قصص فقط:
#الشيخ_فهد_والعنودية
البارت الرابع
البنات.صار يابه
ابو نور.يله بابا عمر شغل السيارة خل نتوكل
عمر..اي ماشي يله يالله
نور..وصلنه بيت عمي بيت جبير كولش والكراج مالتهم والحديقه والشارع متروس زلم وكولهم لابسين عكل ودشاديش صراحه معرفت عمامي منو منهم بس اكو واحد بيهم شافني وانصدم عبالك يعرفني لو شايفني مدري اتعجب ع جمالي
فهد.. واكف برة بالكراج ودخلت سيارة بيهه عائله ولمحت بيهه البنيه ام عيون الحلوة يربي هاي شعجب جايه هنا معقوله صديقة العروس لو كرايبهم بس شيجيبهم هنا غير تروح لبيت العروس هاي شبيك فهد كمت متعرف تفكر شنو معقوله كرايبنه يسويهه البخت والحظ وتطلع من عدنه واني مادري استحيت اروح وراهم هسه عبالهم داتفرج ع نسوانهم بس التفكير اكل راسي احسن شي اخابر ع هدى تتأكد منهه
هدى.. الو ها فهد
فهد..هدى هسه لمحت وحده تشبه البنيه الشفتهه بالكليه مالتج اتأكديلي منهه هي نفسهه لو اني غلطان
هدى.. معقوله يطلع تفكيري صحيح
فهد..شنو البراسج شفكرتي
هدى..لا هيج يله خل اروح اتلكاهم حتى اتاكد
فهد..اوك باي
هدى..سديته وطفرت للباب مال ديوان النسوان حتى اشوفهه والصدمه جانت هي نفسهه وياها بنات اثنين ومرة جبيرة وامهن اخذت امي بالاحضان واثنينهن دمعت عيونهن ويتعاتبن وهي شافتني هم انصدمت
نور..شفت هدى انصدمت يعني تفكيري جان بمحله معناها هي بنت عمي صحيح وامهه وامي اتحاضنن واتباوسن يربي شكد الدنيا صغيرة وياي نفس القسم ومحد تعرف الثانيه صراحه دمعت عيوني بس الحمدلله رجعنه التمينه من جديد
هدى..حضنتهم للبنات وسلمت عليهم وهمه هم سلموا علينه وكعدنه نسولف وكالت من قريت اسمج اني شكيت بس متوقعت يطلع شكي صحيح كتلهه حتى اني صراحه استغربت بس يله الحمدلله ربج جمعنه بعدين اتذكرت فهد يووو غير اخابرة واكوله شراح يصير بي اذا عرف يمكن يطير من الفرح خل اتصل
فهد..ها هدى ؟؟
هدى. اريد البشارة شتنطيني
فهد. شنطيج ولج شتريدين
هدى. تعلمني السياقه
فهد.هههههه القزمه تريدين تسوقين
هدى..ماشي ياعيني ماشي اني رايحه ديصيحولي
فهد..تعاي تعاي اشاقه اوك موافق يله كولي
هدى..اسمهه نور وطلعت بنت عمك
فهد.😯😯شنوووو؟؟؟؟
هدى..مثل مداكولك نور بنت عمو محمد تتذكرهه ام كصايب الجانت صغيرة
فهد..😐😟ااي ولج ااي اتذكرتهه بس مجنت متوقع يحضرون العرس ع الخلاف الصار بيناتهم
هدى.. ااي سبحان الله ربك عبالك راد يهدي النفوس حتى يجمعكم الحمدلله
فهد..يله روحي خل اروح اشوف عمي محمد وين اسلم علي
هدى...هههههههههههه ااي اركض اركض سلم عنده بنيه تسوة
فهد.. امشي لج قابل بس علمودهه غير صار سنين مشايفهم لا عمي ولا عمر
هدى..ااي ااي😂
نور..كاعده وماعرف احد بيهم ومستحيه منهم بس نادين الفطيرة كاعده تتشاقه وتضحك وياهم عبالك تعرفهم من سنين ونرجس حايرة بجهالهه كمت من مكاني كلت اروح اساعدهم خطيه ولو بشي بسيط مخبوصين وهوسه
طلعت للمطبخ لكيت عماتي ونسوان عمومتي شافوني اتعجبوا بيه واني استحيت منهم وحضنوني وباسوني كتلهم اساعدكم بشي كالوا لا خاف ملابسج تتوصخ كتلهم مو مشكله جايبه وياي غيرهن ضليت احضر بالاماعين والزلاطه واجه للمطبخ شاب عيونه رصاصي وابيض وطويل وسكسوكه خليجيه سبحان الخالق ولابس دشداشه ومسوي اليشماغ لفه اماراتيه خطف نضراتي بسرعه
فهد..رحت ع عمي وعمر سلمت عليهم ورحبت بيهم وبعدين التهيت بالتحضيرات وعمي ابو رافد طلب مني اجيب الاماعين مال الهبيط حتى اوديهن للمطعم يسلفنون الاكل بيهن ويجيبوا ورحت للمطبخ واني واثق المطبخ بس نسوان عمامي وعماتي البنات ميخلوهن يدخلن للمطبخ حتى محد يشوفهن ومن طبيت انصدمت بيهه شفتهه هي ااي هي كلبي انخطف شطالعه شلابسه هاي فستان اسود مخصم وتفاصيل جسمهه بارزة وعيونهه تذبح ورموشها وحواجبها وشعرهه مفتوح لونه يخبل انصطرت من شفتهه معرفت شحجي بعد وهي هم انصدمت بيه وعماتي كالوا هلا فهد عرفت هاي بنت منو
نور..اني استحيت ودنكت راسي وحطيت الشال ع شعري
فهد.. ولا صغرا بيهه معرفتهه
عمة فهد..هاي نور بنت عمك محمد
فهد.. يا هلا ومرحبا نور شلونج وين هالغيبه انشالله بخير
نور.. استحيت كولش ومعرفت شجاوب وبصوت ناصي كتله الحمدلله بخير
فهد.. اني من شفتهه هيج لابسه وطالعه كيكه ماعرف اتمنيت لو اضمهه بكلبي حتى محد يشوفهه حسيت نفسي غرت عليهه وكلت لازم اخليهه تطب جوة حتى محد يلمح هذا الجمال غيري وكتلهه نور بلا امر عليج ادخلي جوة يم البنات ولتوكفين هنا بالمطبخ لان الزلم يدخلون هنا وميصير انتي تبقين
نور.. ااي اني بس حبيت اساعدهم خطيه وكملت كولشي راح ادخل ماشي ودخلت جوة واني كلبي يدك حيل حيل ماعرف شصارلي يربي هذا ابن عمي وشنو هالجمال سبحان الخالق نور هاي شبيج بس لا اخذ عقلج لتنسين انتي عندج طموح عوفي هالخرافات وهسه يطلع متزوج هههه لان مبين مو صغير وانضرب بوري انعجبت بي ع خالي بلاش يله اروح اتعرف ع باقي البنات احسلي...يتبع
