قصص فقط:
#الشيخ_فهد_والعنودية
البارت الخامس
طيبة.. هلاو هدى شلونج
هدى.. شفت طيبة وبكلبي كلت هم انتي شراح يشلعهه هاي هسه ادري بيهه محابتني تجي تضل تحجي ب فهد وهو مرايدهه اصلا هلاو طيبة الحمدلله انتوا شلونكم
طيبة.. الحمدلله تمام شلونة عمو وعمه وفهد
هدى..والله الحمدلله زين وشفت نور تفتر وحدهه صحتلهه نوور شافتني واجتي
نور.. افتر وحدي وشافتني هدى وصاحتلي رحت عليهه وبصفهه وحده ماعرفهه هلاو هدى همزين صحتيلي افتر وماعرف احد
طيبه.. ليش انتي منو؟؟
هدى.. هاي نور بنت عمو محمد وهاي طيبه بنت عمو ابو رافد اخت العريس
نور.. اهلا وسهلا حبي صار هواي ممتشاوفين ومتغيرة انتي
طيبة..ااي صايرة اجنن اني كولهم محد عرفني😏
نور..😕شبيهه هاي شدتحس ردت اضحك بس سكتت صحيح هي حلوة بس مو معناها هيج تحمد بروحهه ومحبيتهه حسيتهه متعجرفه ومغرورة
هدى..يا نسيت فهد وصاني ع كم شغله اروح اسويهن
نور..براحتج حبي
طيبة..شنو وصاج اسويهن وياج اني
هدى.. لا ميحتاج هنه ملابسه احضرلهيا حتى يجي يسبح ويبدل
نور.. راحت هدى واني كمت من يم طيبة لان محبيتهه ابد ورحت يم خواتي كعدت وراها جهال اختي رادوا ينامون ولازم هدوء اخذناهم اني واختي بالطابق الفوك حتى ينامون
فهد.. خلصت كولشي وبقه بس اسبح وابدل وتبدي الونسه ويه ولد عمي وعمامي دخلت كتلهه ل هدى حضريلي الحمام
هدى.. اني عرفت نور صعدت فوك وفكرت اقربهم اكثر هي وفهد صعدت حضرتله الحمام الفوك ومحطيتله خاولي حتى من يصيح ع خاولي ادزة بيد نور
فهد.. ها حضرتي الحمام هدى
هدى.. ااي حضرتلك الحمام الفوك لان الجوة مشغول ديسبحون بي
فهد.. ماشي راح اصعد
طيبة.. فهد اذا تحتاج شي كولي بيتك هذا اخذ راحتك
فهد..😒 شكرا ما احتاج هدى موجوده
طيبة.. بكلبي كلت😏😏😏قابل شكد تضل تكابر يجي يوم وتوكع بيدي وتصير الي
هدى.. نور فدوة اني راح انزل جووة ديصيحلي ابويه وفهد راح يصعد يسبح بالحمام من يريد المنشفه انطهيا حبابه وانطي ملابسه لان ميقبل اخليهن بالحمام هو كال ضلي لازمتهن وواكفه بس اني ابويه رايدني اخاف اترزل فدوة هاي هدومه والمنشفه اعتمد عليج
نور..هدى بس
هدى.. يله رايحه حبابه ماكو بس اعتمد عليج ولتنطيهن ل طيبه ابد ترى اني اوكع بيهه ميقبل ترى ميحب طيبه يضوج منهه
نور.. اني ضليت لازمتهن وواكفه اجه فهد شافني استغرب
فهد.. هاي ملابسي؟؟
نور.. ااي هدى وصتني عليهن لان عمو صاحلهه واني مكدرت اخليهن بالحمام لان كالت يتنكعن والدشداشه يخرب الاوتي مالتهه
فهد.. حصرتني ضحكه كوة لزمت روحي عرفت هاي هدى الملعونة هيج سوت متعمده حتى تقربهه مني اتشكرت منهه وكتلهه ما اتاخر هسه دقايق واخذهن منج ودخلت اسبح وسمعت صوت طيبه تحجي ويه نور
طيبة.. اجيت لكيت نور شايله ملابس فهد وواكفه بباب الحمام اتخبلت هاي شدتسوي شنو دتتحداني لو عبالهه اعوف فهد الهه نجوم السما اقرب الهه من هيج موضوع هاا نور شعندج هنا واكفه وملابس فهد ليش عندج
نور.. هدى وصتني عليهن لان عمو صاحلهه
طيبة.. ها وفهد وين ؟؟
نور..بالحمام ديسبح
طيبة.. ماشي انطيناهن وروحي ارتاحي انتي اني الزمهن بمكانج
نور.. اتذكرت كلام هدى من كالت فهد يضوج منهه وتترزل اذا انطيتهن الهه وكتلهه لا عمري مو مشكله اني ماعندي شي واكفه هنا
فهد.. اني اسمعهن واضحك راح يتكافشن ع الملابس
طيبة.. اخذتهن منهه بقوة وكتلهه لا انتوا خطار واحنه نقوم بواجبكم روحي ارتاحي
فهد.. مديت راسي من الحمام وعطت بيهه طيبة ماكو داعي لهاي التصرفات ومحد طلب منج تلزميهن انتي وكملت اني انطيهن الي
نور.. اني من يمي خجلت وعفتهم ورحت بس هي ولا خجلت عبالك ماعدهه كرامه
طيبة.. وشدعواك عيني شيخ فهد هاي فوك الزين مالتي
فهد.. ليش تعاملتي وياها بهيج اسلوب مو عيب مو خطار هي يمج
طيبة.. وانت ليش ضايج عليهه هلكد مصار نص ساعه من شفتهه واتعرفت عليهه
فهد.. بلا كلام فاضي هي بنت عمي مو غريبه
طيبة.. واني شنو بنت البطه السودة
فهد.. انتي النقاش وياج ميخلص عن اذنج مشغول هسه
طيبة..😠😠بسيطه نور اني اعلمج اني يرزلني من وراج فكرت اخرب عليهه متعة العرس ورحت اخطط الهه بخطه جهنميه
نور.. يله نادين نرجس شمنتضرين خل ننزل نحضر العرس
نادين نرجس ... ماشي يله خل ننزل
طيبة.. فدوة نور بلكت تحطيلي ميكب ماعرف شي اني بالمكياج
نور.. اوك ادللي تعالي اكعدي هنا
نادين نرجس..احنه راح ننزل وانتوا خلصوا وتعالوا ورانه
نور طيبة.. اوك يله
طيبة.. دتحطلي نور مكياج وتقصدت اوكع مكياج ع ملابسهه يااا اسفه اتوصخت ملابسج
نور.. يوووو ااي والله شسوي هسه شلبس
طيبة.. مو مشكله روحي اغسليهن بالحمام واني راح انزل ومشكورة ع المكياج تعبتج
نور.. ماشي حبي رايحه
طيبة.. راحت نور للحمام وخليتهه تندار واجيت بدون متشوفني قفلت الباب عليهه واخذت المفتاح ونزلت جوة ...يتبع
