حكآية مرآهقة 💚
هـييي هييي لايك فانزي والله تفاعل اخـي بـكل ره مـنـبيش نديـر زي النـاس الـي يكـرّهوك فـ روايـاتـهـم 😞😞
_________________
الحلقة الرآبعة 🍃
طلعنا مع خويلة و وصلنا للمدرسة واول ماخشينا نسمعو في صياح بلقيس 😳
طلعت نجري اني ورغد وراء المدرسة لقينا تلاتة ولاد شادينها ورابطينها عـ الكرسي 😱😱
اني : تييي حووول خللي البنت في حاالها
الولد : اممشي انتي خير مانحطك معاها توا
اني : اااااممممممم به به هي رغد
بلقيس : سسمرر رررغد ساعدووني بالله عليييكم 😢😭😭😭 اني اسسسسفة سممرر ساعـدييينيي بالله علـيـک ،،😭
غـمـزتـلـها مـعـنـاهـا غر ستنيني شوية بس
( بلقيس صح هيا مش كويسة وامس كيف متعاركة معاها لكن مهما كان فـ الاخير هيا بنت عمي )
الولد : ضـمـي فـم امــک 😡😡
مشينا اني ورغد جيهة الروشن متع الادارة وطبسنا لقينا قردل ( سطل ) امعبي المية متع المكيف ...💧
شبحت ل رغد وقمناه ومشينا وقفنا قدامهم وهوا القردل حطيناه ورانا ....😂
اني : شنييي متبوش تخلووها ؟!
الولد كيف بيقربب ...
اني : ها ها ها متقربش خيرلك ولا نقولك تعالى تعالى
وغمزت لرغد وقامت هداكا القردل وبزقاته عليه هوا والولاد الزوز الي معاه 🙈
اني : باش تسمع الكلام مرة تانية ...😉
ومشيت نجري فكيت لبلقيس الحبل ومشينا نجرو نخبطت في ولد طول وعرض مشاء الله ......
اني : ااه سوري سامحني
زين : اشبحي قدامك مرة تانية
اني : قلنااا اسفة سوووري شن اطرش انت 😑 شن المدرسة هادي
زين شدلي مرفقي ...
زين : شكلک تبي تندفني حية انتي ولا ؟!
اني : اطللق ايدددي عسااس خوفتني توا
طلق ايدي و مشيت لقيت الولاد هدوكا يدورو علينا و مشي شبحونا وقعدو يجرو ورانا وحني نجرو لين جت وقفت قدامنا ابلة .... 😳
الابلة : خيركم تجرو شن في
اني : اه ااا لالا نلعبو بس 😊
الابلة : وتلعبو مع الولادد ؟!
اني : اي 😊
الابلة : به هيا الطابور بيبدا
ومشينا جيهة الطابور ودرناه وقسمو الفصول واني جيت اولى / 3 ..👅 وجت معاي رغد 😍
خشينا للفصول وقعمزنا في المقعد التاني صفة الحيط ....
جو بنات و ولاد وخشو الفصل ودوشه ودنيا لين خشت الاخصائية ......
الاخصآئية : اولى تالت سجلو جدولكم هي
وقعدنا نسجلو ف الجدول وكانت الاولى رياضيات ❤
خشت ابلة الرياضيات اسمها ( فاطمة )
فاطمه : السلام عليكم
نضنا كلنا : وعليكم السلام ورحمة الله وبركاته
فاطمة : قعمزو
قعمزنا ....
وشرحت درس وكتبنا والابله كويسة هلبااا وطيبة مع البنات لكن مع الولاد وعرة شوية ( يستااااهلو 😜 ) طبعا اني منتبها لاني نحب الرياضيااات هلباااا 💛
فاتو 3 حصص وكانو مملاات جدآ جت بعدهم الاستراحة وطلعنا اني ورغد قعدنا نهدرزو جي وقف علينا وليد كويس وشاطر معانا ف الفصل
الولد : سلام عليكم
اني ورغد : عليكم السلام
الولد : اني سامر وانتو رغد وسمر ولا ؟!
اني حسيته كويس وغير ع باقي الولاد ومتأدب ...
اني : عاشت الاسامي سامر اي حني رغد وسمر
سامر : اها عاشت الاسامي ههه لكن مني رغد ومني سمر
رغد : اني رغد
اني : واني سمر
سامر : اه باهي منسألك كتبتي في الكيمياء مبكري ؟!
اني : اي كتبببت تبيها الكراسة ؟!!!
سامر : اييه بالله منبيش الدروس يتراكمو عليا
اني : تمام مالا خلي نحل السؤال الي عطتهولنا لان غدوا بتشوفه باش نعطيك تروح بيها
سامر : خودي راحتك اني بنمشي مع الولاد توا وبعدين ف الفصل عطيهالي
اني : خلاص تمام
سامر : منوورة سمر 😉
اني : بوجودك سامر ☺
وجوه الولاد ومشي معاهم ...
اني تلفتت لسمر ولقيتها متكيا وتتفرج ..
اني : هييي انتي مش راي ره
رغد : هممم شن هوا
اني : ان الي يجي نقعد ندوي معاه اني وانتي ولا حرف
رغد : والله شن تبيني نقولـ...... ( وهيا كيف كملت كلمتها قعدت تشبح قدام وتزمط في ريقها وارتكبت )
اني : خيرك تقول من ركبك في بريزة اتريك 😕
رغد : اممم اششــببححي قدامكك 😰😲
اني تلفتت ولقيت نص ولاد المدرسة واقفين قدامنا واغلبيتهم سنة تانية وتالته وكان واقف اولهم هداكا الي صبيت عليه مية 😂 ( اسمه محمد )....
اني : شن في خيركم واقفين زي باب الحارة 😕😕😕
محمد : هاهاهاهاها دمكك خفيييف هلباا تعرفي 😑
اني : تي برا بالله عليك وانت منضرك زي ابوظافر 😒
محمد : تعرررفي انتي وحددةة $/#/^ و /^#$&&^: والله نديرررلككك العااااررر ره متعررفيينييش اننيي 😡😡😡
اني : هههه عصابك يا مستر 😂
رغد نخصتني من التالي يعني سيطري ع روحك شوية لان حني زي ماتعرفو معندناش خوت ولاد يدافعو علينا ....
اني : باهي هي انت شن جاي تبي 😑
محمد : امممم ههههههه شن رايك محمد بجلالة قدره جاي يبيك تتأسفي منه
اني : وامممممبه وبعدين ؟! قصدك انت بديرلي نضام الكراامة والجو هداكا !!؟ لا ي وخيي فووتني خيير ...
محمد : هههههه تندمي رررره .!!؟
اني بلعت ريقي وقمت راسي جت عيني ف عين سامر قعدت نشبحله بمعنى تعالى انقدني بالله عليييك 😦
طبست راسي وبعدين شبحتله ...
اني : كلمة اسسفة مش حانقولهالك ومنبيكش تسامحني ولا طلبت منك السماح اصلا 😑
محمد : هههههه صار انتي هكي ؟! باهي ببه كان مربيتكش يا اللي اسمك سمر منتسمى محمد 😡
اني : ياامااميي خفتت تعرف بنمووت من الخوف 😢 تي برا اني منخافش من حد واني متربية مش زيك يبي إعادة تأهيل ف التربية 😑
محمد : تي اقسسسمم بالله مضضممييش كشختكك نقتتتل بووككك فااهممة 😡😡
اني ولعت معاش عرفت نسككت بككل
اني : تتتقتتتل باااباااا 😡 اصلااا بابا كانه حي اني مش هنني 😭 اني شني جيبننني فيهااا المدرسة المتووحشة هيااا 😭😭 متعرفووش تراااععوو ضررووفف الننااسس 😭😭 واننت مداايرللي رروووححكك راااجل لاا لاااا يا استاااد متحساابنييش زي ايي بنتت اننيي رره 😠 لكن بنقوولك كللمة بسس ( حسببي الله ونعم الوكيــل فيّـک ) فتحتلي جرحي وخليتني ندكر بٱٱبآآ الله يرحممه 😭
واني مكملتش دوتي ناضت رغد ...
رغد : قسماًاًاً بالله ككان متمشيش تقلب وجهكك يا فرررخ انت اقسم بالله ليلتك سووودة تحساااب روحكك رااجل راك والله ماهي رجوولية الي يدير هكي يا دكتووور ررراه امشي اقلبه وجهكك خير مايصيرش خيير توواا😡😡😡😡
شوية نشبح في سامر جاي يجري هوا وقروبه طبعا قروبه مخلط سنة اولى وتانية وتالتة ....
سامر : ي ستار شن فييي خيرك ي محمد
محمد : اقسم بالله غر جيتو بنات كان هدا ماجاباته امه الي يقولي هكي
سامر : غر اهددى يا رااجل بناتت هادو هييييي هيييييي امشوو شن في خيركم متلميين وانت خيرك يا محمد جايب نص المدرسة تي رااااهو بنااات يا راجل خيرك الزفت ..
رغد : سمر هيا نمششو 😒
اني : به 😢
ومشينا ....
رن الجرس وخشينا الداخل وكانت عندنا الخامسة احياء و غايبة ....
رغد : خلاص يا سمر بالله عليك معاش تبكي بتخلييني نبكي ع بابا حتى اني 😢
اني : به به خلاص 😧 ييييه نسيت سامر يبي كراسة الكيمياء
طلعت الكراسة ومشيت لمقعده ..
اني : اححم سامر ؟!
سامر تلفت ...
سامر : ايواه
اني : هاك الكراسة واسفة ع الي صار مبكري
سامر : لا عادي منوورة 😉
ومشيت ...
الولد الي وراه : اووو تي طرف البنت هادي والي جنبها رره
سامر : تي تحشم الزففت
ومر الوقت وكل تنين يهدرزو مع بعض وحني مرة مرة نهدرزو مع البنات الزوز الي قدامنا طبعا وحدة اسمها نورا و وحدة اسمها راما كويسات هلبا 😊☺
مر الوقتت وطلعنا ف المرواح وقفنا قدام الباب نستنو في ماما .....❤
جي وقف جنبي سامر ..
سامر : سمر خيرك مبكري كنت تبكي
اني : اممم لالا شي خشتلي حاجة في عيوني
سامر : كان خشتلك حاجة حتى صوتك يتغير ؟
اني ( تنهدت ): اااااااهه سامر بالله عليك قول لمحمد هداكا يطلعني من راسه
سامر : متخافيش منه كويس الولد ره
اني : اني مش خايفة منه اني الي حرقلي دمي انه وصل في بابا الله يرحمه
سامر : ااه الله يرحمه ويوسع عليه سامحيني دكرت لكن تم موضوع محمد طلعيه من راسكك
اني : تمام هي ماما جت سلام
سامر : سلام اسمعي استني عادي تعطيني ايميلک ع الفيس بالگ نحتاج حاجة ولا تحتاجي حاجة تكلميني
اني : به **** وتلقى صورتي ###
سامر : تمام هي سـلام
رغد : هي خويلة جت
اني : هي جاية
ركبنا السيارة ووصلنا للحوش لقينا .......😳
___________________
زعما شن لقو ؟!
وهل هدا الشي مفرح ولا لا ؟!
انتضروني في حلقة جديدة من رواية
《 حيآة المرآهقةة 》
الكآتبة : غفرآن 🙈🙋
