ياقوت :فهمتي ولا مزال
مريم :مفهمت والو
ياقوت :كينديرلك دركا نتي خصك تعاودي كلش ملول وجديد
مريم : ريان يعرف يقرا
ياقوت :يعرف يقرا انا معلباليش ليمن خرجت تحسبي عندي لعقل تع غامبول
مريم :ياقوت علاش منزوجكش علي خير من جان
ياقوت :روحي****قراي وسكتي
مريم :صحا قوليلي نتي علاش قصيرة بزاف
ياقوت :😡😡😡
مريم :هيهيهيه ني نحرش معاك برك مالكي
ياقوت :
مريم :علابالكي لكان جيت راجل نتزوج بيك عقليتك فورر
ياقوت :تعلمتي تهدري
❄❄❄❄❄❄❄❄❄❄❄
سليمة ريان روح شريلي
ريان :راني عيان
سليمة :شدرت باش عيت نوض شريلي
ريان :راني عيان
سليمة :نتاجك راهم يخدمو ويدخلو دراهم ونتا عطيها الرقاد وتقول راني عيان
ريان :صحا راني ماشي نشريلك شخصك
سليمة :كيلو سكر
ريان :على كيلو سكر نهود قاع هذ دروج ونعاود نطلع هم منروحش
قبل منجمع حسيت ضهري تكسر
ريان :اااااه ماما ضهري كسريه عاودي دوري شكون ليديك عند ختك
سليمة:نوض نوض تشري ولا نكسرهلك تع صح نوض قلك شكون ليديك عند ختك وقيلا خليت باك دارلك طونوبيل اي هكاك
ريان :ايه باش نولي شوفور
سليمة :ريياااان
ريان :هاني نضت اي متعيطيش
❄❄❄❄❄❄❄❄❄❄❄
جان يحكي مين كملنا الماتش ولينا رايحين غدر بينا هيثم وهجمو علينا مل الماتش قلبناها مصارعا حتى جاو جماعا تع رجال كبار سلكو بينا وصلت لدار مدمم بغيت نإيفتيهم باش ميشفوش وجي كِراه
احمد:جان وين راك ماشي رواح لهنا
دينيز ماش تجري لعنده
دينيز :ماله وجهك شصرالك
جان :والو مبِيَا والو
احمد:كيفه مفيك والو ونتا وجهك اي دم شدرت
جان :تعاركت مع واحد
احمد :شدرت شدرت صاي حليت عينيك هنا وراك تتعارك مع الناس مكفاوكش ڨاع معاركات تع ترك جيت لهنا تاني باغي تهبلني نتا
جان :هو تبلانا
احمد :باغي تقتلني قول باغي تقتلني
جان :تهدرو اي على الموت هذا ما على لسانكم متخافش نموت قبلك مباقيش بزاف وتتهنا مني
جان بإنفعال تاعي محسيتش غير بصفعة تكلمت في وجهي تبسمتله تبسيمة صفرا وطلعت لشمبرتي علبالي نزيد شويا نطيح درت ابرة باش نقدر نتنفس ورحت دوشت بدلت قشي وطحت نريفيزي ونسيي نفهم شي صوالح هذا حلي لوحيد باش نتهنا متنكيد تاعه
دينيز :علاش ضربته
احمد :باش يتربا ويعرف يهدر مع لكبير عليه
دينيز :راك تعدب فيه فهمه اشويا علي لمترباش معاك تعامله خير من جان علاه كيما هكا دير تفرقة بين ولادك كلما يزيد يكبر تبعده عليك كثر وكثر مين كان صغير مكنتش تعامله هكذا ودرك مين يسحقك راك تبعد فيه
احمد :منيش ندير تفرقة و
دينيز( بصوت عالي) لا لامراكش دير تفرقة انا وكرهت وهو شاه راك بغيه يكرهك راه ايبعد عليك قد ميقربلك تبعده تحسب مشي ولدك راه يبعد كثر وكثر
احمد :ولدي وندير شمنبغي راكي تسمعي مرة جايا تعاودي تعلي صوتك متفراش
دينيز :تضربني كيما راك تضربه ولا شدير
احمد :ديينييزز رااكي تنارفي فيا يا تبعدي مقدامي يا نخلطك بيك بولدك
احمد خرج ودينيز جمعت وبداك تبكي
مريم :ماما علاش راكي تبكي صاي متزيديش دورك يشوفك جان هك علابلك بلي ميبغيكش اكوني زعفانا
دينيز :مشفتيهش كي كان يدير كرهت كل اليوم زڨا كل يوم يعايره يضربه خليه يعيش مكفاهش بلي مريض يزيد عليه وكان تصراله كاش حاجا والله مني مسامحاته
مريم :ماما متقليش كيما هكا جان ميصراله والو
علي :شكاين ماما مالكي شصرا
مريم دارتله براسها خرج دوك نجي سكتت مها وراح ت عنده لشومبر تاعه
علي :فهميني مالها كانت تبكي
مريم :دابزت هي وبابا
علي :علاش
مريم :علا جال جان
علي :شدار تاني مكفاهش قاع لراه يصرا بسبته شدار
مريم :بركا متزقي سكتنا مشي اي دورك ماما كانت تبكي على جال هذ الشي
علي :نروح نهدر معاه
مريم :علي رواح لهنا علي
جان :لباب علاش راهم ديرينها باش دق
علي :شدرت باش ماما وبابا دابزو
جان :مكان مدخلك خرج
علي :ميكفيوكش قاع المشاكل لديرهم ديما ديما عياط بسبتك ملي جيت لدنيا وحنا اي فلهم و لعياط نتا نحس تعرف نحس نتا هو
جان: مممم خرج عليا و بلع الباب موراك
مكنتش نتوقع هذ الهدرة من علي بدات درتني بزاف هدرتهت درت 3 ليباري ومقدرتش نتنفس زدت ابومبا قريب تكمل وانا مزالني مقادرش نتنفس فهذا الوقت حسيت تع صح بلي غادي نموت قلبي زير عليا ولا يوجعني مبديت نشوف والو نشوف غير الضباب بديت نتقال بشوية حتى طحت والباقي مجهول
❄❄❄❄❄❄❄❄❄❄❄
ياقوت :ايه ماما تفكرت مامات مريم راها مْسَلمَة عليك وقاتلك كاش نهار رواحي عدنا
سليمة :انشاء الله مين تربحو الباك نتي ومريم نروحو نحمدولها
ريان :هنروحو نخطبو ديركت وصايي
سليمة :شقلت مسمعتش ولدي
ريان :والو راني نهضر مع روحي
ياقوت :باغي يخطب ماما باغي يخطب
سليمة :شكون هذي لراك باغي تخطبها
ريان :ديري على نص ميت ريترا تع بنتك
ياقوت :انا نص ميترا ماما راه باغي مريم صحبتي
رفزيت غاية انا ومريم بصح هبلتني باش فهمت معليش حتى انا زدت فهمت غايا مي بعد لهدرا لهدرتها مع ماما على ريان حسيت لفهمته مشا كامل وغدي نبول على روحي ونعطي ريح لرجليا هذا حلي الوحيد نسلك روحي بيه من غرويلا ريان مزيا وصلت وقفلت الباب قبل مايوصلي نخاف مريان مين يتنارفا يقتلني عادي
ريان: قارعي تخرجي وتشوفي شيصرا فيك
ياقوت :مالك نقصت لهدرا عليك
ريان :رجاي يا ياقوت باغيتي تباتي تبكي اخرجي وشوفي شيصرا فيك
ياقوت :بابا يحامي عليا قيو
ريان :دوك نشوفو راني خارج دروك اي حضي روحك نجي ونتلاقاك
ياقوت :حمار
ريان :زيدي شركي فمك زيدي
كان منتلاقاش تفاعل فهذا البارت منزيدش نحط لبارت
