قصص فقط:
البارت السادس
نور.. طبيت للحمام وطبكت الباب وراها سمعت الباب انقفلت اني اتخبلت يربي شسوي كولهم جوة وصوت االدي جي عالي محد يسمعني هسه اذا اصيح شلون هسه وكتهم يقفلون البوب هاي شلون ورطه ضليت كاعده بالحمام تقريبا نص ساعه وراها احتصرت كمت ابجي
فهد.. كملت كشخه واجيت لبست ساعتي واتذكرت المحبس مالتي بالحمام عفته من ورة طيبه البومه صعدت داجيبه فتحت باب الحمام مقفوله متنفتح
نور.. شفت يدة الباب ديحاول احد يفتحهه وميدري مقفوله كيفت كمت اصيح اني هنا عفيه فتحوا الباب مقفوله عليه
فهد.. استغربت هذا صوت نور بالحمام ومقفوله الباب عليهه كتلهه منو قفل الباب عليج
نور.. ماعرف جنت احط مكياج ل طيبه وملابسي اتوصخت اجيت اغسلهن وانقفلت الباب عليه افتحهه عفيه اختنكت ماتحمل بعد صارلي نص ساعه هنا
فهد.. من جابت طاري طيبه عرفتهه هاي هي هيج سوت مجنت غلطان من اكول عليهه خبيثه واضوج منهه كتلهه يله ماشي لتبجين هسه راح اجيب المفتاح واجي افتحلج الباب دقايق بس انتضريني دكيت ع هدى
هدى.. الو ها فهد
فهد.. طيبة وين؟؟
هدى.. شعجب دتسأل عليهه
فهد.. بس كوليلي وين اذا يمكم كوليلهه فهد يريدج خل تطلعلي
هدى.. اي يمنه هسه اكولهه ...طيبة طيبة
طيبة.. نعم حبي.
هدى.. فهد يريدج برة الديوان
طيبة.. هاا صدك ااي راح اطلعله هسه
فهد.. واكف واغلي من وراها شسويلها هاي حتى اتوب مني يعني مجرد رزلتهه راحت حبستهه بالحمام هسه اخاف اضربهه وتروح تخنكهه لو تسويلهه مكسورة ثانيه وياها شسويلهه بالله هاي
طيبة.. رحت لكيته واكف كتله ها فهودي اامرني
فهد..😠 انطيني مفاتيح الحمام محبسي نسيته هناك
طيبة.. هاا ماعندي المفتاح ليش منو قافله الحمام
فهد.. طيبة انطيني المفتاح ترى والله هسه اخذج فوك واحبسج مثل ما حابسه نور واكول ل عمي ع تصرفج الغبي هذا مو عيب عليج انتي شنو من بشر مفكرة بهذا تصرفج راح احبج لو انجذب الج
طيبة..😢 واني شنو ذنبي اغار واحبك شنو انت متحس بيه ليش اني بالذات متستلطفني ابد
فهد.. اسألي نفسج ليش ما استلطفج هذا ابسط شي هسه شفتي شسويتي ويه البنيه انطيني المفتاح بسرعه
طيبة.. هاك اتفضل هذا المفتاح بس شيل نور من بالك اني اوله بيك منهه هي متحبك ولا جانت تعرفك قبل هسه ياله عرفتك وله اكولك اني صاعده افتحلهه الباب
فهد.. عطت بيهه معليج انتي بيهه ارجعي دخلي للديوان وياويلج اذا الكفج مسويه بيهه شي ثاني
نور.. كاعده واختنكت حيل والضوة مطفي واني اختنك واتخربط اذا انحبس هيج حبسه ضلام ومكان غريب عليه محسيت ع روحي اتخربطت
فهد.. فتحت الباب الهه وشفتهه واكعه وملابسهه دلعه من ناحية صدرهه احتاريت مدري اشيلهه مدري استرهه شلتهه وايدي ترجف لامسهه وحاضنهه ع صدري وحطيتهه بالغرفه البصف الحمام واخذت مي وعيتهه خفت عليهه من شفتهه هيج بدت شويه شويه تفتح عينه شممتهه عطر وصحت كتلهه خيرج شبيج شنو ضغطج يهبط
نور.. دموعي نزلت وكتله لا اني ما اتحمل هيج مواقف اختنك واتخربط منو هيج سوة بيه غير ينتبهون منو بالحمام قبل ميقفلون الباب وبعدين كمزت اتذكرت فستاني دلعه وانتبهت هو مغطيني اتشكرتة
فهد.. ماكو داعي تتشكريني اصلا اني خفت عليج من شفتج واكعه يله الحمدلله ع سلامتج
نور.. الله يسلمك
فهد.. تحبين تبقين نايمه واصيحلج هدى يمج تجي خاف تحتاجين شي
نور.. لا تسلم اني مابيه شي هسه انزل يمهم عيب منهم عبالهم ماحب اختلط بيهم
فهد.. اوك براحتج بسسس
نور.. شنو ؟؟
فهد.. مالج علاقه ب طيبه شكد متكدرين ضلي بعيده عنهه ماشي
نور.. ليش شبيهه طيبة؟؟،
فهد.. هي شويه تغار وانتي ماشالله عليج احلى منهه وماعتقد حبتج
نور..😳 اني خجلت ودنكت راسي
فهد.. هههه خجلتي يله اعتذر اني عن كلامي
نور .. لا مو مشكله اخذ راحتك اشكرك مرة ثانيه
فهد.. بكلبي كلت يوم انشالله تصيرين الي وبحضني وكتلهه ومرة ثانيه اكولج ماكو داعي تشكريني اي شخص بمكاني جان سوة هيج يله نازل اني عفتهه متمدده وونزلت واتصلت بهدى وصيتهه متشيل عينهه منهه وديربالهه عليهه من خباثه طيبة
نور.. كمت اني وافكر اكول شكد عيب هسه شيكول عليه زعطوطه وتخاف من الضلمه لو بيهه حاله نفسيه وهيج صار بيهه نزلت جوة ويه البنات وطيبة تباوعلي بعين غضب واني شكيت بيهه هي قفلت عليه الباب احتمال غارت ع فهد لان شافته مهتم بيه وهي رايدته مريضه شكد خبله تصرفهه مو مال وحده ادميه حقه فهد يضوج منهه تركتهه واندمجت وياهم بالحفله وكالوا راح نروح نحني العروس لبسنه دنطلع جان يصير فهد كبالي كلي لتروحين انتي راح تصير هوسه واخاف متتحملين
نور.. استغربت من شفت اهتمامه بيه واستغربت اكثر من نفسي لان مداعانده ليش هيج مسلمه امري اله قررت ارجع لوعيي واشيل هاي السالفه من بالي اني مو مال حب وارتباط اني ببالي طموحي وبس كتله لا اروح وياهم
فهد.. شفتهه عاندتني مكدرت الح وياها خليتهه ع راحتهه بس كلبي يغلي من وراها اخاف ليشوفهه احد غيري..يتبع
