ريان:وشبيكم علاش لحس هذا كامل
مريم:سمع لحمارة هذي باغيا تكويلك ولدك
عبد الرحمن:انا نروح احسنلي😂
ياقوت :ونكويك نتي بقرة
مريم:مرت ابو ودنين
ياقوت:زعما نتيا راجلك شباب كرشه كبيرة
ريان:😕 انا علاش راكم دخلو فيا تبقاو على خير مريم مين تكملي نسحقك فشموبرا 😉 ايه وزيد نلعب صبور معنيش كرش عندي لي زابدو
ياقوت :حمار حشم على روحك
ريان:قودي بعيد نهدر مع مرتي شحشاك نتيا
مريم:ايي كيفاه تحكي مع حبي هكذا نتا منجيش نرقد معاها ليوم
ياقوت:🙂😜 كيما حبيت
مريم:ياقوت راكي تبيعي فيا
ياقوت:احبيبتي روحي باتي مع راجلك وانا نروح نرقد ولله عيت تصبحو بخير
ريان:مشات وخلاتك اي تمشاي قدامي
مريم:مزال مشبعتش مزالني جيعانة
ريان رفدها ودخلها لشومبرا منزيدش نقولكم الباقي عيب 🙃
🌞🌞🌞🌞🌞🌞🌞🌞⛅
صباح جديد
ناضو كامل كل واحد راح لخدمته ريان راح لشريكة ياقوت راحت لسبيطار اما عبد الرحمن خرج يقضي شالازم لدار ومريم وسليمة ناضو يخملو
اما جان بعد مفاق تلاقا دينيز موجدتله لقهوة تقهواو هو راح يخدم واحمد جمع يقرا فالجريدة. ودينيز تغرس فنوار جديد لجنان تاعها
نروحو لسبيطار وين مكان جان وياقوت جان لوقت كامل وهو يخمم في ياقوت علاه مزال مبانت اما ياقوت فكانت تخدم فالقسم زاوج مسبيطار ونفس شي يدور في راسها علاه مزال مبان مين جا وقت لفوطور ياقوت هي وليلى راحو يفطرو فالمطعم قريب وجان تعرف على طبيب وفرملي من نفس سن تاعه وخرجو هوما تاتي يفطرو في مطعم خلاف
ليلى:ياقوت هذك مشي اسلام شكون لي راها معاه
ياقوت:(بعد مادارت تشوف)بلاك خته لي قالي عليها نروح نسلم عليها ولا يرهجني بالهدرة وحد رهج لصقة ميسكتش
ليلى:وعلاش راكي باغية تتزوجيه مدام متحبيهش
ياقوت:اي علا جال بابا وماما خطرا شفت ماما تبكي مسكينة حاسبة كاش مراه صاريلي ودوركا معندي حتى حجا كنت نقول نكمل قرايتي كملتها حصلت بالهايشة هذك
ياقوت وهي واقفة فوق راس اسلام
ياقوت:اسلام
......:بابا شكون هذي
......:وي اسلام شكون هذي
ياقوت(وهي مشوكية):سمحيلي مدام مجيتش نديرلكم مشاكل اي شفتو حبيت نسلم عليه
.......:وين تعرفو بعضاكم باش تجي تسلمي عليه وهو مع عايلته
اسلام:متكبريهاش بزاف
ياقوت:تقولها ولا نقولها انا
اسلام:😐
ياقوت:معليش نقولها انا
.....:واش تقولو هذرو
ياقوت:نو اي حبيت نقولك حنا زملاء كنا نقرو مع بعض حبيت نشكره برك على المعروف لي داره فيا
......:معليه ونتمنى تبعدي عليه
ياقوت (تبسمتلها تبسيمة صفرا وراحت)
ليلى:تعرفتي عليها
ياقوت:رخيس طيحان خرج متزوج ويلعب عليا
ليلى:مكانش منها اسلام متزوج
ياقوت:نتمنى تبعدي عليه (وهي تقلد فيها)نوضي نروحو
ليلى:صحا بركي متاكلي في جنونك(خلصت حق ماكلا ولحقتها)
ياقوت:شفتي طحان حمار ويقولي نحبك ونتي طفلة لولة لي دخلت حياتي
ليلى:خلاص ربي يعوض تهنيتي منه مشي كنتي تقولي لصقة
ياقوت:ياااو انا معنديش زهر فالحب وخرطي هذا كامل يروحو وخلوني
ليلى:مالكي كليتيلي راصي بيروحو ويخلوك شكون لي راح وخلاك
ياقوت :حتى واحد تمشاي وسكتي
ليلى:بيناتنا طبيب لي جا جديد بقلاوة ياجدك انا باينتلي ندور بيه
