#ولد_الخالة
الحلقه العاشرة
-احلام : شنو رايك يا حورية فالناس الل مشينالهم
امس
-حورية : خياااار الناس ..ماشالله عليهم
-احلام : والبنية شن رايك فيها عجباتك
-حورية : محلى ضحكتها ..ومحلى شعرها ..ومحلى
ادبها
-نوال : الفايدة فالفلاحه يااام اللى تقولى فيه انتى
كله زايد
-حورية : الفايدة فالادب .. حتى كنه تحترم راجلها
وعزوزتها باهية ...شن بندير بيها فالحة ولسانها مش
مهنيها
-احلام : والله صدقتى يا حويرة ..
-نوال: حظوظ الدنيا ..هانا متادبات وفالحات وما
ناقصنا شى والناس انعمت علينا
-احلام : الناس مش معمية عليك يا نوال ..انتى اللى
محددى نضرك لناس معينه بس
-نوال : زايدة الدوة معاكم ..
وناضت خشت لدارها وخلتهم فالصالة
_______________________________
منعم واقف قدام باب حوش المهدى ويشرين
-راضيه : نعمات تعالى افتحى الباب
المهدى مقعمز يفطر ..شرين تليفونه .. شاف لقاه انور
يتصل
نزلت نعمات من الدروج بتمشى للباب ليش تفتح ...
والمهدى رد على تليفونه
-انور: صباح الخير عمى المهدى شن حالك
-المهدى : صباح الخيرات يا انور
-انور : غير عمتى راضية نست جزدانها عند العويلة
اللى مشينالهم امس ...
وبعتوهولها مع ولدهم منعم ..وانا بعيد توة فوصفتله
الحوش وتوة واقف قدام الباب ..كانا مفيهاش تعب
اطلع خوده منه ياعمى
وينط المهدى المهدى يوقغ وهوا يرعش مع بعضه :
نعمااات وقفى ماتفتحيش
نعمات وصلت فم الباب وتلفتت لبوها انخلعت من
العيطه اللى عيطها
-راضيه: بسم الله... خيرك يا مهدى
-المهدى: لا لا شى .. غير هدا راجل برانى جاينى
توة كلمنى عالتليفون ...خشى انتى تو نفتح انا ...
-نعمات : باهى يابوى
