🌞⛅ صباح جديد
دينيز:مريم عيطي لعجوزتك وياقوت باش يجو يفطرو وسلمى نتي تاني لموك وخواتاتك
مريم:ماما ياقوت متجيش علابالي
دينيز:علاش متجيش تجي بسيف عليها قولها لكان متجيش نزعف منها
مريم:اوكي درك نقولها
دينيز بمناسبة رجوع جان بعد 6 سنوات غياب دارت عزيمة لافامي وجيران
دينيز:عيطيتيلها ولا مزال
مريم :راني ماشية
سلمى :ماما شخص تاني .....
مريم:بونجوغ بيبي
ياقوت :بونجوغ واش كاين على صباح ربي
مريم:رواحي عدنا لدار نتي وماما وبابا لفطور ومدابيك تجي بكري تعاوني
ياقوت:دورك نقول لماما بصح انا منجيش عندي خدمة
مريم:حسبتني حمارة ولا كيفاه ليوم نتي متخدميش واك ديما تصبحي راقدة فهذا النهار وماما قاتلك نزعف. منك لكان متجيش
ياقوت:مريم ربي يخليك منيش قادة منجيش خليني
مريم:ولله وماتجي ماتعرفيني منعرفك راكي تسمعي
ياقوت:اووف منك اووف راني جاية
مريم:حيبيلي معاك روبة لي شريتها جديدة راهم جايين بنات عمي مغيارات تفو كمامير شر
ياقوت:كوبي خليني نروح نوجد روحي
بعد ماكوبات مريم راحت تعاون وياقوت خبرت مها وجدو رواحهم وقلعو لدار احمد ياقوت قاع طريق وهي تخمم في جان كيش ولا لانساها ولا مزال يخمم فيها
ياقوت(بينها بين روحها):شامزال يخمم فيك هبلتي ياقوت هبلتي راح وخلاك بلا سبب مزال يزيد يتفكرك
سليمة:ياقوت راني نهدر معاك وين مشيتي
ياقوت:راني هنا شوا
سليمة: نزلي وصلنا
شافت فدار تنهدت ونزلت مطونوبيل
دينيز:مرحبا مرحبا تفظلو مزيا جيتي كنت نزعف منك
ياقوت:نجي طاطا كامل زين هذا ومنجيش عنده وينها مريم
دينيز:راها فالكوزينة روحي عندها تفظلي سليمة
سليمة:يزيد فظلك
نولو لجان لي كان راقد جان يحكي
كنت راقد رقدة متنشبعش حتى نسمع الحس الهدرة تحسب عرس نضت دوشت بدلت قشي ونزلت باش نتقهوا بديت نشوف وجوه هذي شعال مشفتهمش مرت عمي لقاتني فطريق قريب خنقتني وهي تسلم علابالي مفوق قلبها هربت منها ودخلت للكوزينة اول مادخلت قلبي قريب يخرج مبلاصته ياقوت شفت لقلب تاعي كي تمنيت نعنقها ونقولها بلي توحشتها بزاف بقيت نتبسم وحدي وانا نشوف فيها زيانت بزاف ولات بومبة تع زين مي مزالت قصيرة قزمتي وليت لعقلي مين قاتلي سمحلي خويا بعد اه مين جيت خوك انا وينتا صرات هذي شكون قال هذل الهدرة انا خوك
ياقوت:سمحلي نخرج
جان:ياقوت
ياقوت:بعدلي خليني نخرج
جان:ياقوت دقيقة
بعداته وخرجت وهو قعد يتفرج فيها حتى مبقاتش تبان
مريم:جان خصك حاجا
جان:مخصني والو تبلعت لابيتي
مريم: نتا مشيت وخليتها متلومهاش
جان لكان غير معلابالهاش علاش مشيت شفت فيها 😒وخرجت
سلمى:يعرفو بعضاهم
مريم:اممم
