعد
أيه : اني كمت ارجف وابجي
فرحه : وعلى شنو تبجين يمه قابل سبيتج غلطت عليج قابل كذب شوفي خالج سكط وخرسه والله انقهر مرات عليج اكول هاي مستقبلها انتهى
أيه : اريد اعيط اريد اضربها اريد اقلها احد يسكتها وين ماما وين ودق ماكو احد
وجان تتقرب مني وتكولي
نسيت اكولج غير هذا الزوج ابراهيم انسجن ٢٠ سنه حيل بيه منو كله يكتل اثنين وفوكاها صاير عود سبع ومجابو طاريج بالموضوع وشاله لوحده خلي ياكلها طبه مرض
أيه : كمت ارجف اكثر وادموعي تصب بهستريا احس داخلي يعيط وخرو هاي الساقطه مني
فرحه : اروح اني اجيت اسلم عليج شبيج تنوحين جنج ارمله ومات رجلها ولج يمعزايه اخاف تحبين ابراهيم ولو كولشي يطلع منج مو جابوج من جوه اثنين رياجيل يجوز ابراهيم هم استفاد منج اوف منك يلساني اروح احسن دخت ونعست باي سمينه
أيه : ماكو دقايق وطبت ودق
ودق : رحت ادور على همسه من يوم حادثه أيه واني حتى همسه مااخليها تروح تشتري وحدها اخذها ابن الكهوجي مال عمو حامد اشترالها وجابها واني بقيت واكفه انتظرها ماكو ١٠ دقايق وطبيت لكيت أيه منهاره وحتى متكدر تكتب وترجف ردت افتهم منها كلمه ماكو وجان اطب ماما
يمامه : ولج وين جنتي عن اختج مو كتلج لتعوفيها
ودق : والله ماما طلعت وره همسه اجيت لكيتها هيج
حضنتها ماما ايه احجي منو وياج اكتبي زين
شويه هدأت وكتبت فرحه كلتلي وتكول عليه لعبو بيج لعب
واني تخبلت هسه اجي
يمامه : صعدت فوك من يوم متزوج حامد فرحه وكعدها فوك واني مصاعده وركضت عليها ودخلت للغرفه واني دربي مااندله
فرحه : انتي شدخلج هنا اطلعي بره
اني تقصدت احجي ويه ايه هيج حتى تكول لأمها واتعارك وياها حتى بلكت اخلص منها مثل مخلصت من احلام وبذاك الوكت حامد يبقى اليه وبس دخلت عيونها براسها وترجف اني اعرف بهيج وقت حامد مستحيل يجي اله نادراً معبالي هو جوه جابو فضيله من المستشفى
يمامه : شوفي شكد صبرت عليج وكلت طفله ماعدها عقل حجايه توديها والثانيه تجيبها وماانزل نفسي الها بس انتي اتجاوزتي اني سكتت عنج بكولشي بس مال تأذين بنتي فوك اذيتها والله اكتلج خلاص منا اشمرج
فرحه : اني شعليه وشمسويه لبنتج
يمامه : انتي مخبلتها لكيتها ترجف وتبجي لج هاي منو الملعوب بيها انتي ساقطه وماعندج اخلاق فتشوفين الناس كلها مثلج
بنتي اشرف منج ومن اهلج
فرحه : احترمي نفسج تره ساكته على كلامج اكول مره جبيره ومااتجاوز وهاي بنتج الخرسه شعليه بيها هاا لتذبون بلاكم عليه هم الج عين وتحجين بعد صخام وجه بنتج
يمامه : من صخام وجهج وجه اهلج ولج انتي وحده ناكره للجميل فوك ملفوج من الشارع وكاعد يحامولج تريدين تهجمين البيت
فرحه : يابيت فدوه هذا بيتي لتنسين
يمامه : ولج انتي كذبتي الكذبه وصدكتيها بابا انتي كلها چم يوم وبره بح اطلعين وبعد منشوفج
فرحه : انتي اطلعين واني مااطلع وهسه تشوفين روحي انزلي يله لدوخيني روحي عالجي بنتج الملعوب بيها احسن مجايه تتعاركين ويايه وعفتها ومشيت طلعت بره الغرفه جان تلزمني من دشداشتي
يمامه : شوو تعالي وجان الزمها تقاوت ويايه اني بطبعي مو عراكه واتكافش مثل احلام بس حرگت گلبي لان تحجي على أيه وجان اضربها وهي الحقيره ردت الضربه
فرحه : اني تضربيني اني الج وجان ادفعها واضربها وهي ترد الضربه
يمامه : جانت فرحه قويه واني ممنتبه على حافه الدرج ومااحس غير دفعه قويه منها ردت الزم الحديد مال الدرج جان بأيدها ورجلها تدفعني بعدها بكولشي محسيت
حامد : سلمت على امي وصلنا فضيله لغرفتها وطيبت خاطرها طلعت ونسيت ارجع اخذ فلوس من البيت لان العندي قليلات خلصتهم بالمستشفى وانه وبدخله البيت واسمع عياط ويه دخلتي واشوفن فرحه تدفع يمامه ومن اخر الدرج توكع لبدايته انه اشوفنها هيج تنزل كدام عيوني وانه تسودنت وركضت مثل المخبل عليها واشوف وجهه كله دم ولج چلبه شون توكعينها اليوم گتلج على ايدي
فرحه : متوقعت دخول حامد بهذا التوقيت بالذات ردت اخلص من يمامه بأي طريقة حتى لو اوكعها من الدرج واكولهم اتبلت عليه بس جانت الوكعه حيل قويه ومباشره نزفت من وجهه وراسها والي صعب الموضوع دخول حامد من خوفي ركضت للغرفه قفلتها عليه واسمعه يعيط گلب الدنيا ويغلط ساقطه چلبه اليوم احرك اهلج عياطه يمكن مسمع العماره كلها واني متت خوف خرب حظي شجابك هسه شون هذا بس يلزمني يموتني وين انطي وجهي
حامد : يمامه فتحي عينج
الحجية جميله: دخيلك ياابا الحسن شبيها البت
حامد : يمه وكعت من الدرج وتنزف
الحجية جميله: جنه ولج طركاعه جنه
جنه : امري جده
الحجية جميله: اندهي لودق وتعالي ساعدي ابوج وشيلو يمامه لحجرتها
جنه : خطيه عمه شبيها
الحجية جميله: وشبت بيج نار وحطب چا هسه وگتها صيحي بتها وتعالن ساعدن ابوجن
حامد : يمه اخذها للمستشفى
الحجية جميله: يمه على كيفك ويه نفسك چان چيله وصابتها غير نفتهم شبيها چا انت يرادلك مستشفى ترجف رجيف
ودق : ماما شبيج يووم
حامد : وخروو اني اشيلها
الحجية جميله: يمه يطگ ظهرك
حامد : يمه شنهي السالفه وخري مني وشلتها والدم ينزل من گل جهه
وحطيتها على الجربايه
ودق جيبي مي وكطن بسرعه
وكعدت امسح وجهه يمامه تسمعيني دخيل ربج اگعدي مااتحملن اشوفنج هيج
يمامه : بديت اصحى بس احس عظامي متكسره وظهري مااحس بيه
اااااه ظهري
حامد : يمه اخذها للمستشفى احسن يجوز بيها كسر شى ولكم صيحولي مازن خابروه
ودق : اني اخابره من تلفون ماما
دكيت عليه هاك عمو
مازن : هاا عمه
ولك الحك ليه بويه
مازن : خير يابه عمه بيها شى
ولك يمامه وكعدت وتنزف
مازن : اجيتك يابه لايضل بالك
وركضت واول موصلت هاا يابه شبيها
حامد : طاحت من الدرج وبس تون
مازن : يابه امسح وجهه زين وخلي بس تصحى انحرك جسمها شويه شويه واذا تألمت من منطقه حيل احتمال اكو گسر
حامد : وحگ العباس اجنزها تجنز (اكتلها حيل) لبت الچلب اذا صار بيها شى
الحجية جميله: چا شنهي على كيفك عركت نسوان ماتصير
حامد : يمه اسگتي لااحرك البيت وفرحه بيه تره انه ابوي مااعرفه هسه
يمامه : صحيت واسمع عياط حامد
وصحت ايه ايه وين
حامد : لاتخافين مابيها شى انتي شونج احجي
يمامه : حامد ايه عفتها تبجي روح الها فدوه سكتها
حامد : وانتي
يمامه : مابيه شى بس روح الها عفيه وكام راح الها
ودق : ماما سلامتج حبيبتي
مازن : عمه شتحسين
يمامه : جسمي كله يون عليه
مازن : عمه تكدرين تحركين ايدج بله حركيها
يمامه : وبدا مازن شويه شويه يحرك بأعضائي الحمدلله ماكو كسر بس رضوض قويه
مازن : ودق شوفي راس امج اخاف مشكوك ويحتاج خياط
ودق : لا بس منا شويه ودينزف دم عفيه شون
مازن : لتخافين هذا صغير وهسه يوكف روحي جيبي مي وشربيها هذا المسكن لان اكيد هسه هي بحراره الوكعه بعدها بعد شويه يكوم الالم يصير عليها اضعاف
حامد : رحت دخلت واشوفن ايه ترجف وتبجي
بنتي ايه شبيج
أيه : كتبت واني ابجي ماما وينها
حامد : موجوده لاتخافين
أيه : وكعت مو سمعت ودق تعيط وجنه تكولها امج وكعت من الدرج
حامد : عثرت لاتخافين وهسه تگعد وتجيلج
أيه : جان يحضني ويكولي
حامد : لاتبجين بويه انتي عزيزه عليه الله عالم شگد انه تعبان على حالج ومااعرفن شون اريحنج تره انتي ماخذه نص حيلي
انتي بمعزت جنه واكثر
أيه : كتبتله انت تحبنه واعرف بيك بس احنا تأذينا هنا عفيه عمو خلي نرجع لبغداد لبيت جدو هناك احسن
حامد : يبعد عمج انه مبقيگم لان اخافن عليكم
أيه : كتبت اعرف تخاف بس ماما بس تبجي بليل واني من يوم الي صار اخاف حتى اطلع ودق دوم تكول همه السبب بلي صار عمه اذا تحبني رجعنا لبغداد
حامد : انه مااكدر ابعد عنكم بويه انتم روحي
أيه : تعال زورنا بس خلي نطلع منا عفيه عمو اني اخاف هنا وممرتاحه والله نوم كوه انام
حامد : بست راسها اخليكم ترحون بس اريدن منج چلمه وانه اعرفنج گدها انتي بت شيوخ وچلمتنا ماتصير اثنين
أيه : كتبت كول عمو
حامد : اريدن ترجعين ايه التضحك وماهمها بس الاكل والضحك اريدن اشوفنج مرتاحه اريدن ارتاح بنيتي تره انه تعبان بسبج وبسبت امج فراگكم نار وتسعر بيه ولأجل عينج راح ادزكم هناك اريد من اجي ازورج انتي تستقبليني ومااريدن كتابه اريدن بصوتج
أيه : كمت ابجي وكتبت حاظر بابا
حامد : دمعت عيني وانه اقره منها هاي الچلمه چني اول مره اسمعها حضنتها وبست راسها وجان تكتب
أيه : بابا انت شكد تحب ماما
حامد : ابتسمت اوووف انه گتلها بكد رحمه ربج
أيه : انطيته القلم وقلبت الورقه وكتله اكتبها احب خطك
حامد : تامرين
انه احب يمامه بكد رحمه إٱللـِْﷻـِْﮭﮧ واحبن ايه ودق وهمسه بكد حبي ليمامه
أيه : ابتسمت وضميت الدفتر احسه هو حياتي الجديده بيه كولشي باسني وطلع
يمامه : ااااخ راسي يوجعني يموتني جان يجي حامد شونها ايه
حامد : لاتخافين البت زينه وراضيتها روحو بويه ارتاحو انه يمها
ودق : اني مااعوف ماما
يمامه : روحي بنتي يم اختج بس اصير زينه اجي
طلعو كلهم
حامد : يمامه انتي زينه
يمامه : زينه لتخاف
حامد : شصار فهميني
وكعد كولشي احجيله بالتفصيل
وهو يسمع بهدوء وجان يگولي
ارتاحي شويه وارجع
ودقايق واسمع عياااط
حامد : صعدت وانه مورث منها وادك الباب ماتفتح
فرحه : والله هي الي تعدت عليه ورادت توكعني ليش ماصدكني
حامد : افتحي الباب لااكسرنه على راسج وراس الخلفوج افتحي
فرحه : حامد فدوه بس اسمعني
الحجية جميله: چا عفيه بيت بس الصريخ من ساعه الگشره عليجن مهجوم على راسچن شحصل وهم گب الصريخ
جنه : ابويه صعد لفرحه راح يكطعها اليوم وجان تضربني جده بالعوجيه على ظهري
الحجية جميله: چا وانتي فرحانه يمسلوعه
جنه : هههههه شلون ماافرح هاي حوبه امي وحوبه عمه يمامه
الحجية جميله: طركاعه الفتجن من تتفقن على وحده اله تهججنها يله ترتاحن
جنه : وهله هله طارت فرحه اليوم گتلها عمل شعبي كون امي هنا چا طكتها بهلهوله
الحجية جميله: انه اليوم اهلهل على رويحتج واطلعنها انتي وذنيج المسودنات
جنه : جده هاي فلمها احترك چا عافت الوادم گلها واندكت بعمه يمامه جانت امي دوم تكول نهايه فرحه من وره يمامه عبن ابوي يحبنها ومايرضى شى يصيبها
الحجية جميله: فلك طرجن وانت شعرفجن
جنه : جده احنا الطيره اذا فاتت نعرفها غريبه لو گريبه مو الشيخ عاشگ ومانعرف
الحجية جميله: بنيات تالي وكت يرادلچن حش رجولجن ولسانجن اااااخ كون الزمجن وبهذا البرد ودك بالعوجيه على راسجن
جنه : ههههههه ولاتنسين اولنا الحيه فرحه ولو ميحتاج ابوي مكفي وموفي
حامد : لج افتحي الباب وجان اضربها مره مرتين وجان تنكسر الباب
فرحه : حصرت روحي بالزاويه فدوه ابو جنه دخيلك لتضربني
حامد : اليوم كل گطره وكعت منها ازوعها من حلكج وجان اسحب حزام ليه معلكته واحصرتها وين مايوجعها
فرحه : ااااخ دخيلك والله مااسويها والله العفو والله هي الي ضربتني بالاول
حامد : لج انتي يلي ماتسوين نعال أيه تعيريها وتكولين ملعوب بيها اليوم العب بيج وبأهلج
فرحه : ماكلت جذابات والله
حامد : من شالج الله اليوم ماابقى قطعه صاحيه بيج انتي يلي ماتسوين الشعره التوكع من يمامه تدفعيها لو صاير بيها شى لو ميته احركنج واحرگ ساسج ياچلبه انه صوجي الفي هيج شگول هذا الي يسوي خير بالهلوكت الاغبر
فرحه : والله احبك لتأذيني ردت بس تصير اليه
حامد : انه اعيد وازيد انتي دخيله واليوم خلص گلشي مالج مكان بينا وسحلتها من شعرها يله اجمعي غريضاتج اليوم اشمرنج لهلج ومااريد اشوفنج بعد
فرحه : نزلت ابوس برجلي ابوس رجلك لتعوفني والله احبك لترجعني لاهلي
حامد : انتي ناكره المعروف والي يعض الايد الي انمدت اله ماله مچان بينا يله ورجعت اضرب بيها ونزلت الجنطه الها ماتبقين كطعه الج گلها اخذيها
فرحه : عفيه انطيني فرصه ثانيه والله مااسوي شى
حامد : لاتسودنيني عليج واحطن هسه چيله واگتلچ يله لمي ملابسج
يمامه : كدرت اتحرك من مكاني وكفت باب الغرفه وعياط حامد ماخذ الدنيا ماكو ١٠ دقايق وجان ينزل وبيده فرحه مدمايه ومكوشه وجنطه تسحل بيها وتبجي وتتوسل يبقيها
الحجية جميله: يمه حميد
حامد : اسكتي يمه لا وروح ابوي اگتلها گداچ
الحجية جميله: وين مودي البت
حامد : اردها لاهلها هاي وحده نكسه والنكس مايضل بيتي
الحجية جميله: يمه اسمعني
حامد : وحگ هو علي اذا ماسگتي يايمه وسحبت السلاح احطن چيله براسها واذبها جوه رجليج
يمامه : ركضت عليه كووه امشي ومتألمه على كيفك فدووه
الحجية جميله: يمه انه اريدن راحتك بكيفك يمه
ورجع سحلها من شعرها وذبها بالسياره شو هذا ثواني ورجع وجان يكولي يمامه
يمامه : نعم
حامد : حضري روحج وبنياتج باجر مصبحه بغداد مالج مچان هنا تردين لهلج
يمامه : شنوو
يتبع .....

اكتبوا  رايكم وتعليقاتكم
ووصلوا هذا البارت ل ١٥٠ تصويت ونكمل القصه