نهار جديد
ياقوت
بديت نحضر لإنتقامي من خويا لعزيز قشرت تفاح وقطعته درت طارطة صغير تع تفاح وباش ميفقليش درت فيها نكهت تع تشين وقبل ما ماما تنوض لميت صولح باش متفيقليش لخطرش تقتلني عادي لكان تستخبر بيا
سليمة :شدرتي
ياقوت:درت قاطو باش نتقهواو
سليمة :راني ماشيا عند عمتك باك مشا يخدم ومين ينوض ريان دريله يتقهوا
ياقوت :عمتي مشي مشيتي عندها لبارح
سليمة :راها مريضة
ياقوت :اااصحا ربي يشافيها
ريان :شكي ديري
ياقوت :طيبت لخويا لعزيز طارطة باش يسامحني
ريان :ايا حطيلي
ياقوت :شاتشرب قهوة ولا لتاي
ريان :واو تسقسيني شانشرب وكلش
ياقوت :انا شعال عندي مريان
ريان :نعرفك بلي نتي لفعة
ياقوت بدموع تماسيح :انا نطيبلك باش تسامحني ونتا تقولي لفعة
ريان :صايي متبكيش ديري ليتحبي وسكتيني
ياقوت :راني جايا تموت على كرشك
ياقوت :دوق وقولي لعجباتك
ريان :بنينا مي شاكي دايرة فيها
ياقوت :كول ومتحوسش
مفعول تفاح بدى يخدم
ريان :ياقوت كرشي شاكي دايرة في طارطة
ياقوت : تفاح
ريان :كرشششي ينلعل راسا تاعك
ياقوت :راك مدرور بزاف
ريان :راني نموت كرشششي
ياقوت نمدت على ليدرته بدا يتقيا وجهه صفار معرفتش شاندير راه يف باينا بلي راه موجوع
ياقوت :صبر نعيط لبابا
ريان :خفي روحك
ياقوت عيطت لبابا جا داه لطبيب وانا قعدت نسيق شادار ونبكي
سليمة :مالكي راكي تبكي وعلاش راكي تسيقي
ياقوت :ماحسادنيش بلي يصراله هاكاك
سليمة :شكون هذا هدري ومتبكيش باش نفهملك
ياقوت:ريان
سليمة:ماله ريان
ياقوت:وكلته تفاح
سليمة :شادرتي مهبلتيش وين راه دورك
ياقوت:بابا داه لسبيطار
سليمة :عيطي لباك سقسيه
❄❄❄❄❄❄❄❄❄❄❄
مريم ولات تعاسة في دارنا كل واحد في شمبرته انا وعلي منهدرو ومنشوفو في بعضانا ماما مسكينة ملي خبروها بلي جان راه مريض وهي تبكي و تخمم كيفاه نخبروه بابا حتى لدورك ولى يتحسر على ولده حتى ليوم باش تفكر بلي عنده ولد اما جان ملي جا لبارح وهو راقد مين نضنا صباح بدينا نفكرو كيش نخبروه
سليمان :روحو نوضوه
احمد :خليوه يزيد يريح
علي :بابا دورك كيفاه نخبروه بلي راه مريض
احمد :منخبروهش
دينيز :كيفاه متخبرهش راه مريض بلقلب مشي مرض عادي ودواء كيش نمدوهله
احمد :نخمو بكاش حل
سليمان :متخلطش بزاف هذا مرض وهو لي راه مريض يجي نهار ويعرف
دينيز :مريم روحي نوضيه يتقهوا
مريم كنت ماشيا نوضه حتى نشوفه واقف حدى لباب باينة بلي سمع كلش
مريم :جان. كنت جاية نوضك
احمد :رواح ولدي جمع تقهوا
جان :وليت ولدك دوركا
دينيز :جان شهذ لهدرة باينة بلي ولده ها ولدمن
جان :مخصنيش شفقة تاعكم شوا لفرق بين لبارح ودورك ااا لبارح مكانش علبالك بلي مريض ودورك علبالك هههه
احمد :كنت نبغي نديرلك لقلب ونخرجك راجل
جان :هههه بغيت ديرلي لقلب نتا لقتلته جامي دير لقلب لبنادم بديك طريقة انا راني هاكا بسبتك
سليمان :جان علاش هذ الهدرة
جان :جدي نتا مشت والو شكان داير فيا قولي هديك تع نتا مشي ولدي نكرهك وبزاف صوالح متقوليش كنت ديرلي لقلب بيهم
علي :جان خلاص
جان :نتا بدات متحلش فمك ومتهدرش معاياا
علي :علاش منحلش فمي ع لهدرا لهدرتها
جان :لهدرا معاكم متنفعش اي توجع
دينيز :جان وين راك ماشي
جان :لجهناما الكحلا
.....جان :الو شهين نتلاقاو
شهين :وين
جان :فصطاد تع لبارح
شهين :نلغا لجماعة ونجيو
جان :راني نستنا
جان مين تلايما شرينا قهوة كنت ميت بجوع بلعولي لابيتي
اسلام :جان مالك راك ساكت جبتنا باش تسكت
جان: نروحو نديرو صبور
شهين :قولنا واش بيك
جان :والو ياله
جان درنا صبور درنا شويا تعشيت برا مع جماعة وليت لدار مع تسعة تع ليل باش منسمعش لحس بزاف
دينيز:جان ولدي وين كنت
جان :ماما راني عيان خليني
دينيز: صح روح ريح شوية ورواح تتعشا
جان:تعشيت
دينيز:وين تعشيت
جان:راني عيان خليني
دينيز:مزال مشربتش دواك
جان :منشربش
احمد:علاش شريته مدام متشربهش
جان :مشي انا لقتلك شريه روح صدقه على كاش مسكين
احمد:جان متهبلنيش وتخليني نهدر هدرة
جان :راني رايح اي متهبلش
❄❄❄❄❄❄❄❄❄❄❄
ريان مين نضت وشت ياقوت دير هكاك عرفت بلي راها موجدة حاجة مي مكنتش متوقع توصل لتفاح مين كليت حسيت روحي غادي نموت فسبيطار غسلولي كرشي دارولي ابرة باش تخففلي لوجع وسيروم مين كمل سيروم خرجوني بابا كان اي يحلف مين وصلنا لدار بات تبكي ودمع راها منرفيتني
عبد الرحمن :ياقوووت
ياقوت :ريان راك مليح
ريان :متهدريش معايا
سليمة :ولدي راك مليح شره يوجعك
ريان : كرشي راها درني شوية راني ماشي نرقد
عبد الرحمن:ياقوت بغيتي تقتلي خوك مهبلتيش علبالك كان مديناه لطبيب بكري لكان مات
ياقوت :معلباليش بلي يصراله هاكاك
عبد الرحمن :علاش درتي هكا
ياقوت:هو ضربني وقتلي بوبي
سليمة :مزالها تقولي بوبي روحي جيبه نوريك بوبي
عبد الرحمن :على دبدوب بغيتي تقتلي خوك
ياقوت:منعودهاش 😭😭😭سمحوولي
عبد الرحمن:مين يسمحلك خوك رواحي هدري معايا ودورك طيري لشمبرتك
ياقوت:😭😭😭😭😭
🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷
في تركيا
مليس(تهدر بتركية):منتزوجش بيه نكرهه
توركان(الام):راكي باغيا خوتك وباك يقتلوك
مليس:نموت ومنتزوجش بيه
توركان :نقولك حاجة اي جنار لتتزوجي بيه وجدي روحك
كنان(الاب):وين راها بنتك
توركان :راها توجد في روحها
كنان :والله وتبهدلوني قدام الناس لقتلتها وشربت من دمها
مليس :ااوووف كي ندير ياربي
اسيل:وجدتي ولامزال
مليس:اسيل ختي ربي يخليلك ولادك هربيني
اسيل :هبلتي نتي
مليس:منعرفهش جامي شفته راكي بغيا ختك صغيرة تتزوج بواحد متحبهش
اسيل :معندي منديرلك حلي عينك ديري حاجة هاك ولاهاك محمود يقتلك
مليس :يقتل هديك لفعة تع مرته هي لحرشاته
اسيل:هياختي وجدي روحك لي يجي معند ربي مليح
مليس بنت في عمرها 23سنة جاية طويلة ومعمرة عينيها صغار قارية ومتقفة باها سيف عليها زواج مواحد متعرف غير اسمه وخدمته
توركان :مليس راهم وصلو خفي روحك
اسيل :هيا
مليس دارولي عرس قاع ناس سمعت بيه عرس لكنت نتمناه بصح مشي مع لبنادم لنحبه انا نبكي على زهري وناس حاسبة راني نبكي على ولديا لغادي نبعد عليهم كمل العرس ومشينا للاوتيل جبدتله موس ودرته حدا عنفي
مليس:متمسنيش لكان تمسني نقتل روحي
جنار :بسم الله الرحمن الرحيم مهبلتيش
مليس:واه هبلت قتلك تقرب ندبح روحي
جنار :صح منمسكش حطي لموس
مليس:وعدني
جنار:ولله منمسك ومنقربلك
مليس:خرج
جنار :وين نخرج هبلتي نتي
مليس :ترقد فوق فوتاي
جنار:حطي لموس ميدك
مليس:شقلت
جنار:خلاص كيما تحبي حطي الموس
جنار 28سنة طويل وعريض عنه سلسلة تع شركات ورتهم على باه ماماه مرضت بسرطان الثدي حبت تزوجه هي لخيرتله عروسته اما عروسته درتلها مفاجأة نهار عرسه وفبلاصت مايبات عريس بات فوق لفوتاي
هولا بارت جديد بغيت ندخل ناس جدد باش متجيش قصة باسلة ومملة ونشالله يعجبكم البارت ونبغي تفاعل باش ندير ليبارت بلخف
