قصص فقط:
#الشيخ_فهد_والعنودية
البارت التاسع
نور.. اجتي ام فهد اخذت هدى واني منزلت وياها هوسه واختنك واخاف اتخربط
فهد.. ليش صافنه هيج بشنو تفكرين
نور.. ممفكرة بشي بس مليت من الهوسه اشتاقيت لبيتنه هيج وكت اني داحضر العشه ويه امي داحجي وحسيت سواد صار ع عيوني ودخت حطيت ايدي ع وجهي
فهد.. شبيج نور شبيج
نور.. مابيه شي بس اتخربط روتيني ودخت شويه
فهد.. انتي اتغديتي
نور.. لا
فهد.. اوف منج غير تحجين حتى اجيبلج شي تاكلي
نور.. لا مجوعانه بس دايخه
فهد.. انتضري هسه اجي لتنزلين رحت ع اسواق اخذتلهه عصير برتقال ونساتل ماعرف شتحب هي ورجعت انطيتهن الهه يله اكلي بسرعه
نور. مااشتهي
فهد.. لتضوجيني اكلي لتتخربطين ترى اخذج هسه للمستشفى يحطولج مغذي
نور.. لا لا راح اكل كلشي ولا الابر والكانونه اخاف منهن
فهد.. يله لعد اخذي اشربي العصير واكلي النساتل انطيتهيا ونزلت حتى تاكل براحتهه خاف تخجل مني وبعدين طلعوا من المصور وصعدوا بالسيارات واجتي هدى صعدنه وطلعنه للبيت صبينه العشه واخذت ماعون انطيته ل هدى
فهد.. هدى هاج هذا الماعون اخذي اتعشي انتي ونور ترى بالسيارة داخت لان ممتغديه خل تاكل زين
هدى.. ياا خطيه صح هي متغدت مماخذه راحتهه هنا تستحي من بيت عمي يله رايحه عليهه نور نور ووينج
نور.. نعم هدى
هدى. تعالي نتعشه اني وياج
نور.. ماكدر اكل هدى
هدى.. مو بكيفج تعالي اكلي فهد حجالي شلون دختي بالسيارة ليصير بيج شي ويحيرون بيج عيب تعالي
نور.. يله يله جايه هو اني اكدر عليج لو اكدر ع اخوج
هدى.. هههههه شبي اخويه غير يحبج ويخاف عليج
نور.. ااي 😊
طيبة.. سمعت كلامهن والغيرة اكلتني ومتت اتمنيت العرس يخلص بسرعه حتى تولي لبيتهم ومتضل قريبه ع فهد ومتحملت اسكت انتضرتهن يخلصن وطلعت هدى ودخلت ع نور
طيبة.. اسمعي لج تبتعدين عن فهد احسلج ترى والخلقج اندمج فهد الي وبس
هدى.. بعد ما طلعت من يم نور رحت كتله ل فهد يروحلهه لان هو وصاني بس تتعشه يريد يحجي وياها
فهد.. رحت وسمعت طيبة تهدد ب نور وتصيح عليهه
نور.. احترمي نفسج والزمي حدودج اني وفهد ماكو بيناتنه شي وانتي مريضه نفسيا وانتي وحده ماعدهه كرامه لان مجلبه لرجال ميحبج وكوة تريدي ياخذج
فهد.. من سمعت نور حجت هيج متحملت اسكت ردت طيبة تبتعد عنه وتأيس دخلت راسا وكتلهه لا اكو بيناتنه شي ليش تضمين انتي الي واني الج والطرف الثالث يبتعد افضله لان مراح يصير خير اذا ضل يتدخل بشؤون متعني
طيبة.. ماعوفكم تعيشون بسلام ومراح اتخله عنك بسهوله
فهد.. اليطلع بيدج سوي ولتقصرين
طيبة.. ماشي فهد نشوف طلعت من يمهم واني اغلي نار بكلبي وافكر شلون انتقم منهه صبوا جاي ورة العشه ورحت اخذت جاي وحطيت بي سم مال حشرات ودزيته بيد طفل ل نور حتى تشربه
نور.. كاعده اني وهدى احجيلهه ع طيبة وشسوت واجاني طفل شايل استكان جاي مهيل جذبتني ريحته احبه بالهيل اخذته منه وبسته كتله شكرا حبيبي
هدى.. هاي اكيد سوالف فهد ههههه بسيطه اني اعلمه يدزلج وميدزلي الي شلون مصلحجي هذا
نور.. ههههه روحي صبي واحد اني راح اشربه هذا طعمه يجنن
هدى.. ااي شربي عيني عوافي رايحه اصب واحد طلعت وصبيت استكان وشفت فهد وضربته ع صدرة كتله ااي اي بعدهه مصارت مرتك وهيج تداريهه وعفتني من تاخذهه شتسوي
فهد.. شدتحجين شمسوي اني
هدى.. مو دزيتلهه استكان جاي مو تدري بيه كاعده يمهه غير تدزلي واحد هم
فهد.. شبيج هدى يا جاي اني كلشي مداز الهه يجوز همه جابولهه
هدى.. هاا عبالي انت يله خوش رايحه يمهه عفت فهد ومشيت لكيت هوسه بالغرفه وصوت بنات يبجون ركضت لكيت نور متخربطه كتلهم شكو شبيهه كالوا فجأة راحت للحمام استفرغت من معدتهه واتخربطت ووكعت صارت هوسه رحت صحت فهد اجه ابوهه وعمر شغلوا السيارة وفهد اصر يروح وياهم وامهه هم راحت اخذوهه للمستشفى سوولهه غسل معده وكالوا عدهه تسمم صاير ماخذه سم حشرات ليش هيج صاير بيهه
فهد.. شنو دكتور شدتحجي معزومين بعرس وكولنه اكلنه وشربنه من نفس الاكل والجاي الشربته هي وامهه وابوهه واخوهه نفس الحجي كالوا وامهه كعدت تبجي وتكول بنتي مدامتلهه جان صار بيهه شي يربي شجابني ع العرس اني
فهد.. طخت براسي لغوة طيبة وحقارتهه واستكان الجاي الاجاها وحدهه واتطمنت ع نور من الدكتور كال لتخافون عليهه مابيهه شي تحتاج راحه شويه صاير عدهه ارهاق هم واترخصت من عمي ومنهم وطلعت للبيت شايط ع طيبه وصلت وصحتلهه خافت مقبلت تجي جريتهه من شعرهه وصيحت عليهه كتلهه بسرعه اعترفي انتي السويتي بيهه هيج مو ضلت تكول مو اني ومقبلت تعترف بشي وابوهه ضاج مني عباله اني داتهمهه باطل وزعل وعفتهم وطلعت رجعت لبيتنه
نور..فتحت عيني معدتي توجعني حيل وامي فوك راسي وابويه وعمر كتلهم شنو الصار كالوا طلع عندج تسمم معده وغسلوهه الج شكلتي ششربتي اجه الطبيب كال اتركوهه خل تتحسن لتضغطون عليهه واخذوني من المستشفى طلعنه ابويه كال نرجع لبيتنه كافي تعبنه..يتبع
