#ولد_الخالة
الحلقة التاسعه
-انور: كلميهم توة يا خالتى
-حورية: ياوليدى هيا مش حكاية عناد .. تظلم
روحك وتظلم البنت اللى بتاخدها معاك
-انور: مادخلكش انتى يمى .. انا نعرف من اللى داير
الملعب هدا كله..نقص ايدى من حيث ما نبتت كان
ماتطلعش هند هيا اللى دايراته الدابر هدا
-احلام : يا حورية البنت واضحه ماتبيش انور.. من
لما قلنالها عليه نطت قالت مش موافقه .. تبى الحق
وخيتى انتى بديري راس كنه ابعدى عن العيلة
افضلك ..هدا يبي هادى ..وهداكه يبي هاديكه
..انا رائي طلعى روحك وولدك وبنتك من هالموضوع
كله
-حورية : تصدقى ..اقسم بالله صدقتى .. مالى انا
ومال المشاكل ..واصلا الكنه ديما مكروها مهما ادير
للحماوات ..
اسمعى ترا احكيلى عالبنية بنت شكون ووين تسكن
-انور: قبل ماتحكيلنا ياخالتى اتصلى بالناس وخودى
منهم موعد توة..قوليلهم بنجوكم غدوة
-حورية : كيف غدوة يا وليدى غير خلي نفهمو روسنا
من رجلينا ونشاورو بوك
-انور : بوى اللى خواته يلعبو بيا ومش محترمينه ولا
مقدرينه ...بالضرورة اليوم قبل غدوة تمشى
وتخطبيلى .. وعماتى راضيه ودهيبة هما اللى يمشو
الاولات قبل كل حد ..بيش يعرفو الدنيا مش واقفه عليهم
-احلام : تعالو نحكيلكم عليها البنية اصلها ومفصلها
وامها وبوها
" يانارى وجعاته روحه نويرة 😁😁"
___________________________
-المهدى: وخيرك ماقلتيليش يا راضيه
-راضية : عييت وانا نقوللكم اعطو للبنية مهلة تفكر
...وانتم شى ولا من فهمنى
-المهدى: انا لقيت البنية فرحانه سايرتها مانحسابش
هالموضوع صاير
-راضيه : انا والله ماعندى فرق بيناتهم لكن مدامه
رديت الاول غلط نقبل الثانى
وشرين تليفون راضيه
شافت الرقم لقاته رقم حورية مرت خوها
-راضيه: ياحليلى حورية سمعت .. كيف بندير وشن
بنقول توة ..والله مافيا وجه نرد
