مريم:حتى تشوف نقطة تع الباك مهبول نتا نقول البابا سرقولي تيريفون يشريلي وحدخر
جان :سيي زهرك
مريم:نتشارطو
جان:حتى لاتشرطنا نتي شعندك تمديلي
مريم:نشوف
جان:صايي سكتيني
مريم:جان
جان:بلعي فمك عليا ونستخبر بلي هدرتي معاه ولا تلاقيتي بيه بلا منخبرك نتي راكي عارفة
مريم:راك حاسب روحك راك فترك تتمشى اي مع المافيا
جان:علاه هنا منتمشاش مع المافيا ولا كيفاه
مريم:منظنش مراكش دير ديڨات كيما عوايدك
جان:سمعي مليح وحلي ودنيك نستخبر برك بلا منشوف ندبحك
مريم:😱 ولا شهدو زور فيا
جان:لي دايرهم يتبعوك ميشهدوش زور سمعتي
مريم:مالا وليت لطبيعتك وراك تتمشا مع لكلوشارا دورك كاش نهار يضربوك بخدمي كيما هذك العام قريب تموت ومزالك متربيتش
جان:مكان مدخلك ايا نزلي عليا
مريم شافت وين مراه يشوف جان تلقاته يتفرج في ياقوت وهي نازلة ملوطو
مريم:كليتها بعينيك
جان: 😒
ياقوت: مريم مريم
مريم: صباح الخير صفا
ياقوت: مالهم عنيك
مريم:ممبعد نحكيلك تمشاي........
بعد مادارو لعلام وطلعو لكلايسهم كان عندهم حصة تع رياضيات مع علي
ياقوت:حكيلي مالهم عينيك
مريم:سكتي علي راه يشوف فينا راه يشكم كلشي لبابا مخصنيش
ياقوت:اوكي
مزال جان يحكي
بدات نفس ديق فيا كنت حاسهة صبرت مين مقديتش نزيد كثر جبدت بومبا وبديت ندير بيها مزيا كنت مجمع فتالي مين شافوني هكذك قعدو يبحلقو فيا تحسب جامي شافو بنادم يدير بومبا ومنهدرش على صحابي لقعدو مشوكيين
اسلام:فيك ربو؟
جان:اممم
علي:جان لمراكش قاد تقدر تخرج شويا
اووب وقاع الكلاسة شافت فيا قحرتله وخرت حتى لقيته قدامي
علي:راك مليح
جان:مليح مشي مليح يهمك نو ايا بعدني
علي:جان
ياقوت:جان عنده ربو
مريم: وي
ياقوت:علاش مخبرتينيش
مريم:لبغا يخبرك وحده خير
ياقوت:كيفاه يخبرني وحده
مريم:نفرحك شويا ولا خطيك
ياقوت:هدري خطينا من تبهليلك
مريم:ممم لبارح جان قالي دمونديلي صحبتك
ياقوت:شكون صحبتك😢
مريم:عندي صحبتي منغيرك الهايشة
ياقوت: خلعتيني شولا راكي تزعقي عليا قل عليه شا يدوموندي يدمونديني انا مشفتيهش كيش يهدر معايا ديجا منقبلش
مريم:باغين تهبلوني علبالكي باش قنعته نقولك ليوم بلكشايف قالي حتى مور الباك وقوليلها ونتي دورك تقوليلي لا
ياقوت:صح بصح خلي لجمعة رواحي عندي ومبعد قوليله قاتلك واه باش ميقولش رها كالبا عليا
مريم:منقدرش نجي جمعة
ياقوت:علاه شعندكم
جان :باغي تقعد هنا ولا كيفاه خليني نتنفس شويا
علي :راني داخل ومطولش مشي تحكملك هنايا
ياقوت:موينتا وهو فايقلك
مريم:معلاباليش وقولي لريان بلي منقدرش نهدر معاه هذ اليامات
ياقوت:ولله لاغايا نتي ميخليكش تهدري وانا يدومونديني باش منلتهاش لقرايتي
مريم:ااربي افهمي باش قالي بلي هيا مشي كيما لخرين باينة بلي ميزعقش عليك
ياقوت:معلباليش
مريم:ربي يخيك منغيضكش
ياقوت:لكان منقبلش ميخليكش تهدري
مريم:سمعي بمختصر خويا يدبحني عادي ميخممش فلعواقب ممبعد تعرفيه مليح
ياقوت:اااه خوك سفاح
مريم:ياقوت
علي:وقيلا عجباتك شياخة نتي وصحبتك ايا برا
مريم:بصح
علي:بـــــراا
محمد:ااو شيخ متنساش عدنا باك مين طردهم وضيعلهم كاش معلومة يقعدو في رقبتك
سيرين:نيشان
...:عندهم الحق شيخ
علي:وليو لبلايصكم
فاتو 2 سوايع قراية موراها استراحة
سرين:مريم استاذ تع المات راه يظل يعس فيك واقيلا طاح على راسه
جيهان:ولله لانيشان قاع ميحطش عينيه منك
مريم وياقوت شافو في بعضاهم وطرطقو بضحك
مريم: ههههههه علي ههه يعشق فيا
سرين:واه شافيها وزيد صغير وشباب قاع شيرات يعشقو فيه لكان مجاش جان ههه
ياقوت:استاذ علي خوهاهههه
مريم :ههه علي خويا وراه يعس فيا باش يقول لبابا شني ندير
سرين:مكانش منها
ياقوت:كاين كاين
جيهان:صحا قوليلي شكون لكبير نتي ولا جان
مريم:شعال عندي وانا نقرا معاكم انا وجان توأم وديجا حنا وعليعدنا نفس اللقب
جيهان:بصح هو عينيه زرق ونتوما لا
مريم:علاه لازم قاع العايلة يجي عينيهم كيف كيف مثلا جان عنده غمازات انا لا وزيد توأم عادي
سيرين:جان عنده ربو
مريم:فكرتيني دقيقة ونولي
سيرين:بصح هوما مشي تركيين علي عنده هذي شعال وهو يقري هنا
ياقوت:هوما كانو عايشين لهيه مدام الحفيد الاول جده رباه يعني عاش هنا في دزاير
جيهان:بصح جان شباب بزاف
سيرسن :مشي اي شباب يهبل لكان اي يشوف فيا قاع ميقيمش سعداتك نتي يظل يهدر معاك مدام صحبت خته
ياقوت داقتلها وغارت مين شافته يهدرو عليه قريب طارت عليه قتلتهم عاود تفكرت بلي راه باغي يكون معاها طلعلها المورال لي طيحوهلها
جان:مريم مشي علي هبلني زدتي نتي جيتي كليتيلي راصي بلهدرة
نسقيك برك هذا لي راكي تهدري معاه شعال يفليكسي فنهار
مريم:😒 يأكتيفي تع شهر😜
جان:ايا طيري
مريم تحكي
قولت قبل ماتصوني نروح لطواليت خفيف ونولي حتى نشوف كليكا تع بنات جاية مجيهتي مديتهاش حتى جات وحدة مهذوك لبنات كرزاتني مع الحيط باينة هي شاف عليهم
.....:سمعي مليح راني نشوف فيك دوري بجان بزاف وتجي معاه فلوطو سمعي جان تاعي انا وبرك
مريم هذو مالهم لهذ الدرجة جان ميشبهليش منوقعش هههه انا ودارو هكذا مالا ياقوت يستخبرو بيها يقتلوها
مريم:بعدي ملهيه هذا مخصني ندابز مع وحدة كيفك
.....:تزيدي دوري بيه منتفاهموش
مريم:ولا درت بيه شديري
جان كنت نتبع في مريم بعينيا حتى نشوف فكليكا تع بنات حكموها قلت عادي شيرات ااوه كرازاتها منتفاهموش على هذي مين وصلت عندهم تلاقيت وحدة ملبنات غادي تضرب كف لمريم ولخرين حاكمين مريم ميديها
جان:الاول والاخر مرة وحدة فيكم تمد يدها عليها نوريكم نجوم الليل في عز النهار
.....:اه جان هي راهي دور بينا
مريم:كذابة
....:موك _-#*#- كذابة
جان:سيرت ما متجبديهاش على لسانك نقصهلك
مريم:جان طلقها خلاص راهم يشوفو فينا
....:طلقني معلاباليش بلي ختك ولله ما علابالي
مراقب:طلق شيرا وتمشاو قدامي للبيرو نتفاهمو
جان:طلقني
جان ومريم وديك شيرا مشاو للبيرو تع المدير ومراقب خبره شا شاف عطاهم استدعاء لولي الامر واندار لجان لخطرش مد يدو على شيرا اكيد هي زادت معندها ودمعت شويا وبعدها ولاو لكلايسهم
استادة :وين كنتو علابالكم وينتا صونات
جان:كنا عند المدير
الاستاذ:دخلو
فاتو سوايع الباقيين عادي مع اسئلة تع ياقوت وصحاب جان بعد مولاو لدار تلقاوهم كل ملمومين فصالة جان قاسلهم استدعاء وطلع لشمبرتهم
احمد:ااي شولا هذا وين راك ماشي
جان:مريم تقولكم شوا هذا
قاع شافو في مريم بعد ماحاتلهم شاصرا
احمد :كيما هكذا يضرب بنات ناس
مريم:مضربهاش هي كذبت
علي:معامن غادي تجي نتي معاه مشي معاها
مريم:مالك داير كيما هكا
دينيز:ايه هو دافع على خته باغيه يخليهم يضربوها ولات كيما هكذا بنتك تنضرب ياك نورمال......
منقدرش نوصف فرحتي نشكر لكل لي شجعوني باش نكملها ميرسي 😘😘
بربي يفوتو يامات هذو لانو راهم يجونا ضياف خويا ربح سنكيام منقدرش نكتب فالوقت الحالي راني حاصلة مع ماعن وتسياق 😢
🌹
