قصص فقط:
الشيخ فهد والعنودية
البارت السادس عشر
زوجة رافد... وبعدين لكفتهه تبحوش بالبوفيه مال عمي كتلهه شدتسوين كالت هيج بس طالبين مني جنسيتي بالدوام وداخذهه واني صدكت وبعد فترة اسبوع ضلت صديقتهه تتردد عليهه هواي ويكعدن وحدهن ويضحكن وشفتهه انطتهه فلوس هواي ومن سألتهه كالت يتيمه ومحد يصرف عليهه وهاي تاليتهه طلعت دتحفر حفرة ل فهد ومرتة
طيبة...كذذذذذذاابه كذذذذذابه لتصدكون بيهه كذذذذابه
ابو رافد... فهددددد
فهدد..نعم عمي
ابو رافد... ايدك الك كوم وجعهه حيل
فهدد.. كمت وكطعتهه كتل بالحزام الى ان خليتهه تعترف على سم الرادت تسمم بي نور بعرس رافد وكتلهه هالمرة الله رحمج وبس ضربتج تعرفين لو ابني ومرتي صاير بيهم شي جان دفنتج يا طيبة اقسم بالله جان دفنتج وعمي اتعذر مني ووعدني يجي بنفسه ويفهم نور ع كل الصار ويحل الموضوع
نور..اني ماتذكر شي كل ما احاول اصحه اتذكر الصور واضل اهلوس بيهن وابجي واصرخ وينطوني مهدئات وارجع انام الى ان صحيت محد يمي اتذكرت ابني حطيت ايدي ع بطني ودكيت جرس الممرضه مصحت حتى مينطوني مهدء اجتي الدكتورة وكتلهه ابني شلونه كالت وضعه زين الحمدلله بس محتاج رعايه منج لازم تكعدين وتاكلين حتى يتغذة اتشكرت منهه وبعد كم دقيقه دخلت امي حضنتني وباستني وخواتي هم وعمر وابويه ضلوا يشاقون وياي بس احس نفسي بغيبوبة مو صاحيه احس نفسي بحلم وراح اصحه ورة شويه طلعوا واني اتمددت واتذكرت من جنه مخطوبين وكاعدين بالمطعم ووعدني ميخوني ولا يكسرني نزلت دموعي واندكت الباب وشفت عمو ابو رافد دخل
ابو رافد..السلام عليكم بنتي
نور..وعليكم السلام هلا عموو داكوم وهو مقبل كال ارتاحي ارتاحي لتكومين
ابو رافد.. اجيت احجي وياج بموضوع بس اترجاج تسمعيني للاخير انتي بنيه عاقله ومثقفه وبنت اصول
نور.. تسلم عمو انتوا الاحسن
ابو رافد.. لا عمو لا احنه ضريناج واني جاي اعتذرلج عن كل سوء طلع من عدنه
نور.. دموعي نزلت ومعرفت شحجي وكتله عمو شيصلح الانكسر
ابو رافد... لا كلشي يتصلح ويرجع احسن من الاول بعد فهد يحبج وفهد تربيتنه تربية شيوخ ولتصدكين بيوم يسويهه ويخونج واذا سواها احنه ناخذلج حقج منه
نور.. شنو عمو انت الضاهر ممفتهم الموضوع كوله
ابو رافد.. لا افتهمت وفهد اجه بنفسه وشوفني وحجالي وطلع الصوج من بنتي طيبة
نور....هاااا😯😯😯😯😯
ابو رافد.. ااي مثل ما سمعتي ماخذه مستمسكاتي ومشتريه خط ودافعه فلوس علمود يفبركون الصور ل فهد وسوت هيج حتى تخرب عليكم حياتكم لان هي رادته وهو مرادهه
نور...😯😯😯😯😯الله يسامحهه جان خسرت ابني وجان خسرت فهد جان طشرت عائله كاملة بهذا تصرفهه
ابو رافد.. والله يا بنتي خجلان منكم وكضيتهه كضي من الكتل وغليلي مديشفه بيهه بس شسوي اريدج تسامحين رجلج وترجعين لحضنه وتنسين الصار وبعد متصدكين بكلشي تسمعين كبل ما تتأكدين
نور.. صار عمو كلامك هذا هواي ساعدني وردت الروح بيه اني جنت مقهورة منه وخايفه من الطلاك بس كلت بعد الصار ماكدر ابقه ويا بس هسه لا هواي ريحتني انت اشكرك هواي
ابو رافد.. اني الي اشكرج لانج بنيه ذهب ودرة مكنونة وبالعافيه على فهد عليج يستاهلج وتستاهلي اني طولت عليج اترخص منج مع السلامه وديربالج ع البطنج
نور..راح عمو واني حسيت هواي فرق بنفسيتي واتمنيت احضن فهد واعتذر منه اندكت الباب ودخل فهد اني شفته فتحت ايدي حتى احضنه وهو اجه حضني ودموعه نزلت اني اول مرة اشوف دموعه استغربت وانقهرت علي بسته واعتذرت منه وهو سامحني وباسني ووكال بعدني عند وعدي من كتلج ما اخونج ولا اكسرج اني ابتسمت وكتله يعني تتذكر كال ومناسي شي كل لحظه وياج اني اتذكرهه انتي احلى هديه انطانياها ربي وراها بيومين قررولي خروج من المستشفى رجعت للبيت استقبلوني عيالي واهلي ومسوين غده دولمه اعشقهه اتغدينه وحددنه موعد زواج هدى وعمر. والتهينه بيهم وبتحضيراتهم وصار العرس واني بطني كبرت شويه صرت بالشهر الرابع واجه فهد جايبلي فستان حوامل يجنن ويبوس ببطني
نور.. ااي من هسه طلع عينه وعلمه ع الدلال
فهد..شعندي غيرة لعد بس خل يجي خل اشوفه وشوفي شنسوي اني وياا
نور.. ااي يصيرون عليه علاوي وفهد
فهد... هههههههه يمه يمه شبيج متحلفه ومتنرفزة من هسه تغارين من عدنه
نور.... رحت علي وحضنته وكتله مو اخاف ياخذك علاوي مني واني ماتحمل تعوفني
فهد...لا لتخافين محد ياخذني منج ابقه الج
نور.. نشوف استاد فهد واخذني ع الجربايه ونزعني وباسني ونام وياي وحضني وغفينه وثاني يوم اتحضرنه للحنه وفهد خبلني ديربالج تركصين ديربالج تكعدين بنص النسوان اخاف عليج لتختنكين وتتخربطين ديربالج ليضربوج ع بطنج الى ان خلصت الحنه هو بس يحذر بيه وصارت الزفه اخذني بسيارته ويسوق ع كيفه قشمرني بس وصلوا للمصور غير الطريق واخذني نفتر وحدنه يكول مو عرس اختي هو ميصير اروح وانتي حامل ماكدر اعوفج وحدج تروحين سلمت امري لله وكضيناها نفتر وحدنه وبعدين رجعنه للبيت.....
