#ولد_الخالة
الحلقة الرابعه
بقلمى زهور جمال الدين 🍃
نعمات مشت مع خالتى راضيه وعمى المهدى
لحوشهم بيش زعميتا بتقعد معاهم مؤقت مابين
مارجعلتها الداكرة
زوجين من اطيب الناس فى طرابلس
عمى المهدى يشتغل مدير قسم فى مصرف التجارى
وخالتى راضية تخدم مديره مدرسه اعدادية
مراءة ملتزمه بعملها ...كل يوم تلقيها هاديكه القونه
والكحلة والدجاكة الرسميه ..وقانطه الحجاب ..ومن
الساعه 7 ونص متواجدة فالمدرسه
سعيدة جدا فى حياتها شيبانيها مدللها تقول عروس
..مفيش غصه فى قلبها غير كلمه يمى
ولما شافت نعمات شدت فيها بايديها وسنونها ..البنية
ناسية كل شى ..وليها توة قريب الشهر ولا من نشد
عليها
وخالتى راضيه مقتنعه انها هيا اولى الناس بيها
وعمك المهدى حتى هوا فرحان بيها خيرات الله 😁
واخيرا سمع كلمة جيب يا بوى ..هات يا بوى
هيا صح قاعدة كيف جتهم ..لكن هما طول انسجمو
معاها بالرغم هيا متحفظه هلبا ..
وقررت خالتى راضيه من ثانى يوم تنادى خواتها
وصغارها و خوها ومرته وصغارهبيش يتعرفو على
نعمات
باعتبار ان شيابين راضيه متوفيين .. وعندها راس
حمي تسكن فى امريكا
لكن نعمات قالتلها يمى امس جيتك واليوم بنتعرف
على خواتك..نحس مفروض نزيدو ايامات عالاقل
ناخد عالجو شوى
-راضيه : هادو خالاتك يابنيتى وصغارهم لازم
تتعرفى عليهم
ومع هدا اصرت نعمات ان امها اتأجل الموعد وبالفعل
اجلاته
نعمات جتها الاحد وهما عطتهم موعد الخميس
يجوها
وكلهم رحبو طبعا
___________________________
فى نفس اليوم فالليل جى اسامه لحوش خالته ...
قال لخالته ناديلى نعمات .وبالفعل نادتها ...
-اسامه : اسمعى يابنت الناس انا منخدمش فطرابلس
