فاتو 10 ايام وغدوة الباك جان بعد لي صرا يخرج صباح يروح للمكتابا يراجع ميرجعش حتى ليل
فاتت سيمانة تع الباك اي قراية نهار تالي تع الباك جان حلف يدير مشكلة
تبلى وحد شير وصرا بروبلام وصلهم لشرطة احمد طلعتله لطونسيو قريب مادخل لسبيطار مزال حالف على مشاكل اما ريان فوت سطاج فالشريكة تع باه
مريم:جان
جان:شخصك
مريم:مالك راك تهدر هكذا منهدرش
جان:هدري شباغيا وروحي
مريم:ياقوت قبلت تخرج معاك وبغيت نقولك متزيدش تنارفي بابا باش ميكرهكش
جان:خرجي
مريم:بغيت ننصحك نيميرو تع
ياقوت دوك نزيفتهلك
جان:خرجيي
جان يحكي
بعد لي صرا وليت ناكل وحدي ياناكل مور ما ياكلو ولا قبلهم الموهيم منتخلطش بيهم بابا بلعلي الكونت تاعي مداليش لوطو زعما معنديش دراهم باش نعمر ليسونس ههه حسبني حمار جبدت كامل الدراهم قبل مايبلعه نعرفه كي يخمم خرجت نحوس على خدمة كيما كل عام فصيف نخدم فكاش مطعم نجمع شويا دراهم منمدش يدي لناس نخدم بعرق جبيني حسبني نطلب عليه دراهم نموت ومنطلبش بغا يمدلي يمدلي مابغاش منطلبش وجامي عرف بلي نخدم منخدمش فل بلاصة لي نسكنو فيها باش ميفيقليش بصح دورك مكانش حل يعرف ميعرفش كيف كيف تلاقيت مطعم يحوس عل نادل دخلت بديت الخدمة تم تم هكذا غايا نفوت الوقت كانت 10 خدمت حتى لل4:30 لليوم الاول ممبعد نبدا. 08:30حتى 15:00 عاود حوست على خدمة وحدخرة مين نكمل نخدم خدمة خرا هكذا مندخلش حتى ليل بصح ملقيتش قلت غدوة نعاود ندور
دينيز:وين راه جان
مريم:معلاباليش
دينيز: كيفاه معلابالكش مقالكش وين راح
مريم :انا مشي مرته باش يقولي وين راه خارج وديجا مراهش يهدر معايا كيما مراهش يهدر معاكم خليه يسلخك مريض نتي نسيتيها بصح جان منساش ونتي تعرفي ولدك غاية مينساش حجا توجعه
دينيز: كنت منارفيا هدري معاه وسقسيه
مريم:منهدرش هدري نتي
دينيز:راه يكوبي عليا هدري معاه
مريم: معندي منديرلك نتي حبيتي راني ماشيا عند ياقوت
دينيز:راني نقولك هدري معاه
مريم:مراهش باغي يهدر ايا صايي ايه وقلت لبابا بلي غادي نمشي عند ياقوت نص ساعة ونولي
💜💜💜💜💜❄💜💜💜💜💜
ياقوت:ماما رواحي تشوفي شكون لي جا
سليمة:شكون
ياقوت:كنتك مستقبلية
مريم:😳 مسلخير طاطا
سليمة:حمارة خالا صحبتك عند الباب دخلي بنتي مرحبا بيك
ياقوت:ماما رانا خارجين
سليمة:وين تمشو في هذا الوقت
ياقوت : راها 5 ندورو شويا نولو منطولش 😢
سليمة:سقسيتي باك
ياقوت:قالي روحي وسقسيت ريان تاني قالي روحي
سليمة:روحي شنقولك ومطوليش
ياقوت:تمشاي نتيا نشوف شنلبس
مريم:جايبتني باش نعاود نخرجو انا قلت لبابا راني ماشيا عند ياقوت
ياقوت :رانا ماشيين اي عند خوك
مريم:خويا! وين راه
ياقوت:هو قالي نتلاقاو قيس 6
مريم:وانا علاش راكي دايتني باغيا وجهي يتشوه ولا كيفاه
ياقوت:ميتشوه والو شوفي شابة هذي
مريم:شابة زيدي معاها هذي
بعد ملبست ياقوت وعدلت روحا راحو يتلاقاو بجان لي كمل الخدمة تلاقاو قدام لبحر جان مين شاف مريم ضربه ضو لراس
جان:قتلك رواحي نتي مشي تجيبي ناس
مريم:وليت ناس بدلت توام تاعك بصحبتك
جان:تمشاي وسكتي متكتريش الهدرة
مريم:جان وين راك تروح
جان :علاش راكي تحوسي
ياقوت:ااااااا ماما
جان: مالكي
ياقوت:شوف لهيه عقرب
مريم:هههههه عقرب ههه رتيلة هديك ههه
جان:خلعتيني تخافي مرتيلة دايرة قد ضفرك
مريم:شكون تركية انا ولا نتي
ياقوت:هيهيهي😒
مريم:دينا للمانيج
جان:خوها مراهش يديك
مريم:خوها مشي نتا دينا
جان:تخلصي على روحك
مريم:مشحاح ختك خصارة فيا
ياقوت:انا نخلص عليك
مريم:شفتها هي مشي كيفك مشحاحة
جان:متعيايش مالهدرة
مريم:ونتا متعياش مسكاة
ياقوت:ههههه ضحكو نتوما زوج
جان:كيفك كي صحبتك ركبو وسكتو
ياقوت:نروحو فلوطو
جان:باغيا كرعيك يطيبو متمشيا
مريم:متخافيش مشي سفاح كيما راكي حاسبة
جان:شكون سفاح
ياقوت:نتا
جان:شكون لي قالك راني نقتل ناس
ياقوت:مريم
مريم:انا قتلك
ياقوت:نتي قلتيلي نسيتي
جان:نزلو
ياقوت:وصلنا حسادني باغي طردنا
مريم:عطيني دراهم
جان: شكون لي قالك جبتك ونسيتك
مريم:جينا في خطرا وينتا جبتني
ياقوت:تمشاي قتلك انا نخلص عليك مشحاح
جان:ستناي نحكمك نوريك المشحاح شايدير
مريم:😁😃
ياقوت:متقد دير والو
جان:نشوفو عقلي عليها
مريم :جان جان شريلي هذاك
جان:منشريش
مريم:شريلي شباب وزيد هذاك
جان: نتي تاني نشريلك ولا نخليك حتى تشوفي المشحاح شايدير
ياقوت:😿
ياقوت ومريم مخلاوش لعبة ملعبوهاش ياقوت تروح طرد صغار وتلعب في بلاصتهم جان فلس مبقالهش دورو في جيبه شرالهم شمابغاو وخلص عليهم قاع الماكلة لي كلاوها نتفوه وقالوله يولو جان وصل ياقوت لدارهم ولاو لدار
دينيز:وين كنتي قلتيلي نص ساعة ونولي
مريم :كنت مع جان مالكي ماما
ياقوت:مشي كنتي عند ياقوت
مريم:واه جان دانا حوسنا هليكي شرالي دب
دينيز:وياقوت معاكم موينتا جان كان يهدر مع صحاباتك
مريم:راه خارج معاها اوكي
احمد:هذا فاش فالح اي لبنات وزعاقة وين راه
مريم:طلع لشومبرته
احمد:ماله مشنف علينا
مريم:معلاباليش تفكرو تبالي نسيتو صوالح بزاف
💜💜💜💜💜💜💜💜💜💜💜💜
سليمة :وين رحتي وهذا مين
ياقوت: كنت مع مريم رحنا للمانيج ماما معدناش بزاف ملي تهنينا ملحفاظا
سليمة:نعيطلها نسقسيها
ياقوت:خوها دانا وجابنا ومشينا اي للمانيج
سليمة:ندير روحي امنتك
ياقوت:ريان وين راه
سليمة :راه راقد روحي شوفيه كان اي يتقيا
ياقوت:قوتلك رقيه نتي مديتيهاش سحروهلك سحرولك ولدك صغرون تاعك
سليمة:يوخدي على وليدي سحروهلي اما رواحيلي سحرولي ولدي
ريان:شكاين علاش قاع هذ الحس
سليمة:خلاص غدوة نديك نرقيك
ريان:نرقي؟! ماما كليت برا هذا مكان ماكلة درتني رديتيها سحور
سليمة:لا مراكش مليح راهم يبانولك صوالح زواج الخدمة علاش
ريان: 🤔 نروح نرقد ونتي ممبعد نتافهمو راها توسس فيك ونتي دايرة هنا مندبة
ياقوت:🙄😂
سليمة:روح ولدي روح ربي يشفيك
ريان :انا وياك ماما
سليمة:علاش راكي تضحكي
ياقوت:😂 والو
نهدر على جنار و مليس ولا نو ونتمنى تعطوني اراء وشوية افكار وصوالح لي ميعجبوكمش باش نصحح ونطور شوية
