يوم جديد ..............ياقوت تحكي
نضت صباح دوشت وجدت روحي ونزلت نستقهوا
ياقوت :صباح الخير
عبد الرحمن :صباح النور الاميرتي
ريان :مين هي اميرتك انا شاه
عبد الرحمن :هههه راك تغير
ياقوت :هيهيي راه يغير مغيار مغيار
ريان :نغير مجايحة كيفك
ياقوت :شكون جايح
ريان :ماما صبيلي
ياقوت :عندك يديك جايح شت نتا هو الجايح
سليمة :نصبلك اسكتو ونقصو محسكم
عبد الرحمن :راكم كبار وينتا تستعقلو
ريان :راني عاقل😇
ياقوت :مممم عاقل ونتا حيا تحت التبن
ريان :سكتي سكتي
سليمة :هيا خفو راح الحال عليكم
ياقوت : ريان راهي تجمع قدامي قنبلة تع البارح
ريان :هيا نوصل ختي تقرا
ياقوت :وليت ختك هه
سليمة :شراكم اتوشوشو بيناتكم
ياقوت :والو ماما اي ولدك طاحت عليه المحبة
ريان :هيا نوصلك
ياقوت :وصلني وفليكسيلي وشريلي ميلكا
ريان :😡وحد مصلحجية
ياقوت :كيفك خويا لعزيز
ريان :هيا راني سابقك لطونوبيل
ياقوت :اوك دقيقة ونجي
ريان :هيا قوليلي سميتها
ياقوت :حتى تفليكسيلي وتشريلي
حبس راح فليكسالي وشرالي ميلكا وجا ههه انا شريرا
ريان :هه درتلك شبغيتي
ياقوت :يسموها مريم جديدة
ريان :ايه فليكسيتلك وشريتلك باش تقوليلي سموها مريم
ياقوت :دك ليوم نسقسيها
دخلت شفتها مجمعا وحدها فساحة ايا رحت عندها
ياقوت :مله زين زعفان
مريم :ههه نن والو
ياقوت :مممم زعما ولا مكيش باغيا تقولي
مريم :مشاكل تع دار
ياقوت :اا اوكي هيا نوضي
مريم تحكي
كنت مجمعا انا وياقوت عجبتني هذ لبنت سيرتو مين قصيرة عليا ههه طلعتلي المورال كاين ليقصير عليا حتى شفت جان داخل رحت نجي عنده
مريم :وين كنت علاه مجمعتش تقهويت
جان :راكي تتمسخري نتي بعديني ملهيه
مريم :جان راني نهدر معاك رد عليا
راح وخلاني اااافففف وليت عند ياقوت
ياقوت :مالكي رحتي نورمال وليتي منارفيا
مريم :نرفاني نهدر معاه ميردش عليا
ياقوت :يجيك
مريم :توام تاعي
ياقوت :ههه نو هداك خوك قاع ميشبهلكش نتي كيوت بزاف وهو يبان كي زومبي
مريم :نو اييبالك هكا هو تاني ناس ملاح ايمنارفي شويا وهذي تع ميشبهليش حقيقا ميشبه لحتى واحد فلعايلا ما انا ما علي
ياقوت : شكون علي
مريم : علي استاذ تع الرياضيات خويا لكبير
صونات طلعنا نقراو متلاقيتش كي نسقسيها قرينا 2سوايع مين صونات 10 جيت ندور عندها حتى حسيت الكرسي مشا طحت على ضهري رجليا طلعو لسما
ياقوت :احح ضهري تكسر اه ياماما بنتك تعوقت
اوو القسم كومبلي بدا يضحك وانا مزال رجليا لسما مزيا راني لابسا سروال نضت سقمت روحي
ياقوت :ايا صايي ضحكتو بينتو سنيكم ايا قودو مريييم مرانيش عليك نتي رواحي اللهنا
ياقوت :صباح قلتيلي استاذ تع الرياضيات خوك كيفاه هو عنده بزاف ملي بدا يخدم ونتوما حتى لهذ العام مين جيتو تقراو هنا
مريم :ههه فضوليا نتي بزاف كنا عايشين فتركيا وعلي كان عايش هنا عند جدي
ياقوت :مممم كلي امنتك
مريم : توام تاعي يسموه جان اسم تركي
صونات جات مراقبة خبرونا بلي استاذة الفرنسية مجاتش وكان عدنا 2 سوايع معاها ايا خرجنا
ياقوت :املا نتوما تراكا
مريم :يعني اف نروحو ضرك لدار كرها
ياقوت :تجي نروحو ندورو شويا
مريم :اوكي ستناي نقول لجان باش يقول لماما
مريم تحكي
هوت معا دروج قريب نطيح باش نوصل لجان بفف مشا قاع ميراطيش
ياقوت :هيا قلتيله
مريم :نو مشا قبل منوصله
رحنا درنا وشرينا لكريم مشي بنين كيما تع ترك مي مليح شوية وليت لدار كانت هكا 12 انا دخلت وعلي دخل مورايا
علي :ههه بابا جا يفطر فدار
مريم :باينا باش جان ميفطرش ويخصر فلهدرا معاه
دينيز :جيتو غسلو يديكم ورواحو تفطرو نروح نوض جان
احمد :ميفطرش معايا مشي قلت وجه منشوفهش مين نكون انا فدار
دينيز :علابالي مليح علاش جيت تفطر فدار نروح نوضه ويفطر معانا حبيت ولامحبيتش
احمد :صح روحي نوضيه
دينيز :جان جان
جان :مممم
دينيز :نوض تفطر
جان : اوكي
جان :منيش جيعان
دينيز :ايضرك قتلي اوكي وضرك مراكش جيعان متشوفش فيه شوف فيا انا
جان : ماما بلييز خليني راني غاية هكا
دينيز :كمل طريقك تفطر ودير كلي مراهش
جان :ماما
دينيز :تمشا
جان يحكي
بابا راه ساكت كاين حجا مهذ السكات فطرنا مين كملنا بابا نطق
احمد : عندي ليكم خبر منيش ضامن شعال نزيد نعيش
جان :وهذ الهدرا علاش ضرك ربي يطول في عمرك
احمد :سكت مكانش لقالك انطق احم اول حاجة جان محروم كليا من الورث ميدي والو ماملاكي اما علي ومريم ودينيز فيتقاسموه حسب شرع ربي
دينيز :كيفاه هذي ميدي والو راهو ولدك
احمد :مكان مدخلك دراهمي وانا ندير شغلي فيه
مكنتش متوقه بلي بابا يكرهني لدرجة يحرمني مالورث باغي نعرف سبب كرهه ليا نحس روحي مشي ولده يكرهني لدرجة يتمنالي الموت مخي حبس فهذيك الدقيقة مابديت نسمع والو منحس غير نفس نحقنت فيا مغضنيش لحرمني من الورث قد لغاضني كرهه ليا نضت بلا منهدر طلعت لشمبرتي درت يبرة ديت كرطابي وخرجت وصات انا لول لليسي بطبيعت الحال راهم عادا محلوش قعت مجمع فطونوبيل محسيتش حتى سمعت صونايا تصوني ولحالا معمرا بالناس دخلت نقرا بغيت ننسا بصح مصيبتي مخلاتنيش ننسا كل دقيقة ضور تشوف فيا هه مصيبا بصح نبغيها جامي خممت نحقد علا خوتي بلي بابا يبغيهم كتر مني كملت لقرايا وانا انخمم افف راسي ضرني خرجت كانت 3:30 نولي لدار نكره حياتي لحل الوحيد صبور دبرت علا صالة تع صبور سجلت ودخلت خرجت قاع الغش تاعي في كيس الملاكمة محسيتش بلوقت راها 6:44 وليت لدار دوشت غلقت الباب بلمفتاح ورقدت
ياقوت تحكي
فات نهار شباب تعرفت على مريم ولات عندي صديقة تركية ههههه ولا عندي كل لرايان مين يعرف بلي تركيا يهبل نعرف خويا خلاط نسونجي هذا ميحب تعشينا غسلت لماعن وجيت والا لشمبرتي سمعت ريان يحكي فتريفون اعع شراه يقول خويا جنتلمان كيما هكا زدمت عليه كوبا تمتم هههه
ريان :¥¢¥¢¥°=÷¥°°¥=€°]=]^¥÷€¢%®℅×]¥
ياقوت :احترم اختك قليل تربيا تفو
ريان :شخصك
ياقوت :مريم
ريان :روحي ترقدي الله يهديك شكون هذي مريم
ياقوت :زميلتي في المقعد
ريان :اااا مالها
ياقوت :عرفت ليوم بلي هيا تركيا
ريان :ههههه تركيا قاتلك تكدب عليك الجايحا
ياقوت : نتا جايح توأم تاعها يسموه جان
ريان :وسموه جان وقيلا مه كانت تتفرج كاش مسلسل سماته جان
ياقوت :متفهمش تاني عربية مليح
ريان :روحي ترقدي هيا تكذب عليك ونتي جايا تهبلي فيا
ياقوت :روح قود
ريان :شقلتي
ياقوت : هههه والو [عطيتها الهربا تسلك ناض يجري مورايا للاسف الشديد قضبني ]
ريان :فمك باغي يعاود ديكور
ياقوت :منعودش[حكمني مشعري كركرني لشومبرتي وراح بديت نخمم فكاش مقلب نديرهله حتى رقدت ]
.
.
.
.
.
.
.
.
.
.
.
.
.
.
.
.
.
.
. كمل البارت انشاء الله يعجبكم رح يبانو بزاف احدات باي
حــــــــــبــكـــوووممم حبوباتي 😍😍😍
