قصص فقط:
#الشيخ_فهد_والعنودية
البارت العاشر
نور..خواتي ضلن ببيت عمي ابويه كال باجر اروح اجيبهم بس احنه رجعنه اني ممصدكه شفت غرفتي سبحت ونمت ارتاحيت الصبح اتصل عليه رقم غريب مجاوبت كلت اكيد هذا مهند اتصل هواي ورة شويه وصلتني رساله اني فهد افتحي خط اريد اتطمن عليج ضل بالي اتصل عليه فتحت خط رأسا كلت الوو
فهد. الوو صباح الخير اميرتي
نور.. صباح النور
فهد.. شلون صرتي
نور.. الحمدلله
فهد.. بالي يمج حيل خفت عليج وخفت لا اخسرج بالمستشفى مكدرت الزم نفسي من شفتج هيج متخربطه ووجهج اصفر والليل كوله منمت واتمنيت اخذج يمي واني اداريج
نور.. ههه هالكد خفت عليه لتخاف ما اموت باقيه ع كلبك
فهد.. الله يحفضج اليه اميرتي هسه ياله ارتاحيت وراح انام
نور.. ليش انت منايم
فهد.. برأيج اكدر انام وانتي مريضه
نور.. ههه يله ليضل بالك اني صرت زينه روح ارتاح ونام
فهد.. اميرتي
نور.. نعم
فهد.. احبج ياعمري
نور.. ☺
فهد.. شوكت اسمعهه منج
نور.. انت شكد عجول
فهد.. هاا ههههه يله يابه براحتج عيني بااي
نور.. باي سديته ونزلت غسلت واتريكت ويه امي وابويه طالع يجيب خواتي من بيت عمي وامي كالت لو تشوفين البارحه فهد شلون جان متخبل عليج من دون الكل عاند اله يجي ويانه للمستشفى شلون عنده شهامه وغيرة حرامات عفناهم هاي السنين كولهه زعل
نور.. ااي يله الحمدلله ع كل حال .حسيت نفسي خجلت من امي حجت هيج ومعرفت شجاوب بعد اتريكت وبستهه وكتلهه صاعده ادرس وصعدت درست ورة شويه اجتني رساله من رقم فهد احبج ضحكت وكلت بعده منايم رديتله شوكت تنام اذا انت اتمرضت اني ترى اضوج
فهد.. لا كلشي ولا تضوجين رايح انام .... احبج اميرتي
ثاني يوم صار الدوام وداومت ولكيت هدى وفهد بالباب منتضريني
نور.. صباح الخير
هدى.. صباح االخيرات كلبي شلون صرتي خفنه عليج والله
نور.. الحمدلله والله احسن
فهد.. شلونج
نور.. دنكت راسي وخجلت وجاوبته الحمدلله
فهد.. يله ادخلوا راح تتأخرون هنا هدى بعد ماوصيج ديربالج عليهه بغيابي
هدى.. لتوصي حريص اغاتي ههههه
نور.. مدري شصار بيه من شفته حالي كوله اتخربط واحساس حلو بداخلي يمكن حبيته ااي ماكو غير تفسير لهذا الشعور دخلنه كلمن بشعبتهه مرت الايام ومهند مضايقني كولش وفهد يتصل عليه ويجيني للكليه بين فترة وفترة ومرة من المرات شافني مهند ويه فهد خزرني ومشه وراها راح فهد دادخل للقسم مالتي واتصل عليه فهد داجاوب مهند صار كبالي
فهد.. اتذكرت ردت اكولهه اني اجي اوصلج للبيت اتصلت عليهه مفتحت خط رجعت دخلت داحجي وياها وشفت واحد ديحجي وياها وكفت اسمع الحجي حتى ما اضلمهه وما احكم عليهه غلط
نور.. خير مهند شتريد
مهند.. لتحجين وياي بهذا الاسلوب اني صار سنين رايدج واتصل بيج واتقرب منج وتبعدين عني وتكذبين عليه تكولين ماحب ارتبط وانتي طلعتي كذابه عندج غيري
نور.. احترم نفسك والزم حدودك واني ممكذبه عليك وممجبورة ابرر الك تصرفاتي
مهند.. اتنرزفت من حجت هيج وياي ولزمتهه من ايدهه وعصبت عليهه وفجأة اجاني بوكس ع عيني
فهد.. سمعت كلامه وشديحجي وياها وهي هم رزلته وشفته لزمهه من زندهه اني عقل مضل براسي لزمته بوكسات وضرب كسرته بلكوة فكوني منه ونور تبجي وتصيح وخايفه شفتهه حتتخربط عفته واخذتهه وطلعت وهي بس تبجي وترجف حيل وكفت السيارة وحضنتهه حتى تهدء
نور.. ليش هيج سويت ابجي واحجي ويا
فهد.. شنو هالسؤال شنو يطخج اليفكر يمس شعرة وحده منج ادفنه والله انتي الي وبس وكافي مهزله اليوم نجي نخطبج رسمي ونلبس حلقات حتى محد يتجرأ بعد يحجي وياج واني اوديج واني اجيبج
نور.. سكتت مكدرت احجي شي خفت ليتعصب اكثر كتله رجعني للبيت اريد انام رجعني واتفقنه بالليل يجيب امه ويجي صار الليل واني لبست بنطرون وبدي شويه نازل يغطي الورك طبعا اول مرة البس بنطرون ماحبه ابد البس كوله فساتين اجوي اهله وهو هم بأعتبارهم مو غربه طلعت قدمتلهم عصير وفاتحوا ابويه بالموضوع واني كاعده متت خجل عفتهم وطلعت فهد ابتسم عرفني خجلاني وابويه وافق وكال لامي اسأليهه موافقه لو لا امي اجتي سألتني اني دنكت راسي وابتسمت امي كالت موافقه وسمعت الهلاهل من ام فهد وجكليت واجتي باستني وفهد كلاهم نترخص احنه حتى تاخذ راحتهه هي خجلانه هسه بعد متطلع راحوا واني ضليت بغرفتي خجلانه من ابويه وعمر مكدرت انزل ثاني يوم صار الدوام طلعت قبل ليكعدون رحت للدوام مشفت مهند يمكن خجلان مكدر يداوم بعد الصار لو وجهه صاير بنفسجي دخلت للشعبه والعيون كولهه عليه بسبب مشكلة البارحه واني خجلانه ع اعصابي خلصت المحاضرات ومن دارجع لكيت فهد منتضرني بباب الكليه بسيارته حتى نروح نشتري حلقات فرحان وعيونه تلمع وبنات الكليه غيرانات مني لان حلو ويحبني هيج والطريق كوله لازم ايدي واني كلبي يدك حيل من الخجل ومشغل اغنيه تامر حسني يحبيبي من حبي فيك هتجنن وانا اغنيلك من اليوم دة هحبك حب جديد يخلينيني حبيبي ادعيلك الله يباركلي فيك.........يتبع
